教育王國

標題: 有冇人知浸信會大學附屬幼稚園好唔好？ [打印本頁]

作者: idy_w 時間: 16-11-1 13:02 標題: 有冇人知浸信會大學附屬幼稚園好唔好？

有冇人知浸信會大學附屬幼稚園好唔好？有人話他們內部管理好亂，時常轉老師，是否真實，有有媽媽小朋友讀緊？是否可以直上附屬小學？

作者: Kay1203 時間: 16-11-7 08:50

我個女讀緊浸幼K1, 我覺得間學校唔錯。呢間學校係訓練小朋友自理能力，例如要自己穿鞋穿襪，自己倒水去水杯度飲水。我個女返左學之後好開心，本來好慢熱既佢，而家主動同陌生人打招呼。浸幼會訓練小朋友在好多同學面前講野，呢方面係我最欣賞。另外，老師都好好，好留意小朋友既情緒，會好多時打俾我update下阿女喺學校情況（例如眼濕濕，有心事）。不過如果你係想個小朋友學術方面學深啲既，呢間就唔啱你了。

作者: happygirl001 時間: 16-11-7 11:38

Kay1203 發表於 16-11-7 08:50
我個女讀緊浸幼K1, 我覺得間學校唔錯。呢間學校係訓練小朋友自理能力，例如要自己穿鞋穿襪，自己倒水去水杯 ...

可唔可以分享下你和你小朋友去年interview的表現? 因為我同囝囝剛剛interview完, 覺得我和他的表現十分麻麻

作者: Kay1203 時間: 16-11-7 11:55

happygirl001 發表於 16-11-7 11:38
可唔可以分享下你和你小朋友去年interview的表現? 因為我同囝囝剛剛interview完, 覺得我和他的表現十分麻 ...

我個女係超細B(13年12月尾), 其實我唔係太知道佢表現，因為佢當時喺我後面玩玩具。我相信學校主要係希望家長可以與學校理念一致，反而小朋友表現唔太重要。

作者: idy_w 時間: 16-11-7 11:55

Kay1203 發表於 16-11-7 08:50
我個女讀緊浸幼K1, 我覺得間學校唔錯。呢間學校係訓練小朋友自理能力，例如要自己穿鞋穿襪，自己倒水去水杯 ...

想問你女是否返全日班？唔知呢間學校上附屬小學機會率有機高？果日面試我覺得主要in父母對答，小朋友只係與幾個小朋友玩玩具

作者: happygirl001 時間: 16-11-7 12:02

Kay1203 發表於 16-11-7 11:55
我個女係超細B(13年12月尾), 其實我唔係太知道佢表現，因為佢當時喺我後面玩玩具。我相信學校主要係希望家 ...

想問多少少, 咁你地當日答得算詳細嗎?我諗返自己同老公個日好似答得太簡短

作者: Kay1203 時間: 16-11-7 12:27

idy_w 發表於 16-11-7 11:55
想問你女是否返全日班？唔知呢間學校上附屬小學機會率有機高？果日面試我覺得主要in父母對答，小朋友只係 ...

我個女返半日班的。至於上附屬小學，我聽聞浸幼學生已冇咩優勢（但唔知會收幾多%）

作者: Kay1203 時間: 16-11-7 12:31

happygirl001 發表於 16-11-7 12:02
想問多少少, 咁你地當日答得算詳細嗎?我諗返自己同老公個日好似答得太簡短
...

其實我地都唔係答得好詳細，不過我同老公都好強調唔想讀要學生細細個就抄寫同催谷既學校。同埋話欣賞浸幼會train小朋友既presentation skill同build up自信。唔駛太擔心啦，唔一定答得好詳細先收既

作者: iamapapa 時間: 16-11-7 17:15

提示: 作者被禁止或刪除內容自動屏蔽

作者: peterwongpeter 時間: 16-11-16 00:03 標題: 回覆樓主:

聽聞口碑麻麻

作者: zmw1031 時間: 16-11-16 21:10

浸幼園長講到明學校唔谷，唔排名次，面試重點考家長理念是否與學校相符，時不時會有浸大幼教專業嘅大學生來做實習老師。不能直升王錦輝，只係面試王錦輝會加分及同分下優先考量。呢間學校嘅缺點係冇校服，感覺好冇歸屬感。半日班每日英文堂時間太短。普通話教師係廣西人，母語並非普通話，發音不標準。其它諸如學校環境；教學團隊；教學理念等等我都好buy。我聽過4間學校嘅簡介會，浸幼俾我感覺最好，園長好有水平，講嘢有文有路，本身係浸大講師。最後，如果小朋友去唔到王錦輝，浸幼課程不足以支撐考直私校，相信外補係必然嘅事，不過浸幼絕對係100% happy school

作者: idy_w 時間: 16-11-16 21:48

zmw1031 發表於 16-11-16 21:10
浸幼園長講到明學校唔谷，唔排名次，面試重點考家長理念是否與學校相符，時不時會有浸大幼教專業嘅大學生來 ...

謝謝你意見好詳細

歡迎光臨教育王國 (/)