教育王國
標題: interview後之意外收穫，你有無同感(長篇㗎，但真心分享） [打印本頁]
作者: alanjordan 時間: 16-11-22 16:00 標題: interview後之意外收穫，你有無同感(長篇㗎，但真心分享）
早2星期已in咗2間，囡囡表現唔錯，佢仲剛退燒，起到身去已好好彩，雖然佢推跌咗D積木，但我會體諒佢，剛過去的星期六，日也有interview，不過有2間無去，因為唔想佢太辛苦，星期六6個小朋友group in，而坐在囡囡側邊的男仔極度活躍又搶玩具又搞佢條裙，老師講故事時又不停大聲叫嚷，連佢爸爸都只顧好大聲咁安撫佢仔，完全無理會影響到其他同佢一齊圍圈考緊的小朋友同家長，我都覺得嘈到聽唔到老師講緊乜，而我囡中段開始忍唔住有D分心喇，個爸爸又俾支hand cream 個仔玩當安撫，點知揤到一地都係，而呢個男仔右邊隔離的細B考生，有樣學樣周圍走，我們其他幾個家長都好無奈個男仔影響哂成group小朋友的情緒，當然那小朋友自己都唔想，但那爸爸宜控制一下，佢自己都咁大聲咁個仔咪跟佢學；星期日in那間，老師好嚴肅，我從來無見過我囡會咁緊張，老師叫佢攞D食得的玩具出來，佢攞啱哂，老師問食唔食得㗎，佢答咗玩具，其實係因為我一向都教佢呢D係玩具唔食得㗎，係假㗎，所以佢嗰刻就提老師係玩具唔食得落肚㗎，不過我估老師的model answer係要答食得，而且有條問題佢唔肯定答案(其實佢識㗎），我坐佢側邊，但佢無依賴問我，反而自己思考再嘗試去答老師（當日沿途行入去時都見到比較多小朋友in到中途或之後喊，因為對答問題偏多同老師比較嚴肅）
經過呢幾次interview ，我發覺好多突發情況，病啦，其他小朋友影響啦，或者答案是否世俗公式標準啦，但我從中欣賞原來我女都好淡定，幾獨立同勇敢，呢D就平時未必日常生活咁容易表現到，反而interview時流露咗出來，所以就算得唔到呢D學校offer我都平常心，因為太多因素會影響入學狀況，而且我亦係百冇人士，所以我已經當咗D interview係兒童身心評估，當中最令我感動係interview過程中我見到佢長大咗不少，呢點係今次interview的意外收獲
作者: kitty0204 時間: 16-11-22 16:21
我好明白你既感受, 因為上星期同阿囡interview 又係遇同班房既其他小朋友向度喊,向度叫, 因為環境太嘈, 我向阿囡隔黎其實嘈到唔係太聽到老師問阿囡D乜,不過就見到阿囡好專注甘同老師一問一答, 過程好順利, 阿囡亦都無理會果個好嘈既小朋友, 無受佢影響, 果刻我真係好欣賞阿囡, 佢真係大個女啦!
結果無論如何, 佢都係我心目中既NO. 1
作者: alanjordan 時間: 16-11-22 16:25
kitty0204 發表於 16-11-22 16:21 
我好明白你既感受, 因為上星期同阿囡interview 又係遇同班房既其他小朋友向度喊,向度叫, 因為環境太嘈, 我 ...
無錯，就是呢種感覺，我有一刻感動到想喊，因為連我自己都覺得好受影響，聽唔到老師問乜，但囡囡都仲繼續堅持去聽，去答，我已經心目中當贏
作者: kippykippy 時間: 16-11-22 16:36
alanjordan 發表於 16-11-22 16:00
早2星期已in咗2間，囡囡表現唔錯，佢仲剛退燒，起到身去已好好彩，雖然佢推跌咗D積木，但我會體諒佢，剛過 ...
作者: alanjordan 時間: 16-11-22 16:43
kippykippy 發表於 16-11-22 16:36
我有同感。另我都幾唔LIKE個D 堅持MODEL ANSWER 的老師。 我認為, 你IN 緊我小朋友的同時, 我都IN緊呢D老師 ...
