教育王國
標題: 如果小朋友好討厭做功課， 可以點解決？ [打印本頁]
作者: mypineapple 時間: 17-1-13 19:52 標題: 如果小朋友好討厭做功課， 可以點解決？
有無方法？謝謝
作者: 1998Ruby1998 時間: 17-1-13 19:57
為咩討厭唔做功課？唔識做？份量太多？四周太多誘惑？父母有冇太「強逼」督促？要搵到原因先可以真正幫到小朋友啊！
作者: Yanamami 時間: 17-1-13 20:19
幾年班？
作者: mypineapple 時間: 17-1-13 20:35
Yanamami 發表於 17-1-13 20:19 
幾年班？
小三
作者: mypineapple 時間: 17-1-13 20:35
1998Ruby1998 發表於 17-1-13 19:57
為咩討厭唔做功課？唔識做？份量太多？四周太多誘惑？父母有冇太「強逼」督促？要搵到原因先可以真正幫到小 ...
佢識做， 但唔鍾意寫字
作者: brother4 時間: 17-1-13 21:36 標題: 回覆：如果小朋友好討厭做功課， 可以點解決？
希望不是讀寫障礙→寫的問題
作者: mypineapple 時間: 17-1-13 22:13
brother4 發表於 17-1-13 21:36
希望不是讀寫障礙→寫的問題
不是讀寫問題
作者: skkeung 時間: 17-1-14 11:15
mypineapple 發表於 17-1-13 19:52
有無方法？謝謝
討厭返工，又點解決！
作者: ABC-DAD 時間: 17-1-14 12:06
試下在假期真正去郊外散完心，先再處理工課，偶爾，換一個處理事情的先後次序，在身心放鬆下，聽聽孩童心底話，可能家長會自己發現處理方法。
作者: wan_sosin 時間: 17-1-14 12:15 標題: 回覆樓主:
執筆是否正確？錯誤執筆，寫字會好累。
作者: jumphigh 時間: 17-1-14 14:57
提示: 作者被禁止或刪除 內容自動屏蔽
作者: Vanadium 時間: 17-1-14 16:07
本帖最後由 Vanadium 於 17-1-14 16:08 編輯
總有人極唔鐘意做功課，如果你問D仔女都唔太討厭做功課既人既意見，通常都唔能夠應用係自己身上。
先了解佢唔鐘意做既原因，如果係純難或相似原因，好易解決。
但若然佢係幾易既功課都唔想做，有三個方法。
1) Punishment，上幾代D小朋友個個比人打到大，佢唔做功課你直頭令佢有肉身痛楚，部份人係會即刻做。
但呢一代父母大都做唔出呢樣，而仔女亦睇死你唔會真係打佢。
2) Award: 佢做功課你比粒糖佢，或其他鼓勵令佢做。
但呢一代父母平時都好多物質及非物質刺激比小朋友，有機會麻木左，無咩長期award會吸引到佢地做功課。
3) Bundle: 將佢最討厭既功課同佢最鐘意既野捆綁埋一齊，沖淡功課既討厭性。如佢極鐘意打機，就每做1個鐘功課可打1個鐘機。
搞極都唔肯做，咁或者都要認命。
作者: Jane1983 時間: 17-1-14 16:27
先睇功課量合唔合理，讀書做功課係小朋友責任，呢樣要佢清楚。
作者: Tintin926 時間: 17-1-14 18:14
已小三了，此情況只可用原始方法
作者: mypineapple 時間: 17-1-14 19:16
Vanadium 發表於 17-1-14 16:07
總有人極唔鐘意做功課，如果你問D仔女都唔太討厭做功課既人既意見，通常都唔能夠應用係自己身上。
先了解 ...
