教育王國

標題: 普教中vs廣教中 [打印本頁]

作者: jadenhayden 時間: 17-1-8 23:02 標題: 普教中vs廣教中

阿仔學校二年級時，就要選定要讀普教中同廣教中，好想聽下大家意見！其實普教中小朋友難唔難習慣？邊種教法好啲？睇書時，小朋友會不會好混亂.....睇圖書時，普教嘅小朋友對廣東話字會唔會唔識個音，形成睇住個字，知國語發音，卻唔知廣東話個音？

作者: Honey 時間: 17-1-8 23:35 標題: 回覆樓主:

如只是中文科是普教中其他科用粤語我贊成入的，因多些機會聽和講，大仔小二至現小六普教中班，interview 直資中學有用普粤英問&答，起碼佢講到&唔怕講。

反而唔喜歡小學只用普通話&英文，呢類型小朋友真係唔識用廣東話讀字了。

作者: 黑糖豆醬 時間: 17-1-22 01:47

Honey 發表於 17-1-8 23:35
如只是中文科是普教中其他科用粤語我贊成入的，因多些機會聽和講，大仔小二至現小六普教中班，interview 直 ...

但會影響呈分試嗎?

作者: Honey 時間: 17-1-22 13:42

黑糖豆醬發表於 17-1-22 01:47
但會影響呈分試嗎?

冇。小二選了普教中班，完全冇影響中文科成績。

因小四至小六有精英班，精英班是普教中，早些適應，小二已選普教中班。

作者: huba 時間: 17-1-22 14:47

黑糖豆醬發表於 17-1-22 01:47
但會影響呈分試嗎?

我孩子學校小二起普教中，他的普通話口語沒問題，但筆試尤其考聲調時對他卻頗困難，這令他不單對普通話卻步，連帶中文學習也有影響，小一小二時中文科他都曾在全級頭5名內，自小三起便無緣踏足頭5名。

作者: skkeung 時間: 17-1-22 21:55

huba 發表於 17-1-22 14:47
我孩子學校小二起普教中，他的普通話口語沒問題，但筆試尤其考聲調時對他卻頗困難，這令他不單對普通話卻 ...

没有頭五名，又關咩事？

作者: huba 時間: 17-1-22 22:12

skkeung 發表於 17-1-22 21:55
没有頭五名，又關咩事？

本帖最後由 huba 於 17-1-22 22:14 編輯

成績是指標，想表達的是孩子對中文學習興趣及發展速度減退了。

作者: 2jkidsfather 時間: 17-1-22 23:05

jadenhayden 發表於 17-1-8 23:02
阿仔學校二年級時，就要選定要讀普教中同廣教中，好想聽下大家意見！其實普教中小朋友難唔難習慣？邊種教法 ...

梗揀廣(粤)中啦! 中文成績好否根本同普通話無關。97前香港會考那些7A,8A的人中文得唔得? 咪俾人催眠到唔學普通話中文科會差。

作者: huba 時間: 17-1-23 01:25

jadenhayden 發表於 17-1-8 23:02
阿仔學校二年級時，就要選定要讀普教中同廣教中，好想聽下大家意見！其實普教中小朋友難唔難習慣？邊種教法 ...

本帖最後由 huba 於 17-1-23 01:28 編輯

香港已推了普教中多年但並不見到普遍的中文程度改善。如可以，我會為孩子選用母語(粵語)上中文課而普通話是獨立一科。小兒現在唸高小及已經接受普教中數年，他有你提到的中文字知普通話發音卻不知粵音怎唸的情況，不過情況普不嚴重，知道他學了一些新字的時候我便會幫他，不然他便會根據近似字來唸。

作者: Yanamami 時間: 17-1-23 09:17

本帖最後由 Yanamami 於 17-1-23 09:18 編輯

Duplucate

作者: Yanamami 時間: 17-1-23 09:17

本帖最後由 Yanamami 於 17-1-23 09:17 編輯

好与坏，我看关鍵在乎你对普教中準備了多少……

我只講个人經历而不对普教中作出評論~

阿女小－已是普教中，幼稚園是英普班，再另学拼音班~整个小学学习全無问題，应付自如，無影响兴趣｡當然，我同意对提升中文程度無乜幫助，最大收益只係流利普通話｡不过小学階段既中文只在於运用層面，而佢又有－定普通話底子，所以不影响理解同兴趣，最多就如楼上所言，有些詞彙未必知广東話讀音，但问題不太大，好易就学会｡

反而今年中一，我替她選了广教中班，事关中学的中文層面已到理解文章、作者，要瞭解文意同背後作者心情、背景……比小学的运用層面深了，我觉得还是用广教中好些，不竟是用广東話思考~

