教育王國
標題: 你地小朋友都是記性好好嗎？ 小時候有問過生死問題？ [打印本頁]
作者: Bobo1210 時間: 16-11-7 08:45 標題: 你地小朋友都是記性好好嗎？ 小時候有問過生死問題？
本帖最後由 Bobo1210 於 16-11-17 08:07 編輯
作者: Rachelmummy2008 時間: 16-11-7 10:21
阿囡4歲都問過我，那時不知是情緒特別敏感，我在EK日記中有記下。
現在明白亦體諒她，會小心自己的言語舉動會否令她不安。亦盡量給她體會家人的愛，在學校遇到事情要她講述出來，輔導她如何面對。
記得之前有人提及mindset，學習以外，處理孩子對人事抱住正面的態度。
作者: conniewktang 時間: 16-11-7 14:43
Bobo1210 發表於 16-11-7 08:45 
我囡5歲記性好，朋友小朋友係資優，說我囡可能係。
宜加小一，英文串字很快、老師中文讀默課文，佢自己背默 ...
我仔同你個女一樣，4一5歲已問類似這些生與死的問題，又係記性好，是資優。
作者: Jane1983 時間: 16-11-7 15:59
記性好，資唔資優都好，讀書都係好著數。
講生死，可能係睇書、睇電視或者返學有人講起類似的話題，觸動小朋友某d感覺。其實無所謂，你可以開心見誠同佢講吓道理，我女細個都好多千奇百怪的問題。你好錫佢，又係佢primary care taker，在愛的基礎下，講乜都可以。
作者: 964000 時間: 16-11-8 13:38
Bobo1210 發表於 16-11-7 08:45
我囡5歲記性好，朋友小朋友係資優，說我囡可能係。
宜加小一，英文串字很快、老師中文讀默課文，佢自己背默 ...
我女3歲多已有提起生死的問題，有次説不想我老去和死，因為以後會見唔到我
有次又突然話「I don't want to die」
另外佢記性都好好，起碼好過我，我以前都好好，生完個腦好似退化了
作者: happybbg 時間: 16-11-8 17:42 標題: 引用：我囡5歲記性好，朋友小朋友係資優，說我囡
原帖由 Bobo1210 於 16-11-07 發表
我囡5歲記性好，朋友小朋友係資優，說我囡可能係。
宜加小一，英文串字很快、老師中文讀默課文，佢自己背默 ...
作者: chowqv 時間: 16-11-9 01:05 標題: 回覆樓主:
我個仔，小一時已經同我講：佢係天堂，望到我好耐；跟住佢已經同天父講，要做我既仔，之後去排隊黎地球，排咗好耐先到佢。
PS我同個仔有信仰。
作者: 964000 時間: 16-11-9 07:31
chowqv 發表於 16-11-9 01:05
我個仔，小一時已經同我講：佢係天堂，望到我好耐；跟住佢已經同天父講，要做我既仔，之後去排隊黎地球，排 ...
我女都有講過，佢兩歲多已提過自己以前在天上飛，見到媽媽，我地從來冇講過呢D野，好奇怪。
作者: Bobo1210 時間: 16-11-9 09:56
Jane1983 發表於 16-11-7 15:59
記性好，資唔資優都好，讀書都係好著數。
講生死，可能係睇書、睇電視或者返學有人講起類似的話題，觸動小 ...
係wor！ 突然想起好耐之前睇左本書，講媽媽睇住小朋友長大，最後媽媽頭髮白了，坐係露台，我囡就哭了。
囡話唔想我頭髮變白、唔想我塊面有一條條，話好肉酸
之後久唔久會講唔想我老，上星期又喊住話唔捨我我老⋯佢可能驚我死左陪唔到佢
，我才擔心，上來問問。
佢尋日又問啦！我話我老左你都結左婚，跟住佢話唔結，甘我話不如變返bb啦！佢又話好呀！跟住又無野～
救命
作者: Bobo1210 時間: 16-11-9 10:14
本帖最後由 Bobo1210 於 16-11-9 10:14 編輯
964000 發表於 16-11-8 13:38
我女3歲多已有提起生死的問題，有次説不想我老去和死，因為以後會見唔到我
有次又突然話「I don't w ...
