教育王國

標題: 會唔會比中一女生自己出街 [打印本頁]

作者: MonkeyGirl 時間: 16-12-7 12:54 標題: 會唔會比中一女生自己出街

面對青少年, 除了擔心學業外, 還有她的social life. 小女讀緊女校.. 同學多數由自己小學升上 . 基本上不算太壞的... 但我女性格外向, 好鍾意行街睇野.. 專睇佢心頭好- 日本公仔.!!!!.佢同其中一個同學仔特別 frd , 可能大家心頭好係差唔多...個o個女仔, 屋企人因要返工的原故, 所以這位女同學自小可以自己出街周圍去.. 我女拍著佢. 大家可想而知.......我女成日學校一放半日就會問我,佢可唔可以出街.....如上同學屋企, 我唔會反對.. 但真的去鋪頭行街,睇佢地d 心頭心好, 我就唔比, 除非有成人陪同....我既擔心係1 ) 唔想亞女在街上遇到壞人, 2) 有咩意外發生...和3) 佢自己變壞啦...

每次佢問我..我都會講明我既worried . 甘佢梗係話我諗多咗, 同佢最like 既說話係"點解人地得, 佢唔得? "

我知道我月say no , 佢會月反感.. 同唔會比我知.. ( 佢而家放咗學,都唔會即刻返屋企..可能食下野先返) ..佢無同我講, 但我知...

大家覺得我太嚴, 定係正常..

佢有問過我幾時會比佢自己出街, 我答過f3 先....

作者: MC1128 時間: 16-12-7 14:00

MonkeyGirl 發表於 16-12-7 12:54
面對青少年, 除了擔心學業外, 還有她的social life. 小女讀緊女校.. 同學多數由自己小學升上 . 基本上不算 ...

可以商量吓, 俾佢自己自行去街的範園, 由最初熟悉的社區先吧

例如自己居住的社區或學校附近,. 大型商場, 交通便捷的地方

提醒她, 中途與你電話聯絡

完全唔俾佢自行出入是不可行的, 中學活動愈來愈多, 家長不能每次都管接管送, 要讓她嘗試

作者: brother4 時間: 16-12-7 14:27 標題: 回覆：會唔會比中一女生自己出街

明白，養兒ㄧ百歲長憂。。。小朋友留學，出街在老師一起，住監護人出街會一起的。在外更加小心D。。所以是正常的

作者: YolandaTam 時間: 16-12-7 14:28 標題: 回覆樓主:

同學仔人品如何?另外可考慮鼓勵令千金叫多幾個同學一齊去。

〈利申:我女小六已同同學一齊去街，去山頂、旺角、尖沙咀，成班女仔傻傻咁，九度上山頂吹西北風，又試過搭錯車，好開心好珍貴嘅回憶

〉

作者: MonkeyGirl 時間: 16-12-7 15:30

回覆 YolandaTam 的帖子

佢只得一個女同學行街

, 多幾個我反而無甘擔心...

同學人品.... 古惑.. 佢試過叫我女唔好話我知出街( 只話我知, 上佢屋企) ...所以我很煩呢!!!!

作者: brother4 時間: 16-12-7 15:39 標題: 回覆：會唔會比中一女生自己出街

手機跟蹤器，原理同GPS定位相同，但安裝後就一旦發現後果。。。

作者: emmafish 時間: 16-12-7 15:39 標題: 回覆樓主：

本帖最後由 emmafish 於 16-12-7 15:41 編輯

放學行一陣街，但識到時到候返屋企，我覺得ok. 零用$比咗佢就由得佢点使，就算捱麵包儲$買公都由佢，食少餐不會餓壞的。

如果佢行屋企附近的大型有管理的商場(如沙田新城市)，我觉得都安全。如果行萍果西九旺中嗰種，我就唔比啦，只可以我帶佢去。

作者: emmafish 時間: 16-12-7 15:48 標題: 回覆樓主:

至於阿女個friend, 你批評佢，阿女会唔高興，不妨同阿女傾多D嗰個同學嘅野，例如佢同學鐘意咩款公仔，至在傾吓套吓料。

作者: MonkeyGirl 時間: 16-12-7 15:58

回覆 emmafish 的帖子

我無同我女講佢同學壞話..只是講過"人地可以自己出街, 我唔會理, 但你係我個女, 我會擔心你...點解你要另我擔心? ". 最怕係佢同學會教佢講大話呢!!! 佢可能叫我女話上佢個屋企, 但其實去咗行街....

唉. agree 同佢傾多d 佢 like 既公仔......甘佢就會講多d ,佢同學既野比我聽..... 仲要帶佢去佢 like 既地方.. !!

