教育王國
標題: 玩過小一遊戲請俾意見 [打印本頁]
作者: pollywcw 時間: 16-12-16 10:47 標題: 玩過小一遊戲請俾意見
因為自己未試過考小一, 唔知幾辛苦. 如果有得重揀, 你地會揀名幼(e.g LH, KV,SC) , 定係一線龍校(e.g 培正, 民生, 德望)
作者: Joelley 時間: 16-12-16 11:01
呢個我都想知。我都夢想可以入一線直資小學，但根本未玩過升小遊戲，唔知道到底要做D咩，要去到幾千辛萬苦先會拎到入場卷。所以成日喺龍校同名幼到抉擇(由interview 撞時間開始)⋯⋯好多人叫我去龍校之後幾年唔使煩，有得讀就算，但名幼嘅大門又非常吸引啊
作者: Kayyanc 時間: 16-12-16 11:15
Follow
作者: happypapapa 時間: 16-12-16 11:22 標題: 回覆樓主:
你如果執意必要入一線直資小學，我可以講你聽，你及小朋友既付出必會比收獲多！上台一分鐘，背後百年功。你要全心全意培育佢，要佢去學N咁多種你認為對佢重要但細路唔覺得需要既語言班及其他興趣班。。。之後到K3時就報10間以上直資小學，個個星期六日都去面試，有時可能要一日面兩至三場，飛的趕頭趕命，到最後可能第一round就止步，會覺得人生好灰、付出無結果、無好學校收、好驚大抽獎入寶校。。。。
以上呢D都唔係我既經歷，而係EK既小學選校內隨意都可睇到既comments。我只報一間近既直資，平常心去In唔得就算。咁細過最重要小朋友開心過快樂童年，that is!
作者: carolkayan 時間: 16-12-16 11:33
happypapapa 發表於 16-12-16 11:22 
你如果執意必要入一線直資小學，我可以講你聽，你及小朋友既付出必會比收獲多！上台一分鐘，背後百年功。你 ...
Agree! 如果諗住入左名幼就咁坐係背後咩都唔做,真係唔駛諗！其實好多父母係落左好多苦功！
作者: am621 時間: 16-12-16 12:02
Joelley 發表於 16-12-16 11:01
呢個我都想知。我都夢想可以入一線直資小學，但根本未玩過升小遊戲，唔知道到底要做D咩，要去到幾千辛萬苦 ...
(1) 子女資質 (其實現階段都難觀察)
(2) 家長投放的資源及時間
(3) 子女及家長承受小一不㫁接受waiting/reject挫折的能力(當然會有offer王)
(4) 子女"輸唔輸得起"
輸唔起, 請你去龍校, 無得揀除外
作者: wwchuifamily 時間: 16-12-16 12:04
本帖最後由 wwchuifamily 於 16-12-16 12:06 編輯
我呢啲初級媽媽仲係玩緊K1面試,不過我想講上年或今年考小學嘅家長一定比我哋辛苦好幾倍.佢哋要面對嘅仲有較高出生率、雙非問題,唔好講一線直資,根本連大抽獎都比我哋難玩唔知幾多.
對於名幼同龍校我都有輕度選擇困難,但我囝囝嘅表哥表姐,堂哥堂姐喺呢一、兩年啱啱玩咗升小,我見到有龍幼入唔返龍小,亦有名幼但直私全無second in,所以更認同樓上,小一遊戲背後其實真係靠好勤力嘅父母,而唔係靠揀名定揀龍.
最後,我哋兩公婆抗壓指數高,所以目前決定小一再玩多次interview遊戲.
作者: omoinoyukue 時間: 16-12-16 12:20
happypapapa 發表於 16-12-16 11:22
你如果執意必要入一線直資小學，我可以講你聽，你及小朋友既付出必會比收獲多！上台一分鐘，背後百年功。你 ...
作者: Happy_funny 時間: 16-12-16 12:27
omoinoyukue 發表於 16-12-16 12:20
我都傾向你的approach, 但實際上, 在平常心地報直資之前,你覺得有無需要給小朋友裝備呢? 定係都只是"看看入 ...
坦白講我覺得機會是留俾有準備的人 而且面試時間甘短 吾準備而能發揮超水準的人吾多(emoji)
作者: hkpapa852 時間: 16-12-16 13:20
pollywcw 發表於 16-12-16 10:47
因為自己未試過考小一, 唔知幾辛苦. 如果有得重揀, 你地會揀名幼(e.g LH, KV,SC) , 定係一線龍校(e.g 培正, ...
每年係小學版見到有家長話小朋友考唔到XX學校好想心好難過, 我會寄予同情, 但同時亦覺可笑.
