教育王國

標題: 如何回答”點解你揀我哋學校嘅?" [打印本頁]

作者: edniebridge 時間: 16-12-11 00:22 標題: 如何回答”點解你揀我哋學校嘅?"

呢個問題都幾常問,但同時又幾難答。我感覺很多幼稚園都用相類似的取向,如全語文、project approach, 活動教學,生活情景學習,story approach等等。通常答真心話,有時就見到答案不是老師杯茶。大家通常會如何做資料搜集,去更加認識間學校呢？上校網大家都會做,有時問有仔女讀緊的朋友,感覺他們也不是太清楚

所以好奇想知道大家一般如何備戰? 小女的面試都已完成了,純粹想長知識,希望大家不吝賜教,謝謝分享!

作者: wwchuifamily 時間: 16-12-11 07:29

edniebridge 發表於 16-12-11 00:22
呢個問題都幾常問,但同時又幾難答。我感覺很多幼稚園都用相類似的取向,如全語文、project approach, 活動教 ...

本帖最後由 wwchuifamily 於 16-12-11 09:16 編輯

無記錯樓主大嗰位已玩埋升小，你應該更有資格分享

所以賜教就唔敢啦，不過我囝囝都in哂所以講兩句。我覺得因為你幫小朋友揀“適合”嘅幼稚園，所以出現間間辦學理念同教學方式相似係正常嘅。

大家上網睇嘅資料都一樣，所以只答到鍾意咩係唔夠，要解釋到點解先係分高下嘅位，答呢條問題我覺得“誠實”同“關我咩事”先係重點。例如你鍾意情境/實驗教學，咁可以話俾老師聽喺屋企都用相同方法教小朋友，好似俾佢煮雞蛋知道生熟，而發現咁嘅方法成效快又滿足小朋友嘅好奇心（當然要真係有喺屋企做啦）。又或者我雖然唔係天主教徒，但讀咗13年天主教學校，我會同老師分享我在學嗰陣對天主教學校嘅體驗（例如宗教唔會係必修又唔迫人信教，但又好注重德育培養）。面試當日見到家長義工同在場幫手嘅學生甚至教職員，都會有機會成為我答問題嘅supporting evidence，例如見到家長幫手可以肯定家校合作，老師會氹喊嘅小朋友、引導小朋友作答可以知道教學耐心同是否有教無類。

So far覺得有時未必答中所謂model answer，但老師會因為咁認識家長同小朋友多啲都係好事，起碼知理念同目標係咪一致。至少，我比較好彩答完冇遇到老師反眼黑面。

作者: edniebridge 時間: 16-12-11 08:30

wwchuifamily 發表於 16-12-11 07:29
無記錯樓主大嗰位已玩埋升小，你應該更有資格分享

哈哈，你真心水清。學海無涯，知多啲係無壞。就係玩到好迷茫，所以想一齊傾下。多謝你不吝分享

作者: edniebridge 時間: 16-12-11 08:57 標題: 回覆樓主:

我都係後知後覺,應该就係呢一個部份答得唔夠好(學校的方向和小朋友特質的關係),都真係好重要呢

作者: wwchuifamily 時間: 16-12-12 12:19

回覆 edniebridge 的帖子

其實我地都係因為舊年in PN時幾乎全軍覆沒先領悟到,當時新手父母,又唔會上網爬吓文,又以為囝囝係大B應該有著數.
今年考K做足準備終於先有啲成績,哈哈哈哈.其實越嚟越見到熱門學校對父母嘅要求比對小朋友更高...

作者: ilmummy 時間: 16-12-12 12:27

我仔in 6間，我都有諗過要點答架，但冇一間有問過！可能一見份application form 就知唔系佢地想要嘅小朋友，所以只有一間offer，5間reject （2間waiting 嘅，不過都等同于reject 啦）

作者: edniebridge 時間: 16-12-12 12:45

wwchuifamily 發表於 16-12-12 12:19
回覆 edniebridge 的帖子

其實我地都係因為舊年in PN時幾乎全軍覆沒先領悟到,當時新手父母,又唔會上網爬吓 ...

你好好啊，捲土重來，威力大增

我都唔係太識玩呢個遊戲

都唔知小朋友定父母重要啲，我諗睇下咩類型學校，有啲又要睇有無家姐哥哥讀開，是否校友，是否同教會，是否校友，仲有啲內裡先知的潛規則，或者係想要特定類型的小朋友...

雖然去見學校都幾花精神，但都有得著。一方面了解下間學校，另一方面都睇到自己同自己小朋友多啲。但收信嗰下都真係好緊張刺激

作者: edniebridge 時間: 16-12-12 12:46

ilmummy 發表於 16-12-12 12:27
我仔in 6間，我都有諗過要點答架，但冇一間有問過！可能一見份application form 就知唔系佢地想要嘅小朋友 ...

至少有一間！是心儀的嗎？

咁就少咗要選擇的煩惱。我老公成日咁講，而且最後都係讀一間

作者: ilmummy 時間: 16-12-12 12:51

回覆 edniebridge 的帖子

唔系心儀

，唔洗揀，亦冇得揀！不過呢間有填問卷，只系關於小朋友的生活習慣個D，又唔系唔好嘅！隨緣啦！

作者: edniebridge 時間: 16-12-12 13:41

ilmummy 發表於 16-12-12 12:51
回覆 edniebridge 的帖子

唔系心儀，唔洗揀，亦冇得揀！不過呢間有填問卷，只系關於小朋友的生活習 ...

