教育王國
標題: 反思表 [打印本頁]
作者: tobbie 時間: 16-12-6 13:06 標題: 反思表
唔好意思,都幾長下,因為都想其他家長了解件事而比意見....
我小朋友現在3年級!
早幾天,我小朋友放學放3點10分,我遲左10分鐘左右去學校接小朋友放學,去到學校時,我搵唔到我個小朋友,我搵校務處問,然後個啊姨就搵個班主任出黎,(我小朋友係家長接送隊,係要有家長接先可以離開學校)班主任話放學時,全部小朋友都被家長接晒,剩下我小朋友,然後就話帶我小朋友去校務處等我,班主任講完,我小朋友就話見到媽咪係對面,講左兩次,之後我小朋友自己行左去(其實係自己公公黎)!老師話佢捉都捉唔住!(我地學校放學係在學校大門口出面接放學,有時可能同時兩至三班小朋友放學)
所以我去到學校先知我小朋友自己走左,我就同老師講,咁我出去搵下先!搵左10分鐘都唔見,我個心就開始急,好亂,我唔知我小朋友自己一個去左邊,學校同屋企搭回程巴士大約要40分鐘!我當時唔知應該搭的士返屋企好定留係學校附近繼續搵好.....又怕我返左屋企的話,佢仍然係學校附近....
隔左一陣,班主任打黎問洗唔洗幫手搵,我就諗住多個人幫手搵都好,我就答左好啊!班主任出左黎!咁我就商場搵,老師去附近公園搵!我望時間都快4點30分,打電話比鄰居問可唔可以幫我禁鐘睇下我小朋友有無返到屋企,我小朋友有8達通錶,有屋企鎖匙,好彩4點50分才能證實我小朋友已經平安,仲返左屋企!我就打返學校通知班主任已經搵到小朋友!
我立即返到屋企,返到屋企,小朋友見到我就同我講已換好便服同已經完成9成功課,然後我就平心靜氣同小朋友講:你知唔知咁樣走左去,媽咪會好擔心,班主任又幫手周圍搵你,你下次一定要係學校校務處等媽咪或者打電話比我先,唔可以再咁樣走左去!
我小朋友就喊住同我講:對唔住啊,媽咪~我下次唔會再咁樣走左去,唔會再有下次架喇!
然後我就攬住左小朋友!平伏佢個心情,加上我都知佢都會驚!所以我選擇攬住佢!我亦有了解返點解佢會走左去!
第二日,班主任約左我3點45分至4點去學校見個面,我小朋友當日有功輔班放4點40分!
我去到學校搵老師,諗住老師同我傾下點處理之後等埋我小朋友放左功輔班就可以
同我小朋友再傾埋,點知行緊去會面室途中,見到我小朋友,我就問左一句:乜你無去功輔班既?,但我小朋友無答我,老師就直接叫埋佢入房一齊傾!
係房入面,我一直都無出聲,一直聽住班主任同我小朋友既對話,直到老師同小朋友講完叫佢出房繼續寫反思表!班主任話我知,頭先我小朋友寫左一張反思表,但我未到學校前已被班主任撕爛左!因為第一張係訓導主任引導同教小朋友寫,所以撕爛左,話唔係我小朋友認真咁去反省自己做錯既行為而寫出黎!用呢個理由撕爛左,要我小朋友重新再寫一張!
我小朋友出左房,我就同班主任講,我小朋友話見到媽咪係對面,其實係公公,我話大人有時都會見到a都會叫左b既名,大人都有時會講錯左,小朋友講錯左都有可能!唔可以咁就話小朋友講大話,同埋我證實左爸爸當時真係在對面.我爸爸話有聯絡我,但我電話無我爸爸來電紀錄,我爸爸當時想同我一齊接小朋友,但我爸爸聯絡唔到我,以為我已經接左小朋友走左,所以佢無行過黎學校,我小朋友見到公公係對面,因為心急累事,小朋友話明明見到公公,但過左馬路就唔見左公公,淨係見到公公架車!!公公就唔見左!我都已經同我小朋友講下次下次一定要打左比我或公公,等我地黎接,唔可以再咁走左去!
班主任話已經交左比訓導主任處理!
呢件事上面我小朋友有唔岩!
我理解放學情況混亂,班主任捉都捉唔住!
但班主任無見到家長接小朋友放學,而小朋友走左去,班主任解釋捉唔住,完全無打電話比家長確定小朋友係唔係已經跟左家長!
如果唔係我去學校,班主任根本唔知我小朋友唔係跟左我!
