教育王國

標題: 成積差到無人有揮手區 [打印本頁]

作者: 曾開心 時間: 17-1-13 17:16 標題: 成積差到無人有揮手區

無心機第表,真係想總一派位派到邊間就讀邊間算喇,又怕校風太差.

其實隻衰仔都有溫書,亦都知道個重要性,但係個成積....唉!

呻完,多謝收睇.

作者: 王家爸爸 時間: 17-1-13 17:23

曾開心發表於 17-1-13 17:16
無心機第表,真係想總一派位派到邊間就讀邊間算喇,又怕校風太差.

其實隻衰仔都有溫書,亦都知道個 ...

揀間讀得開心既，例如如果佢鍾意機械人，可以揀間STEM野多啲既，可能玩玩下咁學寫電腦程式，可能會學得更開心。

作者: YmOra 時間: 17-1-13 17:24

不要灰心,孩子條路還有好長要行,爹娘的多鼓勵他吧!找出問題所在對正下藥,仲有未來六年中學可以有個大番身呢!若然,不是學術材料,便找自己喜歡嘅哩學,做該門的專才人士,人生充滿希望的,努力加油呀!

作者: it23 時間: 17-1-13 18:30

加油，不要放棄。

好多人初中才發力，尤其如果遇到好老師。

最重要選一間校風好的，唔好學壞。

作者: wongkaka 時間: 17-1-13 18:32

不要灰心
小朋友要邊區中學?

作者: ballonbb 時間: 17-1-13 18:55

揀間雖然成績麻麻但校風比較好. 成績普通不重要, 至緊要不要學壞.

作者: 曾開心 時間: 17-1-13 19:02

回覆 wongkaka 的帖子

紅磡區

作者: jlgel 時間: 17-1-13 19:16

搵間有小朋友喜歡嘅活動嘅中學，可能帶動埋佢嘅學習都唔定

作者: Yanamami 時間: 17-1-13 19:32

校風最重要，只要乖，俾多d鼓勵佢。有邊個唔想成績好？人總有長處，或者佢脾氣好好？好有耐性？好鍾意小朋友？對老人好好？唔一定人人讀到書吖~

作者: Jumama2000 時間: 17-1-13 19:42

曾開心發表於 17-1-13 17:16
無心機第表,真係想總一派位派到邊間就讀邊間算喇,又怕校風太差.

其實隻衰仔都有溫書,亦都知道個 ...

好多男孩子很遲才發力，阿仔啲同學在小學時好玩，成績麻麻，去到中三時開竅，成績突飛猛進，所以不要輕易放棄。找一間校風好，老師有愛心的會幫到你小朋友。

作者: IloveJJ 時間: 17-1-13 19:46

提示: 作者被禁止或刪除內容自動屏蔽

作者: Lindytiger 時間: 17-1-13 21:07 標題: 回覆樓主：

本帖最後由 Lindytiger 於 17-1-14 01:36 編輯

想當年我小學成績最差既幾位同學，升中時派左band 3 中學，結果中五畢業後2個做左警察，1個做左飲食連鎖店老闆. 讀書唔叻都有出頭天，最緊要唔好學壞。加油呀！

作者: 1209yoyo 時間: 17-1-13 22:19

不用灰心，讀書分數不代表一切，只要健健康康成長，他日就會知道今天的失意只是微塵事一椿！

作者: 曾開心 時間: 17-1-13 22:36

多謝各位支持同開解,bk實在係一個好地方

作者: ChapmanMa 時間: 17-1-14 16:59

曾開心發表於 17-1-13 22:36
多謝各位支持同開解,bk實在係一個好地方

我識好多例子中學時成績吾好、大過做左專業人仕、同時又有好多中學時成績前茅，大過卻事業平平、打工仔一名……不要灰心，初中只是起步

作者: TwinWong 時間: 17-1-14 19:17

曾開心發表於 17-1-13 17:16
無心機第表,真係想總一派位派到邊間就讀邊間算喇,又怕校風太差.

其實隻衰仔都有溫書,亦都知道個 ...