Bundle 真係唔錯喎
作者: mypineapple 時間: 17-1-14 19:17
Jane1983 發表於 17-1-14 16:27
先睇功課量合唔合理，讀書做功課係小朋友責任，呢樣要佢清楚。
功課量唔算多， 只係佢眼中只想玩樂， 仲未覺得做功課係佢既責任
作者: Jane1983 時間: 17-1-14 19:48
回覆 mypineapple 的帖子
小朋友鍾意玩係正常，不過小三係時候同佢講吓人生、責任、目標、前途...慢慢洗吓腦，灌輸d正常的價值觀。
作者: manmanchubb 時間: 17-1-14 22:34
回覆 Jane1983 的帖子
作者: mypineapple 時間: 17-1-14 22:55
Jane1983 發表於 17-1-14 19:48
回覆 mypineapple 的帖子
小朋友鍾意玩係正常，不過小三係時候同佢講吓人生、責任、目標、前途...慢慢洗吓 ...
同意！
價值觀， 將來
作者: wan_sosin 時間: 17-1-14 23:02 標題: 回覆樓主:
咁即是唔係怕寫字啦，這只是藉口，問題係佢無責任感!你比個小朋友帶你遊花園!
平常生活你有無要求佢盡好自己責任?
作者: 洋蔥頭媽咪 時間: 17-1-14 23:54
本帖最後由 洋蔥頭媽咪 於 17-1-14 23:55 編輯
wan_sosin 發表於 17-1-14 23:02
咁即是唔係怕寫字啦，這只是藉口，問題係佢無責任感!你比個小朋友帶你遊花園!
平常生活你有無要求佢盡好自 ...
同意，能力同責任感根本係兩様野黎，我覺得好多時小朋友冇乜責任感都係因為家長幫得太多，做唔倒就會找藉口係能力不足，其實根本係態度問題多於其他。
樓主其實有必要令孩子明白做功課係學生嘅責任，唔可以話討厭就唔做，如果唔襯初小培養好態度，到高小或升中就會更難攪。
作者: 洋蔥頭媽咪 時間: 17-1-15 00:06
mypineapple 發表於 17-1-14 19:16
Bundle 真係唔錯喎
作者: Vanadium 時間: 17-1-15 01:52
本帖最後由 Vanadium 於 17-1-15 02:18 編輯
回覆 洋蔥頭媽咪 的帖
以小學黎講，我相信80年代或之前既人大都係bundle大，唔覺呢代d人有責任感過上一代。
希望樓主小三既小朋友聽得明人生責任既道理。
作者: wan_sosin 時間: 17-1-15 08:52
Vanadium 發表於 17-1-15 01:52
回覆 洋蔥頭媽咪 的帖
以小學黎講，我相信80年代或之前既人大都係bundle大，唔覺呢代d人有責任感過上一代 ...
唔多認同!
80年代物質豐富，才會出現所謂80後。
但70年代以前，物質短缺，生活都未必足夠，何來會經常有獎勵? 以前嘅人識得生性，肯發奮，就係因為知道唔努力唔洗生活!
現在嘅細路，只要所有生活細節都要佢哋自己負責，跌咗張糖紙都要佢自己執返去掉，只係得把口講道理事實真係無用，幼兒開始就要培養，樓主個小朋友已小三，講真已唔容易搞，不過襯未到青春期，快些捉緊這兩年教返好!
作者: benjuli 時間: 17-1-15 09:21 標題: 引用：Quote:Vanadium+發表於+17-1-15+01:52+
回
原帖由 wan_sosin 於 17-01-15 發表
唔多認同!
80年代物質豐富，才會出現所謂80後。
但70年代以前，物質短缺，生活都未必足夠，何來會經常有獎 ...
作者: 洋蔥頭媽咪 時間: 17-1-15 10:21
Vanadium 發表於 17-1-15 01:52
回覆 洋蔥頭媽咪 的帖
以小學黎講，我相信80年代或之前既人大都係bundle大，唔覺呢代d人有責任感過上一代 ...
作者: Olympian 時間: 17-1-15 10:23 標題: 引用：Quote:原帖由+wan_sosin+於+17-01-15+發表
原帖由 benjuli 於 17-01-15 發表
可以㸃教,有無一些方法分享吓,謝謝!