我老公怕我唔開心，佢安慰我，話囡囡其實嚴格上係無錯，因為玩具唔食得落肚係通識，只是學校唔會接受呢D答案，我其實都無唔開心，仲覺得囡囡好好心地提個老師唔好呑落肚，我覺得佢都做到活學活用，咁細個來說已好安慰㗎喇
作者: edniebridge 時間: 16-11-22 17:34
千其唔好當係兒童身心評估，因為大部分的過程都唔多人性化。
作者: Chan343 時間: 16-11-22 17:45
kippykippy 發表於 16-11-22 16:36
我有同感。另我都幾唔LIKE個D 堅持MODEL ANSWER 的老師。 我認為, 你IN 緊我小朋友的同時, 我都IN緊呢D老師 ...
Agree, 我in 某學校時問小朋友圖中女孩拎住咩，咁啱角度問題小朋友答了另一樣野，老師話「呀！都幾似喎」 ，我即刻覺得這老師不錯，唔會用大人model answer去糾正小朋友
作者: alanjordan 時間: 16-11-22 18:08
edniebridge 發表於 16-11-22 17:34
千其唔好當係兒童身心評估，因為大部分的過程都唔多人性化。
係，對於一個咁細的小朋友又真係幾唔人道
作者: alanjordan 時間: 16-11-22 18:11
Chan343 發表於 16-11-22 17:45
Agree, 我in 某學校時問小朋友圖中女孩拎住咩，咁啱角度問題小朋友答了另一樣野，老師話「呀！都幾似喎」 ...
有時老師都會變得好公式化，機械式，所以當小朋友答咗其他答案就一口已否定咗，小朋友可能無乜嘢因仲細唔識，但大人會有種挫敗感
作者: penguin8 時間: 16-11-22 18:39 標題: 引用：Quote:kippykippy+發表於+16-11-22+16:36+
提示: 作者被禁止或刪除 內容自動屏蔽
作者: alanjordan 時間: 16-11-22 18:47
penguin8 發表於 16-11-22 18:39
老師都係叫佢玩“扮食”而已，相信大部分去in的小朋友都吾會真係放入口。
咁老師見你囡咁答有乜回應？
阿囡按老師指示拎咗D食物玩具俾佢，老師問食唔食得㗎，咁佢答咗玩具，老師當然覺得有點愕然，可能我平時教錯咗佢，唔應該教佢呢D係玩具，要教佢呢D係食得㗎咁先迎合到市場須要
作者: penguin8 時間: 16-11-22 18:54 標題: 引用：Quote:penguin8+發表於+16-11-22+18:39+
老
提示: 作者被禁止或刪除 內容自動屏蔽
作者: alanjordan 時間: 16-11-22 19:05
penguin8 發表於 16-11-22 18:54
如你囡講埋點解吾食得就更好。
咁老師冇問點解吾食得？
因為老師已經當咗係錯，咁當然無問
算啦，我唔覺得佢咁答有錯嘅，只是唔係一般的model answer，無計
作者: busydaddy 時間: 16-11-22 19:24
alanjordan 發表於 16-11-22 19:05
因為老師已經當咗係錯，咁當然無問算啦，我唔覺得佢咁答有錯嘅，只是唔係一般的model answer，無 ...
其實係老師話錯？定係你估老師覺得錯？
有時候不要小看老師，他們每天對孩子比我們經驗豐富。沒有表達出來不代表他不接受孩子的答案
作者: alanjordan 時間: 16-11-22 19:28
busydaddy 發表於 16-11-22 19:24
其實係老師話錯？定係你估老師覺得錯？
有時候不要小看老師，他們每天對孩子比我們經驗豐富。沒有表達出 ...
會feel到同見到老師表情，不過點都好，好多謝你安慰，一條問題亦未必一定會死嘅，好多因素影響，所以我反而見到囡囡另外的一面，都好開心同欣慰
作者: busydaddy 時間: 16-11-22 19:45
alanjordan 發表於 16-11-22 19:28
會feel到同見到老師表情，不過點都好，好多謝你安慰，一條問題亦未必一定會死嘅，好多因素影響，所以我反 ...
