教育王國

標題: 民生AM vs 啟思小學附幼 AM [打印本頁]

作者: GCRL 時間: 16-12-5 00:08 標題: 民生AM vs 啟思小學附幼 AM

小女十一月初已得啟思offer。再加上剛過去的星期六俾家長的講座令我覺得好認同佢背後的教學理念/理論，席間感受到其教學方式都是相當不俗。相信是一間happy school。唯一考慮係小學學費。但同一時間又收到民生AM offer。好難得得到一間龍校既offer, 但擔心特別他日如果上民小（聽聞是一間傳統小學比較谷）而小朋友應付不來。而家心大心細。
目前並未有其他offer, 只有一些九龍塘私幼的waiting及等緊其他兩三間九龍區基督教龍校既result. 大家會點選擇？

作者: Vanadium 時間: 16-12-5 00:50

本帖最後由 Vanadium 於 16-12-5 01:20 編輯

相信好多想讀民幼既都係為左可８５％上民小，民小出名都谷，而我亦識佢地Ｄ教師，都明言係谷谷地，而部份原因係因為中學部要接收佢地Ｄ學生，唔谷中學部又會complain，我相信呢個情況係其他好講公開試成績既龍校都會出現，包括培正。幼稚園收生咁無準，學習能力無保證，但又要保證佢地１５年後有好成績，唔谷點得？

至於民生１５年教育結果係點，建議可參考下佢地中學部個年報，由於係津校，年報必定要放上網。

啟思行既絕對另一style，我有朋友仔女讀得好開心好滿意，佢自己教育界，反而唔太buy民生果種類型。但兩者選擇，其實都要睇返自己仔女，同你想佢經歷一種咩學習模式。條條大路通羅馬，個人就唔太相信邊一種模式先叫正確。

不過我會建議可以take左民幼先，讀落發覺夾唔到，轉返出去啟思其實都仲有機會，始終啟思學費貴同另類，競爭應無咁大，但反過黎由啟思考返去民生，就算收你仔女都未必適應到。

作者: GCRL 時間: 16-12-5 09:58

本帖最後由 GCRL 於 16-12-5 10:01 編輯

回覆 Vanadium 的帖子

謝謝你的意見。

剛同識得既MS用家傾過，與你的意見相若，民幼相對九龍塘名幼已沒有那樣谷，還是可以，而且都有宗教上的德育培養。而家小朋友還是小，如果將來唔合適，到時可再找過。而家兩公婆傾向MS。

啟思附幼其實都好，之前已放棄SN p.m.，不過小學學費再加上下年有多個小朋友，令我們有猶疑。

作者: Vanadium 時間: 16-12-5 11:01

回覆 GCRL 的帖子

個人對民幼都有D好感，因地方大，歷史耐，加上因唔使交租金及非牟利，學費亦算便宜。

以民幼面試情況，我相信佢地唔一定可以行谷既路線，因面試基本上好淺，無好似其他名幼咁出D難度高D既配對或拼圖去考小朋友，亦只有一次面試，好難睇清邊D小朋友真係潛質高少少。

正因如此我會體諒小學點要咁谷，甚至有機會令跟唔到既小朋友自行引退。

入民幼絕對OK，因幼稚園唔會咁斤斤計較成績，亦無得計，但升上民小後至民中，成績係學校既榮辱(雖然誇左但好多時係事實)，要小朋友跟得上係必然，到時可能係另一個世界。我有個朋友小朋友讀培正由幼升小，小學時後期講到佢無晒信心，又話佢band 2料又叫佢升中不如搵其他學校，我只明白點解部份香港小朋友會無晒學習基礎動機，讀書及人生好似只係為考試而唔係學習。

作者: kli0531 時間: 16-12-5 11:03

我和你的情況相同，現在手握MS同啟小附幼的AM offer。

如你所說，兩所學校走的路線完全不同，啟小附幼再上的話是local IB的happy school；MS則是傳統學校，在學術上較為催谷。我和太太仍在探索哪一所幼稚園較為合適。