作者: 2jkidsfather 時間: 17-1-24 10:17

Yanamami 發表於 17-1-23 09:17
好与坏，我看关鍵在乎你对普教中準備了多少……

我只講个人經历而不对普教中作出評論~

學中文(尤其是現代中文)，要捕捉的技巧是語言結構，不是普通話發音。粵教或普教的中文根本一樣。除非想放棄粵語，否則以粵語學中文會較有效。省卻記普通話發音的程序，多研究筆序、造句等訓練，相信小學生的中文程度會更進一步。普通話最好以興趣班形式實行。

作者: 2jkidsfather 時間: 17-1-24 11:42

【番鬼佬教廣東話】甘師傅：冇廣東話嘅香港，唔係香港！
http://hk.apple.nextmedia.com/realtime/news/20170124/56213273

作者: 山海兒女 時間: 17-1-26 14:47

回覆 jadenhayden 的帖子

母語學中文，一定係最好

如果家中冇人識普通話，想藉此「一箭雙鵰」，聰明的小朋友點學都得，資質平庸的小朋友只會得不嘗失。

而且仲要睇師資，如果由母語是普通話的老師敎，當然好。如果只是基準試達標，個人認為不如撰擇普通話獨立成科好了。

其實，普通話只要肯聽肯講，唔難學。

個人認為學校只要有獨立一課普通話已足夠。

作者: skkeung 時間: 17-1-26 21:38

山海兒女發表於 17-1-26 14:47
回覆 jadenhayden 的帖子

母語學中文，一定係最好

有見地

作者: akys 時間: 17-1-27 12:02

我覺得普教中放喺精英班係有佢嘅原因，班學生叻啲負面影響冇咁大，我成日覺得如果佢哋用廣教中成績會更好。阿仔讀普教中，簡直係災難，雖然成績中上，但我覺得佢啲中文好差，主要原因係唔理點教，都係用廣東話再作轉換，多了一個程序。還有感覺課文係用國內人士編寫，用字同睇慣嘅國語人金庸，倪匡，古龍，柏楊，嚴沁等不同，對我呢類老人家感覺有啲怪怪咁。

作者: 2jkidsfather 時間: 17-1-27 14:45

akys 發表於 17-1-27 12:02
我覺得普教中放喺精英班係有佢嘅原因，班學生叻啲負面影響冇咁大，我成日覺得如果佢哋用廣教中成績會更好。 ...

我地説「士多啤梨」,大陸叫「草莓」,無問題,但他們説我們錯。教局ETV 都説講廣東話的是魔鬼, 小朋友懂分辨????

作者: fong2005 時間: 17-1-27 18:24

母語教同學中文，會更能明白，普通話唔難學，當一科已可，無謂因要學好普通話，而要放棄或學不好中文！
以前會考無普教中，啲中文不知幾好！
請不要將精英班和普教中畫上等號！

作者: MrBeast 時間: 17-1-30 00:17

回覆 jadenhayden 的帖子

之前有幾個頗in depth 討論，有時間的話爬爬文

作者: scyauchris 時間: 17-1-30 08:07

回覆 jadenhayden 的帖子

普教學校的老師是否母語係普通話? 我地得一班是普教, 由二年級開始去到小四, 到五年級就用反粤教。所以我覺得好似我女的學校用反粤教反而更好。如果係用普教, 最好有時叫個女用粤語讀返一次比自己聽, 我女有時粤語發錯音比人笑。

作者: Siammama 時間: 17-2-26 15:25

山海兒女發表於 17-1-26 14:47
回覆 jadenhayden 的帖子

母語學中文，一定係最好

好認同，現在普教中的老師大多都不是説字正腔圓的普通話，下課後又是説回廣東話英語，普教中在學習上只會更混亂和難上加難，我家正有兩個好例子，普教中後更令佢地對中文理解力下降，興趣大減，其實每週普通話兩課已夠，中文都係教番粵語啦

作者: kwokbobo 時間: 17-2-27 14:59

最大的問題係有些學校無得比你揀呢

作者: Sask999 時間: 17-2-27 15:16

我仔個間小二起有一班普教，但我估我們會選粵教。因為我覺得普通話可以係一個語言當興趣去學，但用來教中文我怕handle唔到。

作者: KK07 時間: 17-2-27 15:53

我贊成廣教中，唔認同普通話對中文水評有幫助，魯迅是浙江人，饒宗頤是廣東潮洲人，他們亦不是用普通話學中文的。深感粵語值得承傳下去。用粵語讀古詩才最合平仄的規格，其實粵語更近古語!

歡迎光臨教育王國 (/)