教育王國
標題: 細B迷思⋯⋯ [打印本頁]
作者: 雅BB 時間: 16-11-26 03:01 標題: 細B迷思⋯⋯
經過一輪面試，我憂心甚至開始反思，唔係擔心自己小朋友能力，而係擔心自己教導問題。雖然成日話細b係會遲啲架點點點，但我驚最後變左藉口⋯呢幾日真係好迷茫!
平時無去pg之類，無同其他小朋友直接比較，覺得自己女女都幾好⋯⋯
好鍾意講嘢，算識講唔少嘢（我以為），算講道理唔多會亂發脾氣，食飯唔使追住喂，可以自己食上半場，唔會搶人啲嘢。
直到學校面試時，眼見其他小朋友乜都識，識好多英文字母，顏色，形狀同數字，就算唔識都肯乖乖坐定定，我即時O晒咀
面試時，女女基本係十問九唔應，就算識既都係睇心情答唔答，唔望老師。
－顏色唔識講又分唔到（叫配對都做唔到）
－積木又搭唔到（淨係識當玩lego咁出力嵌）
－穿繩唔得
－老師送玩具唔主動講多謝，要人提先講byebye仲要唔望人
－最慘係坐唔定，好快直接起身行開，叫都唔聽
in6間，得其中一間因為張凳太高落唔到來無行開，其餘全部起身行開，有一間仲要係行開之後被老師拉返來
面試完真係極沮喪，睇返家長啲post，雖然好多都安慰細b家長話唔使擔心，細b真係慢啲，需要時間架！我都寬慰許多，但又忍唔住諗：點解好多細b超細b都識呢？
P.s，而家唔係講緊學校俾唔俾offer問題，可能學校除左睇小朋友都睇家長，就算小朋友唔答，家長表現好都會收。
所以我而家係講小朋友本身表現問題，好了⋯答唔答呢樣嘢係性格，無得講⋯但係我女連顏色數字呢啲都唔識，係咪好明顯係我嘅問題呢？我真係呢幾日不停睇post不停反思呀。最近幾日狂操佢顏色同數字
我真係驚“細b”變成藉口，因為事實唔係大b先得，好多細b超細b都得呀！⋯其他小朋友都識嘅都做得到嘅，我唔得喔⋯唔係怪獸家長，只係覺得如果大環境係咁，普遍都得嘅，係咪要跟上呢？而且而家講緊嘅都係普通嘢，唔係名幼英文對答唱歌跳舞個啲（個啲我都唔會苛求了）
作者: jacky400 時間: 16-11-26 04:42
本帖最後由 jacky400 於 16-11-26 04:49 編輯
雅BB 發表於 16-11-26 03:01 
經過一輪面試，我憂心甚至開始反思，唔係擔心自己小朋友能力，而係擔心自己教導問題。雖然成日話細b係會遲 ...
那bb是那個月出世？我BB 5月出世，但早半年前，我已日日問佢形狀，顔色, A-Z , 今日問完唔ok , 明天再問，問下問下她就會懂.
作者: 雅BB 時間: 16-11-26 04:48
jacky400 發表於 16-11-26 04:42
那bb是那個月出世？我BB 5月出世，但早半年前，我已日日問佢形狀，顔色, A-Z , 今日問完唔ok , 明天再問， ...
11月呀……你5月B，半年前即係相當於我而家咁大⋯⋯
係呀，我就係面試完，反思係咪自己問題，所以呢幾日狂練呀同佢，一有機會就同佢顏色數字，佢記得三幾個英文單詞，但未認到字母⋯⋯
我都覺反覆問答佢會有記得多少⋯但顏色好似都係難我已經用左佢最鍾意既波波來教
作者: jacky400 時間: 16-11-26 04:53
雅BB 發表於 16-11-26 04:48
11月呀……你5月B，半年前即係相當於我而家咁大⋯⋯
係呀，我就係面試完，反思係咪自己問題，所以呢幾日 ...
作者: BabyBookBu 時間: 16-11-26 06:40
take it easy....實有位收。同埋人生漫漫長路，依加只是起步點。下年以大B身份，一切都超5同
作者: edniebridge 時間: 16-11-26 08:38 標題: 回覆樓主:
個個小朋友都唔同,你教到自理禮貌,已經好好.
