教育王國
標題: 天主教總堂區學校 CMS Net11 小分享 [打印本頁]
作者: SMom 時間: 16-10-30 10:00 標題: 天主教總堂區學校 CMS Net11 小分享
本帖最後由 SMom 於 16-10-30 13:37 編輯
喺EK睇咗好耐 小朋友而家升咗小一所以想分享返小朋友嘅學校 希望幫到大家
天主教總堂區學校（下稱CMS）喺EK 被唔少會員稱為寶校
所以參觀過覺得幾好之後 其實都係當後備 （所以唔好起我底 唔該晒）
好幾個去試堂嘅家長 都話當後備
由於我哋本身唔係11網 所以去到叩門階段先報名
叩門
比想像中多人 以香港人為主 少數外籍人士 包括外籍港人
見到就起碼30個小朋友
結果
今年開多咗一班小一 所以先入到
所以見佢明明自行同派位都係37 38個位
但係就有4班小一
種族/國籍
唔少家長都想知“國際化”係咪好多南亞裔
國籍就要問先知嘅 唔敢亂講
但膚色就幾平均 有東亞人（有啲菲律賓人同東亞人一樣膚色）有啡 有黑 有白 有唔少歐亞mix
聽返校工講都幾多歐亞mix
程度
同普通校網嘅普通學校比深少少 肯定淺過名校
英文有一班算係補底班 有母語係英文嘅外籍小朋友（白人）
秩序
就咁睇啲小朋友都算乖
聽講唔算太嚴 唔會話小朋友郁下個身就罰 咁應該都唔少會郁身郁勢
都有見到小朋友跑嚟跑去高年級嘅小朋友比較唔怕醜 好敢同人講嘢
低年級就一啲啲 有啲比較怕醜
家長
見到唔少家長都斯斯文文 香港人嘅多數識英文 南亞嘅都好斯文
聽講有啲家長高薪厚職 住半山咁 （不過唔識）
名氣
好明顯係冇嘅
其他
1. 好多小朋友住得好遠 新界離島都有
2. 學校有用app 可以用app簽通告 同埋搵老師同其他家長 但就俾十幾蚊年費
3. 一般嚟講pps交錢 幾方便
總結
好滿意 適合我嘅小朋友
作者: SMom 時間: 16-10-30 11:23
本帖最後由 SMom 於 16-10-30 13:59 編輯
lingan 我同好多其他家長都好滿意 但網上資料唔多 之前都驚揀錯
所以先開post 俾多啲資料大家
其中一個誤會 就係以為呢間學校好易入
到叩門先知唔係咁 擔心咗一段日子 希望大家唔駛好似我咁
聽學校講返話第一階段15分要抽 不過幾大機會中就唔知
中英數都分組 Star Class, Sun Class
中文就分非華語同華語 見到有3組star 1組sun class但係我小朋友話佢嗰班star class都有外籍生
小朋友話係4班撈埋 再分成4組
英文數學就按能力分組
小朋友話 分完之後 成級都係分成4組
但係就1ab分2組 1cd分2組
另外 點解我會揀呢間呢
主要係因為我哋係mix family 英文係屋企嘅主要語言
唔想小朋友因為外表或者英文好啲啲而被標籤 （仲要唔係真係英文好）
而且覺得老師對母語或者家庭語言係英文嘅小朋友比較有經驗
比一般學校嘅老師更敢糾正小朋友嘅英文
加上一個比較國際化嘅環境下成長 對小朋友嘅發展會好啲
對老師都係
好多學校話活動教學 但係本地生太乖太聽話 文化上唔習慣反思 問問題
我哋覺得喺國際化嘅環境下 學生同老師係比較容易做到健康嘅互動
作者: Kenniselg 時間: 16-10-30 11:35
SMom 發表於 16-10-30 11:23 
lingan 我同好多其他家長都好滿意 但網上資料唔多 之前都驚揀錯
所以先開post 俾多啲資料大家
謝謝分享
作者: daumdaum 時間: 16-10-30 19:58
多謝SMom 分享，學校有校車嗎？是否較少用課本？功課量呢？積極考慮中，見到你的親身體驗真好
作者: SMom 時間: 16-10-30 21:32
daumdaum 發表於 16-10-30 19:58
多謝SMom 分享，學校有校車嗎？是否較少用課本？功課量呢？積極考慮中，見到你的親身體驗真好 ...