作者: Vanadium 時間: 17-1-15 11:42
本帖最後由 Vanadium 於 17-1-15 11:52 編輯
我係話以前家長要搵食，無讀咁多書，唔識講道理，故要仔女做功課，大都會簡單bundle左功課同一D仔女好喜愛活動，如:
睇IQ博士得，做完功課就比你睇.....
落街打波得，你做完功課比你落街打......
打卡片機得，但做完功課先准玩......
我見好多因為以上情況，都快快手手做晒D功課佢，唔係成班細路有得玩，自己就無，幾無癮。
我60年代出世架，身邊所有咁樣成長既街坊、舊同學，個個今日事業有成，做事完全無欠責任感呢個問題，仔女大都讀名校......
反而D 90後，個個"好言相勸"下成長，結果今日反而做事無咩責任感，佢幾衰好似人地都有責任包容、勸勉佢，全世界都欠左佢地咁。
只見回呢個post D家長，感覺幾怪，對住個小三講責任感唔係唔得，但佢真係明咩? 唔否定有D比較思想成熟既會明，但大都最終佢既責任感都只不過係聽從父母指示，有無責任感，大個先知，係咁"溫柔勸教"既情況，反而我見唔少失敗例子，大個左真係一D責任感都無，對學業對父母都係。
中國傳統家教方法唔需要因西方思想完全否定，其實西方D小朋友好多好鬼頑皮，勁難教，個個西方人黎香港見到D班房小朋友咁乖都會嚇一跳，亞洲家庭教育既模式其實好成功架。
作者: babywoman 時間: 17-1-15 11:44 標題: 回覆樓主:
冇乜小學生鍾意做功課。無論量多或少，深或淺。
佢唔做，由佢欠交，等老師罰。
佢拖住做，限佢時間，做唔晒即收功課，熄燈訓覺。
作者: Vanadium 時間: 17-1-15 11:59
其實中國人教養有句金句: 先管後教，我真係200%認同。
先管D行為，後再講道理。淨講道理但管唔掂....仲衰過唔講。
作者: MNIF 時間: 17-1-15 12:50
提示: 作者被禁止或刪除 內容自動屏蔽
作者: twlo 時間: 17-1-15 16:31
我會同小朋友講，做完功課可以做佢喜歡的事，所以佢每天好快完成，更會在校的lunch時間爭取做完。
但家長又不要當佢快完成功課而加課外練習。
作者: MrBeast 時間: 17-1-15 17:39
初小或之前，小朋友是張白紙，任父母初圓dum便，唔願做大多數原因是覺得難，這情況最適合的方法是幫小朋友找出基本原因跨過困難，不要讓小朋友養成無助放棄的心態。
作者: MrBeast 時間: 17-1-15 17:41
至於抄寫問題，大多都是小肌和或空間感弱
作者: Tintin926 時間: 17-1-15 21:56
本帖最後由 Tintin926 於 17-1-15 22:18 編輯
Vanadium 發表於 17-1-15 11:42
我係話以前家長要搵食，無讀咁多書，唔識講道理，故要仔女做功課，大都會簡單bundle左功課同一D仔女好喜愛 ...
我又覺得一本通書不能到老，時代唔同總需改變。 你父母果代冇書讀要早d出來做嘢養家，到你果代你父母都想你多讀兩年書啦！
但我都認同依家d父母太溫柔體貼，一味勸教說理是不行的。我絶對支持適當體罰，講唔聽，警告後一定揪，揪得就要狠，打仔莫摸頭。但不能像以前父母只鬧和打，鼓勵係好重要，打亦不能像以前見肉就打，我只打pat pat和手
我係樓主，早就打佢N鍋
作者: wan_sosin 時間: 17-1-15 23:06
本帖最後由 wan_sosin 於 17-1-15 23:08 編輯
benjuli 發表於 17-1-15 09:21
可以㸃教,有無一些方法分享吓,謝謝!