顏色形狀,我個大B-都未稳陣,你嗰個咁细,真的不用自責擔心。
試下配對分類先,再做理解,最後先學講。
作者: lawboon 時間: 16-11-26 09:11
雅BB 發表於 16-11-26 03:01
經過一輪面試，我憂心甚至開始反思，唔係擔心自己小朋友能力，而係擔心自己教導問題。雖然成日話細b係會遲 ...
我囡都係11月，我好緊張佢讀書，知佢係細b 難同人競爭我就仲驚，但我更驚我係咁逼佢 佢會討厭學習，所以做左好多 research 點教，最後我俾佢歲半開始上獨立playgroup, 每星期3堂每堂2小時，幼稚園模式無家長陪，返屋企睇佢手冊學左咩再自己跟下，開頭效果吾明顯，上左幾個月開始覺得佢學到野又返得好開心，最近出去 interview 我吾敢話佢表現好好，但基本野做到，有問有答 8-9成啱，我好滿足了，小朋友學野快，你肯教佢地好快上手，加油呀~
作者: 雅BB 時間: 16-11-26 10:19
jacky400 發表於 16-11-26 04:53
其實個個bb 去到一定时候就會識，但要家長提供方向及指導，佢地有了基本概念就會慢慢學到. ...
係⋯⋯所以我要keep住勤力啲教佢先得，唔會harsh，但會積極啲了！！
作者: 雅BB 時間: 16-11-26 10:26
BabyBookBu 發表於 16-11-26 06:40
take it easy....實有位收。同埋人生漫漫長路，依加只是起步點。下年以大B身份，一切都超5同 ...
我都明一年後會唔同⋯⋯只係下年就變超大b，又會有其他顧慮⋯⋯
而且我其實係擔心如果而家頭三年最重要嘅時候未有好好咁引導佢，起點未做好，影響佢日後發展，譬如最眼前嘅入唔到心儀幼稚園（指地點環境、師資及教學方式等），我真係沮喪的覺得對唔住阿女
作者: Pancake1005 時間: 16-11-26 10:27
我個都係11月尾細b，我覺得番playgroup其中一個好處係同同齡小朋友比較下，大概知自己小朋友強弱項、性格能力等，就算冇上playgroup 都不妨參考下身邊其他小朋友，唔係話要咁細個就比較，而係了解多啲先可以因材施教。我從來冇睇小我個囡，從小同佢睇書，咩都教一餐，vocab唔係閃卡學番嚟，係睇書學，總之佢吸收到嘅我都教。我覺得你唔使灰心呀！佢而家大啲再學野可能事半功倍tim！有心唔怕遲，加油！
作者: 雅BB 時間: 16-11-26 10:29
edniebridge 發表於 16-11-26 08:38
個個小朋友都唔同,你教到自理禮貌,已經好好.
顏色形狀,我個大B-都未稳陣,你嗰個咁细,真的不用自責擔心。
試 ...
明白，你講得啱，學校面試老師見佢答唔到，都會叫佢試下配對，我都各樣方法試試，總之我都會提醒自己積極啲，但唔好太harsh！
作者: Liukut 時間: 16-11-26 10:35 標題: 引用：Quote:jacky400+發表於+16-11-26+04:42+
那
原帖由 雅BB 於 16-11-26 發表
11月呀……你5月B，半年前即係相當於我而家咁大⋯⋯
係呀，我就係面試完，反思係咪自己問題，所以呢幾日 ...
作者: Pat68 時間: 16-11-26 10:46
雅BB 發表於 16-11-26 03:01
經過一輪面試，我憂心甚至開始反思，唔係擔心自己小朋友能力，而係擔心自己教導問題。雖然成日話細b係會遲 ...