全港直資小學+私立小學既學位, 合共只佔全港推行傳統學制既課程既小學中不足10%, 即係話最後大部份小朋友都係要讀官津小學, 為何要以成為少數人為目標? 為何為少一個本身機會唔係太高既嘢而要咁失望?
可能你會話, 官津小學, 水準參差不齊, 一個唔好彩派咗入間唔好既學校, 咁點算? 不過事實上, 直資/私立學校, 水準一樣參差不齊. 而且不少直資/私立學校, 近年都被過份"神化"了!
其實家長應一早定好目標, 諗清楚日後想子女入邊D/邊間小學, 再盡力搜集多D關於該小學既資料.
上除非你好想入所謂龍幼既關聯小學, 否則如果只係諗住讀龍幼"可能"有保障, 最後可能令自己進退失據, 到時更得不嘗失. (早幾個月前有家長因女兒讀聖嘉勒幼稚園, 當學校公佈女兒不能直升小學就馬上係EK既小學同幼稚園版大談學校既不是, 就係最好既例子)
作者: clarachingching 時間: 16-12-16 13:58
我會㨂龍校。坦白講，讀名幼都係想考直資，直資又唔係間間好。培正，德望，民生，這三間已係非常好學校。一鳥在手，勝百鳥在林。
作者: mandy_ng207 時間: 16-12-16 14:09
經過K1的經驗後，我會更意志堅定地去外補和興趣班，我不想考小一時再一次失望。如果小朋友唔受谷，咁我都唔會勉強，但亦不會怪自己沒有盡力。
作者: monodad 時間: 16-12-16 14:14
肯定龍幼，我小朋友讀龍幼，直私有8個offer加兩個waiting，唔好當龍幼係流嘅至得㗎？但同意樓上所講，背後嘅付出佔8成以上，所謂名幼多小朋友考到直私offer嘅原因只係佢地一定要出去搏（除非夠分讀津校或者等抽獎），所以背後一定要裝備好多嘢，如果有機會去睇下果D稍稍出名嘅小一面試班，不難發現大部分小朋友都係來自所謂名幼。當大部分人以為名幼考直私有優勢嘅時候，只係忽略咗龍幼有好多學生因為小學部收咗根本冇去考其他直私，而唔係代表佢地考唔到（當然亦有好多考到），而睇返名幼考唔到直私嘅學生亦都好徬徨下，我估大家都唔希望自己係其中之一，如果有MS，PC，GH唔讀去讀名幼嘅話，我相信會有好多人多謝你地。
作者: hha 時間: 16-12-16 14:24
一定係龍校，除咗你打算抽奬，而嗰間龍校唔比抽。
作者: tmko 時間: 16-12-16 14:24
我有龍幼offer係手，但要出年重讀k1 (12月B），苦腦緊係咪要用多年時間讀k1而唔升k2。
我地升小學手持20分，可報c6 11校網的小學，爬過文，好大機會可以自行入到，c6小學冇龍小咁高banding, 但都屬於一缐津小，超過50%入到英中。跟尾仲有個妹妹。
當然，我都會試直資及私校，但細b競爭力真的不比大b好，而且又怕細b在小學時追不上（雖然現在是跟得上），但c6傾向細b身份升k2。請有經驗人士指教。
作者: monodad 時間: 16-12-16 14:36
tmko 發表於 16-12-16 14:24
我有龍幼offer係手，但要出年重讀k1 (12月B），苦腦緊係咪要用多年時間讀k1而唔升k2。
我地升小學手持20分 ...
如果妳好肯定20分入得到而妳又真心鍾意讀嘅話，我覺得唔駛Repeat，但點解可以咁肯定入？因為學校冇宗教背景，唔需要宗教分？
作者: Monstereasy 時間: 16-12-16 14:37 標題: 引用：因為自己未試過考小一,+唔知幾辛苦.+如果有
原帖由 pollywcw 於 16-12-16 發表
因為自己未試過考小一, 唔知幾辛苦. 如果有得重揀, 你地會揀名幼(e.g LH, KV,SC) , 定係一線龍校(e.g 培正, ...
以前大仔讀"名幼"，考小一有心儀直私offer, 但過程壓力大，而且太多不能預期事情發生，如生病，撞面試時間，鬧情緒等等，大人由簡介會到報名，到面試都好緊張好辛苦，讀龍幼希望減少考小一重演機會。
作者: tmko 時間: 16-12-16 14:39
monodad 發表於 16-12-16 14:36
如果妳好肯定20分入得到而妳又真心鍾意讀嘅話，我覺得唔駛Repeat，但點解可以咁肯定入？因為學校冇宗教背 ...
小學有宗教，但我冇宗教分，只係c6係舊生有分加，共20分。爬EK文，知有人20分係自行入到。
作者: monodad 時間: 16-12-16 14:43
tmko 發表於 16-12-16 14:39
小學有宗教，但我冇宗教分，只係c6係舊生有分加，共20分。爬EK文，知有人20分係自行入到。
...