我是在一個自己唔理自己,就無人會理我的家庭長大! 我自己好認為人必須要學懂獨立,我從好細個就教我小朋友,舉一個例,我仔讀幼稚園時,試過帶了功課返學校,但掛住玩,沒有交給老師,放學回家後我發現了,我帶我仔回學校交給老師,還要佢向老師道歉!其實只係幼稚園,連老師也說遲一日交也沒問題的,但我也跟老師說,必須要知道自己有責任的!
在生活上舉些例,如果佢自己玩到成身泥,我要佢自己洗一次,我才幫佢再洗;佢選了一樣食物,如果發現唔好食,點都要自己食埋佢!例子太多,好難數得晒!而這些都是幼兒時已開始的教道.
道理我會講,但都會在有事情作根據才講,我會話佢聽,你係你自己,媽媽點都幫唔到你去過你自己的生命,你冷你熱,我係感覺唔到!你自己先知,有需要時你要自己出聲,你開聲我唔會唔幫.
我仔現在小三,有時屋企不知那個弄污弄亂了,佢最初會話,唔關佢事,唔係佢做成的,我話,屋企你有份,就算唔係你做成的,見到有需要,也應該幫下手,一家人唔可以分你定我,我問佢,你嘅衫係你著,點解我又幫你洗,每個人都應該做一些自己可以做的事情.
快要過年,佢呢兩日提出要執屋,還分配好誰人負責那個部份,佢自己也安排了佢負責的部份.我好開心見到佢有成長!
所以,功課,執書包等最基本的事情,佢都無大問題,我無check佢齊唔齊功課,但佢小三上學期沒有欠交一份功課,不過書就試過漏帶幾次,但都已是很理想的了!
作者: Tintin926 時間: 17-1-16 00:35
wan_sosin 發表於 17-1-15 23:06
我是在一個自己唔理自己,就無人會理我的家庭長大! 我自己好認為人必須要學懂獨立,我從好細個就教我小朋友, ...
但現今父母與孩子也不易做到
作者: MrBeast 時間: 17-1-16 06:54
wan_sosin 發表於 17-1-15 23:06
我是在一個自己唔理自己,就無人會理我的家庭長大! 我自己好認為人必須要學懂獨立,我從好細個就教我小朋友, ...
究竟係態度唔好/貪玩而唔做，還是因為覺得難抗拒而發脾氣？chicken n egg question.
作者: wan_sosin 時間: 17-1-16 07:59
MrBeast 發表於 17-1-16 06:54
有時我小朋友埋怨功課多唔想做，首先當然要paraphrase 佢感受，但之後我都係話老師係罰佢唔係我。
究竟係態 ...
人一定會有感受，有感受唔係錯，覺得辛苦，困難，係每個人都好熟識的，小朋友有這些感受，我都明白同接受，我仔都當然經過好多爭扎，話唔想做，好悶等等...我會認同佢真係覺得唔容易，但呢d時間亦是好好鼓勵小朋友，同教佢哋，唔會有一個人，可以只做開心輕鬆的事，跟住舉些例子(大把例子可以講)，最後也要強調媽媽是明白的，真係有不懂的，也一定會幫助，唔會一唔識就怪責是一定係無聽書啦!小朋友要坐足大半日，好幾個老師講唔同嘅課，加上仍是低年班，間中有聽漏，有唔明，都唔係什麼錯得咁緊要嘅事!教還教，嚴厲還要加上支持同鼓勵!小朋友還小，做得好時，要錫下抱下!當然擺明做得衰，我都唔會留情地去責備!
作者: retriever 時間: 17-1-16 08:31
mypineapple 發表於 17-1-13 19:52
有無方法？謝謝
請佢食薯片同雪糕一定肯做!
作者: MrBeast 時間: 17-1-16 08:33
wan_sosin 發表於 17-1-16 07:59
人一定會有感受，有感受唔係錯，覺得辛苦，困難，係每個人都好熟識的，小朋友有這些感受，我都明白同接受 ...