你有冇花時間多陪佢玩同教佢？我囡都係細B 11月底，但我從來唔俾藉口自己，我覺得囡囡不會俾大B差，只要用心教，佢都好快學識，依段期間係佢哋吸收期。不過我唔係怪獸家長，我是讓孩子愉快地一邊玩一邊學習。小朋友是要大人引導先會學到嘢而唔會自己玩玩下識。
作者: ilmummy 時間: 16-11-26 10:54
本帖最後由 ilmummy 於 16-11-26 10:59 編輯
樓主，你真的不必憂心！我個4月B ，算大B 吧，識好多數字英母，日日都系口水多過茶，咩都識講，但一樣有學校唔收佢。“罪狀”：1.對答唔望人。2.人玩咩佢又要玩，人地唔比，結果咪搶咯。當然唔系間間都有咁嘅情況。3.顏色蔬菜個D，系屋企乜都識，去到就亂咁UP，我冇教過1000次，但有幾百次，1歲開始教嘅。4.中意打尖，見到中意嘅就馬騮精上身，話之你，一於玩左先，最后老師叫收玩具，點都唔肯執，仲要玩。5.老師送禮物都系唔識主動講多謝，系要人提。呢D 我地系屋企都教好多好多，我都好勞氣。
作者: kinkiking1129 時間: 16-11-26 12:11
雅BB 發表於 16-11-26 03:01
經過一輪面試，我憂心甚至開始反思，唔係擔心自己小朋友能力，而係擔心自己教導問題。雖然成日話細b係會遲 ...
多D同佢玩認知遊戲, 佢會識多D野
作者: joey1219 時間: 16-11-26 13:33 標題: 回覆樓主:
我囡係11月尾細b ,佢識好多野， 1-10, a-z, 顏色，生果，動物，交通工具，認知冇問題，但就係唔肯句子表達。interview 坐唔定，周圍跑，平時冇耐性，容易發脾氣。每個小朋友性格和，發展都唔同，不能作比較。每個小朋友都有佢地叻同唔叻既地方。唔識1-10 ／a-z不是你和小朋友既問題。 有時佢地沒興趣學的，點教都唔識。有時佢地有興趣的，教一次就學識了。
作者: jacejace 時間: 16-11-26 13:59
雅BB 發表於 16-11-26 03:01
經過一輪面試，我憂心甚至開始反思，唔係擔心自己小朋友能力，而係擔心自己教導問題。雖然成日話細b係會遲 ...
我囡6月，我由佢一歲起已經不停教佢顏色，但一直都唔係好識，開頭我仲怕佢會唔會色盲！早幾日同佢玩水彩，佢又識喎，連purple都識！但之後問返佢，又係唔識！我無再逼佢，老師今日問what's your name, 我都由得佢無提佢，唔識都無辦法。
作者: Ctswa 時間: 16-11-26 14:48 標題: 回覆：ilmummy 的帖子
提示: 作者被禁止或刪除 內容自動屏蔽
作者: 貝珠 時間: 16-11-26 15:37 標題: 回覆：細B迷思⋯⋯
自理，禮貌，性格係最重要。學術，你可以教可以操，但唔識唔好太介意。
作者: lam133 時間: 16-11-26 15:43 標題: 回覆樓主:
我個8月B，中係中間位，
唔上唔落
作者: Yeahly_ly 時間: 16-11-26 16:09
其實1-10，a-z係兩歲後先慢慢學....唔洗急呀.....都唔會有好多學校考K1要考....顏色都係識分就得...要講得啱都要2歲多呀！唔洗緊張～慢慢教！
作者: bobofung 時間: 16-11-26 16:13
要花心日日放工同佢玩架。你淘下abc, 123手抓板，積木，puzzle, 看中英文書，唱歌仔，日日玩佢地學野快過你架。會無啦啦發現識灑。
作者: cywtommy 時間: 16-11-26 17:37 標題: 回覆樓主:
我女係9月细b, 有返n班, 但英文字母同數字都認得唔好, 近排去in K1, 唔同學校有唔形識既interview, 女女既表現可使我更清楚那間學校識合她, 兩歲識幾多意義不大, 我好清楚最由n至k3最緊要不是要她識幾多字, 最重要是培養學習興趣, 使她鐘意學習
作者: 我叫豬豬 時間: 16-11-27 01:41
其實小朋友無論大定細，家長都要教。上不上pg都好，做父母的，不能因為小朋友細，甚麼都做不到是正常而不做好自己作為父母的角色。眼見好多父母不太教自己小朋友。其實好多細b大大下叻過大b，你見面試d人叻，因父母在後面好努力做好自己。
我不知自己是否怪獸，但我同老公雙職父母，工作回家已好累，但我們一回家就照顧小朋友食飯，自己去教，教abc，教做動作，我們寧願自己1，2點訓。
so far我仔細b，in左7間有6間offer，仲有些未in。我覺得咩b都一樣，父母做好自己，他最後就算學得慢，校長睇到父母努力左，都收。面試前花時間做下功課，看下d學校web，了解下。好多人小朋友好醒，但無人教他，最後才能被埋沒。
作者: kmforever 時間: 16-11-27 01:54
返過下 pg, pn 真係有 d 幫助既，我個8月B，未返 pn 果時，真係唔係好掂，又怕人又唔係好識講野，返左幾個月 pn，而家學校教左好多自理既野，返都屋企成日玩唱歌做動作，讀多左好多野，肯坐定定玩下做下野。
作者: babemi 時間: 16-11-27 02:00
點解我個B調番轉，未返PN前坐好定又聽話，返左之後完全唔聽我話又坐唔定
作者: fantracy 時間: 16-11-27 12:48
我b 係12月⋯ 都有同感⋯ 一切隨緣～ 冇就下年黎過，冇所謂⋯
作者: 千語mami 時間: 16-11-27 13:09
貝珠 發表於 16-11-26 15:37
自理，禮貌，性格係最重要。學術，你可以教可以操，但唔識唔好太介意。
...
