教育王國

標題: 港媽唔為子女報名校　友人潑冷水 [打印本頁]

作者: elbar 時間: 16-11-18 13:47 標題: 港媽唔為子女報名校　友人潑冷水

【晴報專訊】子女升學最緊張莫過於父母，但塘邊鶴指指點點令人氣結。有家長為女兒報讀參加學券計劃的幼稚園，惟朋友指摘她「有能力唔讀好啲學校，等於害咗個女」，令事主感困擾。社工指親友對升學常有比較，最重要是跟配偶有共識。

有人為讓子女贏在起跑綫而爭入名校，亦有人只想子女愉快學習。有媽媽在討論區訴說，跟丈夫決定為女兒報讀參加學券計劃的幼稚園，希望將省下的錢用於興趣班及其他方面，但朋友潑冷水說…「有能力都唔畀個女讀好啲學校，等於害咗個女」。事主直言「真係好怕阿女愈來愈大，親友好多嘢講」。

親友間比較為家長增壓力

有過來人指當年為兒子報讀普通學校的N班，奶奶即指摘「報埋啲cheap學校」，亦有人被大伯怪責揀學校太「求其」。但大部分網民撑事主，認為毋須為這些塘邊鶴而費心。

香港基督教女青年會督導主任蘇艷芳說，近年家長對選擇學校及興趣班較以前感壓力，部分原因來自親友間的比較。「譬如有家長覺得孩子學鋼琴或小提琴太普通，要學就要學豎琴！」亦有母親受家長間比較，說參加義工服務對填報子女履歷表不夠亮麗，認為只有學術或音樂比賽成績才夠得體。

蘇提醒，面對親友的意見，當事人很易「打亂陣腳」，「覺得自己是否準備不夠？或是否可多做一點………」。她指，當親友間有不同意見時，最重要是跟配偶商量，尋求共識，例如對揀學校的想法及報讀多少間學校等，其他不太重要的人提出意見，毋須太上心。

婦女服務聯會主席歐陽寶珍亦指，除升學外，育養小孩方式等問題，也有婦女反映常被親友指點。「曾有位公務員呻，同事及親友知道她沒有餵母乳後，即說『乜你咁㗎，對小朋友唔好㗎』，連番怪責令事主的情緒也出現問題。」

旁人意見不應太上心

至於選擇學校，她認為勉強入讀名校非好事，或對小孩構成壓力。「例如小朋友根本不是那個圈子，當同學都有工人及名車接送，即使小孩也會有比較及感到壓力。」她提醒家長要有定力，毋須羊群心態跟着別人的步伐走。

作者: bbbusy 時間: 16-11-18 19:24

家長有自己的立場，少理旁人的指指點點

作者: skkeung 時間: 16-11-20 08:55 標題: 回覆樓主:

你點做都有人話你，平常不過！

作者: MrBeast 時間: 16-11-20 11:35

講就易，難受又唔係佢（作者）

作者: Jane1983 時間: 16-11-20 18:05

其實真係無論你點做，選擇邊一類、邊一間學校，都有人可以抨擊你。因為每個人有自己觀點，每件事亦有兩面，所以自己想清楚最緊要，把口係人地度，無得控制。

最多係叫大家無謂太內斂，其他人講嘢唔啱聽，句句踩上心口。無需要噁忍，應該鼓起勇氣叫佢收聲。

作者: skkeung 時間: 16-11-20 21:21 標題: 回覆樓主:

咁小事就反枱！

作者: Jane1983 時間: 16-11-20 22:00

回覆 skkeung 的帖子

串人唔餵母乳，幾乎係必反。講人仔女學校，亦常有懷恨在心。
一家唔知一家事，各人頭上一片天，無謂太多口。

作者: skkeung 時間: 16-11-22 07:56 標題: 回覆樓主:

這裏不是在家，吹吓水，可以暢所欲言，就住就住，來這樣做乜？

作者: Jane1983 時間: 16-11-22 08:38

網上三唔識七當然任噏，但文中講朋友、家人比意見呀！

歡迎光臨教育王國 (/)