留意有邊間中學有你仔鐘意嘅活動, 再睇校風同程度適唔適合囝囝

作者: yiuyiu88 時間: 17-1-15 00:11

提示: 作者被禁止或刪除內容自動屏蔽

作者: mrs.so 時間: 17-1-15 11:49 標題: 回覆樓主:

唔好放棄唔好灰心

我細仔都唔為成績好既一班，不過我無灰心，我更加努力為個仔揀一間合適既中學，我派了第一志願，我帶住細仔拎住第一志願跨區叩門，我不停同自己講：我要陪住我仔一齊面對，我放棄我灰心，我仔都會難受。

我送首歌你聽，我好鍾意內裡歌詞，為你加油打氣。。。

https://youtu.be/Vsr5gpmmvhs

作者: friendfriend 時間: 17-1-15 15:13

不要擔心，我都識有親戚個仔讀了band 3 ，不過他冇變壞，成績也有進步，長大後叫他學門手藝。人生來日方長，讀到band 1、2也並不代表一定入到大學，入到大學又要找份好工。唉，人生漫長，不要給他壓力，最重要他盡力了就好。記得幫他選間校風好的。

作者: 曾開心 時間: 17-1-15 16:29

好多謝各位嘅支持,心情都輕鬆

作者: mickychow 時間: 17-1-16 10:23

回覆曾開心的帖子

唔好灰心！只係未找到合適的讀書方法，我仔仔成績都唔見得人架！我只希望佢可以讀得開心，唔好學壞，話不定有一天佢會讀好成績呢！

我哋大家一齊加油！

作者: little_yolky 時間: 17-1-16 10:46

曾開心發表於 17-1-15 16:29
好多謝各位嘅支持,心情都輕鬆

親身例子。阿妹細時真係蠢到無朋友, 教極都唔識。佢唔係話唔讀書, 不過就係唔識。升中阿爸幫佢揀咗間近屋企既B3學校, 話近近哋易管, 而且學校程度合適, 寧為雞首莫為牛後(呢句阿爸講既)。佢終於好彩响中三果年撞到個同佢tune到channel既老師, 一科得咗萬事搞掂, A-level攞咗2A2C, 雖然佢個格係衰D, 唔係乖學生個款, 但都叫做無學壞。所以, 努力！

報咗自行未？

作者: hwl2b 時間: 17-1-16 17:00

我個女都係呀, 成績好差呀, 教極佢都唔明, 溫極都唔識, 都好氣餒, 然後諗返自己, 都係讀書唔叻, 但都可以養活自己丫... 但求佢長大後, 努力做好自己就算了~
唔係個個都讀到書...

作者: optman88 時間: 17-1-16 17:05

hwl2b 發表於 17-1-16 17:00
我個女都係呀, 成績好差呀, 教極佢都唔明, 溫極都唔識, 都好氣餒, 然後諗返自己, 都係讀書唔叻, 但都可以養 ...

啱, 祇要揾啱要行嘅路就 ok , 加油 !

作者: 曾開心 時間: 17-1-16 21:15

回覆 hwl2b 的帖子

多謝你!已報基道中學,呢間連老師都話啱佢.

作者: haihaimom 時間: 17-1-16 21:24

曾開心發表於 17-1-16 21:15
回覆 hwl2b 的帖子

多謝你!已報基道中學,呢間連老師都話啱佢.

幫我剪頭髮嗰個髮型師，中五都未讀完，依家有幾間鋪

，搵到自己興趣發展，就有出頭天，所謂莫欺少年窮！

作者: chun媽 時間: 17-1-22 09:44 標題: 回覆樓主:

記得小學的男同學，成績麻麻地，之後都完成了博士課程

作者: 寶貝瑜 時間: 17-1-22 14:22

我公司老闆，中三程度，做跟車出身，家下坐擁至少2億身家（運氣+際遇）

作者: PP媽媽 時間: 17-1-22 15:12 標題: 回覆：成積差到無人有揮手區

好認同，其實成績並非人生的一切，我D中學同學有D成績好好的，但際遇問題入錯行轉唔返出來，反而自己成績不算突出但找到適合自己的工作，敬業樂業。所以生涯規劃更重要！現在的小朋友年青人只懂盲目追求成績是不夠的，年初的學童自殺正正反映了問題所在，可惜我們的局長太唔惦，唯有靠自己，早點發掘小朋友的優點和興趣。

作者: haihaimom 時間: 17-1-23 11:59

寶貝瑜發表於 17-1-22 14:22
我公司老闆，中三程度，做跟車出身，家下坐擁至少2億身家（運氣+際遇）
...