作者: 天使青蛙 時間: 16-11-27 13:22
每個小朋友學習快慢都唔同架，我女2歲已經認哂字母，顏色，形象，同各種動物生果英文。
調翻轉頭，我仔係兩歲時，無心望，無心學。而家兩歲四個月先認到哂啲字母，顏色同形象都未係好認到。
不要氣餒！每個小朋友唔同，唔好比較，咁樣會舒服好多！
作者: 雅BB 時間: 16-11-27 18:27
Liukut 發表於 16-11-26 10:35
真係要慢慢架。迫唔嚟。我仔10月尾細b....我日日重複又重複。有時佢自己會突然間講出生字 or 動作。真係估 ...
唔易呀，喔完全無諗過迫佢⋯⋯只係覺得係自己問題，無好好咁引導佢認知呀大小運動呢啲，我絕對唔會迫佢，亦唔會因為佢唔識就嬲佢的
作者: wong2014 時間: 16-11-27 18:41
我仔12/31超細b,無人細得過佢啦(emoji) 佢識A-Z,1-10(中英),顏色,形狀等等。平時同佢玩住遊戲咁學，其實好快識，唔使迫佢佢自己好鍾意玩。in左6間k暫時有3間offer
作者: 星星的後裔 時間: 16-11-27 18:55
雅BB 發表於 16-11-26 03:01
經過一輪面試，我憂心甚至開始反思，唔係擔心自己小朋友能力，而係擔心自己教導問題。雖然成日話細b係會遲 ...
你現在講的, 正正就是我不斷提醒另一半要避免的. 每個家長長輩都會覺得自己小朋友好叻, 但到真的要同街外人比就係好客觀的事.
好些家長腦心不一致, 報了happy school 但厭少功課, 報了谷校就話多功課. 威了又唔想帶頭盔.
不過樓主情況都唔太差, 成績未出, 可能有驚喜. 最壞打算明年以超大B 身份再考.
作者: 雅BB 時間: 16-11-28 00:59
lawboon 發表於 16-11-26 09:11
我囡都係11月，我好緊張佢讀書，知佢係細b 難同人競爭我就仲驚，但我更驚我係咁逼佢 佢會討厭學習，所以做 ...
其實我以前無大細B概念，都無諗過面試等問題，只係一路按自己諗既來湊，除左品行，都無特別教啲乜⋯⋯
直至上年我先生嘅一個朋友話佢個女考到“名校”，請佢分享下點可以考到好學校，使唔使去pg之類，佢話乜都無去，仲話“哎呀！你個女係細B，遲一年先讀書會好啲架，細B好蝕底，而且呢個年齡嘅小朋友差半歲就差好遠喇！”xxx⋯⋯我先知，原來我個女係屬於細b（佢個女3月）
到今年報學校時我先生都仲話平常心，反正細b都好難考而且慢人好多架，唔得就出年！去到學校發覺，原來真係慢好多⋯⋯但根據現場觀察➕而家咁多jms回覆，唔係因為“细b”问题咯⋯
所以相比做左好多research嘅你，我真係好唔稱職，直接影響左佢攞唔到心儀學校offer，當然，我諗我自己表現唔好都有影響，但如果小朋友表現好啲，學校收嘅機會都大好多
不過結果已經係咁，都唯有睇緣分最後去到邊間讀了，我會加油架喇，會積極啲對待呢個“細b”，多謝你地點醒我！
作者: 雅BB 時間: 16-11-28 01:15
Pancake1005 發表於 16-11-26 10:27
我個都係11月尾細b，我覺得番playgroup其中一個好處係同同齡小朋友比較下，大概知自己小朋友強弱項、性格能 ...