20分有人入到有人入唔到，除非妳見到有人15分都入到，否則妳手持20分未必必係必入，當然最後都可以去叩門，話晒係舊生一定會俾機會妳去in，但叩門嘅時候，可能就要睇分數行先，舊生其次喇喎！
作者: Tunghk 時間: 16-12-16 14:48 標題: 引用：因為自己未試過考小一,+唔知幾辛苦.+如果有
本帖最後由 Tunghk 於 16-12-16 15:01 編輯
原帖由 pollywcw 於 16-12-16 發表
因為自己未試過考小一, 唔知幾辛苦. 如果有得重揀, 你地會揀名幼(e.g LH, KV,SC) , 定係一線龍校(e.g 培正, ...
我今年經歷考小一，因為自己不抱太大期望，加上有2個小朋友，我以大抽獎為主，私校只考了4間。
今年既激烈情度，你去小一版就可略知一二。你所提起既學校，民生德望唔係一定收返你直升小學，佢地只收一定比例，而唔係收哂。而培正，如果我無記錯，見過有一篇文話開始唔再100%直升。（有錯請糾正，thx）
私幼（包括龍幼），係叩門環節，挑選人面試，面試同分既情況下，我覺得有利d。而且如果該幼稚園畢業生既師兄師姐在其小學成績突出，亦會增加學校對該幼稚園既面試者既信心。
不過，唔係名幼私幼就等於有offer, 只係有offer者以名幼私幼比例較高，村校一樣有人有offer。小朋友既資質，父母既栽培，仲要加埋天時地利人和。
我自己選幼稚園，以語境為大前提，因自己英文唔好，想小朋友多接觸英文。但人人既大前提不同，睇你自己想要什麼，加油~
作者: tmko 時間: 16-12-16 14:50
monodad 發表於 16-12-16 14:43
20分有人入到有人入唔到，除非妳見到有人15分都入到，否則妳手持20分未必必係必入，當然最後都可以去叩門 ...
謝謝你回覆，我都明20分未必必入，始終年年唔同，所以先苦腦要唔要重讀k1入龍幼。
作者: L+H 時間: 16-12-16 14:53
monodad 發表於 16-12-16 14:14
肯定龍幼，我小朋友讀龍幼，直私有8個offer加兩個waiting，唔好當龍幼係流嘅至得㗎？但同意樓上所講，背後 ...
作者: monodad 時間: 16-12-16 14:58
tmko 發表於 16-12-16 14:50
謝謝你回覆，我都明20分未必必入，始終年年唔同，所以先苦腦要唔要重讀k1入龍幼。
...
本帖最後由 monodad 於 16-12-16 14:59 編輯
視乎妳而家讀緊邊間K1，收到邊間龍幼offer，11網嘅津校又係邊間，仲有自己就住嘅地方同學校嘅距離再可以作考慮。
作者: lawboon 時間: 16-12-16 15:02
monodad 發表於 16-12-16 14:14
肯定龍幼，我小朋友讀龍幼，直私有8個offer加兩個waiting，唔好當龍幼係流嘅至得㗎？但同意樓上所講，背後 ...
作者: tmko 時間: 16-12-16 15:04
monodad 發表於 16-12-16 14:58
本帖最後由 monodad 於 16-12-16 14:59 編輯
視乎妳而家讀緊邊間K1，收到邊間龍幼offer，11網嘅津校又 ...
本帖最後由 tmko 於 16-12-17 09:48 編輯
作者: Dear-Valerie 時間: 16-12-16 15:22
本帖最後由 Dear-Valerie 於 18-3-29 11:42 編輯
del.
作者: BBQporkpork 時間: 16-12-16 15:56
如果時光倒流俾我揀多次,
我一定揀龍校.....
大人小朋友都會開心D
可惜無得揀過, 宜家後悔足3年 
作者: BBQporkpork 時間: 16-12-16 16:13
szwani2412 好記性啊!!!
作者: BBQporkpork 時間: 16-12-16 16:18
問題唔係有冇升到,
宜係考小一真係唔容易
簡單講句, 除非唔打算考學校,
如果唔係, 點都要谷....
咁有backup o既, 可以輕鬆d....
作者: szwani2412 時間: 16-12-16 16:21
回覆 BBQporkpork 的帖子
BBQ Porkpork, 其實協恩都唔易入呀, 加上你係谷度樂意分享, 故有深刻印象。 好想知讀半龍幼出去考小學, 最終係咪都要家長付出+小朋友本身天資不錯？身邊同學最終有無人考入不錯的小學呢？
作者: szwani2412 時間: 16-12-16 16:22
本帖最後由 szwani2412 於 16-12-16 16:28 編輯
回覆 BBQporkpork 的帖子
AGREE, 點都要去自己教,不能單靠學校, 只係有個BACK UP 大小都無咁大壓力。身邊的確有朋友話讀名幼, 都會0 OFFER, 始終咁多人考, 就算正常做哂所有野, 都未必一定有 OFFER. 所以都要另加少少運氣成份. 我身邊都有家長朋友, 第二個仔/女 到 K 時考半龍/龍校, 反而無讀兄/姐當初的名幼, 因唔想行返同一條路.