作者: wan_sosin 時間: 17-1-16 10:28
MrBeast 發表於 17-1-16 08:33
paraphrase 我都是跟snoopy 校長學，聽落好容易，但好多時父母會jump to 解決問題方法而忘記肯定小朋友感受 ...
本帖最後由 wan_sosin 於 17-1-16 10:31 編輯
我是從聖經及教會學來的，聖經講愛講得好全面。
家長有時以目標為本，忘記小朋友是要經歷人生過程才能學懂一些道理，家長唔比機會小朋友去經歷，就想佢哋學識，亦欠缺一路上的陪伴!
小朋友成長並不容易，佢哋好需要父母陪佢哋面對成長的困難。
作者: mummyWai 時間: 17-1-16 12:02
回覆 wan_sosin 的帖子
My son complianted the homework is hard during P2, and wait until I went back to home after work.Then I know he cheated me sometimes. One day, I punished him that he can't have the dinner. I explained to him that your mother needed to work and earned money for food. It's my responsibility to work hard. As a student, the basic is the attitude on learning include doing homework. So there's no dinner that day because he did not take his responsibility.
作者: hoihoima 時間: 17-1-16 13:10
mypineapple 發表於 17-1-14 19:17
功課量唔算多， 只係佢眼中只想玩樂， 仲未覺得做功課係佢既責任
咁由幼稚園到而家點過的？你從幼稚園開始又點樣處理呢個問題呢？
作者: wan_sosin 時間: 17-1-16 23:46
mummyWai 發表於 17-1-16 12:02
回覆 wan_sosin 的帖子
My son complianted the homework is hard during P2, and wait until I went back ...
你的小朋友之後的情況如何?
作者: retriever 時間: 17-1-17 09:00
wan_sosin 發表於 17-1-15 08:52
唔多認同!
80年代物質豐富，才會出現所謂80後。
但70年代以前，物質短缺，生活都未必足夠，何來會經常有獎 ...
本帖最後由 retriever 於 17-1-17 09:01 編輯
老實講，呢代細路唔少問題，係因為唔打得。
另一樣係父母怕細路吃虧，連玩遊戲都爭取機會幫代排隊。
細路自己負責已經唔係執糖紙咁簡單，係要自己承受後果。
譬如細路自己收野出去游水自己揹，執漏就無得游。專搵佢鍾意晚既野自己負責。
當然而家上左小學先攪呢有 D 遲，因為好老實無咁多時間同佢磨。
作者: retriever 時間: 17-1-17 09:07
Olympian 發表於 17-1-15 10:23
以前那一代最大的好處是窮養，激發一些小朋友發奮讀書。另外一些就是打和鬧！再另一些家長要搵食，打和鬧都 ...
BUT 老實講句，以前果代學壞左做飛仔飛女，佢地在家庭家族圈子中仲識得簡單尊重他人。
而家細路自信過龍，唔少真係鍾意認叻又無禮貌。
作者: retriever 時間: 17-1-17 09:11
Vanadium 發表於 17-1-15 11:42
我係話以前家長要搵食，無讀咁多書，唔識講道理，故要仔女做功課，大都會簡單bundle左功課同一D仔女好喜愛 ...
相同感受!
老實講，所謂”不打不鬧” 我覺得幾反智既。
問題只係程度同情況而已。
責任感唔係淨講架，要佢真係承擔後果。搵D 佢鍾意既野，要佢自己安排，自己負責，最後扇佢一鑊
作者: mummyWai 時間: 17-1-17 09:21
回覆 wan_sosin 的帖子
Different person has different character, its work for my son as he understood that it make me really angry.
教完唔聽,就狠狠罰一次. Its better that agreed by your husband/wife before any punishment.
作者: little_yolky 時間: 17-1-17 13:32
Vanadium 發表於 17-1-14 16:07
總有人極唔鐘意做功課，如果你問D仔女都唔太討厭做功課既人既意見，通常都唔能夠應用係自己身上。
先了解 ...