作者: gracelam 時間: 16-12-7 16:54 標題: 引用：面對青少年,+除了擔心學業外,+還有她的soci

原帖由 MonkeyGirl 於 16-12-07 發表
面對青少年, 除了擔心學業外, 還有她的social life. 小女讀緊女校.. 同學多數由自己小學升上 . 基本上不算 ...

間中一兩次，可以限時兩三個鐘內返家，如果一次都唔批准，母女關係只會越來越差。
我女小六時已經有幾次約同學去玩，剛中一就試過一次同同學上星期去睇戲，每次都有交帶，青春期總有自己社會圈子，安全情況下慢慢放手!!

作者: emmafish 時間: 16-12-7 17:10

MonkeyGirl 發表於 16-12-7 15:58
回覆 emmafish 的帖子

我無同我女講佢同學壞話..只是講過"人地可以自己出街, 我唔會理, 但你係我個女, 我 ...

你同阿女講擔心佢，佢唔会明，佢覺得根本好安全，無野要擔心。

你不如同佢約訂每日幾点回家? 我女中一初期成隻甩繩馬騮咁，我会同佢講好每日幾点要回家。而家中二已好咗，有時放學吃杯雪糕先回家，我估係行到悶，同埋無同學陪，越高班越忙，会去少D街

作者: MonkeyGirl 時間: 16-12-7 17:23

thanks , 聽你地甘講, 我要自我檢討下....

作者: mother904 時間: 16-12-7 22:41

我俾呀女去街的，但一定要事先通知，而且講好幾點返，就要做得到

佢今年S2，去年較少去街，今年多左，我都覺得略嫌去得多，但佢話青少年冇朋友，日日留係屋企變宅女，咪仲擔心。

所以我都由佢，不過都講明，考試前不准去街。

作者: 粉紅虎 時間: 16-12-8 01:14

樓主，我唔覺得你有問題，因為我都系唔會比囡囡中一就開始和同學行街，有我陪你，因為你所講的，我都有同囡囡講，分析比佢聽

我個人覺得，放學行一陣街及相約同學，好易變了慣性動作，易放難收，其實中一仲細，都系剛剛由小學升中學，都系三四個月，不要覺得好似好大過，最容易學壞就是剛升中一的時段，我令願嚴一些。

作者: peggy 時間: 16-12-8 02:16

回覆 MonkeyGirl 的帖子

阿女S1時我會被佢和同學去睇戲、BOUNCE、打Bowling、去同學仔屋企溫書, 但會要佢係發定時間返屋企及定時打電話報到。今年s2,佢去街會一早通知我, 亦會準時回家

作者: blee427 時間: 16-12-8 07:48 標題: 回覆樓主:

我女小六開始有去幾次，最初由姐姐跟在後邊，見正正常常就放生左兩次，中一前就有講明，准去邊，唔准做咩，佢多數去三聯及商務。所以唔過份都俾佢去，而家仲要事先申請，今年中二，佢依舊係去三聯多。今年我仲打算俾錢佢同同學去shopping買衫過年。俾少少自由度佢哋先無咁反叛。唔係佢心目中，阿媽係咩都反對佢，佢唔同我講佢D野，仲慘。

作者: yaya_c 時間: 16-12-8 09:45

我有俾呀, 小六都有出過幾次街了, 出街前要講明去邊到, 幾點返, 唔可以遲返, 咁多次都無問題.
反而如果我囡話自己去人屋企玩, 我就唔會俾, 點知對方屋企有乜人.

作者: Yanamami 時間: 16-12-8 10:12

本帖最後由 Yanamami 於 16-12-8 10:13 編輯

楼主，

其实同伴人品先係問題，出街唔係太大問題。

我女同小学師姐同同校同学小六升中果个暑假开始已去OP, 去影相，年宵……同輩係乖，亦認識，所以放心~係指定時间要番歸｡嚴禁~係嚴禁school days放学後著住校服周街逛，只准長假期出去玩｡

作者: MonkeyGirl 時間: 16-12-8 11:41

回覆 Yanamami 的帖子

你講中咗我既worried .. 係" 人品 " ..之前諗唔到呢個 term ...就係呢樣好困擾我..

我都識其他同學, 同佢既mum .佢地都好乖.. 又唔見我女同佢出街

...

可能人夾人啦...

無限挑戰

作者: 粉紅虎 時間: 16-12-8 18:57

粉紅虎發表於 16-12-8 01:14
樓主，我唔覺得你有問題，因為我都系唔會比囡囡中一就開始和同學行街，有我陪你，因為你所講的，我都有同囡 ...

