教育王國

標題: 請教特殊兒童評估中心，6歲評估內容 [打印本頁]

作者: Garyoldman 時間: 16-11-21 19:53 標題: 請教特殊兒童評估中心，6歲評估內容

前天收到評估中心電話，小女29/11要評估，雖然已心裡有數，但也希望作最後努力，請問過來人家長及知悉者，評估中心評估內容有什麼?

作者: pocoyo123 時間: 16-11-22 00:48

會有簡單認字,寫字, 認顏色,理解, 表達, 聽指令

記得佢有一題問亞仔, 飛機定雀仔飛得快D, 亞仔居然答雀仔, 心理學家同我講番我好有印象

作者: Garyoldman 時間: 16-11-22 12:50

回覆 pocoyo123 的帖子

3小時評估做D乜?

作者: methy 時間: 16-11-22 19:17 標題: 引用：回覆+pocoyo123+的帖子 3小時評估做D乜?

原帖由 Garyoldman 於 16-11-22 發表
回覆 pocoyo123 的帖子

3小時評估做D乜?

平常心，人人不同。而且評估工具是保密的。

我仔見左兩日，第一日9-5，上午1小時心理學家做智力評估，之後解釋結果，同一時間我做1X頁問卷，下午見社工&物理治療師，社工好快，物理治療評估約1小時

第二日：上午見了醫生&職業治療師

結果：可選主流或體障，我選擇後者

作者: vincychen66 時間: 17-1-3 14:03

回覆 methy 的帖子

小朋友也是在私人做左智能評估..我的小朋友明明都識得的問題..都回答醫生唔識...現在評估佢智商低...要讀特殊學校...想問我宜家應該點算好..

作者: methy 時間: 17-1-3 18:43 標題: 引用：回覆+methy+的帖子小朋友也是在私人做左

原帖由 vincychen66 於 17-01-03 發表
回覆 methy 的帖子

小朋友也是在私人做左智能評估..我的小朋友明明都識得的問題..都回答醫生唔識...現在評 ...

做評估時你在場？我仔5歲10個月時在CAC做小一前評估，係心理學家做，仔自己入去，我無在場。
事後講解結果，我大約知道考咩&估計到佢邊d識邊d唔識。評估時醫生或心理學家用佢套評估工具評，係唔計小朋友當時既心理狀態，即使唔舒服或扭計，唔識或唔答就無分。無分既項目多自然拉低整體分數，影響出黎個評估結果。

評估結果其實唔影響你選擇讀主流學校既意願，評估評得差，都係得個知字&上主流小學就有支援。如果你只是不接受個評估結果，想再評，CAC唔會建議短時間內（一年內）再評,私人就不知道。如果你相信小朋友係有能力讀主流，無需理會個結果，讀主流就是了。

作者: piglet0529 時間: 17-1-4 06:41 標題: 引用：回覆+methy+的帖子小朋友也是在私人做左

原帖由 vincychen66 於 17-01-03 發表
回覆 methy 的帖子

小朋友也是在私人做左智能評估..我的小朋友明明都識得的問題..都回答醫生唔識...現在評 ...

有冇政府做? 如只是發展遲緩不如考慮讀多年K3先上小一? 政府醫生報告或許可延長學卷?

作者: piglet0529 時間: 17-1-4 06:50 標題: 回覆：piglet0529 的帖子

有冇讀緊S位或l位? 或上緊任何特殊訓練?

歡迎光臨教育王國 (/)