不要胡思亂想，可能老師是突然發現孩子有新的答案而不及反應吧
而且我見好多人問為什麼做晒唔收，做唔晒收。其實有時候可能重要的不是結果，而是過程。
孩子不懂是有什麼反應，家長有什麼反應也是一部份吧
作者: khsheh 時間: 16-11-22 19:48 標題: aaaa
本帖最後由 khsheh 於 16-11-22 19:53 編輯
aaaa
作者: alanjordan 時間: 16-11-22 20:08
khsheh 發表於 16-11-22 19:48
aaaa
我唔係唔鍾意個男仔的行為，小朋友自己都仲細唔識control，而是唔鍾意個爸爸的行為呀，因為佢完全無理其他同様interview緊的小朋友同家長，只是好大聲咁安撫個仔，嚴格來說，佢咁大聲只會嚇到個男仔同其他小朋友，但無奈點様形式interview，我們做家長無得揀，可能正如你所講，可以校方慳返好多時間，每次六個咁in，但我們只能去參加，再講，我滿意我囡的表現並不是你所認為在interview中做唔做到或者答唔答到，而且在老師眼中佢答錯，而是我從今次interview見到佢獨立咗，同埋就算遇到突發情況都可以冷靜，雖然最後都有D分心，至於你講嗰幾間我就無去，算啦，好似有D媽媽講，做到答啱又未必收，我又唔係舊生又無宗教，收就當聖誕節禮物啦，百無人士唔收就預咗，我都唔去多諗喇
作者: yanpiglet 時間: 16-11-22 22:34 標題: 引用：Quote:kippykippy+發表於+16-11-22+16:36+
原帖由 alanjordan 於 16-11-22 發表
我老公怕我唔開心，佢安慰我，話囡囡其實嚴格上係無錯，因為玩具唔食得落肚係通識，只是學校唔會接受呢D答 ...
學校收生準則無法猜測，但我覺得你小朋友表現已經好好，靜待12月拆禮物吧😊
作者: alanjordan 時間: 16-11-22 22:50
yanpiglet 發表於 16-11-22 22:34
可能你小朋友咁答亦會係老師mark分既範圍內。
學校收生準則無法猜測，但我覺得你小朋友表現已經好好，靜待1 ...
拆禮物就最好啦，拆炸彈就慘
作者: yanpiglet 時間: 16-11-23 00:17 標題: 引用：Quote:yanpiglet+發表於+16-11-22+22:34+
原帖由 alanjordan 於 16-11-22 發表
拆禮物就最好啦，拆炸彈就慘
點都好，到時大家報喜啦～
有1間最快下星期六知結果💀
作者: alanjordan 時間: 16-11-23 09:25
yanpiglet 發表於 16-11-23 00:17
我都好緊張，雖則平常心但又好難冇期望。
點都好，到時大家報喜啦～
咁快知？我嗰D要12月
作者: kitty0204 時間: 16-11-23 10:50
alanjordan 發表於 16-11-22 20:08
我唔係唔鍾意個男仔的行為，小朋友自己都仲細唔識control，而是唔鍾意個爸爸的行為呀，因為佢完全無理其他 ...
你in得, 即係想讀果間學校, 都擔心自己小朋友會因為人地嘈同喊而受影響,
我相信無幾多個家長好鐘意向喊同嘈既環境下in 吧!
當然明白小朋友會有鬧情緒既時候啦, 因為我地都有小朋友.
當大人都覺得受影響既時候,小朋友竟然處變不驚,其實都幾surprise
作者: alanjordan 時間: 16-11-23 10:56
kitty0204 發表於 16-11-23 10:50
老實講, 我好怕小朋友向interview 係甘喊係甘嘈,
你in得, 即係想讀果間學校, 都擔心自己小朋友會因為人地 ...
所以我囡當日都仍可坐定繼續聽老師講，只是中途真是嘈得太緊要而分咗神一段短時間，我都算不幸中之大幸，但其實當日我係捨棄咗其餘2間而專登去集中考呢間㗎，點知又遇到D咁的事，真是唔好彩
作者: kitty0204 時間: 16-11-23 11:08
alanjordan 發表於 16-11-23 10:56
所以我囡當日都仍可坐定繼續聽老師講，只是中途真是嘈得太緊要而分咗神一段短時間，我都算不幸中之大幸， ...
作者: alanjordan 時間: 16-11-23 11:13
kitty0204 發表於 16-11-23 11:08
老師一定會明白! 只係分左神短時間已經好叻,好專注!