唔止，重有自身性格，所謂性格決定命運。同埋佢哋好多都有同一個共通點，就係勤力。

作者: chun媽 時間: 17-1-23 15:35 標題: 回覆樓主:

現在，成功的價值觀只在乎成績，小朋友其他的長處如運動，美術的才能被忽視，造成大量的『失敗者』，這情形在香港尤甚

作者: shypama 時間: 17-1-23 20:29

haihaimom 發表於 17-1-23 11:59
唔止，重有自身性格，所謂性格決定命運。同埋佢哋好多都有同一個共通點，就係勤力。
...

還有由於學歷不高,自然謙虛,機會也因此而大增

作者: ar_mak 時間: 17-1-23 21:01

提示: 作者被禁止或刪除內容自動屏蔽

作者: 柏禧媽咪 時間: 17-6-26 11:33

回覆 wongkaka 的帖子

如果係女孩, 將軍澳B3有咩選擇呢?只要校風好不學壞

作者: 心語 時間: 17-6-26 14:08

Jumama2000 發表於 17-1-13 19:42
好多男孩子很遲才發力，阿仔啲同學在小學時好玩，成績麻麻，去到中三時開竅，成績突飛猛進，所以不要輕易 ...

其實點先知道那些學校D老師對小朋友有沒有愛心呢?

作者: cherrieshum 時間: 17-6-26 18:03

little_yolky 發表於 17-1-16 10:46
親身例子。阿妹細時真係蠢到無朋友, 教極都唔識。佢唔係話唔讀書, 不過就係唔識。升中阿爸幫佢揀咗間近屋企 ...

好厲害！A level能有2A2C。

作者: little_yolky 時間: 17-6-26 18:06

cherrieshum 發表於 17-6-26 18:03
好厲害！A level能有2A2C。

最慘英文唔合格呢..............要補第二年英文合格返至入到U。

其實當年我都好自責, 因為阿妹半途出家, 個底唔好, 我當年又已經出咗身, 應該俾佢去XX補習度補好D英文, 如果英文合格, 咁既成績, 可能三大都入到。

作者: easonkinki 時間: 17-6-26 18:52 標題: 回覆樓主:

我身邊讀書唔叻,只有中學程度嘅朋友，有d做老闆，有d搵幾萬一個月。唔係話搵得特別多但同一般大學畢業生人工咪差唔多。
我覺得識做人同人際關係對工作先係最重要。
我女成績唔好，但畫畫好靚，我就鼓勵佢向呢方面發展，
樓主發掘下小朋友嘅興趣，等佢有多d成功感。

作者: 常樂 時間: 17-6-26 19:42

我哥哥的朋友，中學讀地X亞，高中發力，入了港大醫學院，真人真事。

作者: cherrieshum 時間: 17-6-26 20:31

little_yolky 發表於 17-6-26 18:06
最慘英文唔合格呢..............要補第二年英文合格返至入到U。

其實當年我都好自責, 因為阿妹半 ...

本帖最後由 cherrieshum 於 17-6-27 06:29 編輯

不要緊，所謂條條大路通羅馬，始終入到大學。叻叻！

作者: la5711 時間: 17-6-28 08:10

咁有啲人真係無書緣。我細佬幼稚園已不合格，中學自然入B3,勉強挨到中三，就轉去讀職業先修課程，想不到他有維修天份，拿了全港第一(有幾間分校), 港督頒獎呢！現在雖然不算富有，只有車有樓有老婆有仔，都算不俗了。話時話，以前職業先修好好，讀緊時有津貼攞，讀完就轉介去做學徒，有門手藝，不愁出路。好過現在讀咩副學士、毅進，俾十萬八萬，Hea 左幾年都都無咩實際作用。

作者: run 時間: 17-7-1 17:46

作者: cat2007 時間: 18-1-14 21:25

作者: chun媽 時間: 18-1-15 09:20 標題: 回覆樓主:

最後樓主的小朋友去左邊?

