教育王國

標題: 獻主會小學VS聖三一堂VS林文燦 [打印本頁]

作者: Nacbobo 時間: 16-11-26 21:31 標題: 獻主會小學VS聖三一堂VS林文燦

大家會點排？

作者: adriantai 時間: 16-11-27 07:25

同一區，我會試平平地試林文燦

作者: Nacbobo 時間: 16-11-27 18:29

Yes! 我首選都係佢，但見佢啲老師turn over rate好高，有點擔心。
我地考咗第一輪衰咗，四月會再考。希望得，論語境，LMC似乎比較好。

因為自行舊獻收咗，算好好彩，有妹妹跟尾，入津小始終有吸引力。而且，舊獻入到精英班的話，升中派位派得唔錯，比LMC同聖三一都好。但教學太傳統，功課又多，我同老公都唔係好想。

作者: 一個閒人 時間: 16-11-28 00:08

Nacbobo 發表於 16-11-27 18:29
Yes! 我首選都係佢，但見佢啲老師turn over rate好高，有點擔心。
我地考咗第一輪衰咗，四月會再考。希望得 ...

三間學校既學習模式都唔同，你要睇下邊種模式適合你小朋友多啲。
其實你心水好清，三間學校，以獻主會小學既升中派位非常好；就算唔係讀精英班，都有學生可以去到band 1中學。不過你要有心理準備佢係一間非常傳統既學校，預左係好谷。

LMC始終比較新，老師流失快唔算一個大問題，最大問題係升中派位都仲唔太理想。唔知道七年後有無改善。不過佢地優勢既地方就係有外國學生一齊讀書，對英語會話唔會有太大恐懼。假如係小六畢業後移民到外國生活，又或者到海外流學，LMC係一個唔錯既選擇。

至於聖三一，由於佢係私校，資源一定會比津貼或直資學校優越。另外功課唔算太多，可以多少少時間去學其他興趣活動。但係如果兩個小朋友讀的話，學費差唔多要成8萬大元，六年至少48萬大元，要睇下你地可唔可以負擔得到。

其實三間學校都唔錯，希望你同你老公可以幫兩位小朋友搵到適合既學校。

作者: Nacbobo 時間: 16-11-28 01:09

獻小一直無對外公開派位結果的，但我地知佢每年都有幾個入到maryknoll的，亦有不少派華英。呢點真係好吸引。不過，個女性格比較外向，我怕佢入呢類傳統谷校會辛苦。而且學校的英語語境無其餘兩間咁好。

因為個女係偏向喜歡英文多過中文的，日常聽，講，理解都ok!亦肯講唔怕醜，只係佢認字串字一般，所以interview要認字就死得。

聖三一佢收到offer，個女都幾鐘意，但都係錢的問題，學費四千幾，加埋興趣班同雜費，真係好襟計，而且佢派位成績亦很一般，令我覺得好似唔係好值。

歡迎光臨教育王國 (/)