我覺得班主任面對呢件事,應該都打一打比家長去確定小朋友係唔係跟左家長!
同埋我唔覺得訓導主任教我小朋友寫反思表會有問題,點解要係小朋友面前撕爛左佢....
我可以用咩心態去解決件事.....
作者: Felix223 時間: 16-12-6 14:17
tobbie 發表於 16-12-6 13:06 
唔好意思,都幾長下,因為都想其他家長了解件事而比意見....
我小朋友現在3年級!
本帖最後由 Felix223 於 16-12-6 14:18 編輯
成件事學校好有問題喎？我仔幼稚園有張「接仔証」，一定要出示張証才可以接個小朋友走，就算我自己親自接，老師知道我係家長，如果冇帶証，手績上都要登記身分證。唔好學校講到好似小朋友一支箭咁走咗去推曬D責任落一個小三的學生？！好彩幸運地今次冇發生任何意外，否則不墈切想。
另外，什麼反思表？好似勞改咁？好影響小朋友的心靈。我覺得樓主要平心同學校校長反映下個問題。呢個首要都係學校的責任，唔通學校可以亂咁比人接咗個小朋友走？幾離譜喎！
作者: little_yolky 時間: 16-12-6 16:10
Felix223 發表於 16-12-6 14:17
本帖最後由 Felix223 於 16-12-6 14:18 編輯
成件事學校好有問題喎？我仔幼稚園有張「接仔証」，一定要 ...
不過, 如果樓主覺得學校安排欠妥當, 班主任又話轉交訓導跟進, 就直接同訓導講, 表達你既諗法。不過, 班主任主動聯絡你一齊搵小朋友, 都算唔錯了, 同學校講, 已經教咗小朋友以後有交待, 唔會咁甩頭。
作者: Mrs.Luckycat 時間: 16-12-6 16:10
tobbie 發表於 16-12-6 13:06
唔好意思,都幾長下,因為都想其他家長了解件事而比意見....
我小朋友現在3年級!
不知所謂的學校！想將所有責任推卸在學生身上！
jm 妳不要太介懷，但亦不要與學校硬碰。
以後多些叮嚀小朋友一定不要自己獨自離開學校。
作者: Felix223 時間: 16-12-6 16:28
回覆 little_yolky 的帖子
我知, 但樓主文中, 已清楚指出 - (我小朋友係家長接送隊,係要有家長接先可以離開學校), 所以今次學校有問題!!
係指定學生一定要家長接走..
作者: LODAVID 時間: 16-12-6 16:36
回覆 tobbie 的帖子
解決件事:
1) 同小朋友再解釋原因. 唔好在小朋友面前話學校不是
2) 你可寫封信給校長再次解釋事件......無論之後結果如何, 不要再糾纏. 聽過太多投訴後被計對個案
3) 多觀察小朋友情緒
作者: kkhon 時間: 16-12-6 16:42
本帖最後由 kkhon 於 16-12-6 17:15 編輯
我校放学落到操場，学生舉手確認見到家长就可以走，其他未見的就跟住班主任。其实當学生確認左，班主任的責任已完成。在学生面前撕爛野好吾啱等同發脾气，如果寫得吾好可以叫重寫吾须要當面撕爛，你可以平心静气跟班主任講返你和孩子的感受。同时向训導解释返孩子不是全心講大话只是误会。如果是我不会去校长度講，记住我们的人質在学校手上，千萬不要跟学校搞得吾开心。
作者: Jane1983 時間: 16-12-6 19:14
樓主系驚件事去到訓導主任度，會處罰小朋友，想大家幫你想辦法拆掂件事？定系你唔開心，想大家安慰你，平復心情？
作者: MrBeast 時間: 16-12-6 19:55
做好自己本份就得
作者: Tintin926 時間: 16-12-7 03:01
本帖最後由 Tintin926 於 16-12-7 03:27 編輯
老實說，我覺得學校冇做錯，可能你不認同，但先客觀看以下的：
利申：我不是當教育工作者
首先要明白，你對你小朋友係愛會體諒，而學校對成千個學生只有責任而不是愛，老師也是打工仔。學校要管教近千學生靠的是紀律，放學時，咁多學生，幾個老師怎能拉得住其中一個發足狂奔的8、9歲人仔呀？他們幫你一起找小孩也不是出自關心而是怕。