功課唔多 專心做嘅話半個鐘做晒喇
升上去應該多啲
有用書㗎 不過都好多學校嘅工作紙
作者: ume 時間: 16-11-3 00:14
多謝樓主分享。
想請問宗教氣氛濃嗎？
因為我本身是教徒，想搵一間有教會背景既happy school，校風好就夠了。
作者: ume 時間: 16-11-3 00:23
還有一個問題想問，是普教中還是粵教中？
作者: hkpapa852 時間: 16-11-3 11:12
其實如果諗住讀CMS既家長, 有以下既嘢要自己諗清楚:
1. CMS既NCS比例較高, 所以學校會比一般傳統官津小學自由度高一點, 如果家長要求傳統中式/港式紀律既學校, 要諗一諗
2. 因為NCS較多, 佢地都傾向重學習過程多於結果, 所以學校對學術既訓練既要求無一般官津校咁多/高, 好處係學習會較輕鬆, 壞處係學生學術水平無咁穩定, 所以呢間學校既升中表現好飄忽
如果接受以上既條件, 其實CMS係唔錯既
作者: SMom 時間: 16-11-3 20:49
ume 發表於 16-11-3 00:23
還有一個問題想問，是普教中還是粵教中？
唔知去到幾時真正全普
宗教氣氛方面 其實我唔係好清楚 我哋唔係虔誠天主教徒
不過我見小朋友已經識念天主經同聖母經
國際和平日亦都全校去教堂祈禱
另外有課後班係讀經班
作者: SMom 時間: 16-11-3 21:17
本帖最後由 SMom 於 16-11-3 21:26 編輯
hkpapa852 發表於 16-11-3 11:12
其實如果諗住讀CMS既家長, 有以下既嘢要自己諗清楚:
1. CMS既NCS比例較高, 所以學校會比一般傳統官津小學 ...
少少補充:關於第一項 其實我幾滿意嘅
衣著儀容方面 見到有小朋友有戴耳環
白襪有少少花邊都ok 所以我嘅小朋友仲著梗幼稚園嘅襪 好開心
不過 其實我有見到小朋友 因為玩放喺雨天操場嘅足球機俾人鬧
老師鬧嘅時候都少少惡
平時有幾嚴幾鬆就唔係係好清楚喇
至於學術水平
課程改革後其實未有畢業生 所以我只可以分享返學校講嘅 同我哋家長留意到嘅
學校話而家嘅水平（唔計ncs嘅中文）已經銜接到中學
但係佢哋嘅aim係畢業生有初中水平
我留意到嘅係 比較返小朋友同其他學校嘅默書紙 係比普通校網嘅普通學校深少少
英文方面更甚 由於好多小朋友本身識英文 所以英文水平係明顯高啲
中文方面 華語班小三嘅評估有關於北京名勝古蹟嘅閱讀理解
問題仲包括summarize啲paragraphs
比我想像中深少少 因為題目難度同題型都接近pre S1啲練習
數學就按能力 如果能力較高 會有程度比較高嘅工作紙做
同埋因為有參考外國課程 所以會比較早學代數
常識都想一提 因為佢哋係用英文嘅 所以雖然內容都係嗰啲 但係望落好似都唔易咁
譬如 佢哋做過張工作紙 係一篇關於運動員嘅剪報 佢哋就類似做閱讀理解咁
咁佢哋就會要識gymnastic呢個字先會明白內容
但係以上講嘅都係學校嘅support
學生最後有幾多就好似你所講 可能真係重視過程多啲 唔緊張結果㗎
但係我見港人家庭好多都唔係真係唔緊張結果
有見到升上嚟嘅小朋友讀2間幼稚園呀 有補習呀咁
開學家長會show咗張閱讀計劃結果
雖然遮咗大部份 但係都見到南亞名嘅睇書數目係特別少
所以緊張程度都好varies㗎
作者: 964000 時間: 16-11-3 21:22
其實在expat的forum中，不少外國人也想讀津校，有很多人也是推介這一間，評價也不錯
作者: SMom 時間: 16-11-3 21:39
964000 發表於 16-11-3 21:22
其實在expat的forum中，不少外國人也想讀津校，有很多人也是推介這一間，評價也不錯
...
