教育王國
標題: 愈補愈差 [打印本頁]
作者: Nikki1023 時間: 17-1-16 22:42 標題: 愈補愈差
請問有冇人試過補習補得愈多成績愈差，之後停晒d補習成績反而好了？
作者: 1998Ruby1998 時間: 17-1-16 23:32
我試過，都見過有幾個同學係咁。
作者: Nikki1023 時間: 17-1-16 23:37
回覆 1998Ruby1998 的帖子
可分享下嗎？我現在很苦腦，吾知仲繼吾繼續補女子
作者: 1998Ruby1998 時間: 17-1-16 23:59
本帖最後由 1998Ruby1998 於 17-1-17 00:04 編輯
回覆 Nikki1023 的帖子
父母以為「越補越好，唔補越衰」，點知因為時間排得太滿，個人體力不支，成日補習／學校釣魚，因為唔夠訓脾氣仲差左。以前仲有補好串果個 Jxxxxx Li 英文，佢成日話我咁樣英文成績唔會好，但係佢教果d 生字 grammar 淺到離譜，搞到我自己好迷茫，英文成績差左，結果唔補，英文成績好返好多。
趁依家小學，成績未算好重要，試下三個月唔補，靠自己，睇下會唔會有進步？一個月起不到很大作用，太短時間。呢樣唔得，咪試第二樣，唔好獨孤一味，一定有一樣係當中裡面有最大同最好作用。就好似我地病左，食開左隻藥唔得，我地都會試下第二個醫生／藥／治療方法啦。
作者: Gella77 時間: 17-1-17 01:11
Nikki1023 發表於 17-1-16 22:42 
請問有冇人試過補習補得愈多成績愈差，之後停晒d補習成績反而好了？
其實越補越差系因為基礎太差，吸收唔到，所以越補越差定系因為唔想補習？！
作者: Nikki1023 時間: 17-1-17 06:59
回覆 Gella77 的帖子
係基礎差，由一年級去補習功課班，當時都係科科剛合格，因太多人集中吾到，到二年級中英數全轉一對一專科班，已經改善左吾集中的問題，但老師教咩吸收吾收，今堂教完，下堂忘記了！而且補習老師係人地介紹，多人補過都有進步，我自己亦覺老師很用心，但二年級考試全部吾合格，其實知道因為佢冇興趣去讀，並不是能力問題，因佢彈琴跳舞都好出色，呢方面専注力同記憶力也很強！但不知怎樣令她對讀書有興趣！
作者: CrabPincers 時間: 17-1-17 07:26
Nikki1023 發表於 17-1-17 06:59
回覆 Gella77 的帖子
係基礎差，由一年級去補習功課班，當時都係科科剛合格，因太多人集中吾到，到二年級 ...
如果是讀書無與趣，神仙補都無用
不如搵下佢點解無與趣先？是因為成績差（小一）無成功感，或是太多補習，所以討厭？定是學校程度太深，不岩佢？
作者: Nikki1023 時間: 17-1-17 08:25
回覆 CrabPincers 的帖子
默書都試過幾次九十分，佢成績差時亦會吾開心（放學時果幾分鈡)，平曰叫佢溫書就吾開心，反而一話跳舞彈琴就好開心，平時全部時間用曬去補習溫書，都冇時間去練琴同練舞，每次只靠每堂上的45分鐘去學，但反而出來成績十分之好，所以我先覺得佢係讀書冇興趣先搞成咁
作者: irenelwl 時間: 17-1-17 09:05
回覆 Nikki1023 的帖子
學校老師有無建議? 如果吸收唔到補習係無意思，我女當時都係咁。
作者: Nikki1023 時間: 17-1-17 10:29
回覆 irenelwl 的帖子
咁你之後點幫佢？老師話如下學期都吾合格就要留級
作者: little_yolky 時間: 17-1-17 13:15
Nikki1023 發表於 17-1-17 08:25
回覆 CrabPincers 的帖子
默書都試過幾次九十分，佢成績差時亦會吾開心（放學時果幾分鈡)，平曰叫佢溫書就 ...
作者: 王家爸爸 時間: 17-1-17 13:43
如果係大班，大部分補習都係壞處多過好處，越補越差好正常。
作者: 王家爸爸 時間: 17-1-17 13:47
1998Ruby1998 發表於 17-1-16 23:59
回覆 Nikki1023 的帖子
父母以為「越補越好，唔補越衰」，點知因為時間排得太滿，個人體力不支，成日補習 ...
