教育王國

標題: 急問：咩情況下學校會發警告信俾學生？ [打印本頁]

作者: noele 時間: 16-11-22 13:57 標題: 急問：咩情況下學校會發警告信俾學生？

有冇家長遇到過學校發警告信啊？如果有會有咩影響啊？應該點處理？

作者: brother4 時間: 16-11-22 14:11 標題: 回覆：急問：咩情況下學校會發警告信俾學生？

己前好似三個小過就一個大過，三個大過就bye bye,有機會見吓老師/成績表mark著，操行分。。。如想轉校難點!

作者: little_yolky 時間: 16-11-22 14:13

noele 發表於 16-11-22 13:57
有冇家長遇到過學校發警告信啊？如果有會有咩影響啊？應該點處理？
...

小學都有警告信? 咩事啊? 去學校了解下啦。

作者: noele 時間: 16-11-22 14:22 標題: 回覆樓主:

老師話他在課室用膠水之類整落同學張餐墊上

作者: wan_sosin 時間: 16-11-22 15:34

noele 發表於 16-11-22 14:22
老師話他在課室用膠水之類整落同學張餐墊上

咁小事要出信?最多道歉同賠返張靚餐墊就解決了。又唔係偷同學野，打同學!

作者: noele 時間: 16-11-22 16:09

wan_sosin 發表於 16-11-22 15:34
咁小事要出信?最多道歉同賠返張靚餐墊就解決了。又唔係偷同學野，打同學!
...

明白係做錯左，所以都唔想帮小朋友解釋太多，而家只想了解下警告信對他會有咩影響

作者: 1998Ruby1998 時間: 16-11-22 17:04

我以前差唔多年年都收，小學一線女校，加上老師年級大，教育方式比較嚴格，我又好動坐唔定多野講，每次都衰「打鐘沒有立即停下來」（我地打鐘一定要靜止），「轉堂離開座位／傾計」。其實呢d都好少事，但係老師就當我犯左滔天大罪。
3 三次小過就出警告信，然後操行降一級（由B＋到B）。
用膠水之類整落同學張餐墊上，是惡意定係不慎？此等小事，叫小朋友當面道歉，謝悔過書，買過張新餐墊就可。

作者: noele 時間: 16-11-22 17:29

1998Ruby1998 發表於 16-11-22 17:04
我以前差唔多年年都收，小學一線女校，加上老師年級大，教育方式比較嚴格，我又好動坐唔定多野講，每次都衰 ...

我仔未試過有小過之類㗎，一來就係警告信啦

或者他平時都有唔乖啦…他之前有同我講過有同學用腳踢他，話他蠢，我諗他今次應該係有心整返人啦…我唔係想帮他搵籍口，只係有少少擔心，警告信嘅後果會係點，仲有點算？唉～他間學校都好谷㗎啦…我又唔想俾太大壓力他

作者: Felix223 時間: 16-11-22 18:14

noele 發表於 16-11-22 17:29
我仔未試過有小過之類㗎，一來就係警告信啦或者他平時都有唔乖啦…他之前有同我講過有同學用腳踢他 ...

記過會否大件事過Warning letter ?? 不如同老師了解下. 明白你心情, 不過睇下成件事有無咁嚴重? 小朋友細個百厭唔奇, 咪同佢傾下計. 最緊要明白唔好用呢D 方法同同學相處.

作者: wan_sosin 時間: 16-11-22 21:23

noele 發表於 16-11-22 16:09
明白係做錯左，所以都唔想帮小朋友解釋太多，而家只想了解下警告信對他會有咩影響
...

警告信並非一定會記缺點或記過，話明係警告! 即是提醒唔好再犯，但再犯就無情講。

作者: IloveJJ 時間: 16-11-22 21:52 標題: 回覆樓主:

提示: 作者被禁止或刪除內容自動屏蔽

作者: brother4 時間: 16-11-22 22:52 標題: 回覆：急問：咩情況下學校會發警告信俾學生？

一定有D野，老師如小事一般打電話俾家長便可，估對方家長要投訴，學校才會發信，問清楚老師及對方家長的背景先，怕得罪咗麻煩的人。。。。不過可能是小小事都發信，問清楚先

作者: noele 時間: 16-11-23 09:37

brother4 發表於 16-11-22 22:52
一定有D野，老師如小事一般打電話俾家長便可，估對方家長要投訴，學校才會發信，問清楚老師及對方家長的背 ...

好多謝咁多位意見，我會試下同老師傾下，其實大概都知少少，都會有其他少少加加埋埋，都係小朋友平時會做嘅，但老師就抗拒嘅啦…

生仔都知仔心肝嘅，他嘅心智仲停在幼稚園嘅快樂時期

作者: Jane1983 時間: 16-11-23 10:52

同小朋友犯錯，唔好睇個別事件佢點衰點錯，要綜合考慮，佢在學校和同學相處點樣，佢係一時玩到創晒整蠱人？定係被人蝦報復？

唔係幫小朋友搵藉口開脫，係搵出原因先唔會再犯，亦希望令老師諒解佢。警告信係咪唔會寫落成績表？唔係小五小六，唔影響升中，唔好太傷心。

作者: Felix223 時間: 16-11-23 14:41

本帖最後由 Felix223 於 16-11-23 14:41 編輯

noele 發表於 16-11-23 09:37
好多謝咁多位意見，我會試下同老師傾下，其實大概都知少少，都會有其他少少加加埋埋，都係小朋友平時會做 ...

我個仔亦係一個百厭仔, 我明白你苦況, 咁要正確教導個小朋友, 做錯要即時糾正, 趁細個仲聽你支笛. 大D好難教.

作者: noele 時間: 16-11-23 15:22

Felix223 發表於 16-11-23 14:41
我個仔亦係一個百厭仔, 我明白你苦況, 咁要正確教導個小朋友, 做錯要即時糾正, 趁細個仲聽你支笛. 大D好難 ...

我唔知他在學校係咩情況，係唔係好百厭，但他平時係算好乖，听話之類，所以我唔會覺得難過，辛苦，只係擔心他在學校會唔會唔同樣

作者: Felix223 時間: 16-11-23 15:27

noele 發表於 16-11-23 15:22
我唔知他在學校係咩情況，係唔係好百厭，但他平時係算好乖，听話之類，所以我唔會覺得難過，辛苦，只係擔 ...

好簡單，每一件事，我們作為家長首先了解成為件事先，又要了解同仔仔溝通，多方面去睇。同老師傾下需要點樣可配合到幫助小朋友改善，或許未去到咁壞打算。

作者: hha 時間: 16-11-23 17:03

noele 發表於 16-11-23 15:22
我唔知他在學校係咩情況，係唔係好百厭，但他平時係算好乖，听話之類，所以我唔會覺得難過，辛苦，只係擔 ...

睇到你咁講，反而我覺得你要着重下你個仔係學校嘅生活愉唔愉快，點解平時乖巧嘅小朋友，喺學校會做啲老師同同學都唔鍾意嘅嘢？係想引同學老師注意？定係同學仔對佢唔好想報復？定係佢唔鍾意間學校要搞破壞？

睇嚟你同你個仔關係幾好，用多d時間慢慢探討。問佢第一次未必會講真心說話，因為怕你唔高興。

作者: tintinlam 時間: 16-11-23 17:16

little_yolky 發表於 16-11-22 14:13
小學都有警告信? 咩事啊? 去學校了解下啦。

欠交功課多過15次以上

歡迎光臨教育王國 (/)