真係可以好自然咁喺學校用英文嘅可能要去到41網拔小嗰隻
expat冇舊生又未必有宗教分（有啲外國洗禮唔算嘛）
而且呢啲名校要操下小朋友
文化上可能夾唔到
我老公同其他expat講起嘅時候 佢哋都覺得幾好
畢竟比國際學校 個個月慳成萬蚊
學術內容又唔差太遠
而且國際學校而家收好多有外國護照嘅香港人
expat community冇以前咁strong
冇咁易make connection
冇以前咁抵讀
作者: ume 時間: 16-11-4 08:06
hkpapa852 發表於 16-11-3 11:12
其實如果諗住讀CMS既家長, 有以下既嘢要自己諗清楚:
1. CMS既NCS比例較高, 所以學校會比一般傳統官津小學 ...
Thanks
作者: ume 時間: 16-11-4 08:07
SMom 發表於 16-11-3 20:49
普教中 每星期有一堂廣東話說話堂不過我小朋友講返 暫時都係雙語教
唔知去到幾時真正全普
明白，謝謝回覆
作者: meowymeowy 時間: 16-11-5 21:57
SMom 發表於 16-10-30 10:00
喺EK睇咗好耐 小朋友而家升咗小一所以想分享返小朋友嘅學校 希望幫到大家
天主教總堂區學校（下稱CMS）喺E ...
好奇一問：天總自行20分收得哂嗎？
作者: SMom 時間: 16-11-5 22:07
meowymeowy 發表於 16-11-5 21:57
好奇一問：天總自行20分收得哂嗎？
作者: nelnelyeung 時間: 16-11-6 09:42 標題: 回覆：SMom 的帖子
咁老師的英文程度如何呀？
如果搭校車，香港站大慨幾點上車落車呢？謝謝
作者: SMom 時間: 16-11-6 16:11
本帖最後由 SMom 於 16-11-6 16:12 編輯
nelnelyeung 發表於 16-11-6 09:42
咁老師的英文程度如何呀？
如果搭校車，香港站大慨幾點上車落車呢？謝謝
...
老師一定識英文 包括中文科老師 有幾好就唔敢講 但因為佢哋都幾多後生老師 咁廿幾三十歲 大學生 差極有個譜嘅
不過我自己覺得 喺呢間學校 語境係靠同輩多過老師
學校話小一入嚟唔識英文 小一下學期都已經識 老師未必有咁大影響力
我唔知香港站幾點上車呀 但我平時帶小朋友返學
大概7:40到香港站 會見到cms嘅學生 咁我諗差唔多係呢個時間啦
不過西營盤站行過去其實好快 如果可以自己接送嘅話其實都係多幾個字時間
作者: fatpigfatpig 時間: 16-11-6 20:18
呢間學校啲學生好頑皮，成日大叫，老師唔理，有朋友個小朋友好叻，以為入去可學英文，讀左半年，頂唔順啲無紀律，轉左去第二間。幸好佢叻，易走。
作者: meowymeowy 時間: 16-11-7 10:22
SMom 發表於 16-11-6 16:11
老師一定識英文 包括中文科老師 有幾好就唔敢講 但因為佢哋都幾多後生老師 咁廿幾三十歲 大學生 差極有個 ...
請問你當年有報天總的試堂嗎？
作者: SMom 時間: 16-11-7 14:56
meowymeowy 發表於 16-11-7 10:22
請問你當年有報天總的試堂嗎？
作者: SMom 時間: 16-11-7 15:03
本帖最後由 SMom 於 16-11-7 15:05 編輯
回覆 fatpigfatpig 的帖子
冇見到小朋友成日大叫 但佢哋講嘢好有自信 對住啲唔識嘅家長 講嘢都有文有路
小一冇考試 冇排名 所以我都唔知今年邊個係最叻 同埋想唔想走
不過放學見到啲家長 傾開計嘅都好滿意
都見唔少兄弟姊妹一齊讀
作者: meowymeowy 時間: 16-11-7 15:38
SMom 發表於 16-11-7 14:56
有呀 叩門嗰陣 同組嘅家長 應該有一半都有試堂
可以分享下試堂感受嗎？
作者: fatpigfatpig 時間: 16-11-8 22:26
回覆 SMom 的帖子
我朋友的小朋友不是一年級的，是由另一間學校插班入，讀不了一年已發覺不對勁，再三考慮，都是轉走。人人對紀律的要求不同，家長最好親身去感受一下。示範課一定俾最好你睇，不會是真象，最好平日行過睇下，放學時又睇下啲學生表現，睇埋升中派位就更好。