作者: tkinwong 時間: 17-1-17 13:59
我小朋友剛讀了四個月小一，我悟出的道理是，家長是最好的補習老師。
初時我都很繄張要搵補習，但因為沒有找到好的，就自己跟。自己跟的好處是小朋友那裡不識，那裡要強化，有什麼學習問題，我可以貼身跟進。在預備考試前，我會重點溫習和一起做練習。就算是一對一的補習，都無可能會有父母咁上心。
作者: irenelwl 時間: 17-1-17 14:27
回覆 Nikki1023 的帖子
你讀私校?津校好小講留級。我女小四個年我見佢都係咁，人辛苦，咁我就同補習老師講，佢功課能主動做完就比佢回家，係補習社佢好難讀到入腦。上年5月我開始轉左半日，但因要幫仔訓練，上小一準備，個女無乜理。小四自己申請重讀，而家留小四，我無幫佢，只係佢而家放學回家，時間多左，輕鬆左。第1次測驗全部合格，佢都好開心，咁多年第1次。我女小三評估左有讀寫障。
作者: Nikki1023 時間: 17-1-17 14:40
官立小學，比其他吾算深
作者: irenelwl 時間: 17-1-17 14:51
本帖最後由 irenelwl 於 17-1-17 14:53 編輯
回覆 Nikki1023 的帖子
幾大?我自己無時間落手落腳教咁多, 但我有比女去上訓練堂, 唔係補習, 係教SKILL
另外, 我覺得女無自信, 所以同學學校社工係D方面比好多資源佢, 而家連學校主任都話佢留班後個人精靈左.
我仔啱小一, 我自己親自跟功課, 溫默書, 暫時成績OK, 除左中文語文卷的閱讀理解唔掂, 一份卷佔左60分, 該卷不合格, 而我仔的OT,同讀寫導師都話佢有讀寫特徵, 而家等學校開大會, 睇下比唔比佢評估.但我已經堅持我仔有相關問題.
.
作者: Nikki1023 時間: 17-1-17 15:03
回覆 irenelwl 的帖子
小二，其實我吾介意留級，只怕小朋友自己難受，現在一係佢面前講留級呢2字已經哭了，想坐底同她慢慢傾話佢知留級可能對佢有幫助叫佢打好個底先上三年級會冇甘辛苦，但佢都吾聽，只係哭
作者: irenelwl 時間: 17-1-17 15:10
本帖最後由 irenelwl 於 17-1-17 15:11 編輯
回覆 Nikki1023 的帖子
會的. 因我女小三我己想佢留, 佢又係唔想, 唔開心, 咁我見佢本來自信已差, 所以由佢.1年後, 佢知道讀得辛苦, 個人唔知做乜開明左, 自己話留班都好, 多D時間追, 咁我先去申請留班
如果你覺得個女有花時間讀書, 但入唔到腦, 去上一D讀寫的課程或可以幫到佢, 每個小孩學習情況都唔同, 佢可能未掌握到.
作者: 王家爸爸 時間: 17-1-17 16:09
首先需要知道「基礎差」係點練成既：其實「基礎差」同「無興趣」係互為因果既。家長應該要做既係諗下點導致小朋友對學習無興趣，從而知道點解解決「基礎差」既問題，而唔係花時間諗搵邊間補習好。講真，大部分補習老師無接受過兒童心理學訓練；加上大部分家長只係睇老師用唔用心、勤唔勤力（即係睇投入），而唔係睇佢教得好唔好（即係睇產出）。
小朋友集中唔到精神、専注力差、入唔到腦、善忘，呢啲全部都係無興趣既結果，所以無興趣先至係引起成績差既原因。集中唔到精神、専注力差、入唔到腦、善忘，呢啲全部都只係mediating factors，要解決問題，應該從根本原因落手，而唔係喺mediating factors上糾纏。
解決辦法其實好多，大部分都好簡單，例如如果小朋友英文差，但係對表演有興趣，可以揾啲英文戲劇班，等小朋友用間接既方法，打好英文基礎。又例如如果小朋友數學差，下次去超級市場買餸既時候帶埋佢去，同佢一齊計下要俾幾多錢，等佢練習之餘又可以更「接地氣」咁去學數學，增加佢對數學既興趣。方法好多，各師各法，但係只有家長先可能知道邊種方法對自己小朋友最有效。
作者: Jane1983 時間: 17-1-17 16:26
回覆 tkinwong 的帖子
從來都係ga，但太困身、耗時间，同埋煩悶。呢d係心機野，唔係個個家長願意或者有時间做。
作者: cstchan 時間: 17-1-17 18:25
Nikki1023 發表於 17-1-17 15:03
回覆 irenelwl 的帖子
小二，其實我吾介意留級，只怕小朋友自己難受，現在一係佢面前講留級呢2字已經哭了 ...
