教育王國

標題: 服用利他林經驗分享 [打印本頁]

作者: 囡囡好媽媽 時間: 17-1-5 10:12 標題: 服用利他林經驗分享

本帖最後由囡囡好媽媽於 17-1-5 10:12 編輯

又到考試啦！相信會黎呢度既家長同我一樣咁煎熬。囡囡從小四服藥到而家讀名校中五純理科，歷經艱難，好想將咁多年寶貴經驗分享給各位水深火熱中的家長，但我要睇住女女，真係好少時間，可能好耐先覆，但一定會回覆各位既問題。首先講幾樣好重要既用藥訣竅，係我咁多年係女女身上做白老鼠得出的寶貴體驗。
一，如何對抗營養不良
一定要食飽之後服藥！就算係非食飯時間段，都要食野！唔用12小時緩釋！雖然小朋友會成日都好乖，同時佢都會成日唔開心唔食野，所以我用過12個鐘緩釋藥之後，就棄用改返8小時和4小時。
小學生下午d課程唔重要，所以上午食飽早餐服用4小時就夠，下午放學先食野再服藥。寧願晚飯遲d食。咁一日三餐有保障，營養不良問題完全可避免。中學生可以8小時緩釋，放學4小時速釋。

二，如何最大程度發揮藥力
食飯之前服藥！既係要開飯啦，先吞藥，即刻食飯，差不多半小時，小朋友狀態就有變化，那時都食得七七八八，即刻可以開工做功課，而且藥力比較飯後服用會更明顯。
當然，如果你小朋友食飯要用成個鐘，那就不建議了，因為藥力查唔多係半個鐘時發作，會食唔到野。
我冇估錯既話，有ADD或ADHD既小朋友基本上做事好多粒漏，好拖拉，所以細個時我係睇住佢食野，甚至喂佢令佢係藥力發作前盡量多食野。飯前服藥，係會令藥力發揮最快最明顯。

三，如何保持長期有明顯藥效
之前係其他網站分享用藥經驗，好多人同我講，點解食食下就冇藥性？效果冇一開始咁好。
首先，利他林不是咖啡安眠藥，佢唔會上癮，呢點絕對放心。
其次，身體是會對物質產生適應性的，當身體適應咗只藥，習慣咗，藥性就會降低。所以你要令身體忘記你既藥，就要間歇性停藥！記住！一定要停藥！時長7-10天，半個月更好。
我女女逢考試藥會越食越多，第一個星期每次食一粒，第二個星期就要一粒半，到後面就要上2粒，等到考完即刻停藥。就算要返學有功課都唔食，交唔到功課最多被人鬧幾句，家長撐小朋友才是最重要！
停藥後再服藥，又可以從一粒開始。以我女女的體重年齡，而家佢一日係可以食60mg，但我依然同佢控制係30mg一日。

作者: 囡囡好媽媽 時間: 17-1-5 10:36

屈指一算，藥齡都有八年！從入讀一間谷得好勁既小學，入到精英班；跟住又費盡心機入讀又係出名谷得緊要既中學，又過五關斬六將，讀到純理科精英班，其中辛酸不忍回想。相信各位家長也是心有慼慼。
有專注力問題係米多數讀唔好書，入唔到好學校呢？我只係可以話，係醫生名單裏，女女係最叻的一個，雖然佢係自己班內賤為學渣。
我相信呢度既家長會比其他小盆友既家長付出多幾十倍，但可能收穫甚少。世界本來就不公平，有Add必定係要比人付出更多倍的努力，都未必能達到同人齊肩並行。但如果你唔努力，唔肯付出，就一定乜都冇。

今日就寫到呢度。女女開考第一日，見佢讀書漸入佳境，我心情很好。我要幫女女準備考試資料啦。得閒再來寫過，分享經驗之餘，希望可以幫到更多同病相憐既家長。

作者: Ritalin 時間: 17-1-5 12:37 標題: 回覆樓主:

提示: 作者被禁止或刪除內容自動屏蔽

作者: tutik 時間: 17-1-5 13:24

囡囡好媽媽發表於 17-1-5 10:36
屈指一算，藥齡都有八年！從入讀一間谷得好勁既小學，入到精英班；跟住又費盡心機入讀又係出名谷得緊要既 ...

