教育王國

標題: 有沒有聽過女英華關校長briefing?學校真的沒壓力? [打印本頁]

作者: uselesscat 時間: 16-12-13 13:04 標題: 有沒有聽過女英華關校長briefing?學校真的沒壓力?

本帖最後由 uselesscat 於 16-12-13 13:42 編輯

學校教學理念是否正如關校長所說，全人發展，用心感染學生，謙卑學習？
一間傳統名校，真的能夠做得到沒壓力？

雖然關校長的 briefing 跟其他中學校長不同，不會經常提及進取，標榜學生的得獎成績，學生受不到壓力就請別選他校等等演說。但是作為一間過百年傳統名校，考慮收生學業成績都佔50%，入讀後真的可以沒有壓力下學習嗎？

作者: b3410 時間: 16-12-13 14:00

我覺得不可能完全沒有壓力。不過相對壓力比較少一些，至少學校角度不會太谷或只注重成績。其實從DSE成績都可以反映出來。

作者: uselesscat 時間: 16-12-13 14:15

b3410 發表於 16-12-13 14:00
我覺得不可能完全沒有壓力。不過相對壓力比較少一些，至少學校角度不會太谷或只注重成績。其實從DSE成績都 ...

謝謝回覆

請問DSE成績是否比其他名校低？我沒有比較DSE成績。只是感覺關校長演說較為親和，重點習中面試技巧，沒有其他學校校長那種高高在上的感覺。

作者: 山海兒女 時間: 16-12-13 14:31

回覆 uselesscat 的帖子

校長給我的感覺的確十分好，而且一八年有新校舍，十分吸引。

作者: liw 時間: 16-12-13 14:51

校長非常有親和力,學校好低調，學生非常平實。我看到我個女最大進步係團隊精神。當然讀書点會冇壓力，個個禮拜都有quiz.

作者: b3410 時間: 16-12-13 15:23

回覆 uselesscat 的帖子

比St. Mary ， MCS 略低。不過總體依然非常好。我覺得綜合壓力指數，同成績水平，英華女有個比較好的平衡。囡囡可以多一些自己時間，發展自己的興趣。所以依家心大心細，好難決定。

