教育王國
標題: 求鼓勵~ 25個月仍然得bb話 [打印本頁]
作者: ET19 時間: 16-12-11 20:33 標題: 求鼓勵~ 25個月仍然得bb話
呢大半年每一日都同自己講要有耐性。同自己講每個小朋友的發展步伐都唔一樣，仔仔知我係媽咪，只係他未準備好講野。
最近個幾月開始準備interview K1。全數落空，waiting 的其中一間排2百幾。簡直係望天打卦。
見到其他一齊interview 的小朋友，有對比下更加認清自己的小朋友有幾唔同。
特別係佢地每叫一聲媽咪、爹地，望返身邊的小朋友，要好忍住至唔喊出黎。
仔仔返左2日密集班個幾月，剛轉埋返5日。他識得比玩具其他小朋友，飲水又會主動同人玩碰杯。但近2星期本來會講的（要），（開）突然又唔講了。
我朝思暮想，只係想仔仔可以開口叫我一聲“媽咪”。每次只要諗到，都覺得好痛，好痛。
作者: Yukiruirui888 時間: 16-12-11 22:18
ET19 發表於 16-12-11 20:33 
呢大半年每一日都同自己講要有耐性。同自己講每個小朋友的發展步伐都唔一樣，仔仔知我係媽咪，只係他未準備 ...
點解唔讀N班（超大b），我都要在搵學校收仔仔入K1，大家加油啦！還有希望的
我仔已經2歲9個月，都係唔會叫爸爸媽媽，基本講得出的：開，要...都係一時時， 唯有安慰自己巨還要多d時間
作者: ET19 時間: 16-12-11 22:28
Yukiruirui888 發表於 16-12-11 22:18
點解唔讀N班（超大b），我都要在搵學校收仔仔入K1，大家加油啦！還有希望的
我仔已經2歲9個月，都係唔會 ...
返緊私人密集了。
呢區的N班排到而家都未有聲氣。
作者: idak 時間: 16-12-12 02:29 標題: 回覆樓主:
我囡囡現在7歲了，果時有幼稚園收，開始返學問題出晒來。你如有時間兩公婆帶佢多d去玩，如長洲、澳門和台灣等，我每次帶囡囡去唔同地方，佢又好似講多咗嘢！佢以家係話想去旅行添。你要加油！上網揾吓資料，去協康或圖書館借吓書睇，再唔係揾社工傾吓計，但要緊記老公都好重要，佢係陪你一帶面對難關的伴侶。
作者: sandyma2011 時間: 16-12-12 11:38
ET19 發表於 16-12-11 20:33
呢大半年每一日都同自己講要有耐性。同自己講每個小朋友的發展步伐都唔一樣，仔仔知我係媽咪，只係他未準備 ...
同我囝囝情況相似，他在三歲前只有非常有限的單字。做媽媽嘅要將小孩眼看心想的，用言語表達出來，幫他們建立詞彙庫。試下用零食，要他們講才得到。我囝囝也是滿三歳才有句字出現 （當中有做針炙及上E位）。
作者: cookieman 時間: 16-12-12 12:06
我囡囡也未懂叫媽媽，現29個月了…有時也很氣餒…有時她緊張想哭時會叫媽媽，但我知道她不是叫我的…只是沒有意義的聲音…我把和她的合照貼在牆上，問她媽媽在哪兒呢？她用小手指指著我時，我明白她是懂的，也算是有點點安慰吧…
25月還小，也已上密集班，我覺得妳也很盡力的了，加油喔﹗我也和妳一起加油﹗
作者: T96 時間: 16-12-12 13:26
樓主加油
作者: peonybibi 時間: 16-12-12 18:54
ET19 發表於 16-12-11 20:33
呢大半年每一日都同自己講要有耐性。同自己講每個小朋友的發展步伐都唔一樣，仔仔知我係媽咪，只係他未準備 ...
返咗密集個幾月，可能仲未output到呢？一路keep住有進步，可能係手勢，或者理解指令，都係好事。識講要，開，突然唔講，可能又好快突然講返呢。識咗嘅字，都要鞏固佢。宜家係播種期，用多啲方法input佢，佢可能會學識講其他字，再嚟講媽媽呢。有無唱洗腦歌，天天狂唱媽媽好啲？
作者: lawwct 時間: 16-12-12 19:11
ET19 發表於 16-12-11 20:33
呢大半年每一日都同自己講要有耐性。同自己講每個小朋友的發展步伐都唔一樣，仔仔知我係媽咪，只係他未準備 ...