本帖最後由 tutik 於 17-1-5 13:25 編輯

謝謝分享！我兒小四之前(去年5月)食過12hr (18mg)長效，但副作用(頭痛、喟口等)問題，暑假停藥，開學改了早上8hr(10mg)+放學4(5mg)，因早上藥效不明顯，學校算嚴，開始有些投訴下又而轉了4(5mg)+中午4(5mg)，間中重要日子又食12hr，因為食長效佢人整日定啲(但個仔形容被壓制住感覺好唔開心)，六日、假期、功課也大多停藥。
總之食到好亂，上星期睇政府e生，她也聽到眉頭都皺，本來想開短效打發地，經我死纏終開了少量12hr 長效留月考時段用。
我既問題點解8hr (10mg)比4hr (5mg)藥效細？其實我補足藥4+4+4,都係15mg, 未去到長效18mg, 咁我迫個仔食長效係咪多餘？

作者: wang88 時間: 17-1-16 10:51

囡囡好媽媽發表於 17-1-5 10:12
又到考試啦！相信會黎呢度既家長同我一樣咁煎熬。囡囡從小四服藥到而家讀名校中五純理科，歷經艱難，好想將 ...

請問可否介紹一下你囡囡睇開的私人精神科醫生！另外，是否一直以來只是靠藥物治療，有沒有其他治療方法？

作者: bbpooh 時間: 17-1-16 13:12

想問假期停藥後，不用時間再適應開學服藥嗎？
阿囝聖誕減藥，再服藥正常份量時副作用又來（頭痛，肚痛，沒胃口），而且再服藥個效果無之前咁好，要2星期左右才回復假期前的狀態。你們的孩子會這樣嗎？

另，你孩子有申請考試週適加時嗎？到中學也有嗎？

作者: bestwish 時間: 17-1-18 10:18

本帖最後由 bestwish 於 17-1-18 10:21 編輯

多謝樓主的分享。

囡囡都上了中學, 醫生有冇提過可以減藥或者停藥試下。因為部份ADHD大左後, 前額葉可能已發育成熟，同正常人唔會好大分別。

作者: CathyChan1126 時間: 17-2-7 22:41

bbpooh 發表於 17-1-16 13:12
想問假期停藥後，不用時間再適應開學服藥嗎？
阿囝聖誕減藥，再服藥正常份量時副作用又來（頭痛，肚痛，沒 ...

我都發覺係會呀，
所以要係放假前一個星期開始食定

如果無食，就會勁多甩漏

作者: Tifftiff0115 時間: 17-2-8 14:48

個人認為除左食藥都要做訓練。否則只係靠藥效，佢都學唔到點幫自己。

作者: tutik 時間: 17-2-9 09:38

Tifftiff0115 發表於 17-2-8 14:48
個人認為除左食藥都要做訓練。否則只係靠藥效，佢都學唔到點幫自己。

請問那裏的訓練適合靑少年組别？之前見大部份6/8歲以下。

作者: BeBe媽媽 時間: 17-2-13 02:16

回覆 tutik 的帖子

請問你仔仔而家小五，利他林食10mg已經可以8小時嗎？

我小朋友已吃半年長效12小時18mg，佢食左真係完全無胃口。
佢成日都問我可否唔食藥，佢應該係唔太舒服。

但之前食5mg去不去4小時，所以醫生建議轉12小時長效。

而家見到你分享，令我知道有8小時既....好有衝動想打去睇下醫生比唔比我中途改藥

作者: tutik 時間: 17-2-13 08:32

本帖最後由 tutik 於 17-2-13 08:36 編輯

BeBe媽媽發表於 17-2-13 02:16
回覆 tutik 的帖子

請問你仔仔而家小五，利他林食10mg已經可以8小時嗎？

呀仔小四，平時食5mg，上下午各一次。考試前兩星期用18mg Concerta,.佢之前食過8小時LA，只有副作用但幫唔到注專，所以唔知究竟有效幾耐坡。食返5mg 4小時，只係取過平衡，幫到啲又舒服些。不過呀仔以前食concerta 副作用一樣好大架，可能由4小時慢慢加，佢上次考前兩星期食就可以接受，

作者: bbpooh 時間: 17-2-13 17:07

回覆 BeBe媽媽的帖子

每個小朋友的情況唔同，食的份量多少又要睇小朋友的體重。我小朋友食18mg Concerta 長效都唔得，要去到27mg先得。但做事都係一樣慢吞吞。

作者: BeBe媽媽 時間: 17-2-24 13:22

回覆 bbpooh 的帖子

我都明白個個既份量及藥力都唔同。
多謝意見

作者: BeBe媽媽 時間: 17-2-24 13:28

回覆 tutik 的帖子

我小朋友食左C 18mg 差唔多一年了，假期係唔食藥既。

但佢新年假期後，開始番學食藥，
由第一日開始晚晚瞓唔到，
搞到12：00、 01：00.....慘....

過左幾日我就比 R 10mg 4小時一次，
佢就可以同平時一樣 10：00幾瞓得著。

但因為4小時藥力，佢日日都忘記食午餐果粒，
以我所知，佢有被老師話唔專心.....

又試下食番 C....慘，真係瞓唔著，眼光光....