作者: b3410 時間: 16-12-13 15:26

回覆山海兒女的帖子

唯一一間聽簡介會，聽到好感動的學校。

作者: Yanamami 時間: 16-12-13 15:27

最终都係要面对DSE, 压力F1/2無，到F3要揀科点都会有，band1学校唔洗俾压力你，你自然都会有压力｡

作者: mannewliv 時間: 16-12-13 15:33

英華女校中一收生面試重答題態度聯校資訊日師生親解疑問

升中自行分配學位下月三日展開，相信家長忙於選校，揀選最適合子女的學校。Elsie近日就參加了不同學校的資訊日，深入瞭解學校的辦學理念、課程特色、教學法等。其中本港第三大辦學團體中華基督教會香港區會，上週首辦「中學聯校資訊日」，屬下二十六所中學設資訊攤位，並有師生即場解答參觀者疑問，吸引不少家長及學生到場取經，非常熱鬧。
Elsie知道，中華基督教會香港區會屬下的學校，雖然秉承同一辦學精神，但亦富有不同學校特色，當中歷史悠久的傳統名校英華女學校，一直重視培養學生積極正面的人生觀及責任感，教導她們面對家庭、社會、國家時，都要具備勇於承擔，甘於委身的精神，如失明、弱聽兼手部有觸感障礙的「唇讀女生」曾芷君，當年克服身體殘障，在一三年中學文憑試考獲三科5**佳績，成功入讀大學，其堅毅不屈的精神，令人佩服。
重申請人表達能力
英華女學校校長關翰章亦於資訊日主持講座，分享入學面試技巧。Elsie問過關校長，知道學校的競爭情況相當激烈，按往年經驗，每年收到六百至八百份申請表，競爭約五十個自行分配學額，平均十二至十六人爭一席。翻查英華女學校在自行分配學位的收生準則及比重分佈，學業成績佔五成，面試表現佔三成，課外活動表現及操行各佔一成。
聽關校長講，面試表現相當重要，「若果學生成績不錯，只要面試表現中上，獲取錄的機會很大；即使學生成績稍遜，不過面試表現佳，亦有機會獲取錄。不過，千萬不要走到兩個極端，學業表現很好，但面試很差。」既然面試表現關鍵，將如何篩選學生？關校長坦言面試題目「樣樣都有」，「會問及時事題，但不是最重要，因為學校不是要求學生知道『What'（甚麼），而是著重他們能否表達自己，因此題目難度絕不艱深。」
料如期遷入新校舍
面試者的答題態度亦比內容重要，關校長稱，學生對答時鬚髮自內心，不要背誦答案或「機械式」對答。他稱，部分面試的學生明顯經過「訓練」，一開口就慣性說「我都幾同意同學剛才的說法」，但其後不接上語，自相矛盾。他稱，當面試老師聽了數百名學生說相同「開場白」，難免感到沉悶；要突圍而出，說話技巧上就要多花心思，比如可以說「剛才同學的意見很有趣，很有見地，不過我有不同見解……」，英文對答情況亦然，可多用不同說話表達觀點。關校長又特別提及，學生說英文時，音調不能只平平無奇，「要當自己在唱歌，不可只得兩個音調。」
值得一提的是，明年入讀英華女學校的中一生，很快便可使用新校舍。位於羅便臣道的英華女學校原址校舍重建工程，料可如期於一八年竣工。關校長稱，如無意外，新校舍可於一八年九月啟用，現屆中四同學於中六開學時，就可遷到新校舍。關校長表示，現屆中五生的整個中學生涯，都是於深水埗暫借校舍度過，不知不覺建立了感情，「該批學生行畢業禮時，新校舍已落成，不過，令我意外的是她們寧願在舊校舍行畢業禮，這正好說明學校不是『校舍』，而是校內人與人之間的感情。」
加強區會中學聯繫
聽完關校長主持講座後，Elsie就參觀了部分攤位，瞭解中華基督教會香港區會屬校的特色。聽中華基督教會香港區會總幹事蘇成溢講，就讀屬會小學的學生，若將來升讀屬會中學，所接受之教育理念可貫徹一致，因此今次一併舉辦資訊日，家長可全面瞭解辦學團體辦學方針。他稱，屬會小學一直都有較多聯校活動，如聯校畢業禮、運動會，反而中學近年聯校活動減少，不過，適逢二○一八年是中華基督教會香港區會慶祝創會一百週年，是重大日子，因此現已開始準備，加強屬下學校的聯繫，推動更多聯校活動。
參觀者之一李太，偕同就讀中華基督教會基法小學（油塘）的兒子到場，她稱，欣賞辦學團體的理念，如按學生能力因材施教，著重他們的品德培育，因此亦有意報讀屬會中學中華基督教會蒙民偉書院。除瞭解心儀學校的資訊，李太亦藉此瞭解其他屬校的情況，「之前都沒有太多機會知道其他中學的活動，今次是很好的機會，認識其他區學校的發展及強項。」
Elsie覺得，家長選校時除可上網蒐集學校課程、課外活動的資訊，亦不妨親身到學校的開放日、入學簡介會，感受學校的文化及校園氛圍。

作者: mannewliv 時間: 16-12-13 15:35

壓力唔可能無，不過入得英華，成績唔會差，呢班學生在小學時已掌握一套讀書方法，上到中學往往自然可以延續。所以b1a學校，壓力唔來自學校，係來自同學之間，同埋自己。

作者: mannewliv 時間: 16-12-13 15:37

uselesscat 發表於 16-12-13 13:04
學校教學理念是否正如關校長所說，全人發展，用心感染學生，謙卑學習？
一間傳統名校，真的能夠做得到沒壓 ...

成績人所共知，所以校長覺得唔須要再花唇舌吧。

作者: YmOra 時間: 16-12-13 15:45

liw 發表於 16-12-13 14:51
校長非常有親和力,學校好低調，學生非常平實。我看到我個女最大進步係團隊精神。當然讀書点會冇壓力，個個 ...

好認同你所說的""平實"",就好似e+現代述語""貼地"".

作者: YmOra 時間: 16-12-13 15:49

liw 發表於 16-12-13 14:51
校長非常有親和力,學校好低調，學生非常平實。我看到我個女最大進步係團隊精神。當然讀書点會冇壓力，個個 ...

liw,你好呀!想請問關校長是否之前任副校長嗎?

thx.thx.

作者: liw 時間: 16-12-13 16:00

回覆 YmOra 的帖子

Yes ah.

作者: 王家爸爸 時間: 16-12-13 16:14

Yanamami 發表於 16-12-13 15:27
最终都係要面对DSE, 压力F1/2無，到F3要揀科点都会有，band1学校唔洗俾压力你，你自然都会有压力｡ ...