係呀！⋯⋯我就係之前一路無去pg又無同其他同齡小朋友比較過，所以一路大概咁覺得自己個女都算幾好，至少唔係差。但去到面試，有機會直接同同齡小朋友接觸，先發覺原來係差好多
我都無睇小過自己個女，只係經過一輪學校面試，我先反省原來自己做得唔好，譬如睇書我又係要反省⋯⋯因為我自己唔鍾意所以無同佢一齊睇過書，今日先第一次同佢一齊睇書咋，原來佢好鍾意！睇到唔肯訓覺添，不過睇嘅係繪本，無乜文字既，佢都係睇畫，haha。有咩書可以介紹？呢本今日已經睇完了，網購的，原來得幾頁⋯⋯
作者: 雅BB 時間: 16-11-28 01:27
Pat68 發表於 16-11-26 10:46
你有冇花時間多陪佢玩同教佢？我囡都係細B 11月底，但我從來唔俾藉口自己，我覺得囡囡不會俾大B差，只要用 ...
你講中左我最錯嘅地方⋯⋯我就係衰在以為“ 小朋友自己玩玩下會識”，但原來好多嘢唔係佢自己可以玩就會識的，譬如顏色數字大小形狀，無人講佢點會知，就算大大下會識，其實都係因為有人教⋯⋯
我真係成日都係俾佢自己玩，屋企都會有時陪下玩玩具，出到去就由佢周圍走，跑來跑去呀咁⋯⋯而家變左多啲參與同引導，希望儘量彌補喇⋯⋯
作者: 雅BB 時間: 16-11-28 01:35
ilmummy 發表於 16-11-26 10:54
樓主，你真的不必憂心！我個4月B ，算大B 吧，識好多數字英母，日日都系口水多過茶，咩都識講，但一樣有學 ...
但你呢個問題好似好過我少少⋯⋯我係衰在無教，你係有教而且小朋友識，只係面試時無反映出真實情況咋⋯⋯但可能小朋友唔鍾意面試模式或者其他原因呢？好難講⋯⋯
所以你唔使勞氣，我諗有經驗嘅老師係識觀察嘅，而且如果小朋友肯坐係度，都好呀，好多學校都會收。我個女係直接起身行開呀，難得坐低期間又做唔到task，我係好內疚！！不過內疚都無用，已成定局，唯有之後做好啲，你都加油，唔好嬲個仔呀
作者: 雅BB 時間: 16-11-28 01:48
kinkiking1129 發表於 16-11-26 12:11
我女係12月細B, 平時有教佢顏色, 形狀, A-Z, 1-10, 都係玩遊戲方式咁教, 佢都會一齊玩好開心, 咁就自然識晒 ...
係⋯⋯好多識嘅嘢老師問就係唔答，我女最直接係起身行開，去搵嘢玩
不過我之前真係完全無諗過顏色數字字母形狀呢啲問題⋯⋯因為教左幾次都唔識就諗住“等佢大啲先”“大大下會識”，所以只係教左啲比較日常嘅水果呀交通工具日常物品之類，仲有安全意識品行個啲，而家變左喇，真係好似樓上jm咁講，只要佢唔抗拒無厭煩情緒，有機會就教，乜都教一餐，有機會就玩下講下問下
作者: 雅BB 時間: 16-11-28 01:59
joey1219 發表於 16-11-26 13:33
我囡係11月尾細b ,佢識好多野， 1-10, a-z, 顏色，生果，動物，交通工具，認知冇問題，但就係唔肯句子表達 ...