想求一次過科科進步未必成功，倒不如讓孩子決定先改善那一科，針對該科弱項花工夫，希望有所改善。例如孩子默書試過高分，那為什麼有時候會低分？沒有温習？温習時間不足？大意？當這項有進步，孩子有信心，才容易一步一步邁向成功。
努力過了，可能可以順利升班。即使未能升班，到時再讓孩子見到花過工夫的科目有進步，她只是需要一點時間讓自己預備好。即使要留班，她應該會較容易接受。
作者: santakit 時間: 17-1-18 02:45 標題: 回覆樓主:
其實有冇人會搵兒童心理學家攪攪佢？
我諗其實補習橫掂要洗錢，d錢拿去搵心理學家會吾會比到d一矢中的既方案?
我小朋友小一，成績差，考試全部得50幾分。。
但個班主任老師一味鬧，佢真係鬧晒我地全家 (有一次麻麻接放學比佢鬧左半個鍾，then隔一排，小朋友不經意噤講"佢嗰日仲有鬧埋你架。。仲有呀邊個。。話你地冇同我溫書呀。。)
我真係覺得佢好吾pro, 覺得佢吾會幫到我地，
反而響EK會聽到好多好好既正面既意見。。
所以呢個老師我都好想ignore 佢，直頭想同個小朋友講 叫佢ignore班主任d negative energy
.....所以都想問問如成績及心態攪吾好，搵心理專家會有用嗎？
作者: brother4 時間: 17-1-18 08:16 標題: 回覆：愈補愈差
亞大一樣俾班主任罵成績差，果日我接小朋友的，可能声浪太大，連校長都來看，最後同亞大轉班
作者: brother4 時間: 17-1-18 08:39 標題: 回覆：愈補愈差
心理醫生做評估，如評分差，再轉介去其它專科評估，最後可能要食藥。。。成績差好可能未開竅，急唔來的。。補得好估又可能父母跟得貼 ，但不一定如父母跟都一定好 ，如不好關係會又差，得不償失
作者: irenelwl 時間: 17-1-18 10:56
回覆 santakit 的帖子
你小朋友老師好差喎!!! 我仔中文語文科上次都唔合格, 拎成績表, 老師問我覺得阿仔成績點, 我話英文衰大意, 填錯格, 全部答案向上填, 成頁錯, 我理解佢未慣, 但唔係唔識.中文語文卷差, 係因為以前無做過閱理, 到小一上得個2個月又測驗, 咁係較差, 唯有幫下佢,
跟住老師回答係 : 英文個個page好多小孩都係填錯, 因為老師份卷係刻意出得咁樣衰,
中文閱理, 普遍小一的同學都有相同問題, 所以要浸
阿女小一成績當年好差, 班主任話佢程度唔到, 叫家長搞搞佢, 但都唔會罵學生, 更唔會罵家長, 只會勸告式叫家長幫下個小孩.
發脾氣咁罵, 還對住學生罵家長, d個老師d品德好差下, 如果個個老師都係咁, 間學校真係好恐怖 。
作者: irenelwl 時間: 17-1-18 11:02
回覆 santakit 的帖子
心理學家係比意見, 做唔做到同接唔接受, 全睇家長。我朋友女小學一直好好, 上到中學d sen問題先浮出黎, 小學無確診。
而家成績, 品格, 同人相處, 全部唔掂, 定期見精神科, 學校ep, 臨床心理學家, 但都係未搞得掂。
之前睇好多有關的文章都講, 小孩如果有一個良好的興趣, 有助於學習, 正如上文有人提到將學習融入於興趣活動中, d個方法係好多治療師提出過的, 我覺得也work, 因為有時我搞唔掂d仔女學野時, 都要諗d有趣的方法去幫佢地
當然, 如果能一早栽培到小孩愛閱讀, 把閱讀成為興趣, 家長真係輕鬆好多, 但唔係個個小孩可以, 就唯有變通變通~
作者: skkeung 時間: 17-1-19 08:00
Nikki1023 發表於 17-1-16 22:42
請問有冇人試過補習補得愈多成績愈差，之後停晒d補習成績反而好了？
這已是肯定！
作者: santakit 時間: 17-1-19 13:12
brother4 發表於 17-1-18 08:16
亞大一樣俾班主任罵成績差，果日我接小朋友的，可能声浪太大，連校長都來看，最後同亞大轉班
...