作者: 王家爸爸 時間: 18-1-15 09:25

IloveJJ 發表於 17-1-13 19:46
有溫書，又想成績好，咁出來成績都唔好，就唔關佢事啦！唔係個個都天生讀書叻架。
正如我做facial又化妝， ...

如果做facial、化妝，都變唔到李嘉欣一樣，一於用喬裝。化妝同喬裝只係一線之差。

作者: little_yolky 時間: 18-1-15 12:55

王家爸爸發表於 18-1-15 09:25
如果做facial、化妝，都變唔到李嘉欣一樣，一於用喬裝。化妝同喬裝只係一線之差。 ...

我主張阿女睇多D書, 陪養氣質, 會好過喬裝去呃人, 起碼素顏都可以用氣質搭救。

作者: MrBeast 時間: 18-1-15 13:03

王家爸爸發表於 18-1-15 09:25
如果做facial、化妝，都變唔到李嘉欣一樣，一於用喬裝。化妝同喬裝只係一線之差。 ...

e加可p 圖

作者: IloveJJ 時間: 18-1-15 13:14

提示: 作者被禁止或刪除內容自動屏蔽

作者: IloveJJ 時間: 18-1-15 13:16

提示: 作者被禁止或刪除內容自動屏蔽

作者: little_yolky 時間: 18-1-15 13:27

IloveJJ 發表於 18-1-15 13:16
我好懷疑男人係咪真係睇到氣質，我覺得keep住身材唔好肥緊要啲!哈哈!

男人睇唔到係無問題的, 最緊要自己知道。

作者: little_yolky 時間: 18-1-15 14:45

MrBeast 發表於 18-1-15 13:03
e加可p 圖

你哋D爸爸可唔可以唔好一個教喬裝, 一個教P圖........

作者: IloveJJ 時間: 18-1-15 14:48

提示: 作者被禁止或刪除內容自動屏蔽

作者: little_yolky 時間: 18-1-15 14:54

IloveJJ 發表於 18-1-15 14:48
咪話咗你聽，男人係唔睇氣質囉！靚咪即係氣質囉！

靚 =/= 有氣質喎, D 乜乜baby, 物物baby, 我唔覺有氣質架。

作者: IloveJJ 時間: 18-1-15 15:59

提示: 作者被禁止或刪除內容自動屏蔽

作者: sa1124 時間: 18-1-15 17:02 標題: 回覆樓主

在這裡終於找到一些安慰，小女小五，雖然下學期才呈分，但剛過了的考試，其實見到她開始有努力，亦只是六七十分（之前五六十分），但這分數也不能期望可以大突破⋯⋯

作者: chun媽 時間: 18-1-15 19:42

sa1124 發表於 18-1-15 17:02
在這裡終於找到一些安慰，小女小五，雖然下學期才呈分，但剛過了的考試，其實見到她開始有努力，亦只是六七 ...

是好的開始

作者: laiyuen 時間: 18-1-15 21:12 標題: 回覆樓主：

本帖最後由 laiyuen 於 18-1-15 21:12 編輯

唔需要太擔心，男仔可能比較遲開竅。
我老公小學次次考尾幾，99都諗住求其俾佢讀完中五就算，點知佢會考得好好，到A level更係全級第一。
所以俾d信心囝囝，幫佢選一間校風好又適合佢既學校都好重要，話唔定佢越讀越好！

作者: 小黃豆B 時間: 18-1-15 22:04

樓主唔駛擔心，天生我才必有用，男仔係遲開竅。我中一都係band5(等於現在band3尾)中學，幾經波折又中五repeat最後都大學first hon畢業。但我地個年band5畢業生現在最發個個係會考0分的。

作者: little_yolky 時間: 18-1-16 16:13

sa1124 發表於 18-1-15 17:02
在這裡終於找到一些安慰，小女小五，雖然下學期才呈分，但剛過了的考試，其實見到她開始有努力，亦只是六七 ...