作者: LITTLEGIRLSNOW 時間: 16-12-5 14:07

民幼生上民小係民小學位85%，呢點要留意

作者: LITTLEGIRLSNOW 時間: 16-12-5 14:09

㨂民生比較好，民生敎品德不錯

作者: dougts 時間: 16-12-5 16:44 標題: 引用：回覆+GCRL+的帖子個人對民幼都有D好感，

原帖由 Vanadium 於 16-12-05 發表
回覆 GCRL 的帖子

個人對民幼都有D好感，因地方大，歷史耐，加上因唔使交租金及非牟利，學費亦算便宜。

Vanadium, 見你對幼稚園的分析很有見地，感謝分享。想請問你對培正及德望又如何評價呢？

作者: cyberbaba 時間: 16-12-5 19:57

呢個 post 好有參考價值，分析得好中肯！

作者: Vanadium 時間: 16-12-5 21:19

本帖最後由 Vanadium 於 16-12-5 22:29 編輯

回覆 dougts 的帖子

個人覺得德望同培正係好唔同既學校，若以中學計，培正基本上男仔頭理科D，德望就女校當然女性化D。

我朋友個小朋友讀緊培正小學，比過D小學數黎問我，我覺得....好鬼深，可能果D係挑戰題。培正中學理科出名勁，好多全港數理比賽都攞到大獎。

德望就英文成績好好，但比較幾間神校如DG，明顯仍差一截，除英文外，其他文理科成績，我只可以講同普通村校band 1無大分別。有關資料，如公開試成績，全部都可以係佢地學校網頁搵到。

德望最好同協恩比，大家都女校，個人勁喜歡協恩，女校得黎好全面，無論文理科比賽、辯論比賽、科學比賽、各運動比賽，係全win果種，當然學術成績更比德望高，但講貴氣，感覺德望就高貴D，讀D人有錢D，多名星女，而協恩勁得黎好平實，淨要求初中大部份同學去內地山區體驗一段日子，以女校黎講都相當實在。

所以，都係果句，邊間學校，好睇父母睇法同對子女期望。若想子女平實D，有少少佢將來做工程師做醫生，培正、協恩就理科訓練相當足，成績超勁。但想個女有一個傳統女校style，咁德望應該OK。

如果以傳統女校計，唔計DG，個人認為 St Paul Convent = 協恩 > 德望 = 聖心

德望DSE狀元: http://www.ghs.edu.hk/sec/hkdse.htm
培正DSE狀元: http://www.puiching.edu.hk/CustomPage/openInIFrame.aspx?ct=customPage&webPageId=35&nnnid=29

__________________________

協恩DSE:
The 2016 HKDSE examination results have been released. The result of each subject has shown improvements compared with last year. On average, each of our girls obtained 3 Level 5s or above.

The performance of Heep Yunn girls in the 4 core subjects with level 5 or above is as follows.

Subject	Percentage of Level 5 or above
Subject	HYS	HK
Chinese Language	36.8%	8.7%
English Language	64.5%	9.7%
Mathematics (Compulsory Part)	39.6%	14.0%
Liberal Studies	35.1%	8.9%

The following table shows the outstanding performance of our candidates in some of the subjects.

Subject	Percentage of Level 5 or above
Subject	HYS	HK
Chemistry	87.9%	25.4%
Physics	72%	26.5%
Biology	56.4%	18.6%
History	52.6%	15.2%
Literature in English	50%	26.3%

________________________

德望DSE Core subject
2016
English Language (level 5 or above)
62.1%
Chinese Language (level 5 or above)
13.7%
Mathematics (level 5 or above)
32.9%
Liberal Studies (level 5 or above)
28.6%

______________________________

民生DSE: http://www.munsang.edu.hk/secondary/index.php?option=com_content&view=article&id=1947:ann20160713&catid=42:announcements&Itemid=92

