教育王國

標題: 2017 津校叩門時間 [打印本頁]

作者: sh2011 時間: 16-11-15 15:33 標題: 2017 津校叩門時間

2017年统一派位是3/6/2017 (星期六)公佈, 如派位不理想, 需要叩門, 想請教是否大約5/6/2016之後立即到心儀津校交表/寫信? 通常什麼時候知結果？

作者: Charlotte_mom 時間: 16-11-15 15:46 標題: 回覆樓主：

本帖最後由 Charlotte_mom 於 16-11-15 15:46 編輯

3/6已經砰砰聲包的士去啦（唔好理，點知有無誠意分？破釜沉舟分秒必爭呀）
有d學校下午已面試喇（雖然唔多）

教育局有指引要七月頭至公佈叩門結果（
原因不明）。好多學校都會偷雞，幾日內有消息，官校就跟規矩d

作者: sh2011 時間: 16-11-15 15:49

thanks

作者: hha 時間: 16-11-15 16:47

sh2011 發表於 16-11-15 15:33
2017年统一派位是3/6/2017 (星期六)公佈, 如派位不理想, 需要叩門, 想請教是否大約5/6/2016之後立即到心儀 ...

其實有唔少嘅學校喺放榜嗰日唔會收叩門表格嘅，建議你喺放榜前，上網頁逐間學校check下。

我上年大部份都係放榜之後嗰個星期一先交，除咗無叩門要求嘅名津就一早預備好哂，未收到放榜結果已經交去。

其實每間津校叩門需要嘅資料都唔一樣，好難放榜之前已經可以預備好晒。

例如：
有啲表格要你填派到邊一間小學
有啲要交埋派位証副本
有啲學校網上唔可以download表格，要親自去攞叩門表格添

你亦唔知自己派成點，好難預計要叩幾多間，例如派乙二，就只需要叩本區及跨區嘅一線學校。如果係派到最尾志願，咁其實一二三線跨區及本區嘅學校都要叩，要預備嘅份數完全唔一樣，當然你可以話一早預備晒咁多咪得囉，但到時候又要影印，又要check返補返啲資料上去，其實嗰個星期六都冇乜時間可以交到幾多間。

咁不如兩公婆坐低慢慢整好，再諗下星期一交表嘅路線圖仲好啦。

作者: Charlotte_mom 時間: 16-11-15 17:10

你講嘅野，放榜前已準備晒。幾乎95%學校都在公佈結果前已公布叩門所需文件同資料（有d唔公開、無公佈就係無公佈）。印好晒填好晒一份份，準備埋公文袋in case有d學校要擺低即走。（鬧我唔環保啦，我認）
路線亦一早制定，包括最worst case大包圍路線，派得一般可以揀黎叩路線等

唯一當日要補的，就係派位証影印本了。

作者: Danrice 時間: 16-11-15 18:22

有時會諗, 如果叩到一線小學, 但未必有校巴.... 想跨區叩其他一線好似浪費人力物力?

作者: retriever 時間: 16-11-15 18:31

sh2011 發表於 16-11-15 15:33
2017年统一派位是3/6/2017 (星期六)公佈, 如派位不理想, 需要叩門, 想請教是否大約5/6/2016之後立即到心儀 ...

無記錯係約一星期公佈面試名單。有 d無申請表既，可以石沉大海架。

作者: cattz288 時間: 16-11-15 18:34

hha 發表於 16-11-15 16:47
其實有唔少嘅學校喺放榜嗰日唔會收叩門表格嘅，建議你喺放榜前，上網頁逐間學校check下。

我上年大部份都 ...

我果區差唔多全部都係放榜果日收架! 所以全部都係放榜前已準備晒, 除左派位証copy!

作者: sissysze 時間: 16-11-15 18:34 標題: 引用：有時會諗,+如果叩到一線小學,+但未必有校巴

原帖由 Danrice 於 16-11-15 發表
有時會諗, 如果叩到一線小學, 但未必有校巴.... 想跨區叩其他一線好似浪費人力物力? ...

個人認為收咗先唸，無校巴，總有街車

作者: sh2011 時間: 16-11-16 11:21

唔該哂各位

歡迎光臨教育王國 (/)