教育王國

標題: 小二生自行換季　被罰企 [打印本頁]

作者: elbar 時間: 16-11-11 16:04 標題: 小二生自行換季　被罰企

近期天氣猶如過山車般時凍時熱，寒衣已「重見天日」，惟有學長在社交群組分享，因擔心其就讀小學二年級的兒子着涼，未按學校規定提早安排兒子改穿冬季校服，可是卻被校方罰企，該家長非常不滿，向校長撰寫投訴信（見圖），事件引起網民熱烈討論。有人批評學校做法「死板」，認為需要檢討。

在「不願小朋友成為功課奴隸」facebook群組中，有家長高呼一句：「我忍唔住要爆喇！」將兒子因天氣轉涼，提早改穿冬季校服，卻被罰企經過娓娓道來。

家長去信校長投訴

原來根據該校規定，學生必須在本月二十二日後才可以穿着冬季校服。該名家長質疑，老師亦已改穿上外套和長褲，為何學生不能換冬季校服，做法令人費解。

　　不少網民認為學校做法「死板」，認為天涼便要多穿衣物，這樣也被人懲罰，十分費解，建議學校要體諒學生，如設立一段時間讓同學因應天氣而彈性選舉穿着夏季或是冬季校服。

作者: 陽光點的歌 時間: 16-11-11 16:50

回覆 elbar 的帖子

痴根......!!!應該跟家長溝通而唔係罰左先算

作者: Jane1983 時間: 16-11-12 00:02

本帖最後由 Jane1983 於 16-11-13 10:03 編輯

其實同一件事，學校、老師鍾意點講就點講，點處理就點處理，師字兩個口。

以前聽過又係突然轉涼，死頂守規唔換季的學生，反而被老師話「唔識變通、讀死書、無獨立思考」

作者: wan_sosin 時間: 16-11-13 09:52

Jane1983 發表於 16-11-12 00:02
其實同一件事，學校、老師鍾意點講就點講，點處理就點處理，師字兩個口。

以前聽過又係突然轉涼，死頂收規 ...

上星期五十幾度又落雨，撞正學校旅行，學校無講過可以著冬天運動衫，但全班同學除了我個仔全部自動換季，其實自行換係好合理，所以老師反而問我仔做乜仲著夏天，不過我個仔真係身體好到十幾度著到短袖，老師以為佢死頂。
跟天氣著衫，常識堂都會教啦，學校應該同家長溝通，可能有個別小朋友身體比較弱要提早換冬天校服。我仔間學校，如果家長通知學校，或寫在手冊上，小朋友就可以換季。

作者: Jane1983 時間: 16-11-13 10:07

回覆 wan_sosin 的帖子

根本就係，好多IS亦無話一定要幾時换季着乜衫，睇小朋友需要。
有小朋友係壯，十幾度着長褲，兩下就成頭汗。

作者: 20120808 時間: 16-11-13 16:06

小朋友的理解理是: 媽媽錯了, 要我穿冬季校服.

一所沒有常識的學校, 因循守舊的學校, 墨守成規的學校, 要學這兩句成語, 這裡提供實例了.

作者: skkeung 時間: 16-11-13 17:28

20120808 發表於 16-11-13 16:06
小朋友的理解理是: 媽媽錯了, 要我穿冬季校服.

一所沒有常識的學校, 因循守舊的學校, 墨守成規的學校, 要 ...

香港老師走回40年前

作者: skkeung 時間: 16-11-13 17:29 標題: 回覆樓主:

香港教育走回40年前

作者: Lamhoiwai 時間: 16-11-14 13:14

學校，係要與時並進，年年睇下校規係咪要改，唔係不停番印手冊。

歡迎光臨教育王國 (/)