教育王國
標題: 好補習老師，可遇不可求 (有點長) [打印本頁]
作者: Iloveoldseafood 時間: 16-11-24 17:43 標題: 好補習老師，可遇不可求 (有點長)
本帖最後由 Iloveoldseafood 於 16-11-24 17:44 編輯
(謝絕廣告)
兒子小一時就讀英小，由於英文科教深一年，下學期經網站中介找到一位恒生3年級哥哥補習。
佢是小兒第一位1:1導師，我幼時只在補習社補習，不知道上門補習情況，佢一坐低就如熟手技工一樣，懂得如何教小兒，如何找小兒的弱點，有耐性盡責，超時都唔起身，總之第一堂已令我和老公好滿意，還不定時預備教材，可惜他只教到小兒小一期終試，需要預備4年級畢業，我也打算新學年加人工俾佢，佢點都唔肯繼續教，無論我喊晒幾乎下跪也唔肯，佢都好盡責，搵到暑期工後，每日放工都趕來，直到小兒考完大考。
到了小二，找了第二位哥哥，佢自稱有經驗，來到卻不懂發掘弱點，臨夠鐘竟在座位發呆望住小兒等夠鐘，佢當然冇第二次補習了。
其後搬屋轉校，有感小兒資質平庸，為他選中小，有段時間我教到，暫不補習。
今年小三，第三位哥哥出場，第一日，佢問我教乜?我好奇怪有此一問，第一位恒生哥哥是不會咁問!
我就是英文差教唔到，我識摸英文弱點，就不需你來啦?
然後每次我/家人行過，不論入鄰房/去廁所/裝杯水飲下，有時真是純粹行過，佢總會超過90度角望出來(補習地點在睡房內，冇關門，我和家人已除鞋無聲)，如果佢專心教小兒，又點會知道有人行過?
佢教小兒聲線好細，幾乎聽不到，如果佢正常咁教不偷懶，又怕乜被人望?1.5小時內，行過好難避免吧?
以前舊屋冇房，恒生哥哥從不會望，好投入地教。
自問已不似姑奶家有4睡房，仍安排在大廳補習，我也是打工仔，將心比己亦不喜歡被人望住做野。
其後，我發現有不少默書，及罰抄，每個錯字罰抄5~10個不等，付錢罰抄?不是吧?
我明白好難遇到第二個恒生哥哥，總不會這樣補習嘛?罰抄可以交給我嘛!
還有一樣，佢問我借字典機/字典找生字教小兒，恒生哥哥從來無問我借，佢不是應知道，什麼年級學什麼生字嗎?
現在，第四位哥哥了，暫時睇佢有些恒生哥哥影子，希望不用再換人吧!
作者: brother4 時間: 16-11-24 18:44 標題: 回覆：好補習老師，可遇不可求 (有點長)
先自己是家長，其實4位補習老師都OK，好看家長同老師開始前有冇溝通好，孩子們請過連自己數不清補習老師，咁多年得一個最好，好原因亞大平時小學6x分，佢教完後呈分有8x分，可惜和你一樣，冇時間教因大學畢業，現做學校老師太忙了!
老師見亞大底差，上堂教/做番前一年課程，有番信心，慢慢加深，另亞大有學習障外 ，老師都攪得掂
，真係寫得服 字。
作者: chrischeung 時間: 16-11-25 08:32
本帖最後由 chrischeung 於 16-11-25 08:34 編輯
回覆 Iloveoldseafood 的帖子
我大仔已中二，由細到而家一換補習就煩，真的有心又教得好很少呢，還要專科專補，見有些補習求其，有個好經典，連中一數學也不懂郤教數，亞仔問他測驗改正，他叫亞仔諗了一堂也不答，
有個上堂玩電話
有個不停鬧足三個鐘....
真心覺得教得好也有几個，有個而家還教緊，現在試緊個英文，這二堂我也非常滿意只可借她冇時間比多一堂我細仔上，一句講哂搵補習要撞，家長亦要留意老師有冇教錯和進度。
作者: IloveJJ 時間: 16-11-25 09:35 標題: 回覆樓主:
提示: 作者被禁止或刪除 內容自動屏蔽
作者: 每日媽媽 時間: 16-11-25 18:41
Iloveoldseafood 發表於 16-11-24 17:43 
(謝絕廣告)
同意，好老師難求!
順便問下你係從咩途徑找老師呢？
試過有個之前已在電話講過小朋友的弱項，點知上幾堂都只是問有冇默書，跟著同佢溫默書，咁我駛咩叫佢補，我自己温都得啦!
