教育王國

標題: 啟思(青衣)PN [打印本頁]

作者: yeungyeung_ma 時間: 16-12-22 10:26 標題: 啟思(青衣)PN

請問大家知唔知啟思(青衣)PN好唔好, 返學係學啲咩? 想幫小朋友報名插班, thanks.

作者: wcyjessica 時間: 16-12-24 16:22 標題: 回覆樓主:

大仔讀緊，算係不過不失的幼稚園。佢係母語教學為主，每日有15-20min既英文唱遊時間，小朋友番到屋企會係咁唱歌。
聽其他媽媽比較過，話d書都幾靚。老師好好，好有愛心，試過小朋友放學扭眼訓，老師抱著佢照顧其他小朋友出課室。
不過行政上有d混亂，通告成日都講得唔夠詳細，無事無干老師好少打黎，不過我成日收老師電話，因為我小朋友開始時都幾唔乖。但讀左3個月之後，小朋友有明顯改善，如果津貼學校黎講，都算幾好。

作者: yeungyeung_ma 時間: 16-12-28 16:16

wcyjessica 發表於 16-12-24 16:22
大仔讀緊，算係不過不失的幼稚園。佢係母語教學為主，每日有15-20min既英文唱遊時間，小朋友番到屋企會係咁 ...

咁請問小朋友學英文學得好唔好呀, 有普通話學嗎? 謝謝分享 :)

作者: wcyjessica 時間: 17-1-3 10:28

yeungyeung_ma 發表於 16-12-28 16:16
咁請問小朋友學英文學得好唔好呀, 有普通話學嗎? 謝謝分享 :)

佢上英文堂都學得幾好，但我覺得唔夠，得15min, 基本英文生字係識，但哩d屋企都教到。但基本上大陪份幼稚園都係咁，除非搵d更貴學費既，同埋好多幼稚園都只係得K班，N班又要語境好唔多選擇。不過有d家長覺得母語教學，打好小朋友知識既根基先，所以人人唔同。

普通話要K班先有興趣班可以報

作者: yeungyeung_ma 時間: 17-1-4 11:18

wcyjessica 發表於 17-1-3 10:28
佢上英文堂都學得幾好，但我覺得唔夠，得15min, 基本英文生字係識，但哩d屋企都教到。但基本上大陪份幼稚 ...

我都覺得大部份N班語境普通, 之前都諗過報坊間playgroup形式嗰啲全英/全普通話班, 一星期上五日, 價錢同N班差唔多, 但如果學守規矩同自理, 應該都係讀正式學校既N班好啲。

歡迎光臨教育王國 (/)