作者: dougts 時間: 16-12-5 22:46 標題: 引用：+本帖最後由+Vanadium+於+16-12-5+22:29+編

原帖由 Vanadium 於 16-12-05 發表
本帖最後由 Vanadium 於 16-12-5 22:29 編輯

回覆 dougts 的帖子

其實以龍校來說，培中的成績十分亮麗。不明白的是，培正是龍校，由幼稚園直上中學，如何確保所有(或起碼大部分)學生都如此優秀呢？只憑幼稚園會面果五分鐘真的能挑選到天才出來嗎？

作者: Vanadium 時間: 16-12-5 23:30

回覆 dougts 的帖子

學校教學係有唔同效能，有D學校出名係因為真係教學效能好高，收好平實學生卻可以做到超勁成績，仲攞好多獎。有D學校出名主要係歷史耐同名氣，但其實教學效能只係正常甚至麻麻地，或者佢地自己唔追求啦，要保持elegant嘛。

其實協恩小學係津校玩大抽獎添，但佢地升到上協恩中學果班仍然超堅，可見呢D學校真係有D料到，若然睇協恩小學D辯論比賽，講野唔知似為佢地係大學生。

作者: GCRL 時間: 16-12-6 00:12 標題: RE: 民生AM vs 啟思小學附幼 AM

好多謝各家長俾的意見，估唔到大家那麼踴躍發表意見。
其實作為準K1的家長，要IN的都差不多IN晒，大家都係睇睇自己有乜offer而為仔女將來作出抉擇， interview 都係matching game, 都只有接受孩兒的表現。但這都只是開始，最重要是讓孩兒有愉快充實的童年（特別呢三年），他日到升小升中的時候再按孩兒的能力再決定甚樣做。

作者: dougts 時間: 16-12-6 07:30 標題: 引用：回覆+dougts+的帖子學校教學係有唔同效能

原帖由 Vanadium 於 16-12-05 發表
回覆 dougts 的帖子

學校教學係有唔同效能，有D學校出名係因為真係教學效能好高，收好平實學生卻可以做到 ...

如果真的是學校教學效能高，那真心佩服。最怕自己弄不清，揀了一間，超谷，功課無間做嘅學校，磨滅了小朋友的學習興趣，變成讀書機器。

作者: CS_HON 時間: 16-12-6 09:36

Vanadium 發表於 16-12-5 00:50
相信好多想讀民幼既都係為左可８５％上民小，民小出名都谷，而我亦識佢地Ｄ教師，都明言係谷谷地，而部份原 ...

民幼升小有85%?
好似係民生小預留85%, 但民幼生多遏民小生，所以民幼升小無85%的

作者: GCRL 時間: 16-12-6 18:24

回覆 CS_HON 的帖子

根據用家講約6成至2/3民幼生收番，都總好過冇小學back up的幼稚園學生出去爭小一位。

作者: Vanadium 時間: 16-12-6 19:10

回覆 dougts 的帖子

講真...就算係神童，要有好成績都係谷出黎。當然，個人都唔太受落中國人果種每個階段、凡事都要谷到盡要贏人既態度，幼稚園小學其實可以輕鬆就輕鬆D，一個人真正學複雜野既時期，係10歲打後，甚至唔少人近成年先發力，智能夠都一野就追上去。同學琴一樣，成人學琴絕對可以兩年就考8級試 (我識唔少)，但小朋友，正常都要5至8年。

只可惜現今中學收生，又下下好睇你小學成績，所以競爭下香港家長可以話被迫去谷。

但谷得好多種谷法，有學校得個谷，能力高頂得住，能力低D實做到你死，你唔得就叫你走。但有D一邊谷你，但又一邊幫你，一路幫住你去提升自己水平。有D仲好，整體都谷架啦，你唔得會幫你，但若幫你都仲唔得，仍會接納你，或用你另外一D長處，比你去發揮，以彌補你學術上之不足，甚至因此增加你自信，繼而學術上都保持信心去再接受挑戰。

