教育王國
標題: 幼小銜接唔到點算好 [打印本頁]
作者: 新手家長 時間: 16-12-16 10:54 標題: 幼小銜接唔到點算好
做人家長甚艱難，我小朋友今年升小一，開學之後一直教到我心力交瘁，我小朋友係比較難集中既，通常坐係度一陣就開始四圍行玩其他野，其實之前幼稚園老師都有反映過呢個問題=.=加上而家讀既小學既功課聽都幾深，唔知係咪因為咁我個仔更加無心機做，如果想話訓練小朋友集中力同注意力，唔知又有咩方法呢？而家有無D班係可以訓練呢D野既呢？
另外，細仔其實好快就會K3升小一，如果之後想同細佬報D升小預備班，唔知各位又有咩推介？定其實都唔係太需要報，由佢自由發展？
作者: brother4 時間: 16-12-16 11:53 標題: 回覆：幼小銜接唔到點算好
上網打* 注意力訓練*有很多方法介紹。。
作者: Yanamami 時間: 16-12-16 12:04
戒零食，小心選食物，盡避添加剂~
作者: 新手家長 時間: 16-12-16 12:31
回覆 brother4 的帖子
有無邊間中心試過是ok的？
另外，坊間會唔會有練習可以買比小朋友做下幫補下？
作者: IloveJJ 時間: 16-12-16 12:36
提示: 作者被禁止或刪除 內容自動屏蔽
作者: brother4 時間: 16-12-16 12:50 標題: 回覆：幼小銜接唔到點算好
冇去中心試過!因亞大當年學校有支援小組，佢參加至小六。另二位家長講方法得對的!
作者: wan_sosin 時間: 16-12-16 12:54 標題: 回覆樓主：
本帖最後由 wan_sosin 於 16-12-16 16:04 編輯
幼稚園老師已反映過，當時有無什麼建議，你做過什麼幫佢?
就算去上專注力班，一星期得一兩堂，唔會起到明顯作用，返到屋企都要自己keep住日日訓練才會有進步，所以只要屋企肯花時間幫小朋友，去唔去上堂都可以，只要你懂得一些方法就可以了
作者: 新手家長 時間: 16-12-16 14:10
回覆 Yanamami 的帖子
添加劑好似話會令佢更加唔專心，所以都盡量少比佢食有添加劑既野
作者: 新手家長 時間: 16-12-16 14:12
回覆 wan_sosin 的帖子
老師同我講佢坐唔定，我都有問可以做d咩幫到佢，老師話要同佢一齊做d佢鍾意做既野，同埋要多d draw佢attention，其實我一路都做緊，但我番工其實都唔係咁多時間可以同佢一齊玩，再加埋而家要做功課就更加難
作者: 新手家長 時間: 16-12-16 14:13
回覆 IloveJJ 的帖子
就係無咁多時間，所以想搵d好d既同真係幫到既center睇下會唔會好d，如果都係無幫助，可能真係考慮自己轉part-time教佢
作者: IloveJJ 時間: 16-12-16 14:21
提示: 作者被禁止或刪除 內容自動屏蔽
作者: 新手家長 時間: 16-12-16 14:47
回覆 IloveJJ 的帖子
其實我都好怕我自己係咁谷佢會令佢反感，但我又真係好擔心佢成績係咁跌，同埋可能因為佢係大仔，我自己有時都會無耐性，因為仲有個細既要睇住，一急就容易暴躁，我先生見到我咁，就話不如搵其他人教可能會無咁大壓力
作者: miujoey 時間: 16-12-16 15:44
回覆 新手家長 的帖子
我囡幼稚園都是happy school , 今天剛升小一, 完了第一次Test , 英文最差得60幾分, 我唔開心又緊張, 買了一大堆補充想俾佢做, 但靜下來想想, 其實個囡已經好乖好努力, 每日長時間在學校學習, 1星期2日仲要去參加學校樂團, 佢都無怨言又合作, 返到來仲要做功課都算快完成唔洗好勞氣, 其實一切都幾順利, 成績可以慢慢來, 只要平時佢做功課時都明白就可以了, 所以我都唔想俾佢同我自己咁大壓力, 見佢返學開心就好了.
