教育王國

標題: Shortlist中學中,你會放手俾你仔女最後決定讀邊間中學嗎? [打印本頁]

作者: 小時了了 時間: 16-11-21 11:44 標題: Shortlist中學中,你會放手俾你仔女最後決定讀邊間中學嗎?

本帖最後由小時了了於 16-11-21 12:48 編輯

呢3年去過幾間不同直資中學簡介會, 幾間中學有搵家長上台分享佢地點解會決定仔女讀呢間, 佢地好多時都講仔女鍾意呢間, 係仔女自己決定讀這學校, 唔係我(家長)選的. 以前我會唔明及會心諗: "唔係卦, 佢地得11歲人仔, 佢哋識諗咩? 咁重要嘅決定竟然俾仔女自己做決定?"

依家自己阿女升中選校終於殺到埋身, 我終於明點解家長會俾佢自己作最終決定選讀邊間學校, 原來仔女真係會感受到及知道自己鍾意邊間中學的, 佢哋原來會為想入讀鍾意嘅中學會雙眼發光, 成個人會散發熱誠及會想法子去克服困難去爭取入讀, 真係好神奇!

你哋係咪都係 shortlist 中學中俾仔女自己做最後決定呢?

作者: JohnnyBK 時間: 16-11-21 12:07 標題: 回覆樓主:

真正用家的意願始終係好關鍵的。我仔幸好和我兩意願一致。

作者: cheukcheukma 時間: 16-11-21 12:15

小時了了發表於 16-11-21 11:44
呢3年去過幾間不同直資中學簡介會, 幾間中學有搵家長上台分享佢地點解會決定仔女讀呢間, 佢地好多時都講仔 ...

我shortlist至兩間(emoji)，兩間之中1或2的次序則比佢自己揀！

作者: b3410 時間: 16-11-21 12:16

如果有幸考到超過一間shortlist學校，我會比小朋友自己揀。
每一間學校都會帶小朋友一起去參觀，體會一下自己是否希望成為其中一員。

作者: Yanamami 時間: 16-11-21 12:43

細女－早已非君不嫁……我連大女F4揀科果時都係俾佢自己揀添~

作者: brother4 時間: 16-11-21 12:52 標題: 回覆：Shortlist中學中,你會放手俾你仔女最後決定讀邊間中學嗎

亞大，一樣非卿不娶，要求佢考好去，中ㄧ俾個驚訝全級考尾尾

作者: little_yolky 時間: 16-11-21 13:01

小時了了發表於 16-11-21 11:44
呢3年去過幾間不同直資中學簡介會, 幾間中學有搵家長上台分享佢地點解會決定仔女讀呢間, 佢地好多時都講仔 ...

咦? 噚日阿女坐車經過迦密話好鐘意間學校喎.............咁不如12月初帶佢去參觀一下。本來諗住報唔到講座唔去添, 因為反正阿女考唔到.............唔知會唔會去咗好鐘意, 發奮圖強呢。

作者: 小時了了 時間: 16-11-21 13:09

本帖最後由小時了了於 16-11-21 13:10 編輯

little_yolky 發表於 16-11-21 13:01
咦? 噚日阿女坐車經過迦密話好鐘意間學校喎.............咁不如12月初帶佢去參觀一下。本來諗住報唔到講座唔去添, 因為反正阿女考唔到.............唔知會唔會去咗好鐘意, 發奮圖強呢。

妳同我有同一個信仰, 妳帶妳大女去迦密啦, 妳要相信上主係會親自感動小朋友純樸嘅心. 我及小女依家經歷中, 快則一月, 慢則三月前同大家匯報阿女能否成功考入佢最想讀嘅中學.

作者: peggy 時間: 16-11-21 13:17

回覆小時了了的帖子

大仔及細女所讀的中學，都是佢地自己選的，大仔S4選科時都是由佢決定

作者: wbmom 時間: 16-11-21 13:20

當時大家意見有些不同，最終達成共識，自行一阿仔揀，自行二我揀，最終入了自行一，他現在讀得好開心。

作者: yaya_c 時間: 16-11-21 13:30

同佢睇左幾間啱佢既學校, 然後叫佢自己決定, 無論自行同抽獎都係佢自己揀的.

