教育王國
標題: 面試K1感覺好難受 [打印本頁]
作者: jazz_ks 時間: 16-11-15 00:54 標題: 面試K1感覺好難受
囝囝今個月要K1面試,講真,我地嘅小朋友一定比正常小朋友慢啲,或者無咁合作,再直接啲,無咁醒囉。講野仲係單字,眼神仲係飄飄下,十問九唔應,坐又坐唔定,望到其他人嘅小朋友,醒醒目目,個心好難過,好想帶個囝走,唔想比人白眼咁,interview啲老師又好留意到佢嘅問題,試過有老師問健康院有無建議佢跟進啲嘢,咁都估到老師問乜啦⋯⋯
唉⋯我地啲小朋友係咪唔會in到幼稚園,跟本唔會做到幼稚園嘅期望,點算⋯
作者: fishinlove 時間: 16-11-15 01:14
都未必間間幼稚園係咁的,我見朋友仔排到保良局,仲要申請到到校服務,一路上訓練,一路等s位,見佢仔都進步好多
媽媽加油,路有好多條的💪💪
作者: KCHK 時間: 16-11-15 10:27
如果樓主選擇學術性比較重的就應該無咩機會了,反而下午班比較關愛的學校仲有機會的, 加油
作者: Yukiruirui888 時間: 16-11-15 12:40
jazz_ks 發表於 16-11-15 00:54
囝囝今個月要K1面試,講真,我地嘅小朋友一定比正常小朋友慢啲,或者無咁合作,再直接啲,無咁醒囉。講野仲 ...
我都放棄in K1,老師都會問:小朋友好少講野,好慢熱,眼神差。。。。,雖然依家讀緊N班,但校長話唔一定會直升,如果學校唔收返,我會等教育局出於下的位,先在出去搵
作者: jazz_ks 時間: 16-11-15 13:11
回覆 KCHK 的帖子
唉,名校點到我地in,我地見都係普通學校咋
作者: lulumelody 時間: 16-11-15 15:59 標題: 回覆:面試K1感覺好難受
我囝以前也是考救世軍ㄧ車插k2,已寫信講清楚小朋友情況,點知面試要安排2點,小朋友午睡時間,還要同ㄧ個考K3正常小朋友考,(考同ㄧ樣嘢)。當然唔收,還要我地係出面等三四個字,當時出面好多小朋友上緊堂,無位坐,出來只係話唔適合ㄧ句!其實佢地唔想收我仔仔唔重要,不過佢地安排真係好差,還有D唔尊重我地!
作者: lawwct 時間: 16-11-15 19:37
不要灰心,如果報K1下午班機會會高0的,可以試下教會學校(比較關愛)
講清楚小朋友情況,找一間肯包容的學校,
作者: ada9200 時間: 16-11-16 00:58
本帖最後由 ada9200 於 16-11-16 00:59 編輯
回覆 jazz_ks 的帖子
我也是過來人, 身同感受, 以前我見咗六, 七間學校, 冇一間收, 其實即場反應都知唔會收........本來都打算放棄, 點知好好彩有一間校長叫我囝囝面試多一次, 之後就讀住K1排S位, 讀咗幾個月進步好多改排I位, 到了今年升K2就順利入了K2的I位
以上簡單地分享一下, 媽媽加油, 希望在明天
作者: jazz_ks 時間: 16-11-16 09:43
回覆 ada9200 的帖子
其實面試好唔好坦白講小朋友情況定收左先算?
作者: Yukiruirui888 時間: 16-11-17 07:33
jazz_ks 發表於 16-11-16 09:43
回覆 ada9200 的帖子
其實面試好唔好坦白講小朋友情況定收左先算?
或者妳都問下學校的口碑,搵d唔出名的學校,少人數的
小朋友情緒OK嗎?因我覺得唔睬人,眼神差,收的機會都有
作者: Sauyibo 時間: 16-11-17 09:28
千祈唔好放棄。我嘅仔都係自閉症譜系,我係幼兒訓練中心时识咗個朋友佢嘅仔同你個仔情況差唔多K1时都系冇学校收,而家佢嘅仔读小一。各方面都非常叻。我唧仔今年第一次考试四个主科平均分都考到96分。所以妈咪千祈唔放棄加油!
作者: jazz_ks 時間: 16-11-17 10:39
回覆 Yukiruirui888 的帖子
情緒可以,主要十問九唔應,已收到部分上兩星期面試結果,都係後備生,連下午班都後備😰
作者: Yukiruirui888 時間: 16-11-17 14:29
jazz_ks 發表於 16-11-17 10:39
回覆 Yukiruirui888 的帖子
情緒可以,主要十問九唔應,已收到部分上兩星期面試結果,都係後備生,連下午 ...
情緒可以,有機會的,等所有結果都出黎,在睇下點,
樓主方便講妳住邊嗎?