同地區名校好唔同，傳統名校唔會俾壓力學生，反而學生間既良性競爭，對部份人有壓力。

作者: somuiQQ 時間: 16-12-13 16:20

回覆 b3410 的帖子

作者: liw 時間: 16-12-13 16:52

回覆王家爸爸的帖子

大部份係小学都叻開，但最初quiz 派番成绩就知自己有幾唔掂。佢地自己就會有壓力.呢D抗壓訓練都幾有用

作者: optman88 時間: 16-12-13 17:03

係，當去到 band 1 嘅學校，就會同小學嘅名次有唔同。有啲學生可能要啲時間接受。我仔仔個班遊過同學仔，佢同我仔仔唔多夾，有個全級嘅 reading report test，我仔仔全 form 最高分，佢就比我仔仔低 3 分，佢知到結果後，即刻喊。先生都要同佢傾下，怕佢又壓力，我問我仔仔，如果你成績比人低咁點算？佢就答我，數學 test 都有幾個高分過佢，咁唯有下次試下小心啲。壓力多數來自父母同自己，可能學校都會有，做好自己同揀學校時清楚佢嘅方向，理念同教學方法。應該 ok 的，父母一定要 keep 住同小朋友傾偈 ^_^

作者: ^O^ 時間: 16-12-13 17:13

有冇壓力好睇每個學生的受壓力程度，同埋佢係band 1頭定中入。我知有一對姊妹都入讀英華，家姐可能係band 1頭學生，所以讀得都ok；但細妹可能band 1中派入就讀到試過考試時係課室暈左！所以真係好睇每個人承受壓力既程度。

作者: Sophie0804 時間: 16-12-13 17:25

^O^ 發表於 16-12-13 17:13
有冇壓力好睇每個學生的受壓力程度，同埋佢係band 1頭定中入。我知有一對姊妹都入讀英華，家姐可能係band 1 ...

所以真的要量力而為。我仔仔考到幾間小學，最後可能會讀相對差點、但可能最適合。

作者: uselesscat 時間: 16-12-13 17:59

mannewliv 發表於 16-12-13 15:35
壓力唔可能無，不過入得英華，成績唔會差，呢班學生在小學時已掌握一套讀書方法，上到中學往往自然可以延續 ...

同神級學校一樣, 學生自己會有競爭，自然會有壓力

作者: liw 時間: 16-12-13 18:01

回覆 b3410 的帖子

無乜功課.. 都有好多課外活動.. 不過—hea 就瀨野.

作者: mannewliv 時間: 16-12-13 19:02

王家爸爸發表於 16-12-13 16:14
同地區名校好唔同，傳統名校唔會俾壓力學生，反而學生間既良性競爭，對部份人有壓力。

...

地區名校要升呢谷做神校，校方點都會施下壓

作者: 山海兒女 時間: 16-12-13 20:19

Sophie0804 發表於 16-12-13 17:25
所以真的要量力而為。我仔仔考到幾間小學，最後可能會讀相對差點、但可能最適合。
...

適合真係好重要，還有的就是做人的態度。
認識一些小朋友在程度比自己能力低的學校讀書，培養到的不是自信，而是自大，而且冇任何向上的動力。

反而入了程度較高的學校，會知道，天外有天，人外有人。

至於任何學校，也總會有人考第一，有人考包尾。如何自處，好睇家長同小朋友自己。

同我女夾琴老師，無意中傾開，知道她在英華女畢業。她說學校好好，D女孩子很乖，我説呀女能力未必能應付，她說她的中學生涯年年也是從後數上三甲之內，一樣有愉快的中學生活，最緊要係自己點睇自己。

作者: mannewliv 時間: 16-12-13 20:26

山海兒女發表於 16-12-13 20:19
適合真係好重要，還有的就是做人的態度。
認識一些小朋友在程度比自己能力低的學校讀書，培養到的不是自信 ...

倒數三甲都讚學校，咁真係好難得。

作者: wangc 時間: 16-12-13 21:30

回覆山海兒女的帖子

十分認同你的分析，我兒子轉往一間程度低的學校後，自己也downgrade埋

作者: 王家爸爸 時間: 16-12-14 08:41

mannewliv 發表於 16-12-13 20:26
倒數三甲都讚學校，咁真係好難得。

我估因為學校課外活動多，即使讀書唔叻，都可以從中培養足以受用一生既興趣，好多明星(例如阿叻)就係咁。

作者: IloveJJ 時間: 16-12-14 09:59

提示: 作者被禁止或刪除內容自動屏蔽

作者: uselesscat 時間: 16-12-14 10:28

liw 發表於 16-12-13 14:51
校長非常有親和力,學校好低調，學生非常平實。我看到我個女最大進步係團隊精神。當然讀書点會冇壓力，個個 ...