係，其實我都明每個小朋友性格同發展情況都唔同，不過經過面試，見到其他小朋友情況加上呢個post啲jm回覆，證實我嘅擔心係真架⋯⋯其實真係我搵左個藉口俾自己，係真係自己做得唔夠好呀⋯⋯
無錯，如果小朋友有興趣，可能一學就識，無興趣或者接收慢啲嘅要學多幾次，對於後者，我之前嘅做法係試幾次唔得就let it go，但其實應該係要keep住有機會就繼續試的，可能換個形式佢又鍾意或者學得快啲呢。同埋我真係唔夠耐性去陪佢玩，不過呢幾日已經開始調整緊，心情都好返，我會俾心機架喇
作者: babemi 時間: 16-11-28 02:02
其實唔係為面試，真係唔會咁急教，你唔洗覺得自己錯，係香港社會風氣的錯
作者: 雅BB 時間: 16-11-28 02:06
Ctswa 發表於 16-11-26 14:48
我仔六月b，你講個d我仔都有，除左老師問問題，一係肯出聲，一係吾彩人。再加上我仔通常去d陌生地方見到同 ...
去到陌生地方見到同齡小朋友抓人？呢個會唔會係佢有過咩不愉快經歷，定只係小朋友階段性問題呢⋯⋯如果係持續性長時間，就可能真係要重點關注下，因為呢個好似真係行為問題，係我都會擔心呀
作者: 雅BB 時間: 16-11-28 02:09
貝珠 發表於 16-11-26 15:37
自理，禮貌，性格係最重要。學術，你可以教可以操，但唔識唔好太介意。
...
我介意嘅係驚錯過左最重要嘅打底時期，同內疚因之前做得唔好，導致佢面試時同人差一大截而攞唔到心儀學校offer
作者: Ctswa 時間: 16-11-28 09:13 標題: 回覆：雅BB 的帖子
提示: 作者被禁止或刪除 內容自動屏蔽
作者: ilmummy 時間: 16-11-29 11:59
回覆 雅BB 的帖子
又講返，我個仔真系除左八厭，其他都好好。思路清晰，總結聯想能力強，譬如幾個月前，佢見到個衫架，佢會話系“2”，呢個令我幾驚喜，事關完全冇人教過。再如，啱識行路時，佢行得遲，17個月先敢自己邁出第一步，佢就會一搖一搖自己擔凳子去比我坐住同佢沖凉，呢樣亦冇人教過，以前沖涼我地冇坐過凳（我估佢聽過我講媽咪蹲住沖涼好攰）。我講呢兩個例子，系想表達，相信叻過我嘅小朋友大有人在，但系小朋友性格系天生的，后天系不斷引導同修正。有時我想發脾氣時，我都會自己先諗一秒，停一停，儘可能唔會鬧佢，而系講道理。育兒系唔容易，家長的修煉亦系一門學問，我地共勉！
作者: babycatrina 時間: 16-11-29 12:30
ilmummy 發表於 16-11-29 11:59
回覆 雅BB 的帖子
又講返，我個仔真系除左八厭，其他都好好。思路清晰，總結聯想能力強，譬如幾個月前，佢 ...
作者: 雅BB 時間: 16-11-29 15:43
ilmummy 發表於 16-11-29 11:59
回覆 雅BB 的帖子
又講返，我個仔真系除左八厭，其他都好好。思路清晰，總結聯想能力強，譬如幾個月前，佢 ...
多謝你分享，係，每個小朋友都有優劣點，或者講相對性嘅“長短處”。
其實我開呢個post，正如我自己所講，係經過面試有機會同其他同齡小朋友近距離接觸對比，先發覺原來好多嘢係相差甚遠，呢啲係我以前無諗過的，因為我一路係放養式，而好多嘢我係試兩三次佢唔識就算，諗住時機未到，大大下自然會識，由佢喇。（但原來唔係，係要不斷keep住引導，只要俾心機陪同教佢會識的，而且現實係學校面試都有咁嘅需要）
反思呢個大細B問題，朋友係咁洗腦話細B係會慢啲，所以我變左好似小朋友唔識係因為佢係細B，好正常，但其實係大人問題。細B係藉口，其實係我呢個大人無俾足夠時間同精力好好教導，好內疚嘅係好多嘢慢左人好多，另外又間接令到佢無左心儀學校offer。
我一路以為日日係佢身邊就得喇，教下品行個啲就可以了，其他嘢慢慢會識。現實係比較在所難免，小朋友慢慢大個自己都會⋯⋯如果我令到佢慢左人好多，而導致入學後無自信心，同其他小朋友相處時俾人笑或者失去一啲機會，我會好自責，而到時想追係好難⋯⋯