上緊五日密集班,應該對小朋友有很大幫助,上多幾個月,進步會明顯啲,
作者: 肥豬媽媽叻 時間: 16-12-12 22:50
不如大家開個whatsapp gp傾下？
作者: ET19 時間: 16-12-13 08:37
idak 發表於 16-12-12 02:29
我囡囡現在7歲了，果時有幼稚園收，開始返學問題出晒來。你如有時間兩公婆帶佢多d去玩，如長洲、澳門和台灣 ...
謝謝。每天仔仔最少都出街2次，他好鍾意去街同搭巴士。雖然未去過旅行，但海洋公園、山頂、西貢，行山都試過晒。
仔仔由歲半到而家呢半年幾，可能能力高左，A仔的行為多左，慶幸情緒無差到，仲控制到。
老公他唔認同仔仔係A,覺得只要他開口講野，就咩問題都無。
作者: ET19 時間: 16-12-13 08:41
sandyma2011 發表於 16-12-12 11:38
同我囝囝情況相似，他在三歲前只有非常有限的單字。做媽媽嘅要將小孩眼看心想的，用言語表達出來，幫他們 ...
我們一直都有用呢個方法，描述返仔仔做緊的事情，或街上的事物等等。零食果度仔仔好固執，他只肯做手勢，“我”（拍自己），“要”（伸手比）。
請問妳在哪裡做針灸~？覺得有幫助嗎？
作者: sandyma2011 時間: 16-12-13 09:08
ET19 發表於 16-12-13 08:41
我們一直都有用呢個方法，描述返仔仔做緊的事情，或街上的事物等等。零食果度仔仔好固執，他只肯做手勢， ...
小朋友25個月仲係好細，我囝囝當時20個單字都無，27個月大CAC做評估言語慢了整整一年。呢段時間係播種期，要加油。我囝囝單單學講「我想食糖糖」都練咗幾個月，我又找了speech therapy，但進展微乎其微。在他接近三歲時去了漫會做針灸，一個半月他便講多咗句字，加上9月上E位，呢幾個月係言語方面進步好顯著（識得駡人投訢細妺，學校教的兒歌也跟著唱）
作者: ET19 時間: 16-12-13 09:14
cookieman 發表於 16-12-12 12:06
我囡囡也未懂叫媽媽，現29個月了…有時也很氣餒…有時她緊張想哭時會叫媽媽，但我知道她不是叫我的…只是沒 ...
作者: idak 時間: 16-12-13 09:24 標題: 回覆樓主:
有無其他小朋友同佢玩？朋友好緊要講嘢真係快d架。
作者: arghost 時間: 16-12-13 09:39
肥豬媽媽叻 發表於 16-12-12 22:50
不如大家開個whatsapp gp傾下？
好呀
作者: ET19 時間: 16-12-13 10:01
peonybibi 發表於 16-12-12 18:54
返咗密集個幾月，可能仲未output到呢？一路keep住有進步，可能係手勢，或者理解指令，都係好事。識講要， ...
作者: ET19 時間: 16-12-13 10:02
lawwct 發表於 16-12-12 19:11
小朋友仲細,仲有好大進步空間,不要比自己太大壓力,因為都會影響埋小朋友的學習情緒
上緊五日密集班,應該對 ...
作者: peonybibi 時間: 16-12-13 17:23
ET19 發表於 16-12-13 10:01
仔仔好鍾意聽歌，仲要聽真人發聲的。唱"i can fly" 他會扮個 "fly" 音，唱"小丸子" 他會跟住唱副歌的"ba" ...
識填歌詞，咁都唔差嘅，繼續努力用多啲方法教，一路input,俾心機唔好氣餒，25個月仲細
作者: mo515 時間: 16-12-13 18:40
樓主，我仔現在27個月，10月在CAC 評估只有1.5歲，10月開始在庭恩上言語治療，用圖卡教佢物件增加詞彙，是有用的，生果我仔巳認到好多，在超市見到香蕉，蘋果會指及講，最近識咗些交通工具如船，飛機，單車等，言語治療師話短短2個幾月巳追到接近2歳，但仍未講到句子，我做每個動作都同佢講，不要放棄，加油！我都等緊仔仔同我分享學校的事
作者: arghost 時間: 16-12-15 06:05
mo515 發表於 16-12-13 18:40
樓主，我仔現在27個月，10月在CAC 評估只有1.5歲，10月開始在庭恩上言語治療，用圖卡教佢物件增加詞彙，是 ...