其實可以培養團隊精神都好重要，社會風氣太多個人主義，形造自私不合群。

請問您女在女英華讀，除了每星期quiz外，功課多不多？

作者: 山海兒女 時間: 16-12-14 10:46

IloveJJ 發表於 16-12-14 09:59
怎樣downgrade了？學壞?無要求?

我認為如果小朋友本身的性格，係對自己好有要求，事事力求完美，真係不要太進取。
但如果你見佢未發力，還有很多進步空間，又或者係遇強越強的人，就可以看高一缐。

作者: IloveJJ 時間: 16-12-14 10:48

提示: 作者被禁止或刪除內容自動屏蔽

作者: ANChan59 時間: 16-12-14 10:55

山海兒女發表於 16-12-13 20:19
適合真係好重要，還有的就是做人的態度。
認識一些小朋友在程度比自己能力低的學校讀書，培養到的不是自信 ...

我會強調 expectation management.

如果升呢之後，心態要調整！中間已經在全香港好不俗了！又可以玩多些其他活動，不用死爭前列。

如果降呢之後，可能高估咗自己，要作出平衡！因為跟外面比較，不是校內而已！

作者: liw 時間: 16-12-14 12:20

uselesscat 發表於 16-12-14 10:28
其實可以培養團隊精神都好重要，社會風氣太多個人主義，形造自私不合群。

請問您女在女英華讀，除了每星 ...

[size=13.3333px]功課不多....

作者: lala12345678 時間: 16-12-14 16:01 標題: 回覆樓主:

提示: 作者被禁止或刪除內容自動屏蔽

作者: mannewliv 時間: 16-12-14 16:12

lala12345678 發表於 16-12-14 16:01
請問band 1中，自行報英華機會是否好細

如果覺得自己小朋友面試表現係比較好既，可以一搏。上面校長訪問已經講左，唔好側埋一邊，即係只有成績，唔識講野，係唔會收；反而成績中上但識得面試，就會收。

作者: lala12345678 時間: 16-12-14 17:08

提示: 作者被禁止或刪除內容自動屏蔽

作者: uselesscat 時間: 16-12-15 12:28

山海兒女發表於 16-12-13 20:19
適合真係好重要，還有的就是做人的態度。
認識一些小朋友在程度比自己能力低的學校讀書，培養到的不是自信 ...

換言之，個小朋友好 enjoy 學校生活，自己沒有太大壓力

作者: 山海兒女 時間: 16-12-15 12:54

回覆 uselesscat 的帖子

已經係成年人，唔再係小朋友了。
她畢業之後去了演藝學院讀音樂，再出國留學，嫁了個西人，現在回流。

不過，從與她談論英華女的過程，感受到她與母校關係好好，她說還有與以前的老師有來往呢

作者: somuiQQ 時間: 16-12-15 13:47

回覆山海兒女的帖子

絕對系！睇到英華的唇讀女生同導盲犬BENE的故事，就知道英華幾有愛心！

作者: Sophie0804 時間: 16-12-15 14:49

somuiQQ 發表於 16-12-15 13:47
回覆山海兒女的帖子

絕對系！睇到英華的唇讀女生同導盲犬BENE的故事，就知道英華幾有愛心！

絕對贊同

作者: mannewliv 時間: 16-12-15 16:49

somuiQQ 發表於 16-12-15 13:47
回覆山海兒女的帖子

絕對系！睇到英華的唇讀女生同導盲犬BENE的故事，就知道英華幾有愛心！

盡量去幫助每一位學生，而唔係只顧成績拔尖運動比賽拎獎威威，呢d先係真學校。上面山海兒女個音樂老師既事，更係令我震撼，因為我無諗過一個年年考尾三既學生，會對學校咁有感情。

作者: wangc 時間: 16-12-18 07:25

回覆 IloveJJ 的帖子

冇要求.同比自己差的同學比。

作者: wangc 時間: 16-12-18 07:40

回覆山海兒女的帖子

如果入勁些少學校,佢自己同同校比較就算差,但相對外面差的學校都叫好. 相反越來越差,但又怕佢讀得辛苦,易放皮

歡迎光臨教育王國 (/)