你真係好大擔哦！
比我就吾係好敢。。驚學校吾鍾意
有時真係好似反工敢要處處小心 都幾辛苦。。：(
作者: 王家爸爸 時間: 17-1-19 13:33
santakit 發表於 17-1-18 02:45
其實有冇人會搵兒童心理學家攪攪佢？
我諗其實補習橫掂要洗錢，d錢拿去搵心理學家會吾會比到d一矢中的既方 ...
作者: santakit 時間: 17-1-19 13:35
irenelwl 發表於 17-1-18 10:56
回覆 santakit 的帖子
你小朋友老師好差喎!!! 我仔中文語文科上次都唔合格, 拎成績表, 老師問我覺得阿仔成 ...
比老師鬧真係好無奈。。
那次是麻麻接放學時鬧(我不在場，是小朋友講反) ，老師鬧，麻麻又火滾又激動，又鬧埋一份，佢兩個一齊鬧個小朋友
麻麻是撞聾的70幾歲既呀婆，佢要帶助聽器先聽到野，而且好明顯佢吾係in charge of 小朋友的學業，何必響佢面前鬧小朋友呢。。。
吾知大家知吾知，一個撞聾既人講野是好大聲的，之後既一排，麻麻定時每15分鍾發出震耳欲聾的駡叫聲，將佢收反來的negative energy在家中定時發放出來。。
作者: santakit 時間: 17-1-19 13:53
santakit 發表於 17-1-19 13:35
比老師鬧真係好無奈。。
那次是麻麻接放學時鬧(我不在場，是小朋友講反) ，老師鬧，麻麻又火滾又激動，又 ...
另外，我覺得呢個老師係比吾到d專業d既意見，佢只會投訴話小朋友"成績差" (你吾講我都知啦) ， 噤我問佢有冇好方法我expect一d實用d 有quality 既方法，但佢只話 "噤你自己幫佢睇多d law.. 跟多d law." .....(噤"行"既野我都識答啦，洗咩你講)
佢仲同麻麻講， "你吾好參加噤多活動啦(上學期參加游水和跆拳道)， 吾係冇時間溫書麻，你個小朋友吾似人地叻嗰d麻，學噤多吾好麻"
then 麻麻經常都在家中quote 呢句說話出來，佢仲要指到明是×老師講的，人地緊係啱架啦～
作者: irenelwl 時間: 17-1-19 14:00
回覆 santakit 的帖子
個老師係新仔，定係老seafood,咁樣長期下去小孩會比佢搞到要見精神科。你可能要留意同學校反映下喎。
作者: santakit 時間: 17-1-19 14:34
irenelwl 發表於 17-1-19 14:00
回覆 santakit 的帖子
個老師係新仔，定係老seafood,咁樣長期下去小孩會比佢搞到要見精神科。你可能要留意 ...
哈哈! Seafood是否"鞋音"
那佢是seafood 了
作者: santakit 時間: 17-1-19 15:16 標題: 回覆樓主:
吾好意思，拉開左話提。
我想樓主真係要停左補習先了，
我想小朋友要收多d正面訊息! 要想信自己是做得來既!
攪左個心理先 !
我聽過一d兒童冥想班(meditation), 可以搵下，是練習靜坐呼吸etc來 達至專注的。
另外，聽過"心流" 嗎？ 我以前聽過，搵小學時去了優才聽talk, 校長都有提及，
是人的一種高度集中在進行某一活動下的神馳狀態，人是好有愉快感的(雖然我吾係好了解)，可以話係"忘我境界"啦。。有d運動員，藝術家 ,甚至做緊手術既醫生都可以感受到，
你小朋友音樂專注出色，應可以解釋比佢，引導佢將自己學音樂時的精神狀態轉移到學術上，看看會否行得通。。
作者: hwl2b 時間: 17-1-19 15:16
irenelwl 發表於 17-1-19 14:00
回覆 santakit 的帖子
個老師係新仔，定係老seafood,咁樣長期下去小孩會比佢搞到要見精神科。你可能要留意 ...
我女小一時, 平均分75分左右, 我覺得OK 啦, 佢讀書資質係一般, 學嘢又慢, 咁我自己唔想迫得大家咁辛苦, 我係收貨架, 見班主任時, 老師又係問我覺得佢成績點, 我話冇嘢呀, 幾好呀, 然後老師不停話咁既成績太差嘞, 不能接受, 要好好訓練佢 !! 我O咀, 唔知現在咁嚴格囉, 唔係個個學生都讀書叻架~ 唔通讀書唔叻就要比人鬧, 比人話? 我都唔開心左好耐 !