另一個上堂時又同我小朋友寫紙仔傾計，跟住常常話唔舒服，嚟唔到。
仲有個更經典，鍾意上堂時俾限時30至45分鐘嘅練習小朋友做，跟住自己攞部手機出嚟玩，見我經過先收一收機，跟住冇耐又再攞出嚟玩，我心諗一堂的時間只是一個半小時，但也不能全心全意地教我小朋友，現在真是好難找到好老師!
作者: Iloveoldseafood 時間: 16-11-26 11:41
每日媽媽 發表於 16-11-25 18:41
同意，好老師難求!
順便問下你係從咩途徑找老師呢？
你話有個問有冇默書?
好似第3個哥哥，係咪同一人?
中介話佢港島某英中名校畢業，又話佢有經驗，屈我每小時付多10元，結果沒有自備教材，只懂罰抄，睇住小兒做練習，自己揭其他書扮野，最鍾意問有冇默書，中文都問，中默我都識啦!
中文是教寫作技巧，老實講，我地畢業多年，細微野會忘記，中文生字點會忘記?我地自己都默到啦!
作者: teddybear414 時間: 16-11-27 02:25
每日媽媽 發表於 16-11-25 18:41
同意，好老師難求!
順便問下你係從咩途徑找老師呢？
我大仔小一時都有搵過上門補習，我承認當時嘅佢係好古惑，由第二堂開始知道個miss好蝦，已經開始耍花招，唔做呢樣唔做果樣，miss都由得佢，搞到全堂都只係係度俾我個仔耍，一係就只係教數（大前提係我一開始講明主要係補中同英文）。。我諗大約兩星期，我轉咗第二個，第二個ar sir仲死，貴都算...一味只係鬧，鬧到我係隔離房都聽到==，個仔最後一聽到要補習就發哂脾氣。。最後轉多個上門，叫好少少，不過都係補咗一個學期，最後自己跟返
到小二就經其他媽媽介紹，踢咗大仔去補習社到而家
作者: laabc 時間: 16-12-15 03:19
Iloveoldseafood 發表於 16-11-24 17:43
(謝絕廣告)
我小朋友真係好彩，我哋遇到你所謂既第一位恆生哥哥，可惜他現在的時間完全夾唔到。由小囡好憎數學，憎到寧願冇iPad 睇都唔想溫數學到現在主動叫我考下佢數，實在magical.
對我而言，好老師已經係小囡既貴人了。可惜....
作者: 十蚊靚菜 時間: 16-12-29 23:30
Iloveoldseafood 發表於 16-11-24 17:43
(謝絕廣告)
其實咩叫恆生哥哥
作者: huba 時間: 16-12-30 03:27
十蚊靚菜 發表於 16-12-29 23:30
其實咩叫恆生哥哥
相信是指恒管的學生
http://www.hsmc.edu.hk/index.php/hk/about-hsmc
作者: ANNAFRIEND 時間: 16-12-30 21:21
我未試過上門的補習老師，我都想找，因為小朋友好快升中，上門慳好多時間，但我知上門難找，所以暫時都唔考慮
作者: tsosc 時間: 17-1-1 12:07
提示: 該帖被管理員或版主屏蔽
作者: py84ko 時間: 17-1-2 01:06 標題: 回覆樓主:
所以我從來唔會揾在學嘅補習老師。寧願搵全職補習老師。
作者: Mbaby 時間: 17-1-2 22:58
py84ko 發表於 17-1-2 01:06
所以我從來唔會揾在學嘅補習老師。寧願搵全職補習老師。
請介紹，謝謝！
作者: py84ko 時間: 17-1-2 23:09
Mbaby 發表於 17-1-2 22:58
請介紹，謝謝！
你係邊區？
作者: CathyChan1126 時間: 17-1-7 17:34
py84ko 發表於 17-1-2 01:06
所以我從來唔會揾在學嘅補習老師。寧願搵全職補習老師。
無錯，我都係，
全職補習好好多
起碼有心，有時間同我跟，
一到考試就知道要加時
唔會放飛機
作者: py84ko 時間: 17-1-7 17:42
CathyChan1126 發表於 17-1-7 17:34
無錯，我都係，
全職補習好好多
起碼有心，有時間同我跟，
同意！在學補習老師會因為趕Project, 趕功課……等甩堂。你小朋友考試時而佢又考試。所以唔會搵在學補習老師。
全職補習老師就沒有這問題出現，收費可能貴D，但却被免咗以上風險！
作者: Ah_B 時間: 17-2-11 23:37
請問如何可以找到在職的補習老師呢？我住荃灣區都想幫亞仔找返到
作者: jenny10 時間: 17-2-12 02:06
我都想知點搵在職補習老師，謝謝！
作者: sukifong311 時間: 17-2-12 19:38
提示: 作者被禁止或刪除 內容自動屏蔽
作者: Iloveoldseafood 時間: 17-3-6 23:32
十蚊靚菜 發表於 16-12-29 23:30
其實咩叫恆生哥哥
作者: Iloveoldseafood 時間: 17-3-6 23:50
激死!第4個雖不及首位恒生哥哥咁好，人冇10全10美算啦!