怕出事，搞大獲，若小孩出意外，學校會見報，老師校長背煱，所以學校一定要杜絕所有令佢地身敗名裂的事情再發生，因此佢地目的係要你小朋友識驚，是不是誤會，講錯睇錯定講大話，學校根本唔care。 再者，當你小孩追唔到公公後，為何不回校繼續等家長接呀？沒家長接不能私自離校，讀到小三，這規矩還不曉？對於學校名聲和利益來說，你小朋友這次仲衰過在校偷嘢或講粗口。 當校長老師只是他們工作，你試想想，在職場你下屬做左d令你身敗名裂或被炒魷魚的事，你不會叫他寫悔過書而是直接叫佢走吧！
我諗思過書後，此事還未完，每天放學，學校應該會特別「看待」佢。我諗好多學校會直接記大過，你校算有良心了。
作者: hkspiderman 時間: 16-12-7 09:11
本帖最後由 hkspiderman 於 16-12-7 09:13 編輯
朋友過往有類似經驗。 學校走失佢個仔，事後推卸責任反屈細路，朋友叫學校簡單點記自己兒子一個小過/大過算吧，他會報警因校方疏忽照顧兒童，亦會向教處投訴。校長知道後即刻電聯家長說誤會，無謂嚇親小朋友最緊要小朋友無事……之後小事化大，大事化無
作者: MNIF 時間: 16-12-7 12:02
提示: 作者被禁止或刪除 內容自動屏蔽
作者: tobbie 時間: 16-12-7 18:37
今日同校長去傾返呢件事，只係過左幾日，件事可以扭曲晒！
班主任無打電話通知家長係因為以為我小朋友跟著入校務處，班主任入學校之後先發現我小朋友唔知走左去邊，以為佢去左洗手間、電腦室、圖書館！諗住搵下先，搵唔到先打電話比我！點知搵緊期間，我就到左學校！班主任未趕到打電話比我！
但當時我去到學校，班主任明明就係就只係講我小朋友捉都捉唔住！又話見到我小朋友同另一個同學一齊行，又話企我小朋友隔離！依家啲說話唔同晒！
真係誰是誰非呢？
撕爛張紙解答係，每個人處理手法都唔同！班主任出發點想個小朋友認真去為自己犯既錯反思！都係想教好個小朋友！
因為第一張寫D唔寫D，又唔暢順，唔認真！所以要係小朋友面前撕爛！
（咁我可唔可以想我小朋友認真做好功課，做得唔好，我係唔係都要撕爛佢？）
咁除左撕爛之外，無其他方法？？
班主任可以叫佢重寫，但有無必要係個小朋友面前撕爛？
兩張紙我都無見過！點樣唔認真我都唔知！
校長話家長你都要反思你自己行為！要有時間觀念！
我感覺到我要反思！！
我小朋友要反思！
學校班主任唔洗反思！
總之我都要忍，忍到轉校！
我要訓練我eq。。。。
作者: Jane1983 時間: 16-12-7 18:59
係小朋友面前撕爛紙，係好錯，係發洩和侮辱小朋友，絕對唔係教育工作者應該做。不過，樓主和小朋友亦係有錯，三方面齊齊反省，合理過剩係話你。
至於轉唔轉校，係整體考慮，唔好意氣用事。覺得唔好，走亦無壞。
作者: Felix223 時間: 16-12-7 19:00
tobbie 發表於 16-12-7 18:37
今日同校長去傾返呢件事，只係過左幾日，件事可以扭曲晒！
班主任無打電話通知家長係因為以為我小朋友跟著 ...
本帖最後由 Felix223 於 16-12-7 19:24 編輯
樓主無謂再硬碰，一日小朋友仍然在讀，免得難為了佢。唯有自己要提醒阿仔千萬不要有下次。唔好再咁上心，嬲完幾日就算啦。
作者: kkhon 時間: 16-12-7 19:14
回覆 tobbie 的帖子
經一事長一智你可以做的就是教精小朋友以後要先思考才行動。既然你已同學校傾過，等佢地知道你吾係乜都吾理可以蝦的家長便可，此事到此為止不要再糾纏。
作者: babywoman 時間: 16-12-7 19:34
要寫反思, 好似以前勞改咁
小朋友應該留在校等家長的. 如果見唔到爺爺,居然敢自己搭車回家 .呢樣真係要教.
我家離校行路十分鐘, 小四仔我都唔俾佢自己回家, 路上車多不在講, 遇上神經病的就慘了.我住呢區成日喺街見到有人自言自語
我又唔覺得件事好嚴重喎(可能不是發生在自己身上). 事後做下小朋友思想工作就好了, 叫佢以後一定在校等, 訓導主任當面撕反思表, 係唔好, 但自己有錯在先, 算了.
