教育王國

標題: 有升中保障既小學 與 較著重學術訓練既小學 [打印本頁]

作者: hkpapa852    時間: 16-12-28 10:02     標題: 有升中保障既小學 與 較著重學術訓練既小學

本帖最後由 hkpapa852 於 16-12-29 12:48 編輯

自己當年為子女考學校時心中一定會對所要報考既學校名單訂好晒排名, 所以從來唔認為需要諗 XX vs YY 呢樣嘢. 所以每年都見到好多家長係度問 XX vs YY 邊間好, 自己睇到會覺得好可笑, 因為好似家長根本唔知自己去考咗間咩學校, 甚至連自己要D乜都唔知.

不過, 最近見到最有趣既, 莫過於討論話要升中保障定著重學術訓練(謂學術強)既小學

有升中保障既小學, 通常唔係一條龍, 就係有直屬中學, 其實唔理係邊類, 如果個間中學係家長目標之一, 咁如果你放棄咗佢間龍小/直屬小學, 走去讀間所謂"學術強"學校, 而到最後又係為咗想入番間中學, 咁到底係為乜?

另外, 坊間所謂"學術強", 其實又係基於詳論據呢? 學校課程教快? 教深? 考深? 睇呢D就知間學校教出嚟既小朋友一定叻D? 事實上學校教深, 是否小朋友都可以跟到? 家長背後發咗幾多功, 真相又有幾多人知?

如果間學校教深D, 家長又唔駛發功, 亦唔需要外判(搵補習), 而學生就會自動變叻, 咁呢間真係"神校".

其實除了Pre-S1同小六TSA外, 目前根本沒有其他統一既指標可以用嚟衡量各小學生既學術能力, 不過呢兩項成績, 唔好話家長, 學校都唔多知, 咁其實又可以點比較呢? 所以坊間所謂既"邊間小學學術強D", 咪又係D無乜實質根據既傳言, 然後人云亦云.

而且仲有一點, Pre-S1同小六TSA, 唔係會考/AL/DSE咁一試定生死, 同學生本身關係亦不大(Pre-S1可能用嚟分班, 都叫有D關係), 學生會幾盡力去考呢? 呢點我好有保留.

講番"學術強"既學校. 認真D去諗, 點解有D學校要"著重學術訓練"呢? 主要原因只有一個: 提升學生升中競爭力.

通常坊間所為"學術強"既小學, 都係沒有和任何B1中學有直屬/聯繫既, 咁佢地要吸引到客戶, 自然要做D成績出嚟. 最明顯既成績, 就係升中派位表現.

如果升中派位表現唔理想, 就算間學校學術訓練幾強幾出色都好, 你真係會考慮嗎? (除非無得揀吧! 否則我相信大多數人都唔會優先考慮)

所以搵間"學術強"既小學同一間"有升中保障既小學"去比較, 其實根本係好無謂. 兩者賣點本身都唔同.

如果你真係好擔心間學校學術唔夠強, 其實好簡單, 自己俾錢搵補習, 小一就去學小二, 甚至中一/大一既課程, 咁仲唔夠強? 所以, 比較嚟做乜? 係咪就算小朋友跟唔上自己都一定唔搵補習先?

至於是否選"有升中保障既小學"較好?
都係果一點啦, 如果佢間中學係你目標之一, 咪好囉, 如果唔係, 咁我認為就連考都無謂去考啦!
入咗"有升中保障既小學", 好多人以為係進可攻退可守, 但其實最後可能只係"作繭自縛".

何解有升中保障既小學, 可能會係"作繭自縛"? 有以下原因:

1. 一條龍中小學, 升中各有限制 (詳情可參考呢個帖), 基本上其實只可以話進可攻 (考其它直資中學, 但如果係津校既一條龍學校, 連只個選擇都無), 無得退可守.

2. 需知道每年絕大部份一條龍小學既學生, 最後都係自願或不自願地升番上中學一條龍中小學. 就算你放棄直升龍中, 但你都要慮一下, 到底學校有冇配合為學生作好準確既Banding估計呢? 同埋其實該校既Banding分佈又如何呢? 呢D資料如果學校唔俾你, 外人更加無法幫到你.

3. 有直屬中學既學生, 情況會好一點, 起碼只係中一大抽獎先需要用直屬位, 但問題又嚟啦, 到底學校既Banding分佈如何呢? 基本上, 暫時所認識有直屬中學既小學部, 都唔會直接話你知學生係屬於邊個Banding, 有D甚至連級排名都無. 好一點的, 會有一個學校自訂排位組別, 如級1-70為A組, 級70-90為B組, A組100%直升, B組99%直升等資料, 更多的, 可能只會通知學生家長, 學生既能力可直升/不能直升上中學, 從來唔會同你計Banding, 咁想出走又要靠自己了!

4. 有直屬中學既學生, 升中時不少學校都要求自行, 甲一和乙一都要放番直屬中學, 否則不接受叩門. 到時又多咗一重心理壓力.