點知1月中佢話離港2星期，我以為佢有事，到2月更差，經常話唔得閒，可否改1,3,5?
我明明一早同中介講，星期2,4必須到，1,3,5學校補課不用到，小朋友好辛苦，我講好多次，佢近排次次問1,3或4,5得唔得?
問佢咩事咁忙?佢答參加學校話劇，你參加冇問題，唔好影響小朋友補習先得架!大佬!
睇佢行為似去了第2個小朋友度補習，唔緊要，我冇權阻止，但我一早搵佢先，約好逢2,4，佢應該叫第2個小朋友就佢!咁對我好唔公平!
佢又成日推我，又話睇下就唔就到?
我真係越講越慶!
同埋佢第一日來，即去年11月時候，我已同佢講，考試時要來多D，點知由2月開始，鍾意來唔鍾意又唔來，今個星期只來一日咁大把!
我洗鬼搵佢?叫我細佬幫手溫英文都得啦!
我細佬在我家附近返工，佢工作幾忙都好，今個星期收工一定抽到1.5小時上來，只是好難經常每週抽幾日上來，先至焗搵補習咋!
作者: Iloveoldseafood 時間: 17-3-6 23:54
py84ko 發表於 17-1-2 01:06
所以我從來唔會揾在學嘅補習老師。寧願搵全職補習老師。
而我住香港區，好煩，好似冇人住附近咁，個個都鍾意去九龍新界補習.
作者: py84ko 時間: 17-3-7 01:44
Iloveoldseafood 發表於 17-3-6 23:54
但是如何知道對方是真正全職補習?不是質疑你，只擔心被人呃，佢點證明自己?
而我住香港區，好煩，好似冇人 ...
你這是一個好問題，我所找的全職老師多是家長介绍及推介，因佢地小朋友已是補了一段時間，家長覺得好才會真心推介比我，而這些補習老師亦有一定數量的固定學生。
作者: Mommy-Maggie 時間: 17-3-7 15:22
我估大家作為家長的要求也是差不多。。。
希望補習老師能補底，改善現有不足，從而提升成績。。。希望解決平日功課難題之餘，又能提供額外類似練習以鞏固知識。。。老實講，真的不容易搵。我決定自己教，但我無乜耐性，容易扯火，睇下可以做幾耐。。大家也加油
作者: jy0022 時間: 17-3-30 23:33
請問你地係邊到找上門補習？
作者: 18號 時間: 17-4-28 01:05
jy0022 發表於 17-3-30 23:33
請問你地係邊到找上門補習？
朋友介紹，唔會搵中介，3唔識7比人上屋企咁危險
作者: CrabPincers 時間: 17-4-28 07:41
我女由小學開始補英文，依家讀大學，呀仔都有補，同一個全職補習老師（不好問我拿資料，不會做介紹），上堂時，會比自制的練習佢地做，每星期有功課，下堂改,錯左會教返，我見有時上完堂有本字典在隔離，拿字典不是比老師查，而是老師要我仔查，所以想講，借字典未必是老師用
可能我女由細到大都知道幫人補習要prepare ex, 佢依家幫人補都有prepare定功課，不過好老實，佢讀果科功課都忙，佢考試時都試過停學生堂，比著是你，都會顧住自己學業先，請得大學生都要負左有呢d情況，除非個學生讀的是一d功課不多的閒課
作者: 1998Ruby1998 時間: 17-4-28 08:47
回覆 CrabPincers 的帖子
我同小朋友補習都要佢地有本字典係檯，因為我知道如果我講個解釋，佢地未必聽緊，但係要佢地自己查，就冇得唔畀少少心機。
不過因為個個學生唔同程度，我要成日 keep 住本簿仔，記低佢地今日做邊份練習，有咩功課等等，有時候太忙真係抽身唔到，尤其係住得遠嘅學生。有時候真係好對唔住佢地，住得遠唔係佢地錯，只能夠怪自己分身不暇。我試過有個學生住天水圍，我搭車要 1.5 鐘去佢到，所以之後忙就冇同佢補習。
| 歡迎光臨 教育王國 (/) |
Powered by Discuz! X1.5 |