教育王國
標題: 咩原因揀區外既傳統名校，唔揀區內既地區名校？ [打印本頁]
作者: sammag 時間: 16-12-29 23:12 標題: 咩原因揀區外既傳統名校，唔揀區內既地區名校？
想聽下大家既想法，假設有成績條件，咩原因令你地揀區外既傳統名校，唔揀區內既地區名校？
相反又係咩原因令你地揀區內既地區名校，而放棄區外既傳統名校呢？
現在正爭扎中，想聽多些不同意見，謝謝大家。
作者: BBKDWLAM 時間: 16-12-30 01:27 標題: 回覆樓主：
本帖最後由 BBKDWLAM 於 16-12-30 01:28 編輯
唔同的成長環境，會有唔同的朋友圈子及形成唔同的性格。
作者: little_yolky 時間: 16-12-30 12:11
sammag 發表於 16-12-29 23:12 
想聽下大家既想法，假設有成績條件，咩原因令你地揀區外既傳統名校，唔揀區內既地區名校？
相反又係咩原因 ...
揀區內唔揀區外：除上述原因, 主要係因為交通方便。中學生好多活動, 去區外, 真係日日披星戴月。
作者: optman88 時間: 16-12-30 12:16 標題: 回覆樓主:
我就會揀近，隨非區外間好啱 taste。
作者: Yanamami 時間: 16-12-30 12:21
区內区外無乜关係，重要係果间学校既style, 文化、学術、校风……係自己心儀，加上入讀机会率？
作者: 已刪除用戶 時間: 16-12-30 14:09
我揀傳統名校，因為地區名校通常好谷，功課壓力比傳統名校重，讀得吃力。當然傳統名校都唔會輕鬆，不過相對空間多 d，自由度大 d。另外，區外學校要喺半個鐘路程內（單程），因為太遠會倦，難以應付忙碌學業同課外活動。
作者: 山海兒女 時間: 16-12-30 14:13
睇你想要乜野，如果只係要入三大，考好DSE，我估地區名校會適合D。
但我自己身邊最要好的朋友，也是中學同學，所以我認為中學對個人成長有好大的影響，尤其男孩子，唔希望他太「井底之蛙」。中學大學只係人生的其中一個階段，所以我會睇得比較遠。
當然車程也一定要係可接受範圍之內啦。
作者: mcl203 時間: 16-12-30 14:14
pauline_c 發表於 16-12-30 14:09
我揀傳統名校，因為地區名校通常好谷，功課壓力比傳統名校重，讀得吃力。當然傳統名校都唔會輕鬆，不過相對 ...
作者: chocolatebean 時間: 16-12-30 15:30
sammag 發表於 16-12-29 23:12
想聽下大家既想法，假設有成績條件，咩原因令你地揀區外既傳統名校，唔揀區內既地區名校？
相反又係咩原因 ...
但傳統名校給你的不只是成績，還有氣質，視野，人脈，自信...將來你出去找工作已知道分別
老闆除了睇你哪間U，見到你係名校畢業都會看高一線，獲聘機會增加
如果是自己C弟妹，就不用多說
作者: chocolatebean 時間: 16-12-30 15:33
不過㨂咩都好，最重要合自己子女
如果佢遇強越強，可考慮傳統
我自己讀傳統，子女讀地區
作者: sammag 時間: 16-12-30 21:04 標題: 回覆：咩原因揀區外既傳統名校，唔揀區內既地區名校？
感謝各位的意見，很值得考慮。希望再聽聽更加多分享。
作者: jollyma 時間: 16-12-30 23:53 標題: 回覆：咩原因揀區外既傳統名校，唔揀區內既地區名校？
係對傳統名校既迷思,情意結,但其實近年好多地區名校成績已經超過傳統名校,幾多成績一路跌,食緊老本又知唔知?所謂人脈,網絡等等,可能幫到你剛剛踏入社會頭幾年,日子越耐,升職時唔通仲有人問你讀邊間中學咩！職場都見唔少响所謂傳統名校出嚟既人,都有所體會,總之,各取所需吧！
作者: optman88 時間: 16-12-31 00:09
我同仔仔揀中學時，又冇諗過咩傳統名校，揀時第一係比較成績，第二就係近屋企同啱唔啱仔仔性格。
作者: 王家爸爸 時間: 16-12-31 09:15
sammag 發表於 16-12-29 23:12
想聽下大家既想法，假設有成績條件，咩原因令你地揀區外既傳統名校，唔揀區內既地區名校？
相反又係咩原因 ...