作者: Vanadium 時間: 17-1-17 15:18
回覆 little_yolky 的帖子
如果小朋友有心做功課，只係覺得功課難，真係好易解決，較淺D功課咪得lor。
如果個咩小三西遊記閱讀功課，若然小朋友都有心睇，係覺得原版太多字或太難明睇得好辛苦，比我咪比個簡易版、漫畫版佢睇，一樣寫到閱讀報告，老師鬼知你係咪睇原版咩。
教小朋友既原則，一定要保持小朋友既學習動機 (只要佢仲有)，而學習動機，一定要係包含興趣、力可所及同成功感。有時有D功課興趣就真係無架啦，但只要小朋友仲覺得自己做得到，做完會有成功感(如父母讚下佢叻...甚至獎勵下)，都叫仲有D動力去做。
不過有樣野好多家長未必知，有時太淺既野小朋友都會無心機做，能刺激小朋友學習、去挑戰自己既，應該係小朋友已有能力範圍之外，但又不至於做唔到既野，一做到.....係家長同老師讚賞，再加內在滿足感下，佢地通常都會好開心繼續接受新嘗試。
作者: 200904 時間: 17-1-17 15:26
我覺得，首先應該讓孩子覺得學習是一件開心的事情，是他作爲孩童應有的權利。（不是個個孩子可以那麽幸福去學校，他們有機會上學，是一種幸福。）學習是開心的，做功課也是一種游戲，（腦力游戲），與去公園玩的（體力游戲）都是一種游戲。
沒有小朋友不喜歡游戲。
做錯功課，不是責駡，而是幫他們找到下次玩時，可以更成功的方法。那麽孩子在做功課，改功課時得到的不是責駡，而是父母的關愛，就不會覺得不開心，不會害怕，不會有挫折感。
作者: little_yolky 時間: 17-1-17 15:59
Vanadium 發表於 17-1-17 15:18
回覆 little_yolky 的帖子
如果小朋友有心做功課，只係覺得功課難，真係好易解決，較淺D功課咪得lor。
作者: retriever 時間: 17-1-17 16:14
wan_sosin 發表於 17-1-16 10:28
本帖最後由 wan_sosin 於 17-1-16 10:31 編輯
我是從聖經及教會學來的，聖經講愛講得好全面。
希望更多明白過程比結果重要.
仲有有聖經果句: 人要離開父母....
唔好真係準備長憂99.
八卦睇下中學交流版, 上中學呀媽竟然仲係擔心緊同一堆野, 好似昇小一咁... 冷氣大有識唔識著衫, 飯盒好唔好食, 食唔食得哂....
唉!
作者: retriever 時間: 17-1-17 16:20
200904 發表於 17-1-17 15:26
我覺得，首先應該讓孩子覺得學習是一件開心的事情，是他作爲孩童應有的權利。（不是個個孩子可以那麽幸福去 ...
我覺得一半半...
要讓他覺得學習是快樂事是絕對正確...
但同時要限制他接觸更快樂的其他事...
時間有限....
吸引力也時相對性的
作者: Vanadium 時間: 17-1-17 17:13
本帖最後由 Vanadium 於 17-1-17 17:14 編輯
回覆 little_yolky 的帖子
咁你要confirm佢唔識定覺得難唔想做。若係後者，我打到佢死都唔會比佢一難就唔做，否則後果嚴重，日後好大機會變選擇性懶鬼。
但若係前者，佢真係明顯盡力唔得，咁就應調淺難度。學校比都可自動調，你識做架嘛，如10題數，3淺3中4深，咁就按佢能力，幫佢處理兩條深，引導佢去諗其餘兩條，佢一得就勁讚佢。串字學校串20個，佢真串唔到，咁未自定10個，仲比佢揀，當佢串到，又勁讚佢，佢有左信心先再慢慢加上去。
學校果邊，無論默書考試，比我就唔理佢，跟自己schedule去做，但真係要200%保証佢唔係怕難唔想做先好玩d咁野，否則佢一難就唔做，習慣左就大鑊。
作者: little_yolky 時間: 17-1-17 17:18
Vanadium 發表於 17-1-17 17:13
回覆 little_yolky 的帖子
咁你要confirm佢唔識定覺得難唔想做。若係後者，我打到佢死都唔會比佢一難就唔 ...