作者: irenelwl 時間: 17-1-19 17:34
回覆 hwl2b 的帖子
我聽到好多都好恐怖，所幸小女小兒入到間有愛心耐性。
作者: santakit 時間: 17-1-20 18:46
irenelwl 發表於 17-1-17 15:10
回覆 Nikki1023 的帖子
會的. 因我女小三我己想佢留, 佢又係唔想, 唔開心, 咁我見佢本來自信已差, 所以由 ...
我想讚下你個女，可以面對到真係吾容易!!
大人都未必做得到! 真係要讚下! ：D
作者: irenelwl 時間: 17-1-20 19:23
回覆 santakit 的帖子
係丫，學校都幫忙比左好多機會佢增加個人自信同經驗，思想都跟住成長。
作者: 1998Ruby1998 時間: 17-1-20 19:23
回覆 hwl2b 的帖子
以前讀小學，一低過 70 分老師即刻黑臉，下次冇明顯進步（即係冇 80 分以上）老師就打電話畀壓力家長。我以前有幾個好 friend 同學，因為成績麻麻，60 - 70 分左右分數，日日被老師打電話投訴，結果係個家長頂唔住呢d「騷擾」要轉校，因為個家長返緊工，然後老細話佢唔專心做野。
其實如果我係你，當時我會話，佢資質係咁上下，平均分有 75 分執到啦！我唔期望個女考到你心目中果個分數，因為我小學成績都係咁。我對個女努力得來的成績好滿意，如果你唔滿意，你咪同我訓練佢囉
做家長同小朋友一樣咁慘。其實唔係個個小朋友都讀書材料，唔係個個都美貌與智慧並重，點解要依家d小朋友文武雙全？個老師細個都未必有依家d小朋友咁好！不過可能係校長畀壓力老師，話如果班裡面成績差同學冇進步就要照肺（我老師有提過呢樣野，因為我考試成績差，個老師拜託我下次考試要合格有餘，唔好猛車邊）。
作者: 5tgb 時間: 17-1-20 20:14
越補越差，一定有原因。如果個個都越補越差，重有補習社生存到？
正如傷風，越吃藥越病，未必是隻藥唔得，重有其他原因架！
作者: MrBeast 時間: 17-1-20 23:08
Nikki1023 發表於 17-1-17 06:59
回覆 Gella77 的帖子
...因佢彈琴跳舞都好出色，呢方面専注力同記憶力也很強
有些人working memory 唔夠，一時要佢記好多野會弄巧反絕，因加得減，你可以同佢玩simon says、接龍遊戲
作者: MrBeast 時間: 17-1-20 23:12
ps，覺得難自然抗拒，是人之常情，so make sure 佢肯用功努力就給些獎勵、私人時間做佢中意既野
作者: skkeung 時間: 17-1-22 08:23
1998Ruby1998 發表於 17-1-16 23:59
回覆 Nikki1023 的帖子
父母以為「越補越好，唔補越衰」，點知因為時間排得太滿，個人體力不支，成日補習 ...
香港人已被洗腦，成績好就要補習！
作者: Maria 時間: 17-1-24 10:55 標題: 回覆樓主:
能夠自己跟是最好。我個仔都試過功課班，英文和數學補習，初時有些效，但耐咗，亞仔就開始唔專心。剛剛將所有嘢取消晒，只有保留佢喜歡的鋼琴和畫畫。自己跟返學術，希望有改善。但首先我要搞定自己的EQ。
作者: judy 時間: 17-1-24 13:09
我讀書年代，成績差才補習。
依家個個補習，問點解，答案係：
1. 今時唔同往日。(點解今時唔同往日係理由。去殺人放火，可不可以用今時唔同往日去辯解？)
2. 個個都補。(點解人補你又補)。
3. 依家好深，跟唔到 (真的嗎？讀完中學、大學都跟唔到小學？)
作者: judy 時間: 17-1-24 13:18
回覆 judy 的帖子
不過，我睇到有家長問: 請問xxx的老師係唔係上堂唔教書的？大部分學生都要補習？
我第一個反應是：嘩！咁白痴嘅！
想入一層，這社會可能真是病了。可能個個如是。提倡閱讀，正正常常讀書的是異端。
作者: hwl2b 時間: 17-1-25 09:53
1998Ruby1998 發表於 17-1-20 19:23
回覆 hwl2b 的帖子
以前讀小學，一低過 70 分老師即刻黑臉，下次冇明顯進步（即係冇 80 分以上）老師就打 ...