作者: legolas625 時間: 16-11-18 09:38
1月、5月都有人會放位,可以寫下求位信,爭取下。
作者: Candygo 時間: 16-11-19 01:33
Yukiruirui888 發表於 16-11-15 12:40
我都放棄in K1,老師都會問:小朋友好少講野,好慢熱,眼神差。。。。,雖然依家讀緊N班,但校長話唔一定 ...
返N返左幾個月,老師成日話佢眼神差,現在小朋友進步左,有時叫佢名唔應,無視佢喎,成日搵小朋友錯處,言談間好似想叫佢退學咁。2歲人仔啫,都好似唔係想幫小朋友,不被包容感覺,有時候心裏真係灰。
利申:等評估,疑似是語言障礙
作者: bonha 時間: 16-11-19 16:55
ada9200 發表於 16-11-16 00:58
回覆 jazz_ks 的帖子
我也是過來人, 身同感受, 以前我見咗六, 七間學校, 冇一間收, 其實即場反應都知唔會 ...
請問你點改排I位
作者: fionchiu2000 時間: 16-11-20 00:21
我囝囝依家係保良局讀緊n班,保良局有到校服務同埋好包容每個有特別需要照顧的小朋友,暫時你未搵到一間合適嘅幼稚園,千祈唔好灰心,加油呀!
作者: money82 時間: 16-11-20 01:41
找D屋邨幼稚園,最好果間有i位。要沒有私校甘高
作者: Yukiruirui888 時間: 16-11-20 22:51
Candygo 發表於 16-11-19 01:33
返N返左幾個月,老師成日話佢眼神差,現在小朋友進步左,有時叫佢名唔應,無視佢喎,成日搵小朋友錯處,言 ...
可能我一開學就已經同學校啊仔的情況,雖然都讀左兩個幾月,好慶幸的學校包容大,K1會不會直升就好難講,持中我仔的情緒麻麻,所以都會擔心
我仔讀的係邨校
作者: jazz_ks 時間: 16-11-20 23:24
回覆 Yukiruirui888 的帖子
九龍城呀
作者: jazz_ks 時間: 16-11-20 23:25
回覆 fionchiu2000 的帖子
可以pm我知邊間保良局嗎?他們到校好架?
作者: jazz_ks 時間: 16-11-20 23:27
回覆 fionchiu2000 的帖子
可以pm我邊間保良局嗎?他們到校服務好架!
作者: ET19 時間: 16-11-21 09:14
住大埔區,學位超緊張,但又唔可以in太多間。
到而家1間唔收,連自己細個讀果間幼稚園都後備2百幾,忍唔住喊左2晚。
仲有2間等緊運到,下星期六in最後一間。
作者: lawwct 時間: 16-11-21 10:34
jazz_ks 發表於 16-11-20 23:24
回覆 Yukiruirui888 的帖子
九龍城呀
有無試下靈糧堂?聽講個校長曾經主動幫全校小朋友做測試,應該係包容的學校
作者: jazz_ks 時間: 16-11-21 10:43
回覆 lawwct 的帖子
有報呀,面試果日,我見好多家長本身識入面老師同主任嘅😭,我地見都是旦問左兩條問題就完左
作者: Yukiruirui888 時間: 16-11-21 12:44
jazz_ks 發表於 16-11-20 23:24
回覆 Yukiruirui888 的帖子
九龍城呀
可以去bk地區到問下,邊間有愛心學校,睇下有人幫到你嗎!最好學校係有I位的,包容性大d
作者: lawwct 時間: 16-11-21 14:57
jazz_ks 發表於 16-11-21 10:43
回覆 lawwct 的帖子
有報呀,面試果日,我見好多家長本身識入面老師同主任嘅😭,我地見都是旦問左 ...
佢地應該有問你點解揀靈糧堂,你有無同佢講你小朋友的情況?
作者: jazz_ks 時間: 16-11-23 10:13
回覆 lawwct 的帖子
無講呀,如果收先講
作者: TimTimLiu 時間: 16-11-24 17:12
Candygo 發表於 16-11-19 01:33
返N返左幾個月,老師成日話佢眼神差,現在小朋友進步左,有時叫佢名唔應,無視佢喎,成日搵小朋友錯處,言 ...
之前我比仔仔返正常學校,有同先生講佢言語有問題,但最後得來係,佢話小朋友成日大叫,坐唔定,唔叫人望人等等,讀了兩三個月,排到密集2天課程,現只是返左一個月多,叫佢名會舉手,排隊,講多左好多字,發音多左,覺得都係比D專業人士教會好D,佢地會知到用咩技考幫佢學習,不用咁急著返主流學校
作者: Candygo 時間: 16-11-24 19:07
TimTimLiu 發表於 16-11-24 17:12
之前我比仔仔返正常學校,有同先生講佢言語有問題,但最後得來係,佢話小朋友成日大叫,坐唔定,唔叫人望 ...