唔識, 唔想用腦諗, 其實小二D嘢有幾難呢? 不過佢好醒, 唔會留空, 會是旦寫個答案落去。咁, 又要改正, 樣樣功課做兩次, 咪惡性循環囉。
作者: wan_sosin 時間: 17-1-17 17:24
retriever 發表於 17-1-17 16:14
希望更多明白過程比結果重要.
仲有有聖經果句: 人要離開父母....
放手讓小朋友活佢自己嘅生命，也並非易事，試過我小朋友幼稚園時落公園玩，當時有些秋涼，我著長袖衫，仔著短袖，比人話我自己就暖，由得個仔冷!
講真做人呀媽，心裡那有唔緊小朋友的!實在佢花了一點皮肉我都心痛!不過真正愛個小朋友，最基本都要令佢自己將來有足夠能力好好生活!
作者: 王家爸爸 時間: 17-1-17 17:32
wan_sosin 發表於 17-1-16 10:28
本帖最後由 wan_sosin 於 17-1-16 10:31 編輯
我是從聖經及教會學來的，聖經講愛講得好全面。
作者: MrBeast 時間: 17-1-17 17:44
回覆 王家爸爸 的帖子
金句時間：important thing in life is not the triumph but the struggle
作者: 王家爸爸 時間: 17-1-17 17:53
MrBeast 發表於 17-1-17 17:44
回覆 王家爸爸 的帖子
金句時間：important thing in life is not the triumph but the struggle ...
作者: MrBeast 時間: 17-1-17 18:31
本帖最後由 MrBeast 於 17-1-17 18:32 編輯
王家爸爸 發表於 17-1-17 17:53
所以家長唔好樣樣都出手幫小朋友，等佢哋奮鬥過，甚至要掙扎過，咁樣所得到既勝利先係真正既勝利。 ...
係啊，現今都是父母struggle （緊張）多過小朋友，不過解難能力都是要慢慢培養，父母起初幫下get them up to speed 都ok 的
作者: retriever 時間: 17-1-18 07:12
MrBeast 發表於 17-1-17 18:31
係啊，現今都是父母struggle （緊張）多過小朋友，不過解難能力都是要慢慢培養，父母起初幫下get them up ...
信唔信好多野做得多就快？
但係家長有太想快(或預時間太緊),忍唔住出手干預。
作者: IloveJJ 時間: 17-1-18 10:54
提示: 作者被禁止或刪除 內容自動屏蔽
作者: IloveJJ 時間: 17-1-18 10:56
提示: 作者被禁止或刪除 內容自動屏蔽
作者: IloveJJ 時間: 17-1-18 10:57
提示: 作者被禁止或刪除 內容自動屏蔽
作者: IloveJJ 時間: 17-1-18 11:02
提示: 作者被禁止或刪除 內容自動屏蔽
作者: Rachelmummy2008 時間: 17-1-18 11:26
回覆 IloveJJ 的帖子
識寫低提醒自己都幾乖仔吖
作者: IloveJJ 時間: 17-1-18 11:32
提示: 作者被禁止或刪除 內容自動屏蔽
作者: wan_sosin 時間: 17-1-18 13:01
IloveJJ 發表於 17-1-18 11:32
但係講完，返到屋企已唔記得咗!結果都無寫
寫落紙貼起來，太無難度，大意的人轉眼就忘記，要寫100次，每度牆都貼，增加難度才會認真記得
話時話，我個仔都係超大意，同樣是難的唔錯，錯晒易的。數學的應用題全對，簡單送分的題目錯好幾條！
男仔真是容易出現這情況
作者: retriever 時間: 17-1-19 07:43
wan_sosin 發表於 17-1-18 13:01
寫落紙貼起來，太無難度，大意的人轉眼就忘記，要寫100次，每度牆都貼，增加難度才會認真記得
話時 ...
