教育王國

標題: 學校唔見嘢 [打印本頁]

作者: japfoodbaby 時間: 16-12-15 22:51 標題: 學校唔見嘢

請問小一生在班房唔見咗校縷可以點做? 校務處職員話冇人執到交去.

作者: gisoleung 時間: 16-12-15 23:26

買過件或者等有一天出現返

作者: brother4 時間: 16-12-16 00:16 標題: 回覆：學校唔見嘢

如有label/寫上姓名，會有機會找番

作者: Jane1983 時間: 16-12-16 08:37

等多兩日，再問吓校務處有無人執到。另外，叫小朋友去佢經常出沒的地方搵吓。再係whatapps群組，問吓同班家長。

小一唔見嘢，真係好正常。當年我女best friend係個好動男仔，聽佢講一年遺失6件風褸，難得佢媽無鬧佢。

作者: PY-Sing 時間: 16-12-16 09:46

我都試過, 發現同校務處職員講原來係無用.
最終要同老師講, 差D 要問佢洗唔洗我報警, 佢洗喇喇聲去幫我揾.

作者: mch411 時間: 16-12-16 10:33

你唔搵就會出現, 好多時係同學仔冇心取走,
我亞仔都試過取左人件冷衫
家長係WHATAPP GROUP 吹雞
我去睇下亞仔衣柜先知多左一件

作者: birdbird 時間: 16-12-17 09:32 標題: 引用：我都試過,+發現同校務處職員講原來係無用.+

原帖由 PY-Sing 於 16-12-16 發表
我都試過, 發現同校務處職員講原來係無用.
最終要同老師講, 差D 要問佢洗唔洗我報警, 佢洗喇喇聲去幫我揾. ...

我仔學校的老師講明唔會帮學生揾失物, 不過執到有名字的失物会比番個物主。

作者: PY-Sing 時間: 16-12-17 09:57

birdbird 發表於 16-12-17 09:32
我仔學校的老師講明唔會帮學生揾失物, 不過執到有名字的失物会比番個物主。

...

我個仔件衫唔係自己留抵. 係上完課外活動後發現被人攞走咗.

真係可以話係被人偷走, 如果老師話佢/學校唔理, 我估我真可能會報警.

作者: santakit 時間: 16-12-17 11:42 標題: 回覆樓主:

我地都係小一，響學校吾見野，會真係驚，因為feel到個班主任好似總係覺得你好厭惡噤，好似係我地真係做得好差噤，吾想比佢話。。但個小朋友只係六歲。。學校由開學至今三個多月，最小派了十幾廿本小冊子，各科有數本，咩咩獎勵又一本，咩咩閱讀又兩三本，如果我合埋眼是數吾到晒出來(因為記吾到噤多本) ，我覺得就算啱啱入職一份新工，有噤多野，個人亂都好正常，何況係得六歲，我覺得學校噤其實浪費晒老師家長d精力，日日執呢樣執嗰樣，反到屋企都吾可以先focas 於學習，而係執來執去，驚冇帶呢樣嗰樣

作者: birdbird 時間: 16-12-17 12:09 標題: 引用：Quote:birdbird+發表於+16-12-17+09:32+我

原帖由 PY-Sing 於 16-12-17 發表
我個仔件衫唔係自己留抵. 係上完課外活動後發現被人攞走咗.

真係可以話係被人偷走, 如果老師話佢/學校唔 ...

小朋友拎錯人地d外套係唔出奇, 用 “偷” 來嚴重化件事係冇幇助。反而係要教小朋友一上完堂發現有人拎咗佢件衫, 就要即時同老師講。老師即場叫學生check 下有冇拎錯人地件衫, 揾得番件衫的機会就大好多

歡迎光臨教育王國 (/)