教育王國

標題: 【請教】出外補習，學快一年以上課程？ [打印本頁]

作者: applebot 時間: 16-11-26 09:01 標題: 【請教】出外補習，學快一年以上課程？

我朋友個女宜家讀緊小二，唔係啲名校，因為佢個女上到小二之後好似開竅咁，好喜歡睇書，佢媽咪喺圖書館借咗啲比佢程度深啲嘅書，佢都有興趣去學同玩，反而宜家啲課本已經難唔到佢，所以佢啲成績唔錯，但佢個女好喜歡這間學校，因為可以好多時間玩，功課唔多。
就係奇怪功課唔多，學校唔谷，佢就好輕鬆喜歡讀就讀，玩就玩。
佢媽覺得佢可以更上一層樓，想帶佢去補習學下一年級嘅課程，唔知好唔好？

作者: chocolatebean 時間: 16-11-26 09:30

applebot 發表於 16-11-26 09:01
我朋友個女宜家讀緊小二，唔係啲名校，因為佢個女上到小二之後好似開竅咁，好喜歡睇書，佢媽咪喺圖書館借咗 ...

咁佢唔會有興趣上堂，因為出面都學晒

睇多Ｄ書好過

作者: iamiris 時間: 16-11-26 10:35

applebot 發表於 16-11-26 09:01
我朋友個女宜家讀緊小二，唔係啲名校，因為佢個女上到小二之後好似開竅咁，好喜歡睇書，佢媽咪喺圖書館借咗 ...

本帖最後由 iamiris 於 16-11-26 10:36 編輯

其實我唔明d家長點都要自己谷d小朋友，比佢地輕鬆D唔得咩?

作者: 已刪除用戶 時間: 16-11-26 11:01

本帖最後由 yuenkw 於 16-11-26 11:04 編輯

……

作者: dunbinex 時間: 16-11-26 11:23

提示: 作者被禁止或刪除內容自動屏蔽

作者: WinnieCatCat 時間: 16-11-26 11:39

如小朋友已經噤醒但又唔打算轉校，出去補深一年到佢讀小三時d野識晒上堂咪好悶囉，而且只係提早學，對知識的增長沒甚幫助。難得有間學校有空間玩同看書，求之不得啦！就叫你朋友讓囡囡睇多d書，唔一定學術書的，任何書都睇，中英文小說、national geographic kids等，睇書沒分幾年級程度的，睇多d就學多d。我有朋友囡囡讀dgjs，就係好得閒成日睇書，小二、三已經可以兩日睇完厚厚的Harry porter，英文好到不得了我相信已達初中程度。這令我明白呢間神校教到d女仔禁叻，唔係靠教深不停chur功課，而係畀左好多空間佢地睇書，我朋友話佢女d同學係書不離手的！

作者: yukisch 時間: 16-11-26 11:40 標題: 回覆樓主:

學快一年，咁上堂老師講嘢咪唔洗聽，到時就可能上堂東攪西攪

作者: 陽光點的歌 時間: 16-11-26 11:45

爭取時間做其他野好過

小朋友成績唔錯唔使谷就比佢地輕鬆D啦
做義工/睇書/玩玩具/帶小朋友周圍行下睇下香港郊區地方

作者: iamiris 時間: 16-11-26 13:20

dunbinex 發表於 16-11-26 11:23
唔係家長唔想輕鬆，係好多學校都教快又教得深

學校本身唔深可以開心玩，家長覺得唔夠，要出去學深d，咁唔係家長有問題嗎?跟學校進度唔得咩?係要谷?

作者: angie0828 時間: 16-11-26 15:01 標題: 回覆樓主:

有時間睇多D書，好過教深一年野，除非那位媽媽想女兒跳級

作者: dunbinex 時間: 16-11-26 16:02

提示: 作者被禁止或刪除內容自動屏蔽

作者: iamiris 時間: 16-11-26 16:12

dunbinex 發表於 16-11-26 16:02
學校程度深，未要學深先跟到進度

樓主話朋友個女跟到仲成績好wor,已经跟到進度，有冇必要再出去學深d呀?

作者: bobbob 時間: 16-11-26 16:29

iamiris 發表於 16-11-26 16:12
樓主話朋友個女跟到仲成績好wor,已经跟到進度，有冇必要再出去學深d呀?

家長心態好難觸摸

作者: dunbinex 時間: 16-11-26 19:58

提示: 作者被禁止或刪除內容自動屏蔽

作者: iamiris 時間: 16-11-26 20:16

dunbinex 發表於 16-11-26 19:58
其實我意思是講緊有啲程度深的學校

咁我地講緊楼主朋友個case 嘛

作者: Felix223 時間: 16-11-26 21:54

applebot 發表於 16-11-26 09:01
我朋友個女宜家讀緊小二，唔係啲名校，因為佢個女上到小二之後好似開竅咁，好喜歡睇書，佢媽咪喺圖書館借咗 ...

坦白說，咁難得你朋友個女成績唔需要擔心。補深一年，什麼家長想法？個女有得玩吓都唔好？學深一年D課程，咪冇心機上堂，咁有咩為？
咪睇書、或者出去學門手藝...打法時間

斷估圖書館咁多書唔會睇得晒。

作者: LeeCC 時間: 16-11-26 22:36

本帖最後由 LeeCC 於 16-11-26 22:37 編輯

如能夠輕鬆應付學校的課程，無需要提早學，反而應該學得廣，看多些書，和學得深入

例如數學叻又有興趣，可以學奧數，如果語文叻又中意寫嘢，可以學寫作，又或者學一些學校無得學的東西，如電腦，天文地理, 科學

作者: 星星的後裔 時間: 16-11-26 22:48

大人工作外還有家庭, 小朋友讀書外還有體藝.

若小朋友有能力應付, 何不比機會他發展其他興趣, 亦何苦要見到他應付不來至開心?

作者: twintse 時間: 16-11-26 23:24 標題: 回覆：【請教】出外補習，學快一年以上課程？

應該感恩小朋友跟得上讀得輕鬆。ㄧ個成功的人不只追求學術卓越而已,小朋友身心健康更重要,不要迫到小朋友討厭學習呀!

作者: applebot 時間: 16-11-27 08:27 標題: 回覆樓主:

嗯，我已經將這篇留言分享給我朋友了。
希望佢可以反省下，不是我一面之詞。
謝謝大家。

作者: iamiris 時間: 16-11-27 09:28

applebot 發表於 16-11-27 08:27
嗯，我已經將這篇留言分享給我朋友了。
希望佢可以反省下，不是我一面之詞。
謝謝大家。

希望小朋友可以繼續開心去返學同玩

作者: 小曳人 時間: 16-11-27 09:44

孩子如果愛學習，就隨得佢自由學，學海無涯，點解要將自由去學去體驗去玩嘅時間，去製造學習限際？！

歡迎光臨教育王國 (/)