如果其它方面冇乜大問題, 不覺得有轉校的必要.
另一角度諗, 其實學校老師都怕整唔見咗你個小朋友. 會緊張咗啲.
作者: Tintin926 時間: 16-12-7 19:54
學校一定唔會認自己錯，一定想將責任推卸到家長小孩身上，一定唔會公平對待事件
若我係你，我反而會同校長理論學校老師也有失職，但對著班主任我會忍
作者: tobbie 時間: 16-12-7 23:48
回覆 Tintin926 的帖子
係，你講得啱！理論？有用咩？根本就無用。。。
作者: Tintin926 時間: 16-12-8 00:21
tobbie 發表於 16-12-7 23:48
回覆 Tintin926 的帖子
係，你講得啱！理論？有用咩？根本就無用。。。
至於當面撕悔過書的事就算吧！老師係殘忍，但她的確無義務對你小孩仁慈。難聽講句，她心想小孩差點害她給老闆炳，可以的話，她可能好想星你小孩幾耳光添！日後，她可以對全班溫柔就單單針對你小孩，她仍然是大伙兒的好老師。 你反而可借機會教你小孩在學校要守規矩，老師對每個做錯事的學生都一樣，但用心愛你的這世上就只有爸媽
作者: tobbie 時間: 16-12-8 06:56
回覆 Tintin926 的帖子
當時只有我同小朋友和班主任係房時，最後，我同小朋友講，你害班主任搵左你個幾鐘，仲令班主任延遲左開會，老師們要等埋班主任才能開會，6點才放工！我有叫小朋友say sorry!我小朋友都有講！
作者: Jane1983 時間: 16-12-8 07:45
觀察幾日，件事慢慢丟淡，睇吓老師、校長有無針對小朋友，小朋友返學開唔開心。經一事、長一智，亞仔無損傷，無記過/缺點，係unpleasant、唔公道，讓時間把它沖淡。
作者: tobbie 時間: 16-12-8 09:45
我小朋友由一年級讀到依家三年級，一共發生左三件大事，但每次學校都推卸責任！我唔想再比小朋友留係度。。。
作者: Felix223 時間: 16-12-8 10:13
tobbie 發表於 16-12-8 09:45
我小朋友由一年級讀到依家三年級，一共發生左三件大事，但每次學校都推卸責任！我唔想再比小朋友留係度。。 ...
Umm..3件大事？真的有問題⋯⋯無言。
如果真的介懷，可以的話儘可能早d轉校。
作者: Jane1983 時間: 16-12-8 10:37
已經三件！？可能學校對小朋友亦有既定意見。 要轉就要快手，出年都小四，小朋友適應新環境、老師、朋友仔都係新挑戰，唔好搞到影響五、六年級呈分。
作者: tobbie 時間: 16-12-9 16:09
呢間學校比我感覺好推卸責任！
依家同我講叫我考慮比我小朋友自行放學！即係轉自行放學隊
我只覺得係怕我小朋友下次萬一再走都唔洗負責任！
作者: tobbie 時間: 16-12-9 16:24
之前試過坐校車撞腫左隻右眼，同試過比校車姨姨抆耳仔抆頭髮，我小朋友足足個半月都唔敢入學校返學，日日7:40分企門口，企到8:00，仲要等老師或社工拖佢入去！
學校話校車公司好難招標，同埋係外判，學校唔會干涉！
家長你無返工，你小朋友又鍾意你接送，你無謂令到個小朋友唔開心啦！
即係叫我小朋友唔好坐！
跟住比左校車公司電話我，叫我自己聯絡校車公司！
路面上既意外我可以體諒同理解！但剎車後，保母姨姨正常都依例問聲音車上小朋友有無事掛？
保母仲辯駁話：車上咁多小朋友，我點樣逐個逐個問？憑我個人經驗當時衝力唔大，所以我無問車上小朋友有無事！
我跟住都無比小朋友坐！
作者: tobbie 時間: 16-12-9 16:29
仲要我開頭問姨姨，姨姨唔認有呢啲發生！
作者: Felix223 時間: 16-12-9 17:10
tobbie 發表於 16-12-9 16:29
仲要我開頭問姨姨，姨姨唔認有呢啲發生！
咁呢間學校真的好有問題，作為校長的處理手法有問題當然下面d人都有問題⋯⋯建議你而家儘快搵過第二間學校，小朋友咁抗拒返呢間學校，都好影響佢的學習！轉校！無謂再拖....