我覺得我的專注力仲差過囡囡，可能見到撞正咁的情況，心(emoji)面有D擔心啦，又加上個爸爸的處理手法同態度，令我心(emoji)面燥燥地又唔話得佢，老師又stop唔到個爸爸，全部人陪佢硬食
作者: kitty0204 時間: 16-11-23 11:21
alanjordan 發表於 16-11-23 11:13
我覺得我的專注力仲差過囡囡，可能見到撞正咁的情況，心(emoji)面有D擔心啦，又加上個爸爸的處理手法同態 ...
心諗, 快D抱佢走啦唔該, HAHA!
作者: alanjordan 時間: 16-11-23 11:27
kitty0204 發表於 16-11-23 11:21
Exactly same feeling!
心諗, 快D抱佢走啦唔該, HAHA!
佢無抱走到呀，但又任佢走開，仲由佢搞埋小朋友同老師，其實都同in唔到已經無乜分別，所以我先至覺得個爸爸想我們其他成group小朋友陪佢個仔一齊in唔到，俗語D講即係欖炒
作者: chaucrystal 時間: 16-11-23 13:29 標題: 回覆：interview後之意外收穫，你有無同感(長篇㗎，但真心分享）
我女上次interview考顏色，其實佢識晒，佢甚至連灰色、啡色、肉色、深/淺綠色、深/淺藍色都識。老師攞咗六隻衣夾出唻，每隻都貼咗唔同顏色嘅圓形，逐隻問佢，點知問到紫色時，我女竟然答粉紅色，我都打咗個突，當然老師即時糾正佢係紫色啦。但事實係，貼住紫色嗰隻衣夾係粉紅色，阿女又唔識解釋，我做阿媽嘅又唔可以出聲，唯有在旁默默嘆息！
作者: wwchuifamily 時間: 16-11-23 13:37
真係要俾個叻你囡囡!咁高集中能力對讀書溫習好有幫助~
不過小朋友喊真係控制唔到.
我囝囝in第一間嗰陣隔3個位有個妹妹未瞓醒全程喊同叫婆婆抱,婆婆又好緊張驚抱會扣分所以迫妹妹自己坐.我個囝係天生八卦嗰類結果group interview全程剩係望住妹妹,所有唱歌跳舞動作都無做.後來individual玩玩具佢走去俾咗自己袋入面包餅個妹妹,之後先埋位玩lego.本身覺得都唔會收(因同場有幾個超人小朋友咩都做到),最後...竟然有offer...
所以真係唔好低估幼稚園老師,佢哋一年見咁多小朋友,一定知道想收/教邊啲~
媽媽加油!祝囡囡有好offer!!!
作者: alanjordan 時間: 16-11-23 13:46
wwchuifamily 發表於 16-11-23 13:37
真係要俾個叻你囡囡!咁高集中能力對讀書溫習好有幫助~
不過小朋友喊真係控制唔到.
希望老師能夠好似包大人咁，明察秋毫，不過我覺得你小朋友好叻呀，識得去氹個妹妹，呢個就是加分位，老師見到會有好感，反而我嗰日個囡被個男仔搞佢條裙，我幾驚會整喊佢，因為我囡好貪靚㗎
作者: timothy_mto 時間: 16-11-23 13:53
當你去過SC PN INTW, 你就知咩叫唔人道
作者: alanjordan 時間: 16-11-23 13:56
timothy_mto 發表於 16-11-23 13:53
當你去過SC PN INTW, 你就知咩叫唔人道
SC，是St Cat?你有咩事發生呀，可以分享吓嗎
作者: yanpiglet 時間: 16-11-23 14:07 標題: 引用：Quote:yanpiglet+發表於+16-11-23+00:17+
原帖由 alanjordan 於 16-11-23 發表
咁快知？我嗰D要12月
作者: alanjordan 時間: 16-11-23 14:11
yanpiglet 發表於 16-11-23 14:07
下星期六就12月3喇，其實咁多間得佢最快知，其他都要十幾廿幾號先知。💀
...