作者: tutik 時間: 17-2-24 14:00

BeBe媽媽發表於 17-2-24 13:28
回覆 tutik 的帖子

我小朋友食左C 18mg 差唔多一年了，假期係唔食藥既。

係呀，食Concerta 晚上夜訓呀仔都有呀。要提佢快快手攪惦所有野，訓前八九點落街打下籃球就會训得早啲。
不過食到12小時即搏殺時段又困難啲，而且要爸爸配合。

作者: BeBe媽媽 時間: 17-2-26 00:49

回覆 tutik 的帖子

已經 7：00 食佢。但好多時 5：00、6：00其實已經活躍番晒。
但唔知點解夜晚成 11：00、12：00都瞓唔到，
佢話唔眼瞓....總之唔食呢隻藥就10：00幾瞓著。

作者: littlecath 時間: 17-7-19 16:06 標題: 回覆樓主

小朋友升小2，啱先見完心理醫生，話好大機會係ADHD➕專注力不足，會轉介精神科醫生跟進。之後可能要食藥。醫生話佢唔算十分嚴重。我唔知係咪個個小朋友都要食藥？有冇唔食藥都可以？

作者: bestwish 時間: 17-9-22 09:54

本帖最後由 bestwish 於 17-9-22 09:56 編輯

絕對係可以唔食藥既, 你要睇下佢既行為是否好影響佢成長, 例如不停比老師投訴, 學業問題(唔一定係要成績叻, 但基本做功課佢都handle唔到), 影響社交, 情緒問題等.....自己衡量一下是否需要用藥

作者: Boborachel 時間: 17-9-26 13:52 標題: 回覆樓主:

比小小意見！我仔今年小六！小四開始轉長效藥 8小時其實足夠！之後唔食！做功课系慢d 但晩飯才有胃口
我會给他吃益生菌排走多餘野！胃口自然好！lunch 學校個餐—時吃-半—時吃曬！因吃了藥預左
之前吃4小時—次—曰二次吃唔到唔吸收
成個排骨一様
轉了長效薬！+ 益生菌！立即肥番！

作者: 07mama 時間: 18-3-2 01:38

Boborachel 發表於 17-9-26 13:52
比小小意見！我仔今年小六！小四開始轉長效藥 8小時其實足夠！之後唔食！做功课系慢d 但晩飯才有胃口
我會 ...

請問你仔小六，幾多kg，食幾多mg?

作者: nc2000 時間: 18-3-17 02:08

Boborachel 發表於 17-9-26 13:52
比小小意見！我仔今年小六！小四開始轉長效藥 8小時其實足夠！之後唔食！做功课系慢d 但晩飯才有胃口
我會 ...

我仔小五，今個星期至決定比佢食藥，醫生開R 10mg 8小時 , 食一星期習慣下先，講明會無料到。第二星期開始就食R 20mg 8小時。仔食10mg 冇咩大分別及冇咩大不良反應。但食20mg 就話好眼訓而且好似有病既感覺，上堂都訓得着，隻藥唔係令人精神D? 為何會眼訓？定係要適應下隻藥就會冇呢d不良反應？

作者: Gary_family 時間: 18-3-17 10:04

提示: 作者被禁止或刪除內容自動屏蔽

作者: nc2000 時間: 18-3-17 10:15

Gary_family 發表於 18-3-17 10:04
有無同時食開胃藥？

胃口係細左d, 但暫時無食開胃藥

作者: jolee 時間: 18-5-2 13:02

回覆 Boborachel 的帖子

請問小朋友食哪隻益生菌, 可以PM我嗎?萬分感謝

作者: 小平媽媽 時間: 18-5-11 00:42

nc2000 發表於 18-3-17 02:08
我仔小五，今個星期至決定比佢食藥，醫生開R 10mg 8小時 , 食一星期習慣下先，講明會無料到。第二星期開始 ...

我女都試過食20mg會上堂想訓，醫生話佢用多左力量去集中精神，所以先會咁，之後我轉左10mg分2次食，好似無咁勁，就小左想訓嘅情況，不過就要老師幫手提佢。

作者: nc2000 時間: 18-5-11 09:34

小平媽媽發表於 18-5-11 00:42
我女都試過食20mg會上堂想訓，醫生話佢用多左力量去集中精神，所以先會咁，之後我轉左10mg分2次食，好似無 ...

我而家轉左concerta 18mg , 情況好左，起碼踾眼瞓，專注都唔錯。但個醫生話兩隻藥成份一樣，但效果真係唔同喎。

作者: jolee 時間: 18-5-11 11:07

囝囝剛開始食Ritalin 5 mg, 食完hyper咗2小時, 跟住話胃痛, 要上床休息, 要過2小時先好D, 我暫時唔敢俾佢食.
請問各位小朋友有無試過?謝謝

歡迎光臨教育王國 (/)