作者: kc0716 時間: 16-11-9 01:41
CMS校本國際化課程延伸至中學
http://www.cms.edu.hk/index.php? ... mid=240&lang=zh
2016年7月
本校獲天主教香港教區教育事務處的支持，安排與教區中學余振強紀念第二中學夥伴合作，將校本國際化課程「培育世界人才」的理念推展至中學，讓本校畢業生升讀中學時可以多一個優質的選擇，建構世界人才的搖籃。
本校自2011年由小一開始推行校本國際化課程，積極進行課程革新，務求學生能夠愉快而有效地學習，並以培育世界人才為己任。在全體教職員的勤奮努力，以及校董會和家長們的支持和鼓勵下，本校逐年擴班，將於新學年擴展至18班。現時，學生來自全球六大洲，約共三十個國籍。學校充滿多元民族文化，不同種族和國籍的學生，在這裏一同學習，一同成長，校園成為一個快樂的「世界學校」。
未來本校將繼續優化本校之國際化課程，為學生造就更多學業及非學業的成就，並與余振強紀念第二中學合作，逐步將校本國際化課程在中學推展。
余振強2中 國際課程介紹
http://www.yck2.edu.hk/CustomPage/156/sbic.pdf
作者: SMom 時間: 16-11-9 05:09
meowymeowy 發表於 16-11-7 15:38
可以分享下試堂感受嗎？
我老公就好高興見到唔同種族嘅小朋友 覺得好有親切感 因為佢細個都讀國際學校
小朋友就幾開心 又有書睇 又有得去小學 佢話老師係講中文同英文 佢好comfortable
不過小朋友上得唔多 好似上得兩期 仲要1期冇頭(waiting list)一期冇尾(畢業禮rehearsal 同正式)
當時有留意到網上講嘅其中一個情況：校長唔講英文
但係校長個style同佢講嘅教育理念都幾一致
完咗我有問下問題 感覺校長真誠相信佢講嘅理念 - 培養學生學習嘅信心同動機
有家長就好激動咁話佢哋講嘅教育理念exactly同佢諗嘅一樣（嚇親我）
整體嚟講都幾好 係有啲唔放心做白老鼠
不過有樣嘢幾失望嘅係 小朋友喺幼稚園撞返cms試堂嘅導師（唔知佢點解喺度 可能係返教會）
原來唔係cms老師嚟
觀課就冇去喇
作者: SMom 時間: 16-11-9 05:12
回覆 fatpigfatpig 的帖子
課程改革後未有畢業生呀今屆小六應該係第一屆 不過仲要多一兩年先知
作者: SMom 時間: 16-11-9 05:20
本帖最後由 SMom 於 16-11-9 05:23 編輯
小朋友啱啱小一開學 所以冇去參觀
校長話過呢間學校同cms一樣 本身唔受歡迎 而家先改革暫時未知cms嘅學生係咪會升上去 抱觀望態度
聽有去參觀嘅家長講 cms升上去可以用返英文讀
如果有cms一定人數升 對唔係band 1或者非華語嘅畢業生會係好好嘅backup
唔駛轉中文讀
作者: hkpapa852 時間: 16-11-9 10:15
SMom 發表於 16-11-9 05:20
小朋友啱啱小一開學 所以冇去參觀
校長話過呢間學校同cms一樣 本身唔受歡迎 而家先改革暫時未知cms嘅學生 ...
1. 關於中學:
余振強紀念第二中學, 係屬於"津貼中學", 有以下限制:
a. 教學語言必須按照EDB規定去執行. 因此校過去主收B3學生, 所以一定係中中, 初中只有英文一科係以英語授課, 高中目前亦只有三科可用英語授課, 所以如果要開辦國際課程, 是否能以英語授課呢? 呢個係一個疑問 (當然, 如果因有大量NCS入讀, EDB係允許將NCS納入同一班去開英文班).
b. 所以官津中學, 高中必須讀新高中課程(NSS)同考DSE呢, 咁到時仲會唔會有國際課程呢?
c. 此校過去唔見有特別為NCS而設既配套, 是否適合NCS呢?
2. 關於小學升中:
可能你認為天總新學制後既學生未畢業, 未能反映天總學生既"實力". 呢點我認同係有可能.
不過, 可惜香港升中制度, 學生全港排名, 或學校有幾多個B1學生, 都係受"前人"(過去既畢業生)成績所限制.
如果天總新課程後第一屆畢業生係下一年度, 即2017年畢業, 咁要等到2021年畢業既學生, 先"享受"到天總新課程帶嚟既"成果".