我fd幫我問左心理學家，話資優問生死，正常。
請教你一樣野，我見你在另一個帖講photographic memory?咩黎架？
一年前我囡考starter時，我問囡點解你可以甘快記得哂d英文字點串，佢話佢印左入個腦度？甘就記到。
我個時心想：係咪吹水，點影印？
作者: scyauchris 時間: 16-11-9 10:47
回覆 Bobo1210 的帖子
你囡無吹水的, 佢地無論中英都看得好快, 你會發現默書係佢地强項。佢地好復雜的字都串到。
不過死亡個個都驚, 基本上到佢差不多十歲, 佢都會因為怕我死已喊, 我女重有好多古怪想法。好彩佢唔知那裡聽來, 自殺的人上不到天堂。我最怕係我走左, 佢會想跟我一齊, 所以佢一講我會話我走左會係天堂到等佢。
我女話人一定要有希望, 當你無希望的時候, 死神就會接近你。
作者: 964000 時間: 16-11-10 19:43
Bobo1210 發表於 16-11-9 10:14
我fd幫我問左心理學家，話資優問生死，正常。
請教你一樣野，我見你在另一個帖講photographic memory?咩黎 ...
Photographic memory, 即刻望完D野，好似張相咁印了入䐉，有不少畫家，photographer D人都有。好多小朋友有，大大下如果不用，就慢慢消失了。我自己小時都有，我記得中學後讀理科，不再依賴死記慢慢就冇了，我C6話佢小時也有，我和某些朋友説開也記得有，但有些人就話冇印象有過。我覺得小學有幫助，高中大學就沒有大幫助了，除非你的工作需要圖像記憶
作者: Bobo1210 時間: 16-11-11 08:44
chowqv 發表於 16-11-9 01:05
我個仔，小一時已經同我講：佢係天堂，望到我好耐；跟住佢已經同天父講，要做我既仔，之後去排隊黎地球，排 ...
作者: 識加無聊 時間: 16-11-15 11:11
我仔有次話話唔想阿媽落地獄。
作者: jumpjl 時間: 16-11-15 20:40
阿囡K2的時候都問過。親戚的小狗死了，我地就同佢講小狗上左天堂了。冇幾耐，有親人過身，佢就記起，上天堂的事，佢就問埋在泥土裡點上天堂。跟著就要解釋一輪
作者: LucyVanPelt 時間: 16-11-16 00:24
Bobo1210 發表於 16-11-7 08:45
我囡5歲記性好，朋友小朋友係資優，說我囡可能係。
宜加小一，英文串字很快、老師中文讀默課文，佢自己背默 ...
我個仔4歲半，亦有很多這類問題，雖然很多人説佢資優，但始終太細，唔肯定。
之前我同佢講下新聞，話大熊貓死左，佢會聯想到我
同佢睇oxford reading tree, 講world war II, 解釋乜野係war 時，佢即刻問我香港有冇，世界仲有冇..
總之好容易帶入一些很殘酷的話題令佢唔開心，而且可持續一星期，返學想起會哭，
當其時我同你一樣，很擔心，佢咁細個，就想到咁多負面野，性格咁敏感好辛苦wor.
我開始避開呢d話題，但避無可避
之後同一個讀幼兒心理的朋友傾過，其實小朋友有這種思維，我要好好輔導佢，不要block 佢的feeling,
呢d都係情感上的成長。
的而且確很多資優生性格出現問題，負面情緒也是其中之一，但如勿論係咪資優都好，做家長都要學習怎樣輔導佢。我朋友話香港對sen, 資優支援很少，所以真係好靠家長自己。
(我都係早幾日同朋友傾完，今日先上呢版望下，希望了解多d，睇下唔同意見）
我可能會報讀兒童情緒管理課程，或聽多d講座，留意下應該點同小朋友一同面對呢種情感。
作者: kkqueendom 時間: 16-11-16 11:39
我小朋友都係呢種人,學校老師都察覺,都係話要好好開解佢,做父母既講野要好小心,唔係佢地好易諗埋一邊,增加負向思想,不過無人話佢係資優
作者: Bobo1210 時間: 16-11-17 08:05
本帖最後由 Bobo1210 於 16-11-17 22:56 編輯
LucyVanPelt 發表於 16-11-16 00:24
我個仔4歲半，亦有很多這類問題，雖然很多人説佢資優，但始終太細，唔肯定。
之前我同佢講下新聞，話大熊 ...
Yes ! 終於有人明我講咩
⋯見住佢喊住講唔想我老，我都想喊，我囡無你小朋友問甘多呀⋯
最緊要囡開心
Thx all⋯
作者: bennyeva 時間: 17-1-13 16:57
Bobo1210 發表於 16-11-9 10:14
我fd幫我問左心理學家，話資優問生死，正常。
請教你一樣野，我見你在另一個帖講photographic memory?咩黎 ...