希望可以提早拆聖誕禮物
作者: timothy_mto 時間: 16-11-23 14:15
SC 嘅pn intw, 分3方面
1. 難度同in K1差不多, 試想想小朋友in PN,年紀可以有幾大?佢咁SET當然係校方自由,但我質疑個合理性,同相稱性囉
2. 面試安排:平均每個applicant安排等候1小時以上, 小朋友得個歲幾兩歲, 我想像唔到佢連time/resource management都做唔好, 點樣去管理學生事務
3. 老師態度: 好明顯佢地面試時,係家長面前都黑面, 如果小朋友係個度讀(無家長陪同下), 你估會係咩情況
利申: 上年SC pn面試考生(落第), 今年直情唔報
我唔明, 當我學識淺薄, C 係一個偉人定係聖經人物? 請問是否可以係前面加個S(聖).
不喜勿插, 自行衡量
作者: szeti 時間: 16-11-23 14:20
我報咗幾間, 都係想知佢喺陌生地方行為係點, 結果都係運氣, 如果老師學校因為小朋友答唔到MODEL ANS皺眉, 唔收, 我無所謂, 呢啲學校教唔到小朋友思考, 宏觀看事物, 愛心極亦有限, 完成面試後我會回去同佢回顧, 重新教佢認識問題.
作者: alanjordan 時間: 16-11-23 14:30
timothy_mto 發表於 16-11-23 14:15
SC 嘅pn intw, 分3方面
1. 難度同in K1差不多, 試想想小朋友in PN,年紀可以有幾大?佢咁SET當然係校方自由, ...
我上年無考SC pn，因為我係細B，所以都算數，今年就有考，不過點解考pn會同K1考差唔多嘅？佢點考呀，都唔同form
作者: kitty0204 時間: 16-11-23 14:33
szeti 發表於 16-11-23 14:20
我報咗幾間, 都係想知佢喺陌生地方行為係點, 結果都係運氣, 如果老師學校因為小朋友答唔到MODEL ANS皺眉, ...
唔會再諗返, 亦都唔會問返小朋友,
怕無形中俾壓力佢
作者: alanjordan 時間: 16-11-23 14:33
szeti 發表於 16-11-23 14:20
我報咗幾間, 都係想知佢喺陌生地方行為係點, 結果都係運氣, 如果老師學校因為小朋友答唔到MODEL ANS皺眉, ...
係呀，經過今次interview，我覺得囡囡都0k呀，只是跟老師的角度標準唔同，但唔代表佢錯，每人睇法或諗嘅嘢都唔同，我無唔開心，只是我老公擔心我唔開心
作者: penguin8 時間: 16-11-23 14:56 標題: 引用：SC+嘅pn+intw,+分3方面1.+難度同in+K1差不
提示: 作者被禁止或刪除 內容自動屏蔽
作者: alanjordan 時間: 16-11-23 14:59
chaucrystal 發表於 16-11-23 13:29
我女上次interview考顏色，其實佢識晒，佢甚至連灰色、啡色、肉色、深/淺綠色、深/淺藍色都識。老師攞咗六 ...
我全程都無出聲呀，因為唔同in pn，K1如果家長太多參與會感覺唔獨立，所以我讓囡囡自己去面對，而我感到驚訝的是原來佢真是可以自己去勇敢面對，無害怕，亦無望住我要我幫佢，我明白答啱老師固然好，但如果係家長不斷提水或協助而答啱，咁又好似老師唔鍾意，所以我選擇讓佢自己諗，就算答錯都無緊要，仲咁細，大把嘢會唔識，有排學
作者: alanjordan 時間: 16-11-23 15:03
penguin8 發表於 16-11-23 14:56
點解老師黑面呢？
可能好多考生，in到攰所以黑面
作者: CP301 時間: 16-11-23 15:55
alanjordan 發表於 16-11-22 16:00
早2星期已in咗2間，囡囡表現唔錯，佢仲剛退燒，起到身去已好好彩，雖然佢推跌咗D積木，但我會體諒佢，剛過 ...
好有同感，我囡囡in PN,考入型狀，我覺得學校刻意細型狀入大洞，亞囡想將圓形入三角形，入到一半，佢停一停，將圓形入番圓形洞，我真係要忍住淚水，好感動，覺得佢大個女，依家再提番都眼濕濕
作者: alanjordan 時間: 16-11-23 16:08
CP301 發表於 16-11-23 15:55
好有同感，我囡囡in PN,考入型狀，我覺得學校刻意細型狀入大洞，亞囡想將圓形入三角形，入到一半，佢停一 ...