作者: 新手家長 時間: 16-12-16 15:49
回覆 miujoey 的帖子
我都係呢種咁掙扎既心態，有時我都知其實佢已經表現得好好了，所以唔應該PUSH得佢太利害，如果唔報班我自己可以教到佢其實係最好既，因為小朋友最需要好多時都係媽媽既關注，我都想買少少補充同佢一齊做啊，如果你做過有邊本好用可唔可以都話我知啊？我企係書局有時真係茫無頭緒
作者: miujoey 時間: 16-12-16 16:09
補充只是放假做下英文閱讀理解, 平時無時間做, keep住每晚半個鐘伴讀, 主要是英文書.
個個小朋友適應步伐都不同, 發覺家長門太緊張, 成日以為自己小朋友有病, 不太專注心散都是小朋友的通病, 大家一起加油
作者: miujoey 時間: 16-12-16 16:13
還有我囡讀phonics 一年, 竟有意外收穫, 就是默書時好易記得d字, 通常佢自己攪掂, 次次都90幾 100分.
作者: IloveJJ 時間: 16-12-16 16:22
提示: 作者被禁止或刪除 內容自動屏蔽
作者: miujoey 時間: 16-12-16 16:25
IloveJJ 發表於 16-12-16 16:22 
我以上講既銜接方法，係指你細那個。
讀小學那個既問題，就複雜啲。
首先，你要了解佢邊方面追唔到先?另外 ...
作者: IloveJJ 時間: 16-12-16 16:28 標題: 回覆樓主:
提示: 作者被禁止或刪除 內容自動屏蔽
作者: stockmike 時間: 16-12-16 17:08
佢仲細, 要以一個正常小朋友係唔專心的看好去看他. 我諗呢度過來人家長都無乜邊個敢說自己小朋友小一時能像機器般專心做功課. 太少而太成熟時你又會擔心他無好奇心. 只能說現多鼓勵而不看結果, 你緊張時你情緒會影響到佢, 至佢內心好憎功課, 日後問題仲大. 先SET 低目標, 完成便算, 不執著靚唔靚對唔對, 來日方長.
作者: Elenalan 時間: 16-12-16 17:17
IloveJJ 發表於 16-12-16 16:22
我以上講既銜接方法，係指你細那個。
讀小學那個既問題，就複雜啲。
首先，你要了解佢邊方面追唔到先?另外 ...
作者: 新手家長 時間: 17-1-19 10:05
小朋友之前病左，搞到無時間睇各位既回覆，睇完都覺得好有用，非常感謝！
呢輪流感真係好勁，大既病完細既又病，大家都要多D留意小朋友啊！
作者: miujoey 時間: 17-1-19 10:51
回覆 新手家長 的帖子
新手媽媽, 剛升上小一的媽媽, 大家一起加油, 我都是在摸索中, 有時EQ都好差, 話完啊囡時常都內疚, 其實我地都要有大把野學.