唔知係咪佢有檢討過呢? 我個女成績同小一差不多, 但佢冇再話佢成績差,
只係點下頭, 話期待佢有進步 !
咁樣我個感覺就舒服好多
作者: 1998Ruby1998 時間: 17-1-25 10:03
回覆 hwl2b 的帖子
可能個老師返去都覺得自己講得有d過份，邊個家長想畀老師鬧仔女成績差？佢自己都唔想畀校長話佢教書教得唔好，班學生冇進步啦。
希望令千金下次成績有進步啦！每年累積知識越來越多，keep 到唔跌都係一種進步。
有時候真係想班老師開口之前考慮一下呢番說話會唔會好傷害到人，父母都有教「禍從口出」，為人師表果陣竟然連小學生都明白的道理都唔記得。 
作者: miujoey 時間: 17-1-25 12:27
回覆 hwl2b 的帖子
平均分75分都說太差 ? 請問 小朋友讀1線學校 ?
作者: October. 時間: 17-1-25 21:17
聽過補習無咩進步，尤其中學既兩科語文科，唔明點解會越補越差？補習後成績差咗都唔關補習事啦。
作者: Vanadium 時間: 17-1-26 00:50
本帖最後由 Vanadium 於 17-1-26 00:54 編輯
老實講，如果成績唔好，補下習就會好返，咁呢個世界係無人成績唔好。
又或再說，如果成績唔好，能見下心理專家，就能成績好返，同樣呢個世界係無人成績唔好。
人係有差異，高度有、體質有、性格有，學習能力當然必然有差異。如有人因遺傳生得矮，有咩野可以令佢高過姚明? 有人話咩方法，都係吹水，大都只係令你高DD，但都係矮果批。
樓主先要有接受現實之心態，了解小朋友情況，若然你見佢都盡左唔少力讀書，成績...由他吧，比佢玩下，發展下其他興趣，建立個人價值同自信，好過再去做事100功0.1既補習啦。若然你發現佢成績差係因為懶，咁就唔同，但方法唔係補習，而係認真處理佢懶既問題。
當然，若然盡左力但成績都唔好，可以睇睇係咪有咩方法上做得唔配合，但補習唔一定係好方法，亦要有心理準備點搞都唔太好，因人....的確有差異。
作者: skkeung 時間: 17-1-26 21:40
Vanadium 發表於 17-1-26 00:50
老實講，如果成績唔好，補下習就會好返，咁呢個世界係無人成績唔好。
又或再說，如果成績唔好，能見下心理 ...
高見
作者: 1998Ruby1998 時間: 17-1-26 22:37
回覆 Vanadium 的帖子
講得好，補習治標不治本，唔接受現實同對症下藥，對父母同小朋友都冇好處。
我之前睇到一則新聞，話家長為左等小朋友專心上堂，畀 ADHD 藥佢食（其實冇需要），結果出現好多副作用，包括暴躁、冷汗、容易眼睏等，結果個家長走去問個醫生有冇藥可以醫治d 副作用。 
作者: ar_mak 時間: 17-1-27 00:13
提示: 作者被禁止或刪除 內容自動屏蔽
作者: 洋蔥頭媽咪 時間: 17-1-27 08:52
本帖最後由 洋蔥頭媽咪 於 17-1-27 12:19 編輯
越補越差相信有好多原因，補習社一般是幫孩子重溫所學嘅野，教考試技巧，甚至操卷，做其他相似題目，而專科補，則會針對式幫孩子強化弱項。但補完是否就等同孩子一定有進步？就要視乎老師教法，孩子吸收能力及態度，其中態度其實相當重要，有人會覺得有補習考試時老師會幫小朋友溫書，所以自己根本書都唔會睇，試想只靠上完堂就算，有時學嘅亦未必等同學校考嘅嘢，便有可能水過鴨背根本唔用心去記，又點會進步呢！當然如果家長有能力/有時間可以自己教。無須人補就跟風去補，亦不用說到有補習就不是靠自己，冇補叻啲等等....，我覺得家長自己跟嚴格來說只是家長變做補習老師吧，所以補習與否睇需要啦。
作者: IloveJJ 時間: 17-1-27 11:05
提示: 作者被禁止或刪除 內容自動屏蔽
作者: 洋蔥頭媽咪 時間: 17-1-27 11:45
IloveJJ 發表於 17-1-27 11:05
家長自己跟係咪變成家長係補習老師，就要視乎家長跟到咩程度了！
如果家長自己睇考試範圍，做筆記/重點讓 ...