作者: Tunghk 時間: 16-12-16 16:36 標題: 引用：+本帖最後由+szwani2412+於+16-12-16+16:23
本帖最後由 Tunghk 於 16-12-16 16:36 編輯
原帖由 szwani2412 於 16-12-16 發表
本帖最後由 szwani2412 於 16-12-16 16:28 編輯
回覆 BBQporkpork 的帖子
超同意，就算入到幾出名的學校，單靠學校，真係好難係競爭激烈既情況下突圍而出，小朋友既天資，父母同小朋友既努力同付出才關鍵。
就算主張愉快學習既小學，面試時都係要你寫中英文名，認中英文字，加減數（已經係最basic）。就算識哂，都未必有offer^^"
除非你打算唔玩呢個遊戲只大抽獎，又或者你本身諗住升讀國際學校同出國，如果唔係，無論你係讀私幼定龍幼，機會總係留比有準備既人，仲要就算有準備，都未必一定有offer。大家加油~
作者: BBQporkpork 時間: 16-12-16 16:45
szwani2412 發表於 16-12-16 16:21
回覆 BBQporkpork 的帖子
BBQ Porkpork, 其實協恩都唔易入呀, 加上你係谷度樂意分享, 故有深刻印象。 好想 ...
同學仔都考到唔錯o既小學
但係大家揀學校時, 可以睇睇小朋友性格....
因為學術可以谷, 但性格應該唔會點變,
家長可以估計下, 小朋友適唔適合玩考小一遊戲,
又或者適合考邊類型學校, 加油
作者: monodad 時間: 16-12-16 18:16
http://www.edu-kingdom.com//forum.php?mod=viewthread&tid=3396310
很真實的分享
作者: L+H 時間: 16-12-16 19:23
Thanks, 個遊戲真係好難玩
作者: lightingchung 時間: 16-12-16 20:09 標題: 回覆樓主：
本帖最後由 lightingchung 於 16-12-16 20:12 編輯
一定揀龍校。龍校同名幼都可外補，都可出去考小學，機會均等，而龍校有個大部份學生升小機會保障。名幼生都會考GH ,SH,St.clare 同埋 真光這些有幼稚園的小學。我當龍幼生只有50％升返小學(當然有些多過此%)，大家估下外生考入機會率有幾多。我估8％機會以下。
作者: Yeahly_ly 時間: 16-12-16 22:52
tmko 發表於 16-12-16 14:50
謝謝你回覆，我都明20分未必必入，始終年年唔同，所以先苦腦要唔要重讀k1入龍幼。
...
本帖最後由 Yeahly_ly 於 16-12-16 22:54 編輯
睇下條龍係咪你心儀啦～你講果間20分都有機既...當然25分穩陣～但入到小學都唔係輕鬆...都要好好裝備下！
作者: babieblue 時間: 16-12-17 00:30
mandy_ng207 發表於 16-12-16 14:09
經過K1的經驗後，我會更意志堅定地去外補和興趣班，我不想考小一時再一次失望。如果小朋友唔受谷，咁我都唔 ...
有興趣知道，考k1時大多數B也只是2歳多少少，只返左2、3個月N班，其實可以有乜野可以「外補」去準備考k1？
作者: Joelley 時間: 16-12-17 00:37
babieblue 發表於 16-12-17 00:30
有興趣知道，考k1時大多數B也只是2歳多少少，只返左2、3個月N班，其實可以有乜野可以「外補」去準備考k1？ ...
我沒有外補，只有自己做多D。每晚講故事，每日一放工就同佢玩，砌圖，積木，煮飯仔，唱歌跳舞.....直到佢瞓，我已經兩年未試過十一點前開電視了。
作者: ggyan 時間: 16-12-17 12:02
hkpapa852 發表於 16-12-16 13:20
讀幼稚園到底為了甚麼? 如果你話係為了考小學, 其實我覺得幾可悲.
每年係小學版見到有家長話小朋友考唔到X ...
講得好好！其實揀幼稚園最緊要係適合自己小朋友個性，龍幼有時都參差不齊，有d更行政混亂，有時可能局限左某d小朋友既發展也未定，如心儀果間龍小，K3升小再考都有機會。讀幼稚園係啟發小朋友學習動機，唔單單為左安全升小
| 歡迎光臨 教育王國 (/) |
Powered by Discuz! X1.5 |