都系既

，我囡囡暫時未反叛，都鐘意同我地兩老去行街，大啲可能唔show 我地

作者: popochu 時間: 16-12-9 08:31 標題: 引用：回覆+Yanamami+的帖子你講中咗我既worrie

原帖由 MonkeyGirl 於 16-12-08 發表
回覆 Yanamami 的帖子

你講中咗我既worried .. 係" 人品 " ..之前諗唔到呢個 term ...就係呢樣好困擾我..

小五六都會比佢去，如同學屋企或去球場踢波，因為我清楚佢同咩人一齊，我好放心，依家上到中一，我完全唔知佢既同學係好係壞，我只可以說，可免則免，除非特殊情況，基本上我都同佢講到明，中三之前唔可以同同學去街，上到中四先講，因為我仔太易受人影響，人地話咩就咩，暫時佢都聽我講。

作者: MonkeyGirl 時間: 16-12-9 11:50

回覆 popochu 的帖子

佢仲肯聽你講, 都好.

最怕係似我女, 同你challenge ....

不過, 男仔如在球場打波( 不在學校內) , 真的要小心, 由其中一.. 我個朋友個仔, 小學時勁乖, 成績好, 入了Band 1 ,因他打開校隊( 小學) . 到中學時, 就因為落街打波.. 就係甘, 識咗壞份子, 成績月黎月差, 仲要玩到好夜.. band 1 讀唔上, 要轉校..去咗 band 3 學校... 雖然無話讀band 3 係無前途. 但佢由乖既小朋友變咗甘, 我覺得 waste 咗佢既聰明 , 同父母係會擔心架ma

作者: KK20010609 時間: 16-12-9 13:31

提示: 作者被禁止或刪除內容自動屏蔽

作者: TwinWong 時間: 16-12-9 20:30

MonkeyGirl 發表於 16-12-7 12:54
面對青少年, 除了擔心學業外, 還有她的social life. 小女讀緊女校.. 同學多數由自己小學升上 . 基本上不算 ...

掂都要有點社交生活
測驗考試之后比子女去街

作者: babytai 時間: 16-12-12 10:48

emmafish 發表於 16-12-7 15:39
放學行一陣街，但識到時到候返屋企，我覺得ok. 零用$比咗佢就由得佢点使，就算捱麵包儲$買公都由佢，食少餐 ...

我同你一樣, 亞囡成日心思思想同同學去行蘋果商場, 我唔會比, 放假自己帶佢去, 閒日去我覺得嗰度會好雜, 反而假期可能多好似我地呢D家長帶仔女去, 感覺好好多!我都住沙田, 佢話去新城市行吓書局我就會比

作者: BBEAMES 時間: 16-12-30 15:53

gracelam 發表於 16-12-7 16:54
間中一兩次，可以限時兩三個鐘內返家，如果一次都唔批准，母女關係只會越來越差。
我女小六時已經有幾次約 ...

同意，我大女現在中三，中一時已會讓她自己出街，大概一個月一次每次半晝。通常都係行街或溜冰，我覺得沒問題，因為平時她很守規。到現在成績品行都中上。

作者: 1998Ruby1998 時間: 16-12-30 19:34

我父母保守＋直升機，到中六先畀我獨自出街（仲要係我偷走唔打電話唔留message，佢地先意識到原來有我自立能力）。
我覺得到中二已經可以獨自出街，不過要報時間、地點、人物，五點翻唔到屋企就打個電話／send message 報平安。到中四就可以完全放手。中一就暫時畀佢行屋企／學校附近的文具舖／書店等。

作者: yiuyiu88 時間: 17-1-1 11:43

提示: 作者被禁止或刪除內容自動屏蔽

作者: kkddmom 時間: 17-1-2 01:24

MonkeyGirl 發表於 16-12-7 12:54
面對青少年, 除了擔心學業外, 還有她的social life. 小女讀緊女校.. 同學多數由自己小學升上 . 基本上不算 ...