ilmummy，譬如，你個仔幾個月前（即係我女咁大嘅時候），見到衫架識講2，係因為你教過佢數字，所謂聯想到其他嘢嘅基礎都係有概念。而我之前無教過，咁我個女就只係知道衫架，可以晾衫，無了。而你個仔應該仲知道咩顏色添⋯⋯
其實我從來無擔心甚至責怪我個女，因為我知道可能我個女有好多叻嘅地方但面試時反映唔到，我只係通過今次事件反思兼有內疚⋯⋯係我自己一路太想當然，作為全職媽媽，做嘅嘢仲遠遠未及好多在職媽媽。
Btw,你個仔真係好叻，歲半人仔已經知道體貼，所以係咪百厭呢？其實我覺得係面試呢家嘢唔係佢碟菜嘖。希望你地收到心儀學校offer➕遇到好老師識因材施教，咁對小朋友係最好
作者: 雅BB 時間: 16-11-29 15:46
可能係學講嘢階段，呢幾日，我發覺我女好鍾意玩，“白話xx，普通話xx，english xx”，haha問佢問題佢真係好認真咁諗，好得意
做落發覺正如jms所講：小朋友真係記性好過你，學嘢都快過你！！跟住落來，我會繼續有機會就教個女多啲嘢，只要佢唔抗拒無唔開心，我會乜都講下教下，都儘量落手落腳同佢一齊玩多啲。
作者: 雅BB 時間: 16-11-29 15:53
ilmummy 發表於 16-11-29 11:59
回覆 雅BB 的帖子
又講返，我個仔真系除左八厭，其他都好好。思路清晰，總結聯想能力強，譬如幾個月前，佢 ...
有樣嘢我仲係未改得到！就係你講嘅發脾氣前諗一諗，停一停，我覺得我EQ真係勁低！！就算我知道佢可能有原因或者係唔小心，我都根本停唔到，會即爆⋯⋯
好似今朝咁，佢拎住包脆谷樂，我叫佢擺返埋去唔好玩，佢唔聽，結果倒到成地都係，我離遠聽到聲已經即刻火滾，一路沖埋去一路大聲喝佢，仲打佢手板打到紅晒⋯⋯跟住罰佢望住啲脆谷樂企5分鐘
唉，我都知唔岩，事後都後悔。但事發個一刻真係控制唔到⋯⋯都唔知點算，有咩辦法可以改善！
作者: helenfu 時間: 16-11-29 16:05
緣份遊戲係唔關大細B事.
有小朋友答岩哂問題都收REJECT; 亦有小朋友全程喊哂都收OFFER.
作者: ilmummy 時間: 16-11-29 16:52
回覆 雅BB 的帖子
我想發脾氣時會走開一邊，深呼吸一下，平復下先，有時嬲到青筋都爆埋架，但冇辦法，我知道佢有時系專登咁樣做惹我，我越嬲佢越笑，小朋友都會見風使陀架。我個就系咁，我咪唔彩佢，佢見我冇反應就會停低氹返我，仲會話：我唔敢啦，媽咪唔好嬲啦，搞到我又好嬲又好笑。做父母，EQ 真系要高架，大家互相學習下，想呻就呻下，到仔女面前就儘量control ，比佢見到父母原來都成日有講有笑，對佢成長先最有利。
作者: Marine125 時間: 16-11-29 17:13
我小朋友九月出世，幼稚園收到九月底小朋友，所以三年黎一直係全班最細。當年的確係要跟足的，希望可以打好根基。
升到小學之後，真係好SURPRISE，老師話佢學野好快，雖然測驗考試都係七十幾分，但我地已經好欣賞。
漫漫長路，加油媽媽們
作者: kukarma 時間: 16-12-1 09:18
雅BB 發表於 16-11-29 15:43
多謝你分享，係，每個小朋友都有優劣點，或者講相對性嘅“長短處”。
其實我開呢個post，正如我自己所講 ...
唔好同人比較，咁樣自己好辛苦，人生長路漫漫，我覺得品德基礎最緊要，呢方面你已經做得好好。
作者: christy2011 時間: 16-12-1 18:12
回覆 lawboon 的帖子
可不可pm 邊間pg 歲半可以自己上？
作者: ballball1011 時間: 16-12-3 12:05
kukarma 發表於 16-12-1 09:18
唔好同人比較，咁樣自己好辛苦，人生長路漫漫，我覺得品德基礎最緊要，呢方面你已經做得好好。
...
| 歡迎光臨 教育王國 (/) |
Powered by Discuz! X1.5 |