作者: teambuilder    時間: 16-12-28 10:34

我認為玩咩遊戲都好,永遠係當局者迷。作為旁觀者,隨時都可以客觀理性地分析各校利敝。但到自己揀時又是another story. 正如呢一刻好多vs post 會講: 地區不是問題或學費不是問題,口氣有如名人富豪,難怪成日聽人講bk真是卧虎藏龍。辛苦六年後,花費數十萬又是升讀一般津中; 被打落凡間後才發現大部份中學同學來自地區村校,真係好似發左場夢一樣。



作者: adriantai    時間: 16-12-28 10:42

teambuilder 發表於 16-12-28 10:34
我認為玩咩遊戲都好,永遠係當局者迷。作為旁觀者,隨時都可以客觀理性地分析各校利敝。但到自己揀時又是an ...

未得到手什麼都不是問題,到手後問題就來了。

作者: ok3    時間: 16-12-28 11:36

同意樓主所講,好成績唔係入到好學校就自動會有. 人地背後時間同金錢嘅負出, 其實係好大. 只係大家都習慣只睇結果, 不問過程.
作者: Jane1983    時間: 16-12-28 11:41

同意,一條龍唔使煩升中,當然係好,但前提係你滿意中學。

如果覺得中學麻麻地,甘個保障根本無價值,我寧願我自行我路。
作者: freestylesurf2k    時間: 16-12-28 12:26     標題: 回覆樓主:

提示: 作者被禁止或刪除 內容自動屏蔽
作者: LittleButter    時間: 16-12-28 12:43

本帖最後由 LittleButter 於 16-12-28 12:51 編輯
freestylesurf2k 發表於 16-12-28 12:26
鬼唔知门呀媽係女人咩揾間最出名名校咪得囉,有乜好討論

其實樓主只是好心讓更多人明白了解選校的優次考慮,或許你未必留意到近期EK 的post, 真係有D人竟然會將最出名的一條龍學校 vs 學術高但冇龍的私小~~

SPCC vs APS
http://www.edu-kingdom.com/forum.php?mod=viewthread&tid=3399708&extra=page%3D2

DBSPD vs SFA

http://www.edu-kingdom.com/forum.php?mod=viewthread&tid=3399351&extra=page%3D1





作者: siden    時間: 16-12-28 13:09

teambuilder 發表於 16-12-28 10:34
我認為玩咩遊戲都好,永遠係當局者迷。作為旁觀者,隨時都可以客觀理性地分析各校利敝。但到自己揀時又是an ...

俾個like你



作者: ok3    時間: 16-12-28 14:28

LittleButter 發表於 16-12-28 12:43
其實樓主只是好心讓更多人明白了解選校的優次考慮,或許你未必留意到近期EK 的post, 真係有D人竟然會將最 ...
呢兩個post真經典. 以為入咗間升中成績好嘅小學, 小朋友嘅成績同升中自然會好. 其實喺嗰兩間小學升中成績好(或其它升中成績好嘅小學)嘅用家(包括家長同小朋友)背後付出相信都唔少. 最撹笑係, 嗰兩間被vs嘅中學, 正正就係好多喺小學(包括嗰兩間小學)打生打死嘅嗰班家長嘅target


作者: 陽光點的歌    時間: 16-12-28 16:03

ok3 發表於 16-12-28 14:28
呢兩個post真經典. 以為入咗間升中成績好嘅小學, 小朋友嘅成績同升中自然會好. 其實喺嗰兩間小學升中成績好 ...
係.最大問題係被VS的係爭崩頭的"神校"
作者: pekovian    時間: 16-12-28 18:06

報名前就應該做功課,心中已有priority list,收offer時再作微調

作者: angie0828    時間: 16-12-28 21:37

hkpapa852 發表於 16-12-28 10:02
自己當年為子女考學校時心中一定會對所要報考既學校名單訂好晒排名, 所以從來唔認為需要諗 XX vs YY 呢樣嘢 ...

查實Aps vs Spcc真係好過份!之前明天我都睇下得啖笑,這位又晒你冷!真係低處未算低……多谢hkpapa852的忍不住分析,將來在升中方便,可能要請教你!

作者: 978212    時間: 16-12-28 22:11

自己覺得小學階段最緊要基礎穩固,所以我對敎快嘅學校冇興趣,好多學校數學一年級上學期嘅內容唔教嘅,但我仔學校正正常常有教,我對仔嘅小學好滿意。
作者: bearbee004    時間: 16-12-29 10:51

有升中保障既小學,可用SMC代表嗎?
較著重學術訓練既小學 ,可用是SFA代表嗎?
如果要在以上兩間小學選擇,hkpapa852會點分析呢?
謝謝!
作者: hkpapa852    時間: 16-12-29 11:01

bearbee004 發表於 16-12-29 10:51
有升中保障既小學,可用SMC代表嗎?
較著重學術訓練既小學 ,可用是SFA代表嗎?
如果要在以上兩間小學選擇, ...
都係果句, SMC(其實你係指St Mary定係聖瑪加利?)間中學係咪你杯茶.

如果唔係, 無謂嘥時間同阻住班真心對SMC有興趣既家長





歡迎光臨 教育王國 (/) Powered by Discuz! X1.5