首先要知道名校係㸃樣練成既：
傳統名校係經過百年來多代師兄/姐既努力，做到全人發展(因歷史久，各種勁人都會出現)；
地區(新晉)名校，主要係先谷好成績，出咗名後，再向其他方面發展。
作者: TwinWong 時間: 16-12-31 10:04
sammag 發表於 16-12-29 23:12
想聽下大家既想法，假設有成績條件，咩原因令你地揀區外既傳統名校，唔揀區內既地區名校？
相反又係咩原因 ...
我無諗揀咩名校 最紧要適合子女能力
要睇係成績迫出泥定係靠自己能力
小學讀四科容易把守 中學十多科 太谷太勁
可能會吃不消 弄巧反拙
作者: ANChan59 時間: 16-12-31 10:06
我又講講自己的經驗，當時目標是先考慮區內，然後區外，但直資及自行是直接誘因令家長及孩子考慮區外，而且好早要申請，不到你考慮，是客觀事實，不到你不考慮。
區內名校，大部分出名在公開試成績，大多數好谷及功課頗多，歷史較短(40年vs 150年)，課外活動有，但不多，部分亦過嚴。我們會考慮孩子的性格及小學是什麼類型，我們的情況是小學頗輕鬆，去到好谷的中學，我有少少猶豫(因為反叛期跟住嚟)，要跟孩子有商有量！
遠近不用太擔心，孩子慢慢都要面對及適應，在最初討論時要讓孩子明白。我們反而著重你可以參加ECA或同朋友出去玩，遲返家要有交帶，通知我們去向及什麼時候回家。到現在成年他都一樣，到他搬出去住才會改變，因為這是我們的家，不是旅舘。
我不用傳統名校，我傾向用全港名校的名稱，因為用傳統已經標籤了一些不實的印象。全港名校亦有不同光譜，部分是集中在學術，公開試，入U率，部分是多元發展，如果選擇傾向前者，區外區內差異不大；后者則看自己家在何方，同時看孩子性格，他對學校的印象及感覺，特別在開放日及面試的感覺。
未入學之前，是沒有考慮人胍網絡關係，較長遠的優勢，入到去之後才有另一種體會。
到孩子找shadowing, 入了大學，搵暑期工，實習生，搵工時，明顯有幫助。但只可以 everything equal, 可能有優勢入門口，例如見到校友，又或者面試官跟學校有聯繫，一半面試時間去咗講學校。當然，有機會入門口之後，都要看個人性格，實力及人際關係，際遇亦佔好大比重。
公開試成績，入U率我會看，但會深入些，不會看狀元，看5＋%，入什麼大學(香港及海外)，什麼學科，比籠統的八大入U率更有代表性！
作者: elbar 時間: 16-12-31 10:18
ANChan59 發表於 16-12-31 10:06
我又講講自己的經驗，當時目標是先考慮區內，然後區外，但直資及自行是直接誘因令家長及孩子考慮區外，而且 ...
確實如此，5+比4+更值得參考
作者: ANChan59 時間: 16-12-31 15:17
elbar 發表於 16-12-31 10:18
確實如此，5+比4+更值得參考
5＋是近似AL的优良率，4＋是近似会考的优良率。
| 歡迎光臨 教育王國 (/) |
Powered by Discuz! X1.5 |