好叻叻呀，証明佢係思考過，諗過，亦都敢去嘗試，所以我點解今次會咁感觸，寫咁大篇嘢去分享一下interview的感受，而唔係講考咗咩或者有幾難考，我係見到佢成長咗，係今次interview最有感覺的地方
作者: CP301 時間: 16-11-23 16:21
alanjordan 發表於 16-11-23 16:08
好叻叻呀，証明佢係思考過，諗過，亦都敢去嘗試，所以我點解今次會咁感觸，寫咁大篇嘢去分享一下interview ...
我地真係唔可以睇少小朋友(emoji)
作者: vpo0615 時間: 16-11-23 16:26
小朋友鬧情緒而家長控制唔到, 結果影響埋隔離左右嘅小朋友, 我相信好多家長都遇過; 有D情況係有D家長專登做D小動作影響其他小朋友, 務求令到其他小朋友FAIL, 提升自己小朋友成功嘅機會!
作者: chaucrystal 時間: 16-11-23 16:28 標題: 回覆：alanjordan 的帖子
我女上年係細B，剛剛11月pn開課一星期，放學就即刻飛的去靈糧堂參加第一個K1面試，結果佢一見到個課室就好抗拒，爆喊要走，幾經辛苦安撫到佢冇喊，但表現都好差。但係佢越戰越勇，返咗pn三星期左右就去in聖提女幼，雖然大家都覺得聖提最難，但我反而覺得佢in得最好係聖提，當下見到佢咁叻叻，老師問問題，佢快而準咁全部回答晒，我都好感動。
作者: alanjordan 時間: 16-11-23 16:38
vpo0615 發表於 16-11-23 16:26
小朋友鬧情緒而家長控制唔到, 結果影響埋隔離左右嘅小朋友, 我相信好多家長都遇過; 有D情況係有D家長專登做 ...
而今次遇到情況，正正是你講後者嗰種，真是第一次遇到，其實我估個爸爸起初都真是想安撫個仔，但可能佢個仔的表現令佢都覺得無望，所以後來都好似唔係安撫，只是好大聲咁不停在老師面前講「阿仔好叻呀」，「阿仔乖喇」，「阿仔，你平時識㗎」，諸如此類，我們其他家長都聽唔到老師嘢，我唔敢猜測佢目的，但影響到人就真㗎，我囡掛住望個爸爸講嘢，因為佢大聲過老師所以draw咗D小朋友注意去佢到，真是堅無奈
作者: alanjordan 時間: 16-11-23 16:41
chaucrystal 發表於 16-11-23 16:28
我女上年係細B，剛剛11月pn開課一星期，放學就即刻飛的去靈糧堂參加第一個K1面試，結果佢一見到個課室就好 ...
最終入咗聖提嗎？我無報到呢間，大頭蝦miss咗
作者: timothy_mto 時間: 16-11-23 17:29
penguin8 發表於 16-11-23 14:56
點解老師黑面呢？
呢層要問佢先知?
專唔專業?
有無使命感
印象
作者: timothy_mto 時間: 16-11-23 17:41
alanjordan 發表於 16-11-23 14:30
我上年無考SC pn，因為我係細B，所以都算數，今年就有考，不過點解考pn會同K1考差唔多嘅？佢點考呀，都唔 ...
我唔記得, 大約for pn candidate
第一部分, 有家長填問卷同時,小朋友做TASK
第二部分, STORY TIME
第三部分, 唱歌 CIRCLE TIME
有錯請指証
作者: alanjordan 時間: 16-11-23 17:58
timothy_mto 發表於 16-11-23 17:41
我唔記得, 大約for pn candidate
第一部分, 有家長填問卷同時,小朋友做TASK
PN要考聽故事？K1考就唔奇，PN就難喎，同埋你話等一個鐘，咁真是過份得滯，基本上等半個鐘都極限咁滯，其實如果咁安排，會影響到小朋友發揮
作者: wwchuifamily 時間: 16-11-23 18:15
alanjordan 發表於 16-11-23 17:58
PN要考聽故事？K1考就唔奇，PN就難喎，同埋你話等一個鐘，咁真是過份得滯，基本上等半個鐘都極限咁滯，其 ...