我都係咁諗，考學校都係睇緣份，盡了力去選覺得合適的，有無就睇緣份啦。

作者: ilmummy 時間: 16-12-12 14:09

回覆 edniebridge 的帖子

我有寫求位信比心儀架，不過都系得個等字，等運到

作者: iababy 時間: 16-12-12 14:33

wwchuifamily 發表於 16-12-12 12:19
回覆 edniebridge 的帖子

其實我地都係因為舊年in PN時幾乎全軍覆沒先領悟到,當時新手父母,又唔會上網爬吓 ...

真心請教如何做足準備？可否share more details？many thanks!!

作者: edniebridge 時間: 16-12-12 16:44

ilmummy 發表於 16-12-12 14:09
回覆 edniebridge 的帖子

我有寫求位信比心儀架，不過都系得個等字，等運到 ...

Waiting點都有機會，加油！

作者: ilmummy 時間: 16-12-12 16:53

回覆 edniebridge 的帖子

希望，實在冇咪讀呢間咯，都系學校一間，最緊要小朋友開心。

作者: wwchuifamily 時間: 16-12-12 16:59

回覆 iababy 的帖子

我哋囝囝同我哋作為父母PN面試都有好多唔合格嘅地方.結果in 11間得2間乜人都收嘅學校有offer.今年K1面試我哋6月中已經開始shortlist我哋想報嘅學校,之後就上EK搵吓16-17年面試考咗啲咩去準備.真係唔敢講教人,但以下有啲例子可以分享:

小朋友:
坐唔定 - 上年第一輪in完已經即刻走去買小朋友檯櫈,之後除咗bedtime story喺床,其他時間同小朋友講故事、睇書就大人坐地或踎喺度等佢熟習吓group in時狀況

禮貌/打招呼/講多謝 - 呢啲我哋平時屋企要求都好嚴,小朋友面試可能會自然講但太細聲老師聽唔到,我哋於是將自己回應嘅聲量提高小小,例如佢食完飯自己收拾返碗同餐具去廚房,我哋都會喺廳好大聲講Thank you...同樣地我哋同佢唱歌都會一齊唱到好大聲

認ABC/數字 - 好彩PN返緊學校教咗大部份,但平時一定要同佢溫吓.另小朋友好鍾意玩嘢,明明B for bus,佢會答你B for apple,我哋平時會同佢講特登答錯我哋會唔開心...哈哈

父母:
問答一致性 - 爸爸同媽媽睇小朋友嘅情況有時意見唔一樣,之前試過問卷填小朋友優點係有好奇心同活躍(媽媽填),到面試老師問就答守規舉同有禮貌(爸爸in),雖然兩者無直接衝突而我哋亦冇講大話,但俾人印象都唔係幾好.所以K1我哋好早就填好問卷,爸爸媽媽互相交換睇再改,既可以面試有默契,我哋仲更加了解大家對小朋友嘅期望,所以而家有多過一個offer都易啲做決定.

唔提水/唔幫手 - PN唔知心急小朋友明明識嘅嘢面試答唔到,今年知道由小朋友自己發揮更重要,家長要克制,答錯都保持笑容唔好提.

不過好老實,小朋友眼瞓呢啲臨場問題係唔會解決到.另外我哋平日收工同放假會用好多時間同小朋友傾偈同玩,講真唔同家庭情況唔同,自問如果有兩個小朋友同時在學亦都未必可以分配到咁多心機同時間

作者: Monalisaj 時間: 16-12-12 17:16 標題: 回覆樓主：

本帖最後由 Monalisaj 於 16-12-12 17:16 編輯

如果有些面試唔係坐定定咁in 呢？小朋友淨係玩同埋老走過來傾兩句，聽下故事，唱下歌咁！我覺得呢種面試係輕鬆點，但就更難捉摸標準。
樓主我記得你都好似有一間同我報一樣的，但冇2nd in的，我們大都好失望

作者: edniebridge 時間: 16-12-12 19:19

Monalisaj 發表於 16-12-12 17:16
如果有些面試唔係坐定定咁in 呢？小朋友淨係玩同埋老走過來傾兩句，聽下故事，唱下歌咁！我覺得呢種面試係 ...

其實我覺得什麼類型的面試也是一樣的，都是不知標準！就算係做task, 答問題，學校也不一定看學生做不做到，可能是看過程中觀察到的特質，或者和父母的互動。一般學校都喜歡小朋友有禮，有基本自理能力，喜歡閲讀，有獨立性。當然呢啲都只可盡量平日栽培，有幾多收成就睇小朋友了！

我記得你小朋友係細b？如果好喜歡那間學校，下年可以再去見，有機會加分的！

作者: edniebridge 時間: 16-12-12 19:23

wwchuifamily 發表於 16-12-12 16:59
回覆 iababy 的帖子

我哋囝囝同我哋作為父母PN面試都有好多唔合格嘅地方.結果in 11間得2間乜人都收嘅學校 ...

多謝你詳細的分享！我們的預備也是相類似，其實不是特別為考學校而做，而是希望小朋友成為有品，健康，愛閱讀的孩子。答問卷就多數我起稿，老公改，然後大家夾下口供答問題等等。所以就算結果如何，都不會埋怨對方，因為是集體智慧

學校唔欣賞，就另覓知音啦！

作者: iababy 時間: 16-12-16 14:13

wwchuifamily 發表於 16-12-12 16:59
回覆 iababy 的帖子

我哋囝囝同我哋作為父母PN面試都有好多唔合格嘅地方.結果in 11間得2間乜人都收嘅學校 ...

Millions of thanks for your detailed sharing which is very insightful.

歡迎光臨教育王國 (/)