阿囝已經26個月, 見到佢O既能力好似1歲多D, 一路做好多嘢幫佢CATCHUP, 但PROGRESS 好似好慢咁, 個心又急又難受
作者: mo515 時間: 16-12-15 08:44
arghost 發表於 16-12-15 06:05
言語治療係咪日日上?定係一個星期一堂?
阿囝已經26個月, 見到佢O既能力好似1歲多D, 一路做好多嘢幫佢CATCHU ...
一星期一堂，昨日同佢玩車車，2架車撞埋一齊，我話撞車，跟著仔跟我講，不斷講撞車，咁佢又識咗個詞彙啦！言語治療師都講從佢喜歡的玩具入手，容易好多
作者: piglet0529 時間: 16-12-16 05:23 標題: 引用：呢大半年每一日都同自己講要有耐性。同自己
原帖由 ET19 於 16-12-11 發表
呢大半年每一日都同自己講要有耐性。同自己講每個小朋友的發展步伐都唔一樣，仔仔知我係媽咪，只係他未準備 ...
作者: Tifftiff0115 時間: 16-12-21 11:42
同佢互動多D,你講多D,一邊做一邊講,但係唔係逼佢講,似係分享俾佢聽多D.佢就會有動機叫你.
我個仔上個禮拜第一次叫治療師個名,仲要唔洗提,姑娘開心到眼濕濕.
期待呢一刻呀媽咪.
作者: jenkinchu 時間: 16-12-21 13:30 標題: 回覆樓主:
提示: 作者被禁止或刪除 內容自動屏蔽
作者: love_son 時間: 16-12-21 18:18
回覆 肥豬媽媽叻 的帖子
想請問你地係咪開左group喇？
作者: ncandtkh 時間: 16-12-22 07:18
love_son 發表於 16-12-21 18:18
回覆 肥豬媽媽叻 的帖子
想請問你地係咪開左group喇？
作者: ncandtkh 時間: 16-12-22 07:29
piglet0529 發表於 16-12-16 05:23
想當年仔仔在N班全BB話, 好彩inN時個個都未識講野先有N班讀, 但想𨍭半日K1時人地個個識講野全軍覆沒 ...
作者: BB0318 時間: 16-12-22 09:34 標題: 回覆樓主:
我囝囝30個月昨天去協康做評估(結果係發展遲10個月言語得16個月)但我囝囝係乜生果,顏色,稱呼,食物,交通工具都識講,但只講英文句子都有短句子都評得16個月
作者: piglet0529 時間: 16-12-22 20:12 標題: 回覆：ncandtkh 的帖子
因為K1一個復活節變全句子, 當時只評言語delay幾個月, 冇A
作者: piglet0529 時間: 16-12-22 20:14 標題: 回覆：piglet0529 的帖子
評A要有自閉行為的才算
作者: BB0318 時間: 16-12-23 09:44 標題: 回覆樓主:
我囝自閉行為已經非常明顯(佢評左自閉譜系)但我覺得言語吾太差
作者: vyvycollection 時間: 16-12-31 05:46 標題: 回覆：ET19 的帖子
我仔都係2歲先开始學講單字，由2歲比佢上言語治療，上了幾個月進步了很多，你可試言語治療。另外，你仔喜歡去什麼類型活動，帶佢去多D，引發佢言語能，亦可帶佢多D海洋公園，學下海洋生物或其他，買年卡超值
作者: vyvycollection 時間: 16-12-31 05:58 標題: 回覆：piglet0529 的帖子
我係FTM左1年，仔講2字詞多点，句子未得，買多D玩具比佢玩，有新鲜感先有興趣玩同學講野。比多D角色扮演的玩具佢玩，例如:煮反仔，醫生診症，迷你家具配人物或動物公仔指引佢在家中生活習惯的事，加油加油!
我仔現在返循道衛理幼兒樂趣坊，每星期返2，3，4，每月9堂$1500，12堂$2000全包都Ok,吾洗返禁多，學下纪律都吾錯
| 歡迎光臨 教育王國 (/) |
Powered by Discuz! X1.5 |