其實我都覺好多PN同K1面試內容差唔多，只係PN expect小朋友指/做，而K就要講到。
Greenfield, Keen Mind同HKPS嘅PN interview都已經要幼兒坐低聽故仔俾反應。
作者: alanjordan 時間: 16-11-23 18:22
wwchuifamily 發表於 16-11-23 18:15
其實我都覺好多PN同K1面試內容差唔多，只係PN expect小朋友指/做，而K就要講到。
Greenfield, Keen Mind ...
PN我個人覺得無必要考聽故事，咁細小朋友叫佢地要坐定定聽咁耐已經好難，仲要明白內容，仲要答返出來，真是天才，或者佢地想收天才吧，K1要考聽故事就無可厚非
作者: Monstereasy 時間: 16-11-23 19:00 標題: 引用：SC+嘅pn+intw,+分3方面1.+難度同in+K1差不
原帖由 timothy_mto 於 16-11-23 發表
SC 嘅pn intw, 分3方面
1. 難度同in K1差不多, 試想想小朋友in PN,年紀可以有幾大?佢咁SET當然係校方自由, ...
作者: Monstereasy 時間: 16-11-23 19:05 標題: 引用：Quote:wwchuifamily+發表於+16-11-23+18:15
原帖由 alanjordan 於 16-11-23 發表
PN我個人覺得無必要考聽故事，咁細小朋友叫佢地要坐定定聽咁耐已經好難，仲要明白內容，仲要答返出來，真 ...
作者: alanjordan 時間: 16-11-23 19:23
Monstereasy 發表於 16-11-23 19:05
選校係相對既，如果老師講故事吸引，小朋友自然會投入，家長亦會對學校加印象分。但如果老師講故事悶又唔生 ...
PN我會覺得學校考小朋友的反應，小手肌，呢D會適合D，要答到故事內容確實難D
作者: chaucrystal 時間: 16-11-24 12:05 標題: 引用：Quote:chaucrystal+發表於+16-11-23+16:28+
原帖由 alanjordan 於 16-11-23 發表
最終入咗聖提嗎？我無報到呢間，大頭蝦miss咗
作者: alanjordan 時間: 16-11-24 15:01
chaucrystal 發表於 16-11-24 12:05
冇收，只係waiting到尾，不過我地已經覺得佢好叻，睇到佢有好好嘅表現，冇reject都當成功了
...
Waiting都已有交代啦，咁細小朋友，都唔好俾壓力佢地，同埋好似聖提係最難in嗰間，我之前同囡囡每次完咗interview都唔會特別咁問返佢，唔想嚇親佢
作者: 雅BB 時間: 16-11-24 15:13
好叻呀
都好羡慕！想問問女女幾大？我女14年11月的，我希望係咪因為仲細呢，但in嘅時候見到其他小朋友都好好，擔心係自己教得唔好或者做得唔好⋯⋯
作者: 雅BB 時間: 16-11-24 15:19
chaucrystal 發表於 16-11-23 13:29
我女上次interview考顏色，其實佢識晒，佢甚至連灰色、啡色、肉色、深/淺綠色、深/淺藍色都識。老師攞咗六 ...
點解可以咁叻認到咁多顏色仲要連過渡色都分到！！我女連主色都未識呀⋯⋯所以interview時幾乎xxx⋯⋯sad
作者: chaucrystal 時間: 16-11-24 20:16 標題: 引用：Quote:chaucrystal+發表於+16-11-23+13:29+
原帖由 雅BB 於 16-11-24 發表
點解可以咁叻認到咁多顏色仲要連過渡色都分到！！我女連主色都未識呀⋯⋯所以interview時幾乎xxx⋯⋯sad
...
作者: alanjordan 時間: 16-11-24 22:50
雅BB 發表於 16-11-24 15:13
好叻呀都好羡慕！想問問女女幾大？我女14年11月的，我希望係咪因為仲細呢，但in嘅時候見到其他小朋友 ...
我上年細B，今年大B再考，13年十月尾，其實小朋友長大就會自自然然日常生活學到，唔關叻唔叻事，一年後你就會明
| 歡迎光臨 教育王國 (/) |
Powered by Discuz! X1.5 |