作者: rainbowyung1 時間: 17-1-19 16:17
回覆 新手家長 的帖子
我大仔都係剛升上一年級同坐唔定，
現在是我親自跟他功課，我體會是他們呢D坐唔定唔夠專注的小朋友，
我要想下方法，如何令佢地消耗多餘精力，又要令佢地有足夠睡眠，
才會同你合作做功課和溫習，
所以，在週末我會安排他游水打波D運動，平日放學後會比他小睡一會才做功課，
雖然，有時他都會心散，但仍可做到功課和溫習。
作者: py84ko 時間: 17-1-20 04:39 標題: 回覆樓主:
其實係小朋友需要時間適應，有D可以好快，有D好慢，我仔就係慢嗰隻，佢現在讀小二，小一時佢唔知乜嘢叫默書，唔知乜嘢叫考試，更加唔知功課堂做功課。老師話佢會專心上堂，但唔會主動答問題，考試、默書成績當然唔理想，但上了小二後，可能適應咗但未至於全自動波，但會願意配合温習，做功課，會思巧過題目真係不懂才出聲問。上學期考了兩次考試，成績不能跟啲勁人去比較，但起碼好過小一好多，對他來說有很大進步。所以佢都好開心！及有自信去學習！
作者: Woojojo 時間: 17-1-20 09:37
py84ko 發表於 17-1-20 04:39
其實係小朋友需要時間適應，有D可以好快，有D好慢，我仔就係慢嗰隻，佢現在讀小二，小一時佢唔知乜嘢叫默書 ...
我仔今年上小一, 頭2個月大人同小朋友都好唔慣, 同你仔仔一樣, 佢唔知咩係測考, 唔知點樣入手答題目, 仲要俾佢遇上了欺凌
! 依家總算走過最黑暗時期, 慶幸冇令阿仔怕了返學, 問佢轉校好唔好, 佢話唔轉啦, 佢想第日自己個仔都可以讀同一間學校
!
初小成績只係好次要問題, 個人覺得學習態度才是影響一生嘅關鍵. 香港現有教育制度太急太趕, 雖然我地冇辦法改變大環境, 但千祈唔好太早俾成績分數壓倒, 咁樣只會令大人細路都唔開心, 亦令學習變得討厭.
見到自己小朋友漸漸進步已經係好開心嘅事, 冇必要吓吓同人比較住. 半杯水係半空定半滿, 角度係由自己選擇的. 一齊繼續努力呀!
作者: lovestarry001 時間: 17-1-20 15:37
每個人適應都有快有慢, 唔好太心急啦
其實小一成績唔好睇得太重, 最重要係佢個學習態度, 如果佢都盡左佢自己能力, 我覺得作為家長都應該接受同埋更加多鼓勵佢繼續努力同進步
我仔今年都P1, 我同佢都一齊適應緊, 大家加油呀!
作者: HappyCheerBaby 時間: 17-1-21 16:24
回覆 新手家長 的帖子
我覺得小朋友能否銜接小學初期，都要靠父母幫手，父母有心理準備就自然開始幫小朋友準備。眼見身旁既人有及早準備，小朋友適應真係容易D。
作者: 蛋爸爸 時間: 17-1-21 16:45
有些小朋友坐唔定，與內在肌肉長時間緊張有關，如課堂有壓力、過多大肌肉運動，即要多做肌肉放鬆的活動，如游泳、拉筋等，有效改善周身郁情況。
作者: retriever 時間: 17-1-22 15:09
新手家長 發表於 16-12-16 10:54
做人家長甚艱難，我小朋友今年升小一，開學之後一直教到我心力交瘁，我小朋友係比較難集中既，通常坐係度一 ...
上班？! 有間好出名，用某人名字命名既。。。
不過專注力呢D 係從小習慣，上左小學時間空間太少難訓練。
作者: skkeung 時間: 17-1-23 08:54
新手家長 發表於 16-12-16 10:54
做人家長甚艱難，我小朋友今年升小一，開學之後一直教到我心力交瘁，我小朋友係比較難集中既，通常坐係度一 ...
小學才開始知？
作者: MrBeast 時間: 17-1-23 09:20
新手家長 發表於 16-12-16 10:54
做人家長甚艱難，我小朋友今年升小一，開學之後一直教到我心力交瘁，我小朋友係比較難集中既，通常坐係度一 ...
作者: 新手家長 時間: 17-1-26 09:46
回覆 skkeung 的帖子
佢細個個陣集中力都比較差，只係愈逼愈鬧我都知無用，所以有段時間都有想過比佢自由發展，但成績追唔上又的確係事實...............