本帖最後由 kkddmom 於 17-1-2 01:25 編輯

我有俾啊，和同學去街，但一定要預先問準，講好去邊，回家時間、用幾多錢。還要在外打電話給我，交帶好。如果不遵守，例如不依時回來，下次就要停一次。

作者: ping07623 時間: 17-1-7 19:39

其實我覺得最重要係同囡囡約法三章，講好左要話比媽媽聽去左邊，話佢知媽媽擔心，所以要有交帶。又可以趁機同囡囡建立信任同信心，溝通多左，就唔怕再大啲會突然反叛或者覺得屋企管佢，早啲比佢知屋企係擔心而唔係管。日頭出街香港都唔太驚，晚夜就要小心啲，晚左返一定要打電話比屋企人知。同埋趁機教佢交友要小心，識朋友要慢慢識，等囡囡細細個建立多啲經驗都好，如果唔係一路大個都唔識得處理就慘。

作者: AHGU 時間: 17-1-31 15:47

MonkeyGirl 發表於 16-12-7 12:54
面對青少年, 除了擔心學業外, 還有她的social life. 小女讀緊女校.. 同學多數由自己小學升上 . 基本上不算 ...

叫她們到你家唱k，打機，煮野食，開party，你請客。又可了解多些她們，打好關係。

作者: mamasprits 時間: 17-2-11 07:56 標題: 回覆樓主:

如果只你係屋企附近大型商場行下
食下野，睇下戲我都ok
但唔係常常可以囉～
變成習慣就唔好

作者: mammy.peace 時間: 17-4-28 00:45

brother4 發表於 16-12-7 15:39
手機跟蹤器，原理同GPS定位相同，但安裝後就一旦發現後果。。。

...

請教點set? Thanks

作者: brother4 時間: 17-4-28 01:07

mammy.peace 發表於 17-4-28 00:45
請教點set? Thanks

上Google 找*兒童智能gps定位手錶*便可有方法，見淘寶1xx人仔有說明書教點用。。。

作者: emmafish 時間: 17-4-29 18:10

mammy.peace 發表於 17-4-28 00:45
請教點set? Thanks

你同佢可以係手機裝個apps，大家可以互相睇到對方係邊，我女超無交帶，我話唔裝唔比出街

作者: emmafish 時間: 17-4-29 18:10

mammy.peace 發表於 17-4-28 00:45
請教點set? Thanks

你同佢可以係手機裝個apps，大家可以互相睇到對方係邊，我女超無交帶，我話唔裝唔比出街

作者: mammy.peace 時間: 17-4-29 19:41

emmafish 發表於 17-4-29 18:10
你同佢可以係手機裝個apps，大家可以互相睇到對方係邊，我女超無交帶，我話唔裝唔比出街
...

正呀！唔比出街

作者: mammy.peace 時間: 17-4-29 19:42

emmafish 發表於 17-4-29 18:10
你同佢可以係手機裝個apps，大家可以互相睇到對方係邊，我女超無交帶，我話唔裝唔比出街
...

請問你用咩apps?

作者: Yanamami 時間: 17-5-1 00:23

其实用app好似放心d?但咪訓練唔到仔女要有交带？而家会講好去边同边个－齐，幾点去幾点番，到達会whatsapp, 遲左番会call我｡如果用apps, 乜都唔洗做，久而久之仔女都無呢个习慣~

作者: emmafish 時間: 17-5-1 14:29

mammy.peace 發表於 17-4-29 19:42
請問你用咩apps?

life 360

作者: la5711 時間: 17-5-26 22:23

逛大商場都可以，反而單獨上同稱屋企就唔得，我覺得仲危險過係街，睇新聞都知啦，日光日白的，大街大巷大商場，女仔頂多被揩油非禮，但去到人地屋企，點知佢同學屋企有咩人，就算係同學阿哥阿爸都信唔過，在屋企出事，手機有gps都無用

作者: ssskwan 時間: 17-5-28 09:37

回覆 MonkeyGirl 的帖子

老實，上人屋企我仲驚

作者: chaucathryn 時間: 17-6-4 18:43

why not?

作者: EuniceMaMa 時間: 17-6-4 19:56 標題: 回覆樓主

吾到吾比，只要佢講明去邊，同邊個去，我要搵到佢，都要放手比佢去。佢昨日先自己約同學去圖書館，話溫書喎

作者: MonkeyGirl 時間: 17-6-5 18:01

我女已進化到 Disney , 同西 9 , 但我住HKG side

作者: jiyu1107 時間: 17-7-14 00:55 標題: 回覆樓主

覺得樓主太嚴格啦，我女小二開始已經自己落樓買野，同返興趣班學琴，係去我地隔離另一個屋苑。舊年小四自己返學，同開始自己行去同區另一個學校返學英文興趣班。間中都會自己落樓同同學仔去另一個屋苑樓下大商場玩。跟住我會慢慢放手讓她自己出街，因為讓她早習慣出街要交代。

作者: kaatt 時間: 17-8-5 23:38 標題: 回覆樓主:

其實現在時代是否有唔同? 我以前中一已經自己同同學出街, 行商場同打波。

歡迎光臨教育王國 (/)