教育王國

標題: 有冇人中三仲睇緊卡通片呀！ [打印本頁]

作者: 小肥豬 時間: 17-1-3 17:28 標題: 有冇人中三仲睇緊卡通片呀！

小女現時仲係到睇蠟筆小新咁幼稚的卡通片，其他同齡都已經去追星或煲劇喇。
其實有冇人仲係思想咁單純呀？。

作者: 王家爸爸 時間: 17-1-3 17:32

點解有問題？我幾十歲人都仲鍾意睇蠟筆小新，咁咪大件事？

作者: brother4 時間: 17-1-3 18:12 標題: 回覆：有冇人中三仲睇緊卡通片呀！

有的臘筆小新，孩子和自己也有份，IQ博士當年自己like之一,咁龍珠及one piece是否好暴力?咁孩子看，有冇人追?

作者: ^曾小姐^ 時間: 17-1-3 19:04 標題: 回覆：有冇人中三仲睇緊卡通片呀！

我女乜卡通煲完又煲,煲到我都熟晒內容,但又追韓星喎

作者: 小肥豬 時間: 17-1-3 21:41 標題: 回覆樓主:

原來唔只我女係咁，咁都好d。
我仲以為我女有問題，先至咁睇。
thx

作者: yovin 時間: 17-1-4 02:58 標題: 回覆：小肥豬的帖子

我老公同個仔（中三）仲追緊火影忍者，我就追到佐助打贏哥哥後無睇。睇卡通好過睇TvB慨膠劇。

作者: TwinWong 時間: 17-1-4 08:29

小肥豬發表於 17-1-3 17:28
小女現時仲係到睇蠟筆小新咁幼稚的卡通片，其他同齡都已經去追星或煲劇喇。
其實有冇人仲係思想咁單純呀？ ...

叮噹同小丸子都係又細睇到依家
不過韓團煲劇一定有

作者: LingChiBaBa 時間: 17-1-4 11:00 標題: 回覆樓主:

我女話嗰D叫動漫

作者: YanKanMom 時間: 17-1-4 15:28

回覆小肥豬的帖子

有啊，阿囡中三，比較膽小，常說鐘意睇卡通多過真人做的戲。現仍會每星期睇一次多拉A夢卡通片，剛過的聖誕假期番睇了壞蛋奬門人及小飛俠兩套卡通片。阿囡有話她不會告訴同學，怕同學笑她幼稚，因大部分同學已不大看卡通片的了。

作者: maggie789 時間: 17-1-5 09:14

我仔中一仲睇緊多啦a夢，仲要成日睇，睇完又睇

作者: ramj 時間: 17-1-5 18:12

maggie789 發表於 17-1-5 09:14
我仔中一仲睇緊多啦a夢，仲要成日睇，睇完又睇

作者: kachunma 時間: 17-1-6 07:31

小肥豬發表於 17-1-3 17:28
小女現時仲係到睇蠟筆小新咁幼稚的卡通片，其他同齡都已經去追星或煲劇喇。
其實有冇人仲係思想咁單純呀？ ...

我仔中三仲睇緊多啦A夢,在網上睇pink panther和雀仔翠儀

作者: 1998Ruby1998 時間: 17-1-6 08:18

唔出奇。我記得有同學超鍾意蠟筆小新同韓劇，又成熟又幼稚。我到依家大學都鍾意睇，大學仲有動漫學會添！我冇追星，不過有追下劇同電影咁。寵物小精靈、閃電 11 人、哈姆太郎、東京喵喵。。。我以前初中仲可以低能到去追 Baby TV。（依家想起，覺得自己都幾腦殘下）

寵物小精靈我由第一季睇到依家，連寵物小精靈百科（咩 Level 識咩絕招，身高體重等等）我都無意間背曬，甚至連小智同其他角色有咩小精靈＋佢地識咩絕招我都記得清清楚楚，讀書都冇咁勁！阿爸阿媽成日話我幼稚（從來都反對我睇劇、卡通、電影）。仲要可以煲到阿媽都睇得出係同一集，佢就黎連台詞都背到。