作者: LODAVID 時間: 16-12-9 18:38
tobbie 發表於 16-12-9 16:24
之前試過坐校車撞腫左隻右眼，同試過比校車姨姨抆耳仔抆頭髮，我小朋友足足個半月都唔敢入學校返學，日日7: ...
咁差. 咩原因? 校車姨姨特別火爆?
學校話校車公司好難招標，同埋係外判，學校唔會干涉！
家長你無返工，你小朋友又鍾意你接送，你無謂令到個小朋友唔開心啦！
你間學校好遠? 學校咁講係事實(好難招標), 真係冇咩可以做到. 而自己接送係建議, 你真係可以唔坐校車. 而自己接送真係小朋友開心D.
路面上既意外我可以體諒同理解！但剎車後，保母姨姨正常都依例問聲音車上小朋友有無事掛？
撞腫左隻右眼都要好大交通事故先會發生喎, 其他同學都有整到?
校車方面, 你期望都真係有好大落差.
其實你同學校都真係唔太夾, 再拖唔係辦法.
作者: bbsonyy 時間: 16-12-9 23:21 標題: 回覆：反思表
樓主你好，我睇過你的舊post, 有小小感想，如果你唔岩聽就當我多事，不用理好了
你提過你仔係A仔，百厭，但情況唔嚴重，現時冇用藥物的，但你仔的行為明顯已嚴重影響佢的校園生活，你不斷為你仔去投訴校車司機，校車ee，班主住，副校長，校長，興趣班導師，甚至沒教過你仔的老師…… 這麽一大串人時，其實你有冇諗過同你仔的行為都應該有關係呢？ 他們都只是打份工，不會冇原冇故一齊去針對你仔，他們可能都有處理不當，但事情的源頭應該都係你仔身上， 如果你不正視問題，改善你仔的行為，就算轉了校， 相信類似的事只會繼續發生的
對不起，冇意冒犯， 如果你睇完唔舒服，請冇視我
作者: Felix223 時間: 16-12-9 23:43
bbsonyy 發表於 16-12-9 23:21
樓主你好，我睇過你的舊post, 有小小感想，如果你唔岩聽就當我多事，不用理好了
你提過你仔係A仔，百厭， ...
本帖最後由 Felix223 於 16-12-10 00:17 編輯
如果咁情況，樓主不防搵一間可以支援SEN 學生學校會比較適合。
點都好，加油！我明白你有一定壓力。
作者: tobbie 時間: 16-12-10 14:33
我小朋友有ADHD，唔係自閉....
醫生話小朋友唔嚴重，所以無比藥。學校有社工陪覆診。
我當初選擇呢間學校，有了解過特殊教育需要方面（ADHD）！
學校表示足夠支援！
作者: thinkbefore 時間: 16-12-24 04:04
Tintin926 發表於 16-12-7 03:01
老實說，我覺得學校冇做錯，可能你不認同，但先客觀看以下的：
利申：我不是當教育工作者
嘩你講到好似當時在場咁
你都識講責任，捉唔住個小朋友咪又唔係佢責任？但學校聲譽又係學生責任嗎
作者: thinkbefore 時間: 16-12-24 04:09
樓主你呢間學校真係好有問題，可以開名嗎？我就咁睇都覺得好過分，十分鐘都可以唔通知，你有無叫個校長反思下？
反思下佢點請先生，反思下佢嘅教育理念，最好寫埋出嚟，你覺得佢唔認真「反思」就當面撕爛佢.....
作者: ANNAFRIEND 時間: 16-12-28 17:14
同意，開學校名，等家長小心選擇，唔好選錯呢種既無愛心又喜推卸責任的學校。樓主，試下德信小學，我有親人係A仔，讀得唔錯。
作者: clly 時間: 17-1-3 07:54
提示: 作者被禁止或刪除 內容自動屏蔽
作者: tobbie 時間: 17-1-19 22:44
回覆 clly 的帖子
係津校
作者: tutik 時間: 17-1-20 09:30
ANNAFRIEND 發表於 16-12-28 17:14
同意，開學校名，等家長小心選擇，唔好選錯呢種既無愛心又喜推卸責任的學校。樓主，試下德信小學，我有親人 ...
我都想讚哩間學校，上年我同呀仔都好大壓力，留低原校就要揀食藥，叩門德小，信內講明自己小朋友有ADHD問題, 但仍收到了學校約見，我真係好感動。
後來小朋友選擇留在原校，我也尤有推掉面試，當然面試唔代表收，但也相當感激學校給小兒一個機會。
| 歡迎光臨 教育王國 (/) |
Powered by Discuz! X1.5 |