本帖最後由 bennyeva 於 17-1-13 16:59 編輯
請問樓主有冇問埋專家，如果個小朋友問生死，家長應該有乜嘢方法去開導佢哋。睇書，講道理，定係有其他方法？
照直同佢地講生老病死嘅人生道理，定係加啲宗教性質，話佢哋上咗天堂呢？如果描繪天堂嘅美好太多，我又驚佢誤以為死亡係好事。但如果太過負面，又驚影響佢情緒。
我小朋友而家四歲，三歲嘅時候已經開始問呢d問題，一開頭我都係逃避，諗住佢唔會再問，之但係佢又好好記性，記得我之前答佢嘅答案，而家我都唔敢hea 答，但又唔係好知點答，都只係答上左天堂之類。
佢而家好似理解死亡係乜嘢意思，亦都會問我一啲生物死咗之後，我地食佢會唔會好痛，我只係答佢死咗之後食，就唔痛了.....我都好想知道應該點答。
今日我去咗書店搵左幾本圖畫書，係有關生死嘅， 如果佢再問就俾去睇囉， 我又唔知佢明唔明囉
作者: 964000 時間: 17-1-14 10:56
bennyeva 發表於 17-1-13 16:57
本帖最後由 bennyeva 於 17-1-13 16:59 編輯
請問樓主有冇問埋專家，如果個小朋友問生死，家長應該有乜 ...
有時我都係答答下引開話題
作者: bennyeva 時間: 17-1-14 22:20
964000 發表於 17-1-14 10:56
有時我都係答答下引開話題
唉，我諗都係唔可以照直答⋯我今日帶佢去書店，搵左本關於生死嘅故事書解釋比佢聽，結果我同佢兩個一齊喊到豬頭咁(emoji)
作者: 964000 時間: 17-1-15 11:28
bennyeva 發表於 17-1-14 22:20
唉，我諗都係唔可以照直答⋯我今日帶佢去書店，搵左本關於生死嘅故事書解釋比佢聽，結果我同佢兩個一齊喊 ...
吾好呀
我覺得這個年紀佢地未ready, 我女有次自己看卡通片，説小熊媽媽生了弟弟之後，冇時間理佢，都喊到豬頭咁。
作者: bennyeva 時間: 17-1-16 10:13
964000 發表於 17-1-15 11:28
吾好呀我覺得這個年紀佢地未ready, 我女有次自己看卡通片，説小熊媽媽生了弟弟之後，冇時間理佢 ...
係呀，勁後悔(emoji)不過好彩我無預先買定嗰幾本書姐⋯
作者: 麥兜MaMa 時間: 17-1-19 10:48
我小朋友有問過我或佢自己老死, 去年(5-6yr)仲好長時間上床時想到好唔開心,會哭.
早幾年韓國沈船新聞, 佢怕左陌生地方坐船. 但佢唔係資優, 懶記字, 默書作文都辛苦.
作者: 麥兜MaMa 時間: 17-1-19 11:00
不過我記得自己4yr左右己有問, 而且真是有想和有D害怕.
而婆婆,祖母等,佢出生前已經離開了,更易引發佢問. 因此我都會正面D回答佢問題.
佢KG有本課有關同學離開了, 老師和同學如何紀念, 和種他留下的花. 我覺得很好很感人.
作者: 麥兜MaMa 時間: 17-1-19 11:24
有一本書, 祝你生日快"?, 說女童在公園認識了位小患癌的小姐姐.小姐姐(和媽媽)很正面去面對癌病和死亡.
除本書感人, 我有D為佢建立正面心態的預備, 因我媽和我公公都是癌而走的, 難保.....
佢近來已少左講和怕生死 問題.
上星期, 誠品見到一本媽媽變成鬼了, 亦十分感人, 我讓他自己看. 佢OK.
作者: Rachelmummy2008 時間: 17-1-21 14:18
準媽咪 我都想睇, 可以請教點可以睇到嗎 ? 發表於 昨天 18:24
你可以點擊我的頭像，然後選日誌一欄。
作者: hippoo 時間: 17-2-1 01:24
LucyVanPelt 發表於 16-11-16 00:24
我個仔4歲半，亦有很多這類問題，雖然很多人説佢資優，但始終太細，唔肯定。
之前我同佢講下新聞，話大熊 ...
多謝分享！小兒都呢個情況,成日話唔想媽媽變老
作者: 傻太 時間: 17-5-5 11:46 標題: 回覆樓主：
本帖最後由 傻太 於 17-5-5 11:47 編輯
有晚睇睇下戲個傻仔匿埋房喊，隔左陣佢出嚟塞左張紙俾我，大概係「好愛媽媽，唔想我死」，嚇c我以爲佢鬼上身
我都知佢多愁善感，只跟佢說：你乖d，媽媽就無咁快俾你激死
不過佢本身好懼怕「死亡」
| 歡迎光臨 教育王國 (/) |
Powered by Discuz! X1.5 |