多謝你回覆(emoji),終於有力量(emoji)(emoji)喇,在夜深人靜時,本來是灰的(emoji)
作者: ShumTai 時間: 16-11-27 19:19
唔好灰心,我囡早產加自閉加語言遲緩。但interview都okay,現已有一間收佢讀全日了。我只係在家同佢training及不停鼓勵佢
作者: Yukiruirui888 時間: 16-11-27 22:39
ShumTai 發表於 16-11-27 19:19
唔好灰心,我囡早產加自閉加語言遲緩。但interview都okay,現已有一間收佢讀全日了。我只係在家同佢trainin ...
作者: olima 時間: 16-11-28 09:21 標題: 回覆:Yukiruirui888 的帖子
近旺角火車站的神召會幼稚園都好包容,校長話如果小朋友沒有嚴重暴力及情緒問題,都有機會收。有學卷,也有到校服務的。
作者: 肥豬媽媽叻 時間: 16-11-29 10:13
TimTimLiu 發表於 16-11-24 17:12
之前我比仔仔返正常學校,有同先生講佢言語有問題,但最後得來係,佢話小朋友成日大叫,坐唔定,唔叫人望 ...
我都咁唸
唸近quit N返密集
但都心大心細
請問返密集有明顯進步嗎?
作者: Candygo 時間: 16-11-29 11:33
肥豬媽媽叻 發表於 16-11-29 10:13
我都咁唸
唸近quit N返密集
但都心大心細
有同感
作者: TimTimLiu 時間: 16-11-29 16:47
肥豬媽媽叻 發表於 16-11-29 10:13
我都咁唸
唸近quit N返密集
但都心大心細
有,舉手,排隊去洗間,聽指令,雖然成日講外星話,(emoji)但好過唔出聲,有2至3個先生,對最多6個小朋友一堂
作者: 肥豬媽媽叻 時間: 16-11-29 17:00
我仔仔都鐘意返學,如何決擇?
作者: TimTimLiu 時間: 16-11-29 17:14
肥豬媽媽叻 發表於 16-11-29 17:00
我仔仔都鐘意返學,如何決擇?
如果返主流學校,學習方面ok嘛直接比佢讀,可能係出面上返D言語班同感統課程,我仔都好鍾意上堂,鍾意同小朋友玩,但返左幾個月,冇乜特別進展,一直唔出聲,因剛排到,所以決定轉密習,本來有D擔心,怕全部小朋友同一症狀,會否更加唔出聲,但出來係正面,之前出街,唔會比你拖,只會向前走,現在會乖乖比手你,慢慢行,自己拿袋袋
作者: 肥豬媽媽叻 時間: 16-11-29 18:27
TimTimLiu 發表於 16-11-29 17:14
如果返主流學校,學習方面ok嘛直接比佢讀,可能係出面上返D言語班同感統課程,我仔都好鍾意上堂,鍾意同小 ...
很好啊
作者: HMHG 時間: 16-11-29 23:18
肥豬媽媽叻 發表於 16-11-29 10:13
我都咁唸
唸近quit N返密集
但都心大心細
如果經濟及時間許可, 可以繼續讀上午返N班並下午返兩/三天密集課程是最好, 但要看小朋友體能是否可應付。
作者: lam133 時間: 16-12-6 01:16 標題: 回覆樓主:
我仔A仔,輕微自閉,語言遲1年,
見6間,有3間收佢。
上月先排S位。
你後補都算有希望,
好過不取生,
1-5月放位,一定有間收。
我選了出年k1華荔村保良局。
作者: lam133 時間: 16-12-6 01:18
lulumelody 發表於 16-11-15 15:59
我囝以前也是考救世軍ㄧ車插k2,已寫信講清楚小朋友情況,點知面試要安排2點,小朋友午睡時間,還要同ㄧ個考K3 ...
咁衰架,無愛心,一定唔讀。
作者: candyfatcat 時間: 16-12-6 08:58 標題: 回覆:面試K1感覺好難受
青衣顯現堂一定收下午班,校長親自見,見面時表明自閉症,發展遲緩,都一定收。
作者: Yukiruirui888 時間: 16-12-6 12:04
lam133 發表於 16-12-6 01:16
我仔A仔,輕微自閉,語言遲1年,
見6間,有3間收佢。
上月先排S位。
可能妳仔仔唔太差,我都要在等1-5月,在搵過學校,仔仔讀緊的N班學校唔收返巨,只係比左後備位
作者: lam133 時間: 16-12-6 12:58
Yukiruirui888 發表於 16-12-6 12:04
可能妳仔仔唔太差,我都要在等1-5月,在搵過學校,仔仔讀緊的N班學校唔收返巨,只係比左後備位
...
為有再搵有間收。
歡迎光臨 教育王國 (/) |
Powered by Discuz! X1.5 |