作者: IloveJJ 時間: 17-1-27 13:16
提示: 作者被禁止或刪除 內容自動屏蔽
作者: retriever 時間: 17-1-27 13:30
judy 發表於 17-1-24 13:09
我讀書年代，成績差才補習。
依家個個補習，問點解，答案係：
其實係菲傭年代。。。
大家習慣左分派。安排補習或者上咩班，就係做左野。
仲有係維他命，護膚品化。
作者: 洋蔥頭媽咪 時間: 17-1-27 15:07
IloveJJ 發表於 17-1-27 13:16
我唔係執著，只係想表達就算家長教，都有唔同做法啫。
買練習，我仔係自己做，做完自己對答案，啲答案有解 ...
作者: ANNAFRIEND 時間: 17-1-27 16:38
同意某家長說，家長就是最好的補習老師。識教最好自己教，唔駛假手於人。好的補習老師難求，邊個補習老師可以好似家長甘了解小朋友的強弱。
作者: retriever 時間: 17-1-27 16:46
洋蔥頭媽咪 發表於 17-1-27 15:07
唔緊要啦，最重要做嘅嘢對孩子有幫助啫。讀書始終要靠自己，小朋友培養好自學，升中後都唔駛擔心。
...
我讚成教方法教態度，多過教內容。
作者: MrBeast 時間: 17-1-30 08:04
retriever 發表於 17-1-27 16:46
我讚成教方法教態度，多過教內容。
作者: TiffanyChu 時間: 17-2-1 15:12
提示: 作者被禁止或刪除 內容自動屏蔽
作者: skkeung 時間: 17-2-7 08:20
retriever 發表於 17-1-27 16:46
我讚成教方法教態度，多過教內容。
態度無得教！
作者: jenniecatcat 時間: 17-2-8 00:38 標題: 引用：+本帖最後由+irenelwl+於+17-1-17+15:11+編
原帖由 irenelwl 於 17-01-17 發表
本帖最後由 irenelwl 於 17-1-17 15:11 編輯
回覆 Nikki1023 的帖子
作者: judy 時間: 17-2-8 09:15
補習有冇效，要睇補習目旳。如果目的是追求學門，那補習怎會無用呢？雖然求學不是求分數，但考試時分數會低嗎？
如補習為應試，例如捉題啦，追遂形式啦，考咩温咩啦.....，小朋友只會受填，自主思考能力只會越來越差。越補個腦越蠢，成績自然越來越差了。
作者: hwl2b 時間: 17-2-9 09:29
miujoey 發表於 17-1-25 12:27
回覆 hwl2b 的帖子
平均分75分都說太差 ? 請問 小朋友讀1線學校 ?
不過佢平均分7X, 已經考尾廿幾,
我都估唔到, 7X分已經包尾咁滯
作者: hwl2b 時間: 17-2-9 09:32
1998Ruby1998 發表於 17-1-25 10:03
回覆 hwl2b 的帖子
可能個老師返去都覺得自己講得有d過份，邊個家長想畀老師鬧仔女成績差？佢自己都唔想畀 ...
佢地可能面对學校, 校長等等壓力,
都會迫埋學生一份,
我都唔識講, 不過迫得咁緊都冇用,
小朋友係盡左力, 我就收貨,
唔會再理其他人講乜~ 
作者: irenelwl 時間: 17-2-9 14:09
回覆 jenniecatcat 的帖子
你指讀寫課程? 我上個d懷疑都比上。去各大中心機構搵。
作者: ch-cheung 時間: 17-2-18 00:35
提示: 作者被禁止或刪除 內容自動屏蔽
作者: heiluibaby 時間: 17-2-24 11:39
回覆 irenelwl 的帖子
極同意 將閱讀成為興趣 但我個女已小三 已較難令佢書不離手 但她搵到喜歡睇既老鼠記者 系列 有時睇下書 如可由幼稚園培養到讀書習慣 家長真係會輕鬆d 而家小3 中文 數學 大量題目要睇中文 我個女係好弱
作者: samsam123321 時間: 17-2-24 14:21
santakit 發表於 17-1-18 02:45
其實有冇人會搵兒童心理學家攪攪佢？
我諗其實補習橫掂要洗錢，d錢拿去搵心理學家會吾會比到d一矢中的既方 ...
