教育王國

標題: 重讀定照上 [打印本頁]

作者: RITTY 時間: 16-11-14 16:22 標題: 重讀定照上

小朋友K.3上星期見完政府既心理醫生。。評估早期讀寫障礙。懷疑專注力不足/過度活躍症。輕微焦慮。。已報小一及必收。。但幼稚園老師問我地會否重讀。。想問下大家如果咁既情況妳地會重讀定照上小一。。。。Thx

作者: MissUmuch 時間: 16-11-14 16:45

RITTY 發表於 16-11-14 16:22
小朋友K.3上星期見完政府既心理醫生。。評估早期讀寫障礙。懷疑專注力不足/過度活躍症。輕微焦慮。。已報小 ...

我仔仔係讀寫 + 言語，3 歲半 cac評估係寫明 repeat k2, 但同校長傾過，比佢repeat k3, 順便有時間搞多年學卷， k3 打好個底上小學好 d , 我仔仔今年小一 ❣

作者: pocoyo123 時間: 16-11-14 20:48

政府心理學家點講? 重讀定上小一?

學校問你可能係想知要不要留位比你? 你有無問清楚佢點解咁問?或是老師反而覺得有需要重讀?

小一這間學校適合孩子嗎? 如你覺得非常適合, 放棄左就入唔返, 而評估報告和學校亦覺得無須要重讀, 咁咪照上小一。

作者: embed 時間: 16-11-14 20:51

我會幫佢揀重讀唔想自己個仔女讀得咁辛苦

作者: RITTY 時間: 16-11-14 21:37

pocoyo123 發表於 16-11-14 20:48
政府心理學家點講? 重讀定上小一?

學校問你可能係想知要不要留位比你? 你有無問清楚佢點解咁問?或是老師 ...

心理醫生覺得可直上主流學校既小一
但幼稚園老師就覺得佢重讀比較好

作者: pocoyo123 時間: 16-11-15 00:42

咁你又覺得所選小學對孩子程度來說可以跟到嗎?

我覺得如果所選小學只重成績, 測考頻密, 家長就要小心諗下, 因為, 這些學校一定沒有太多支援, 如果孩子成績未能追上, 那麼, 家長和孩子也會感到相當壓力。

而且, 如小孩有情緒和社交其他問題, 上到小學是會被欺凌一群。

可以再祥細問下老師覺得佢邊方面追不上, 仲有成年先上小一, 出去搵私人訓練, 可能可以追近D

作者: tinaleung 時間: 16-11-15 08:57

RITTY 發表於 16-11-14 16:22
小朋友K.3上星期見完政府既心理醫生。。評估早期讀寫障礙。懷疑專注力不足/過度活躍症。輕微焦慮。。已報小 ...

我著眼點反而係小學係傳統小學？默書係中英一星期各一次？我女就係讀寫。溫得中文就溫唔切英文，其實你咁早發現到係好事，起碼有一年時間訓練。

作者: RITTY 時間: 16-11-15 10:24

tinaleung 發表於 16-11-15 08:57
我著眼點反而係小學係傳統小學？默書係中英一星期各一次？我女就係讀寫。溫得中文就溫唔切英文，其實你咁 ...

係官校。。默書大約2星期一次。。每年2測2考。。。以我所知學校有支援。。如有讀寫問題既學生考測都會分開考，例：時間會俾多D同埋份卷既內容會唔同

作者: DollyCC 時間: 16-11-15 13:44

RITTY 發表於 16-11-14 16:22
小朋友K.3上星期見完政府既心理醫生。。評估早期讀寫障礙。懷疑專注力不足/過度活躍症。輕微焦慮。。已報小 ...

你重讀既明年無得抽獎，你要諗清楚

作者: lkube 時間: 16-11-15 14:23 標題: 回覆樓主：

本帖最後由 lkube 於 16-11-15 14:43 編輯

我之前都係，我小朋友到現在還未輪到做小一評估，小朋友現s位，又係大b.老師建議搵主㓍k3讀多一年，但小朋友足六歲去主流k3會冇哂正苦服務，冇哂3t，如果直上關愛小學都仲有支援，有st.有好多補底堂，所以最後決直上小學
另外你小朋友評估大概考啲咩？

作者: pocoyo123 時間: 16-11-15 16:00

其實, 如果小學有支援, 而評估又無叫佢重讀, 樓主, 可考慮直上小一。

最緊要家長知小孩有什麼問題, 尤其讀寫障礙, 小學對寫字認字要求高, 小孩一時間可能未能跟隨步伐, 如學校包容和家長體諒, 相信小孩一樣可以讀得開心。

祝好運

作者: 大b豬 時間: 16-11-15 16:05

lkube 發表於 16-11-15 14:23
我之前都係，我小朋友到現在還未輪到做小一評估，小朋友現s位，又係大b.老師建議搵主㓍k3讀多一年，但小 ...

請問你小孩已上小一嗎?學校支援可以嗎?因我小孩都有同樣認寫問題. 而學校不批准重讀k3, 變左我要直上小一.

作者: lkube 時間: 16-11-15 17:50

大b豬發表於 16-11-15 16:05
請問你小孩已上小一嗎?學校支援可以嗎?因我小孩都有同樣認寫問題. 而學校不批准重讀k3, 變左我要直上小一. ...

本帖最後由 lkube 於 16-11-15 17:55 編輯

打聽過間學校有幾多支援，不過小朋友下年先升小學，我全力谷緊佢，今日老師話佢寫字寫得好好，又要俾難度高啲嘅俾佢，不過驚佢情緒有起伏，因為佢一有挫折感就會發脾氣。。。。我擔心小朋友情緒問題多啲

歡迎光臨教育王國 (/)