點解有D學校谷得黎學生同家長無投訴，仲好鬼鐘意間學校，結果成績又好，但相反有D就谷得黎唔少人唔happy，總有原因。

作者: CS_HON 時間: 16-12-6 22:07

GCRL 發表於 16-12-6 18:24
回覆 CS_HON 的帖子

根據用家講約6成至2/3民幼生收番，都總好過冇小學back up的幼稚園學生出去爭小一位。

咁梗係有back up好過無back up 啦

作者: dougts 時間: 16-12-6 22:19 標題: 回覆：Vanadium 的帖子

求指教，pm-ed

作者: lingtsang55 時間: 16-12-6 23:07

回覆 Vanadium 的帖子

請問邊間學校谷得黎會幫你，仲會接納你呢? 培正? 協恩?

作者: mrivan 時間: 16-12-7 09:34

民生AM

作者: GCRL 時間: 16-12-15 23:21 標題: RE: 民生 vs 啟思小學附幼 vs 聖三一 vs KV

本帖最後由 GCRL 於 16-12-16 11:16 編輯

小女今日同時收到聖三一中心同KV offer。加埋之前民生 , 啟思小學附幼 , 都好難選擇。

係網上都睇到不少民生負評 , 都有 D 擔心 , 因為希望幼稚園能建立自信及主動學習。亦聽聞聖三一中心係活動教學 , 亦有政府資助及近屋企多D。大家點睇?

作者: mrivan 時間: 16-12-16 00:16

民生

作者: GCRL 時間: 16-12-16 11:23 標題: RE: 民生 vs 啟思小學附幼 vs 聖三一中心 vs KV

回覆 mrivan 的帖子

可否具體一D，因為過往民生負評情況都好一致，好怕選錯校。尤其是而家有多幾個選擇。

作者: bebrave 時間: 16-12-16 23:47

GCRL 發表於 16-12-15 23:21
小女今日同時收到聖三一中心同KV offer。加埋之前民生 , 啟思小學附幼 , 都好難選擇。

係網上都睇到不 ...

你個女咁叻咁多offer、不如問下你自己想要什麼？呢幾間都好唔同....

作者: mrivan 時間: 16-12-17 01:14

民生

作者: ch_fyyBB 時間: 16-12-17 16:23 標題: 引用：+本帖最後由+GCRL+於+16-12-16+11:16+編輯+

原帖由 GCRL 於 16-12-15 發表
本帖最後由 GCRL 於 16-12-16 11:16 編輯

小女今日同時收到聖三一中心同KV offer。加埋之前民生 , 啟思 ...

我同你差不多，有民生，KV, 聖三一，及另外二間全日制同九龍靈糧offer, 现在爭扎於民生同聖三一中心

作者: GCRL 時間: 16-12-18 00:28

回覆 ch_fyyBB 的帖子

那麼你想法如何？是否MS過往負評令你有猶疑？

在我而言及係N班觀察，小女係坐得定及可專注課堂，與同學傾計都係間中同唔會亂講野，我諗MS係應付到，唯一考慮係老師及教學方式是否阻礙小朋友自信發展及求知動機。所以都掙扎中。

作者: ch_fyyBB 時間: 16-12-19 11:57 標題: 引用：回覆+ch_fyyBB+的帖子那麼你想法如何？+

原帖由 GCRL 於 16-12-18 發表
回覆 ch_fyyBB 的帖子

那麼你想法如何？是否MS過往負評令你有猶疑？

因為有個細，全日班係方便照顧，同埋本身係勁鍾意聖三一，包括老師，校舍同教學方式。而民生，yes, 見到網上d負評，怕打擊小朋友自信，但民生語景唔錯，同有民小，民中backup

作者: Kayyanc 時間: 16-12-19 14:53

回覆 ch_fyyBB 的帖子

有什麼負評？可否分享下，謝謝

作者: GCRL 時間: 16-12-19 22:47

回覆 Kayyanc 的帖子

單係EK 都有唔少評論，甚至睇埋EK民小都有不有關評論，可以自己詳細睇。

歡迎光臨教育王國 (/)