咦? 好好呀, 由5-60分進步到6-70分, 有2X%既增長, 我D強積金都無呀。記得去多D學校參觀, 搵間適合佢既中學。

記得清楚講俾佢知, 你見到佢既努力, 亦欣賞佢既努力。有進步咪好好囉, 不要想著有突破, 這樣你會好唔開心的, 你唔開心阿女更加倍唔開心, 咁就真係輸晒了。努力！

作者: sa1124 時間: 18-1-16 16:26

little_yolky 發表於 18-1-16 16:13
咦? 好好呀, 由5-60分進步到6-70分, 有2X%既增長, 我D強積金都無呀。記得去多D學校參觀, 搵間適合佢既中學 ...

我心中擔心，她有進步，我有買小禮物給她作鼓勵。希望她保持這種態度吧！

作者: little_yolky 時間: 18-1-16 16:34

sa1124 發表於 18-1-16 16:26
我心中擔心，她有進步，我有買小禮物給她作鼓勵。希望她保持這種態度吧！
...

你想想, 佢本來就是B3的成績, 已經沒有得輸了, 但現在居然佢自發努力溫習, 不是已經嬴了嗎? 不止努力了, 還有這麼顯著既進步, 真係開心到要去還神了。只要你從心底欣賞佢, 經常因為佢既努力而表現得開懷, 小朋友先有動力保持這種態度。

不要以為你只是心中擔心, 心中覺得佢成績還是不夠, 口中沒說呀。其實, 小朋友心裡都一清二楚, 因為他們都是從我們的肚子裡出來的, 都是我們肚子裡的一條蟲, 我們心裡想什麼他們明白得很。所以一定要打從心底裡欣賞他們的進步, 否則, 他們覺得努力也是白費, 動力就消失了, 就不能保持了。努力呀！

作者: HaYi 時間: 18-1-16 16:34

分數上落唔係唔重要, above average 之餘最重要排位有提高,

作者: sa1124 時間: 18-1-16 16:36

little_yolky 發表於 18-1-16 16:34
你想想, 佢本來就是B3的成績, 已經沒有得輸了, 但現在居然佢自發努力溫習, 不是已經嬴了嗎? 不止努力了, 還 ...

謝謝你

作者: little_yolky 時間: 18-1-16 16:37

HaYi 發表於 18-1-16 16:34
分數上落唔係唔重要, above average 之餘最重要排位有提高,

對於原本成績唔太好既小朋友, 長遠嚟講最重要既, 係如何保持學習既動力同態度。任何方面有進步並唔容易。

作者: csbaik 時間: 18-1-16 22:38

Lindytiger 發表於 17-1-13 21:07
想當年我小學成績最差既幾位同學，升中時派左band 3 中學，結果中五畢業後2個做左警察，1個做左飲食連鎖店 ...

bingo

作者: tkhhung 時間: 18-1-17 09:00 標題: 回覆樓主:

大仔由小四成绩一般60-70多下学期才开始发力到小六去到3A1B成绩畢业去年入到B1A中学

作者: kwankwanchun 時間: 18-1-17 11:55 標題: 回覆樓主

咩成績為b3? 我小朋友主科常考75-80，全級排名係尾1/3老師話係b3.

作者: CMPCTLR0920 時間: 18-1-17 12:06

即使是Band3學校, 相信都會有一些校風較為好的, 只要唔好學壞, 品行良好, 相信人緣就會好, 幾時都覺得讀書唔係一世, 即使成績唔好咪出來打工囉, 到想再讀書時, 幾多歲都可以.

作者: little_yolky 時間: 18-1-17 13:37

kwankwanchun 發表於 18-1-17 11:55
咩成績為b3? 我小朋友主科常考75-80，全級排名係尾1/3老師話係b3.

如果你哋學校係1/3 B3, 咁佢屬於尾1/3, 就係B3。呢個分係B3唔出奇, 因為我哋學校都係, 同學仔全科B係B3。如果小朋友唔好彩75分既係中英數, 80係其他科就好慘。反而中英數係80, 情況會好好多。因為中英80分, 正常已經above average了。

作者: RiboMM 時間: 18-1-17 15:26

little_yolky 發表於 18-1-16 16:37
對於原本成績唔太好既小朋友, 長遠嚟講最重要既, 係如何保持學習既動力同態度。任何方面有進步並唔容易。 ...