作者: 新手家長 時間: 17-1-26 09:47
回覆 Elenalan 的帖子
都係既，但有咩有趣D既方法可以令小朋友專心D呢？
作者: 新手家長 時間: 17-1-26 09:48
回覆 miujoey 的帖子
同意啊，有時大人都未必可以好好控制自己情緒
作者: 新手家長 時間: 17-1-26 09:48
回覆 retriever 的帖子
有D咩班可以推介下？
作者: 新手家長 時間: 17-1-26 09:49
回覆 蛋爸爸 的帖子
我都有比佢去學游水啊，但一到讀書溫習時間佢就坐唔定，唉
作者: 新手家長 時間: 17-1-26 09:51
回覆 lovestarry001 的帖子
多謝你既鼓勵，好多野我自己其實都係第一次學同做，所以難免會有做得唔好既地方
作者: 新手家長 時間: 17-1-26 09:52
回覆 Woojojo 的帖子
我都同意「求學不是求分數」既道理，只係我唔想佢連對學習既興趣都無埋
作者: 新手家長 時間: 17-1-26 09:53
回覆 miujoey 的帖子
我每次發完脾氣都會好嬲自己點解要鬧..........
作者: 蛋爸爸 時間: 17-1-26 14:28
坊間真係有好多林林總總的專注力訓練，有感統、語言治療等等，實際正如MrBreast所講，$用咗但幫助並不太大，好多時是家長改變育兒方法，讓孩子改變了！
在美國如用營養學角度，可增加Omega3 - 即深海魚的攝取量（但也不能過量），可幫助腦部神經訊息傳遞，但不是聰了！第二是吸收抗氧化物品 - 即水果連皮食，幫助過度活躍的細胞鬆一鬆。
在家可以試吓玩接球、接豆袋、㩒綿胎、走謎宮、接龍等等，仲有好多好多，都係練聽指令、手眼協調、專注。由於小朋友踏入小學階段，揾到學習動機來設計就能事半功倍！
作者: 新手家長 時間: 17-1-27 08:34
回覆 蛋爸爸 的帖子
多謝指教，自己身教有時都真係好重要！
作者: MrBeast 時間: 17-1-30 07:17
蛋爸爸 發表於 17-1-26 14:28
坊間真係有好多林林總總的專注力訓練，有感統、語言治療等等，實際正如MrBreast所講，$用咗但幫助並不太大 ...
這些訓練在幼兒期間effective好多，可惜的是問題通常在上到小學才浮現，事倍功半，時間上亦難安排
作者: 宏心 時間: 17-1-30 09:44
提示: 作者被禁止或刪除 內容自動屏蔽
作者: 新手家長 時間: 17-2-2 11:34
回覆 宏心 的帖子
我無咩點用D電子儀器架啦已經
作者: wan_sosin 時間: 17-2-2 12:24
MrBeast 發表於 17-1-30 07:17
十分同意和很詳盡的解釋
這些訓練在幼兒期間effective好多，可惜的是問題通常在上到小學才浮現，事 ...
同意，蛋爸爸所講的，我全是在幼兒階段做的，到小學就會見到成果。
但已上小學，真係只可盡力而為。
樓主可嘗試同小朋友傾下，令佢都想為自己要進步的地方努力。
做父母要比些耐性，只要小朋友肯嘗試，縱使進步只係一丁點，只要是向前行緊，已很不錯。
作者: mywl 時間: 17-3-13 21:18
miujoey 發表於 16-12-16 16:13
還有我囡讀phonics 一年, 竟有意外收穫, 就是默書時好易記得d字, 通常佢自己攪掂, 次次都90幾 100分. ...
請問你在那裡學？
作者: little_yolky 時間: 17-3-16 16:05
skkeung 發表於 17-1-23 08:54
小學才開始知？
| 歡迎光臨 教育王國 (/) |
Powered by Discuz! X1.5 |