作者: SMom 時間: 16-11-9 14:22
本帖最後由 SMom 於 16-11-9 15:01 編輯
hkpapa852 發表於 16-11-9 10:15
可能你對香港既升中制度同中學模式認識不多, 我想籍此糾正一些資訊:
1. 關於中學:
我有留意升中嘅事 自己都有教下書 所以都清楚個程序嘅
試堂嗰陣校長都有特別提及校長當時話
因為cms兩年考一次嘅 pre-s1中文差過出面
排banding會蝕底啲
所以cms有好多活動培養小朋友嘅信心 講嘢有自信啲
期望喺第一round 自行報2間嘅時候已經有offer
中學方面 其實真係睇下頭幾屆升唔升上去
如果多人升上去嘅話 就算間學校係band3 都會因為cms嘅畢業生而變
畢竟cms個environment真係好unique
我諗全港得呢間津校係咁多ncs 而唔係大部份南亞裔
（唔係歧視 但係香港嘅南亞裔係一個幾strong嘅community
入到去 如果唔係南亞裔 就好似去咗人哋地方咁）
因為我真係冇去參觀 所以唔清楚佢哋點開英文班
我都知要一班8成學生係成績全港頭4成先開到
但係去咗嘅家長 話佢哋問過學生 肯定已經開咗一班英文班
仲話cms升上去一定入到嗰班
我估係好似你咁講 用ncs嚟開
順帶一提 我睇過余振強二中嘅宣傳片
都有啲懷疑佢係咪真係做到
不過佢哋應該有辦學團體support
睇多幾年再睇下點
作者: SMom 時間: 16-11-9 14:49
關於dse:
其實我仲查咗一樣嘢 就係點先可以唔考中文入大學
我見個條件係話 小學冇讀到6年正規嘅中文班先得
今年小一係3班華語1班非華語 即係大部份人都要考
至於考dse係咪=做唔到培養global citizen嘅課程
呢個我都有諗過
但係我諗返當年自己讀中學（普通文法中學）
最大嘅框係老師同同學 最需要嘅係係學習同思考嘅空間
中文英文通識 可以舉古今中外嘅例子
身邊嘅同學有唔同嘅背景 習慣討論世界各地嘅事 應該係優勢
老師都會儲到多啲教材
至於科學歷史文學嘅基本知識 全世界都係學嗰套
只係臨尾有個dse 要學返考試
銜接上問題應該唔大
另外 其實都有學生自己去考gcse sat
歐洲都有唔少國家support海外嘅home schooling 可以考返自己國家嘅試
而呢樣嘢亦都唔係學校會禁止
所以暫時都唔擔心
作者: hkpapa852 時間: 16-11-9 15:05
SMom 發表於 16-11-9 14:49
關於dse:
其實我仲查咗一樣嘢 就係點先可以唔考中文入大學
我見個條件係話 小學冇讀到6年正規嘅中文班先得
其實呢點唔係咁簡單去理解:
應該係:
以非華語為主要語言既學生, 如果在升中前沒有受過6年正規的中文教學, 係DSE先符合以其它外語代替中文既資格
- 如果只係攞住香港身份既學生, 即使讀唔夠6年規中文, 一樣不能係DSE中以外語代替中文
- 同樣NCS如果讀咗6年正規中文先升中, 一樣不能係DSE中以外語代替中文
- 唯一未能肯定既係, 如果攞住外國護照既學生, 如果讀唔夠6年規中文, 能否係DSE中以外語代替中文呢?
作者: SMom 時間: 16-11-9 15:45
hkpapa852 發表於 16-11-9 15:05
我見個條件係話 小學冇讀到6年正規嘅中文班先得
其實呢點唔係咁簡單去理解:
係咪香港人唔同係咪中國人（唔係講政治嘢）
我老公就係外籍港人 唔識中文
朋友老公都係外籍港人 識中文
香港人身份同國籍係兩回事
同埋語言更加係3回事
NCS讀到6年中文應該唔叫NCS?
有啲外籍外語家長照俾小朋友讀華語班 寧願成績差
不過我頭先講嘅係 CMS今年小一係4份3都讀華語班
即係呢4份3人直升上去 考dse都要考埋中文先入到香港嘅大學
但係可以唔考DSE嘅姐 尤其有外國國籍同背景 考其他國家嘅公開試好正常
香港背景中國籍/英國籍(oversea)香港人都可以考外國試(盡量政治正確)
我嘅小朋友就未plan好 睇佢讀書點再算
作者: hkpapa852 時間: 16-11-9 16:12
SMom 發表於 16-11-9 15:45
Non Chinese Student 個chinese應該係指語言唔係國籍？
係咪香港人唔同係咪中國人（唔係講政治嘢）
我老公 ...