講得非常好，極其贊同！

作者: kwankwanchun 時間: 18-1-17 16:22

little_yolky 發表於 18-1-17 13:37
如果你哋學校係1/3 B3, 咁佢屬於尾1/3, 就係B3。呢個分係B3唔出奇, 因為我哋學校都係, 同學仔全科B係B3。如 ...

亞女二次呈分中英都有80, 係數就差d。
我女學校85已經係A,

作者: little_yolky 時間: 18-1-17 16:38

kwankwanchun 發表於 18-1-17 16:22
亞女二次呈分中英都有80, 係數就差d。
我女學校85已經係A,

我哋都係85A, 咁中英都有80, 就真係失望咗D喎。無法啦, 但揸住呢個成績, 自行搏下B2校啦, 可能有成功既機會既。

作者: kwankwanchun 時間: 18-1-17 18:16

little_yolky 發表於 18-1-17 16:38
我哋都係85A, 咁中英都有80, 就真係失望咗D喎。無法啦, 但揸住呢個成績, 自行搏下B2校啦, 可能有成功既機會 ...

所以80分黎講算唔算係b3 成績。因呈分計算都係用分數,唔計講ABC。
如果band 2 中英數要有90？

作者: little_yolky 時間: 18-1-18 09:10

kwankwanchun 發表於 18-1-17 18:16
所以80分黎講算唔算係b3 成績。因呈分計算都係用分數,唔計講ABC。
如果band 2 中英數要有90？

所謂banding唔係計分, 係計名次。老師話係B3, 即係同級同學大部份比佢高, 就算係81, 名次已經高過佢, 就係咁計。80分正常嚟講唔係低既分, 但係科數學如果係75, 就可以拉低好多。因為數學可以操返嚟, 好多人9X, 隨時平均分可以係8X。咁小朋友得75, 即係距平均分好遠, 仲要計9倍比例, 就拉得好慘。仲有音樂、視藝, 一般大家都會有80, 如果小朋友又得75, 就好慘了。因為banding係計比例, 如果小朋友入到B3個pool, 就算係頭一個B3, 都係B3, 無辦法。不過, 佢成績表唔係咁差, 自行即管試試唔係大熱既B2, 儘量呈三努力D, 睇下可唔可能升返上B2, 大抽奬就選擇多好多了。

記得提佢開始操下科數。

作者: asd456 時間: 18-1-19 18:41 標題: 回覆樓主:

入嚟報到呀！明明考得唔係咁差，唔知點解banding又跌咗，老師話係因為其他同學爆成績上去

作者: asweetmom 時間: 18-1-19 20:28

asd456 發表於 18-1-19 18:41
入嚟報到呀！明明考得唔係咁差，唔知點解banding又跌咗，老師話係因為其他同學爆成績上去
...

其他同學也會力爭上游嘛，不進則退。

作者: happy105 時間: 18-1-20 11:14

asd456 發表於 18-1-19 18:41
入嚟報到呀！明明考得唔係咁差，唔知點解banding又跌咗，老師話係因為其他同學爆成績上去
...

我果個都係明明呈二既分好過呈一，點知排名仲差左成7名！測驗差不多攞滿分！考試都8x-9x ，我仲諗點都唔差過呈一，到派成績表真係難過到想喊！但都唔關個小朋友事，都努力左，只係人地更勁，所以呢個升中真係令人好大壓力

作者: CALVEN 時間: 18-1-20 13:17

happy105 發表於 18-1-20 11:14
我果個都係明明呈二既分好過呈一，點知排名仲差左成7名！測驗差不多攞滿分！考試都8x-9x ，我仲諗點都唔 ...

計標準分的，不是分高就肯定排得前，我小朋友都有同學呈二科科高分，但排名反而後左，我小朋友呈二無呈一咁好，但總名次同呈一相同，搞到好多人跌眼鏡。

歡迎光臨教育王國 (/)