作者: irenelwl 時間: 17-2-24 15:19
回覆 heiluibaby 的帖子
真係唔係人人都可以書不離手, 我自己到中學鐘意先睇小說但比阿媽罵GA, 我個時少女, 金庸, 偵探都追~~真係閱讀理解一睇就明, 唔洗操卷。
對仔女, 我無迫佢地從小看書, DD要睇書緣, 我女都係小四先慢慢話要睇下圖書, 追FROZEN個套中文版故事書, 佢肯睇我就買LAW, 支持下佢~
咁我覺得佢好似好左喎~ 而家估網上閱讀理解會主動做, 唔好話高分, 有個種動力都好感動了。所以唔好放棄, 製造多D機會, 有日你女可能會迷上看書都唔奇~
作者: 1998Ruby1998 時間: 17-2-24 16:26
回覆 irenelwl 的帖子
冇咩點睇中文小說，所以閱讀理解死得好慘 
作者: YolandaTam 時間: 17-2-25 00:26
irenelwl 發表於 17-2-24 15:19
回覆 heiluibaby 的帖子
真係唔係人人都可以書不離手, 我自己到中學鐘意先睇小說但比阿媽罵GA, 我個時少女 ...
我女追金庸，衛斯理，閱讀理解一樣死。天賦問題
作者: mall 時間: 17-2-26 00:17
我女補了半年中文，也間中做練習，但中文阅讀理解成績還是強差人意，書也是由我伴讀才肯看。
作者: homeuser 時間: 17-2-26 02:31
回覆 Nikki1023 的帖子
如果你沒有工作， 能力上亦可以教到佢， 自己跟是最理想的， 每日做功課時，坐係佢身邊睇佢做， 唔識或錯的即時教佢，每天同佢開聲朗讀課文， 中文，英文都讀， 教左就讀，日日重覆讀， 之前唔識或常錯的功課考問返， 直至每次問返都識， 假以時日咁跟落去， 應該可以追得返， 一，二年班課程唔深， 可以
作者: sukifong311 時間: 17-3-6 12:19
提示: 作者被禁止或刪除 內容自動屏蔽
作者: Iloveoldseafood 時間: 17-3-11 12:13
本帖最後由 Iloveoldseafood 於 17-3-11 12:19 編輯
王家爸爸 發表於 17-1-17 16:09
首先需要知道「基礎差」係點練成既：其實「基礎差」同「無興趣」係互為因果既。家長應該要做既係諗下點導致 ...
你的意見很好!
小朋友中文作文差，每日同佢讀報紙，逐個字同佢讀，同佢解釋，又教佢寫日記，借書返來掉埋一邊又唔睇，連圖書證被我剪爛了!
依然冇半點進步，只懂發夢，浪費我大量時間，教到我嘔血
連煮飯等家務冇時間做，要請家務助理，家庭開支增加，現時補習哥哥開始減少上來，唔肯教，請問如何令佢對中文有興趣?
作者: miujoey 時間: 17-3-11 12:36
回覆 Iloveoldseafood 的帖子
我女小一, 中文都係頭痛, 佢識既字好少, 平時睇英文書多, 不過見佢中文測驗考試都唔係太差,所以又唔理佢.
中文書最好比佢自己選鐘意的書伴讀, 讀報紙真係無咩趣味
作者: IloveJJ 時間: 17-3-11 20:41
提示: 作者被禁止或刪除 內容自動屏蔽
作者: IloveJJ 時間: 17-3-11 20:45
提示: 作者被禁止或刪除 內容自動屏蔽
作者: ch-cheung 時間: 17-3-14 09:55
提示: 作者被禁止或刪除 內容自動屏蔽
作者: Carol51 時間: 17-3-25 17:46
提示: 作者被禁止或刪除 內容自動屏蔽
作者: 每日媽媽 時間: 17-4-7 17:52
Nikki1023 發表於 17-1-17 08:25
回覆 CrabPincers 的帖子
默書都試過幾次九十分，佢成績差時亦會吾開心（放學時果幾分鈡)，平曰叫佢溫書就 ...
咁似講緊我女嘅
作者: Iloveoldseafood 時間: 17-9-7 21:39
IloveJJ 發表於 17-3-11 20:45
另外，做家務可以用機器代替（我都係全職家庭主婦），佢返學你就做啲買餸、準備餸菜、換床單、洗衫嗰啲。 ...
我返11點收3點，每日8:00送佢返學立即做家務，10:45出門口返工，收工接佢放學，如果佢肯自動自覺，我可趁佢放學後睇報紙時繼續做家務，佢唔肯，唯有靠補習，等佢有留班一日，受咗教訓相信會生性，閱讀冇得迫，盞激死自己，家務助理唔請喇，人工仲高過我，蝕呀！
| 歡迎光臨 教育王國 (/) |
Powered by Discuz! X1.5 |