係EDB網站, 涉及NCS既資料, 通常係涵蓋晒兩樣嘢
http://www.edb.gov.hk/tc/student-parents/ncs-students/about-ncs-students/index.html
考取資助大學學位, 係有限制, 不過都係基於NCS:
http://www.jupas.edu.hk/tc/application-procedures/application-information/alternative-qualifications-in-chinese-language-acl-for-ncs-applicants-only/
但到底點先係真正既NCS呢....... 我不能肯定, 但現實係, 目前有學校利用呢個漏洞, 教攞住外國護照既香港學生, 係小學唔好讀足6年正規中文, 等日後可以唔考DSE中文科 (其實得唔得呢?)
不過其實學樓主話齋, 唔考DSE, 考國際試(唔需要理係咩國籍)一樣可以入到U, 不過如果想考取本地資助大學既學位, 經DSE始終係最大機會既.
作者: kvvvcheung 時間: 16-11-9 17:17
hkpapa852 發表於 16-11-3 11:12
其實如果諗住讀CMS既家長, 有以下既嘢要自己諗清楚:
1. CMS既NCS比例較高, 所以學校會比一般傳統官津小學 ...
作者: hkpapa852 時間: 16-11-9 17:44
kvvvcheung 發表於 16-11-9 17:17
是否只有22.22% BAND 1左右呢? 謝謝!
| 2013-2015 | 2014-2016 |
| 升讀B1中學比例 | 10.00% | 22.22% |
| 升讀B2A-B1中學比例 | 15.00% | 22.22% |
作者: kvvvcheung 時間: 16-11-9 17:51
hkpapa852 發表於 16-11-9 17:44
如果以我新既B1中學名單去計, 過去兩年升讀B1中學比例如下:
因為我見佢只有18個人升中~
作者: SMom 時間: 16-11-19 22:43
CMS英文語境真係好好
星期五去完親子旅行
我原本以為淨係同唔識中文嘅小朋友講嘢先會用英文
但係星期五見到佢哋係gather一齊就全英
見到有啲家長 英文唔流利都好努力講
如果想真係有英語語境 又唔target好chur嘅學校
我真係極力推薦cms
不過有聽到其他家長 好驚今年又開多班 或者收分愈嚟愈高 親戚15 20分唔夠入
作者: Lubby0609 時間: 16-11-22 17:08
我想請問學校老師有愛心，會關心學生嗎？
作者: kvvvcheung 時間: 16-11-22 17:33
20分自行入到嗎?
作者: SMom 時間: 16-11-22 21:26
kvvvcheung 發表於 16-11-22 17:33
20分自行入到嗎?
唔知淨返嗰19個幾分
上年就15分先要抽
作者: kvvvcheung 時間: 16-11-22 21:30 標題: 回覆樓主:
學校有分精英班制嗎？謝謝
作者: SMom 時間: 16-11-22 21:45
本帖最後由 SMom 於 16-11-22 21:47 編輯
kvvvcheung 發表於 16-11-22 21:30
學校有分精英班制嗎？謝謝
cms中英數按能力分group 能力高啲嘅star class
中文3班star class 1班sun class
英文 數學 各兩班
分abcd班就random
不過下年係3班 唔知幾班star 幾班sun
作者: kvvvcheung 時間: 17-6-13 10:04
大家知唔知幾時有試堂? 謝謝
作者: kvvvcheung 時間: 17-6-13 10:05
hkpapa852 發表於 16-11-9 17:44
如果以我新既B1中學名單去計, 過去兩年升讀B1中學比例如下:
作者: FrankieFUNG 時間: 17-6-13 13:20
nelnelyeung 發表於 16-11-6 09:42
咁老師的英文程度如何呀？
如果搭校車，香港站大慨幾點上車落車呢？謝謝
...
作者: kvvvcheung 時間: 17-6-13 22:22
FrankieFUNG 發表於 17-6-13 13:20
老師們兩文三語完全冇問題，有些老師有第四第五語言的
(emoji)
| 歡迎光臨 教育王國 (/) |
Powered by Discuz! X1.5 |