作者: come-on-baby 時間: 16-11-21 13:43

我女唔識揀,
好top又怕跟唔上,一般的,自己又唔甘心
都係見完老師才作决定

作者: 洋蔥頭媽咪 時間: 16-11-21 13:47

我㨂好幾間再比佢決定，始終讀書果個係佢，最重要小朋友鍾意。

作者: aptcan 時間: 16-11-21 13:51

所以全部簡介會同開放日都必須帶埋小朋友去，等佢自己感受吓學校同埋交通，是否自己鍾意同地點可接受，之後再大家商量吓﹗

作者: ILoveCinderella 時間: 16-11-21 13:53

我同個女都遇到同一問題! 我囡心儀一間 top 既, 而我就心儀另一間較普通既, 大家暫時未有共識

作者: retriever 時間: 16-11-21 14:01

小時了了發表於 16-11-21 11:44
呢3年去過幾間不同直資中學簡介會, 幾間中學有搵家長上台分享佢地點解會決定仔女讀呢間, 佢地好多時都講仔 ...

SHORTLIST 左, 家長好放心喎, 有咩好驚?

選特首, 中央都係咁做啦

作者: miriam 時間: 16-11-21 14:04

跟佢性格揀, 之後佢鎖定目標再跟要求去砌成績同其他野.

作者: IloveJJ 時間: 16-11-21 14:13 標題: 回覆樓主:

提示: 作者被禁止或刪除內容自動屏蔽

作者: IloveJJ 時間: 16-11-21 14:14

提示: 作者被禁止或刪除內容自動屏蔽

作者: 小時了了 時間: 16-11-28 11:16

本帖最後由小時了了於 16-11-28 11:22 編輯

有幾多個父母對關鍵時刻的決定, 有詩人般 "別人笑我太瘋癲，我笑他人看不穿" 的豁達!!!

老實講我都唔知做唔做到?

最近呢幾個月最後衝刺同阿女周圍去參加 shortlist 咗嘅中學簡介會/開放日, 老實講做阿媽嘅總有 shortlist 中再 shortlist 嘅一至兩間最心水, 但係如果阿女係呢個最後階段, 同阿媽我講佢嘅 MR RIGHT 卻係 shortlist 中嘅第三間, 佢講起呢間中學係雙眼真係會發光, 又話會唔怕辛苦要坐2個鐘頭車返學云云....

但阿媽我信心卻左搖右擺唔確定, 我真係會放手俾阿女決定去間路途最遙遠嘅中學? 學生家庭背景最富貴 (同自己家境最懸殊不同) 嘅中學? 如果到時咁"玄"嘅野真係發生, 我係咪會順服去放手俾阿女去讀呢? 掙扎苦惱中

如果阿女考到佢覺得嘅 MR RIGHT 嘅中學而我又俾佢讀, 真係會"別人笑我太瘋癲", 我EQ頂唔頂得住人哋講嘅野呢?

作者: b3410 時間: 16-11-28 13:04

暫時阿女參觀過的學校間間都話好滿意。如此真係太好，一定會好好努力爭取自己的未來

之前覺得搞完升小一，又要搞升中一，心中頗為不安。不過眼見小朋友有了明確目標後，積極努力讀書，考試，準備面試等等。最近個個weekend 馬不停蹄。我自己都快頂唔順，反而小朋友比我更加積極。真係好開心！

作者: b3410 時間: 16-11-28 13:13

回覆小時了了的帖子

的確，話係話shortlist學校考到已經好開心，多過一間阿女自己揀。不過有時發下夢，如果間間都考到，讀哪一間呢？可能到時再同阿女一起分析下種種利弊，再最後決定。
其實我打算用即刻停止的方法，就係on list 學校哪一間第一時間有offer，就開開心心take offer喇。

歡迎光臨教育王國 (/)