本帖最後由 retriever 於 17-1-19 07:44 編輯
因為仔鍾意認叻。一簡單就輕心。
寫太多變得有點罰既意味，希望佢自己諗下點提醒自己。
寫低貼起佢要搵當眼位置，我叫佢諗係過程佢會易D 睇到。 譬如出門前大門門板，佢張枱枱面，廁所馬桶上面既牆，按提示內容而訂。
作者: wan_sosin 時間: 17-1-19 10:49
retriever 發表於 17-1-19 07:43
本帖最後由 retriever 於 17-1-19 07:44 編輯
因為仔鍾意認叻。一簡單就輕心。
本帖最後由 wan_sosin 於 17-1-19 11:06 編輯
抄100次----我唔係認真講架!只係想影射有些男仔係要有考驗先會認真，講真就算貼在牆上，都可以視而不見的。除了男仔有可能比較認叻，還有可能是自省能力弱! 佢哋會覺得，錯咪錯囉! 唔多識得自責! 唔會記住自己錯過嘅事!我個仔係偏向唔太識自省!
男仔集中能力亦唔算好，深嘅題目要動腦，反而會提起精神，但淺嘅題目，就容易放鬆咗無咁集中。正如在車多地方過馬路，我哋都會留心一些! 到了郊區行山路段的馬路，有時車唔響號人都唔會行開。
小朋友就是要學識如何控制自己集中能力，多少要經過時間同日常生活的鍛鍊來成熟過來!有人快有人慢，但最起碼要明白自己這些問題!
事實一份卷幾十條題限時完成，題目種類又多，並非輕易能一一準確去做，否則都唔會有操卷班這類訓練速度準確度的補習!為求見題就識做!考試機械就是這樣練成!如有得罪其他家長請見諒!我也明白在這種教育制度下，家長的無奈!
PS. 現在女仔認叻程度完全唔輸男仔，有時仲會踩住男仔!小學階段女仔比男仔成熟，表現較平穩理想，男仔係無乜"訂企"!
作者: IloveJJ 時間: 17-1-19 17:18
提示: 作者被禁止或刪除 內容自動屏蔽
作者: little_yolky 時間: 17-1-19 17:41
IloveJJ 發表於 17-1-18 11:02
「太淺既野反而無心做」，呢樣又點解決呢？我仔就係咁 ，可能係男仔，一易就放鬆，今次考試衰咗，我都話， ...
作者: wan_sosin 時間: 17-1-19 17:41
IloveJJ 發表於 17-1-19 17:18
放心，我無叫個仔抄100次，我剩係將你個提議講咗俾佢聽
我都相信你明白我意思
作者: IloveJJ 時間: 17-1-19 23:14
提示: 作者被禁止或刪除 內容自動屏蔽
作者: Queeniebaby 時間: 17-1-20 19:40
Vanadium 發表於 17-1-15 11:59
其實中國人教養有句金句: 先管後教，我真係200%認同。
先管D行為，後再講道理。淨講道理但管唔掂....仲衰 ...
作者: retriever 時間: 17-1-22 15:06
IloveJJ 發表於 17-1-18 10:54
係，我親眼見我細仔既同學做功課，佢媽媽响隔離，將所有文字題既題目讀晒出嚟，跟著仲解埋佢聽，連思考部 ...
呢個情景常見，即呀媽做秘書，消化過先俾細路答題，有D 懷疑係NORM 添。
另一次見某校初小生，寫幾句旁邊呀媽隻肥手已經伸入來用擦字膠狂卒，細路再寫幾句又俾隻肥手擦字膠伸入來，我眼見細路眼神怒啤呀媽，滿臉不滿。
作者: MrBeast 時間: 17-1-30 08:26
retriever 發表於 17-1-22 15:06
呢個情景常見，即呀媽做秘書，消化過先俾細路答題，有D 懷疑係NORM 添。
另一次見某校初小生，寫幾句旁邊 ...
作者: Carol51 時間: 17-3-25 18:13
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |