教育王國

標題: K3 出去上數學堂好怪獸咩 [打印本頁]

作者: irisw 時間: 16-10-28 13:42 標題: K3 出去上數學堂好怪獸咩

阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催谷型，嬲到爆，我真係好怪獸嘛?

作者: little_child 時間: 16-10-28 14:04

K3去邊度學數學?

咁細個好難講咩數感架喎

作者: irisw 時間: 16-10-28 14:08

仲未開始學，但開始留意緊

作者: IloveJJ 時間: 16-10-28 14:18 標題: 回覆樓主:

提示: 作者被禁止或刪除內容自動屏蔽

作者: irisw 時間: 16-10-28 14:42

我個女係十位內加減數都搞唔掂，我唔係要佢叻，只希望達到基本程度

作者: brother4 時間: 16-10-28 15:26 標題: 回覆：K3 出去上數學堂好怪獸咩

真不算怪獸，見人要背乘數表

，帶小朋友去超市買玩具/糖果，估容易入腦D

作者: twlo 時間: 16-10-28 15:48

唔算，各人喜好。
有需要的話，數學加減早D學無問題，到小一要考埋解題就一定要理解才可。到時仲頭痕。
其實我的小朋友讀P1開始，星期日早上也找人補習，朋友也問有需要嗎?
講真，沒有需要，只是姐姐放假想找人睇吓個小朋友，可以瞓晏啲

作者: wan_sosin 時間: 16-10-28 16:14

irisw 發表於 16-10-28 14:42
我個女係十位內加減數都搞唔掂，我唔係要佢叻，只希望達到基本程度
...

如果小學讀普通學校，無教快嗰D, 小一會從頭由數數教起，然後再教5的組合，10位內加數等。。。基本上幼稚園唔識加數都無問題。
但如果要去考學校，咁當然要識咗先啦。

作者: bobo101^*^ 時間: 16-10-28 16:19

irisw 發表於 16-10-28 13:42
阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催 ...

唔怪獸, 我見部份港媽叫小孩在K2時, 要學及背九因歌添

作者: IloveJJ 時間: 16-10-28 19:19

提示: 作者被禁止或刪除內容自動屏蔽

作者: samsam123321 時間: 16-10-28 19:50

真是很怪獸

作者: samsam123321 時間: 16-10-28 19:51

對小朋友傷害了也不知道，仲自以為佢好

作者: samsam123321 時間: 16-10-28 19:57

本帖最後由 samsam123321 於 16-10-28 19:57 編輯

唔補十年後會不會唔識加減乘除？

作者: tkinwong 時間: 16-10-28 22:02

唔怪。小一已有人去參加奧數，幼稚園唔谷，小一點參加奧數？

作者: cindyyip21 時間: 16-10-29 00:07

我個人覺得怪獸定義係無理會小朋友能力感受，去做d令親子關係不協調的事。
所以，我覺得心態重要啦，你比佢學，而不會因佢學唔識而罵他，只係在旁支持他，那就不怪獸了

作者: kkhon 時間: 16-10-29 02:19

回覆 irisw 的帖子

怪吾怪兽係睇你咩心态去補數。我仔以前K2学校教加減，但佢对這概念好差，於是K3开始去e nopi 補數。学左大约一年就停左，上到小学能轻松應付。

作者: stockmike 時間: 16-10-29 04:22 標題: 回覆：K3 出去上數學堂好怪獸咩

當年K3我都做過，學珠算學到快速多組兩位數加減，答案有八成計中。我初頭以為好叻，大約三個月度覺唔對路，例如 78 加89 加99 佢可以計到，3 包檸檬茶每包 8 蚊佢計唔到，之後唔學明白重點是在理解能力同看字能力。到細囡乜都唔學玩數手指，因要考小一，我一路都擔心佢個種又慢又會錯的數法。而家小一，啲數都 ok，test 有試過滿分。總結係初小學數可自己教同唔洗 push, 佢理解能力未到點 push 都無用，而家多啲伴讀，等佢認多幾個字，對初小數文字題幫助好大。第日初小會難到他的多是文字題同本身的大意，唔睇題目。純算式的加減乘除好難會錯。

作者: regfong 時間: 16-10-29 09:33

stockmike 發表於 16-10-29 04:22
當年K3我都做過，學珠算學到快速多組兩位數加減，答案有八成計中。我初頭以為好叻，大約三個月度覺唔對路， ...

非常同意。要理解文字題好重要。就算好叻加減，理解錯題目都無用。

作者: irisw 時間: 16-10-29 09:40

多謝各位善意嘅提點同意見

其實我只係想佢上小學冇咁辛苦。無論興趣班同學術上我都冇push過佢。亦唔敢比任何壓力佢。

作者: WChan4691 時間: 16-10-29 10:26

提示: 作者被禁止或刪除內容自動屏蔽

作者: irisw 時間: 16-10-29 10:32

WChan4691 發表於 16-10-29 10:26
咁你有沒有給孩子最少一小時的自由時間，由得孩子自己作主做甚麼，玩甚麼，甚至只是發白日夢也可以。 ...

每日功課十五分鐘完成，其餘時間都係玩
星期六一樣興趣班，其餘時間都係玩，玩，玩。
除咗你地話我補數學怪獸之外，我諗我一啲都唔怪獸掛

作者: babywoman 時間: 16-10-29 10:57

irisw 發表於 16-10-29 10:32
每日功課十五分鐘完成，其餘時間都係玩
星期六一樣興趣班，其餘時間都係玩，玩，玩。
除咗你地話我補數學 ...

如果只係想學基本數，每日同佢玩come 棉胎。

作者: irisw 時間: 16-10-29 10:59

babywoman 發表於 16-10-29 10:57
如果只係想學基本數，每日同佢玩come 棉胎。

有同佢玩啤牌，X 烏龜，come 棉胎之類

作者: WChan4691 時間: 16-10-29 11:42

提示: 作者被禁止或刪除內容自動屏蔽

作者: irisw 時間: 16-10-29 12:06

WChan4691 發表於 16-10-29 11:42
是他自己玩而沒有父母或其他人參與嗎？

同兄弟姊妹玩有，自己玩有，父母晚晚在家，伴讀伴玩，你仲有咩想提點下我?

作者: huba 時間: 16-10-29 14:51

irisw 發表於 16-10-29 12:06
同兄弟姊妹玩有，自己玩有，父母晚晚在家，伴讀伴玩，你仲有咩想提點下我?
...

伊索寓言有一個「父子騎驢，倒為驢騎」的故事，記得嗎？你的安排決定，自己清楚明白便可，不用太著意路人的意見。

作者: irisw 時間: 16-10-29 15:24

huba 發表於 16-10-29 14:51
伊索寓言有一個「父子騎驢，倒為驢騎」的故事，記得嗎？你的安排決定，自己清楚明白便可，不用太著意路人 ...

多謝你

作者: Mchacha 時間: 16-10-29 23:39

其實K3我覺得問題不大，最重要小朋友有興趣和享受就可以。

作者: wonglily 時間: 16-10-30 05:42

幼稚園時學校有教操作式，學了之後一直對數學，很有幫助。

作者: MrBeast 時間: 16-10-30 08:33

huba 發表於 16-10-29 14:51
伊索寓言有一個「父子騎驢，倒為驢騎」的故事，記得嗎？你的安排決定，自己清楚明白便可，不用太著意路人 ...

其實我覺得這故事可以更好，加入更多伸展和聯想原素

作者: lingan 時間: 16-10-30 11:38

一d都唔怪獸。
你唔覺自己怪獸就唔洗理人地點諗。
我女數感也是很差，K2決定學Enopi，因為自己唔知點將一些較抽象嘅概念教佢。人地有好方法，為何不去學下呢？現在剛小一，根基算打好咗，一d都無谷佢要學到幾叻，覺得當時選擇好正確。

作者: huba 時間: 16-10-30 14:19

MrBeast 發表於 16-10-30 08:33
其實我覺得這故事可以更好，加入更多伸展和聯想原素

不肯定你真正想表達的是什麽，如果是跟這帖子相關的話，就請繼續說下去吧。

作者: MrBeast 時間: 16-10-30 16:57

回覆 huba 的帖子

完全不聽取別人意見，可以是堅持，亦可能是ignorant，當然盲從付和也不明知，最好就詳細問明理據。
至於有冇需要補數，除非是真的對數好有興趣，個人就覺得有點兒拔苗助長，但明白父母望子成龍和現時考小一的壓力

作者: huba 時間: 16-10-30 17:05

MrBeast 發表於 16-10-30 16:57
回覆 huba 的帖子

完全不聽取別人意見，可以是堅持，亦可能是ignorant，當然盲從付和也不明知，最好就詳細 ...

多謝你肯表達出來，不然未必有人明你的意思。

作者: HaYi 時間: 16-10-30 17:23

我2個都係數感一般, K2個時開始去學Eyelevel (以前Enopi), 哥哥升小一前是學到除, 之後停左. 到而家高小冇去補數.  弟弟而家K3就要學乘, 數是我唯一出去學的較學術的野, 主要是我要番工, 放工又晚,  冇時間同佢地多practice, 所以哩種每天做少少功課的方式幫佢地較為持續在數. 又冇公文式太多, 好似好大壓力. 但因是英數, 所以如果第日上中數的學校, 是要學習多D中數, 尤其是應用題.

乘數表我都有叫細的得閒背下, 反正唸口簧  (用學數冇咩關係), 其實乘除是正常小三的課程, 小一二會有少少用加都可以做出的功課, 只是用乘除去想會快D.  所以一早學左都不是叻, 仲要keep 住不要忘記, 希望到真正用時會快D pick up.

但數學的應用在上哩類堂我覺得是不夠, 在假日我都有多問應用, 我不用他們好叻數, 但應付到功課同考小一要求就OK.  反而語言我需要佢地加強, 所以我親子的時間通常用在語言類同閱讀上. 至於人地說怪唔怪獸我是不會理, 自己知道小朋友同大人需要最重要.

作者: IncyWincySpider 時間: 16-10-30 17:32

本帖最後由 IncyWincySpider 於 16-10-30 17:34 編輯

K3學數無問題，若果只是加減乘除，我覺得這些可以自己教，將來用錢的機會多的是啊!

背成數表無問題啊，分開背，用不同方法慢慢去記就可以了。印象中我仔幾年前小一下學期都學簡單乘數了，只是早一點準備而已。概念就以生活化形式講解，不要迫他即時學懂，來日方長。

當年我仔升讀小一後，一方面要適應小學生活，一方面應付各科大量功課，幸好中英數在升小學前己打了點底，所以當其他同學都讀得辛苦時，我仔還有時間看很多書，並參加了很多學校舉辦的課外活動。

作者: IncyWincySpider 時間: 16-10-30 17:42

學習最重要保持佢既興趣，快別人學識好多，沒太大意義。他們有興趣的話，會主動希望學多D架。
最緊要不要迫細既小朋友不停計數，佢哋會無晒興趣。

作者: MrBeast 時間: 16-10-30 21:07

HaYi 發表於 16-10-30 17:23
我2個都係數感一般, K2個時開始去學Eyelevel (以前Enopi), 哥哥升小一前是學到除, 之後停左. 到而家高小冇 ...

若為ham接小學課程，我也會選擇加強語文和理解能力，因為好多時是解題有困難。考小一無奈就要谷谷，要以生活化的方法培養小朋友數感要花很多時間和腦汁

作者: IloveJJ 時間: 16-10-30 23:39

提示: 作者被禁止或刪除內容自動屏蔽

作者: IncyWincySpider 時間: 16-10-31 00:34

MrBeast 發表於 16-10-30 21:07
若為ham接小學課程，我也會選擇加強語文和理解能力，因為好多時是解題有困難。考小一無奈就要谷谷，要以生 ...

同意要自小要培養語文能力和理解能力，很花時間但很重要。我見有些家長說升小一學生甚至題目嘅字都未識晒，點理解？簡單一題數學，家長要教生字，教理解，還要教佢點計，小朋友會好辛苦，要最少半年以上才能適應！

作者: bopui0607 時間: 16-10-31 09:46

回覆 irisw 的帖子

我小朋友K2開始讀, 我主要係覺得裡面有d內容可以訓練logical thinking, 對小朋友好, 絕對唔係諗住應付小學課程.

作者: tong_tong_c 時間: 16-10-31 14:41

只睇K3學數學，我唔認同樓主係怪獸。
過來人經驗，仔仔讀Happy school，平日功課15-20分鐘已完成，而我check功課係只會望下係咪做晒，什至唔check。但我仔K2已開始參加學校的奧數班。
其實數學唔只係加減乘除計算，我仔初學奧數時，係學寫1-100，數單雙數，咩叫雙位數，咩叫3位數，3個數字可以組成最大的數值，及至數圖型，數有幾多條邊，建立點綫面概念。
有時唔係話家長唔識，而係我地唔係專科，唔知道可以教呢d野。我個仔學數學，無功課，無操練，而家佢自己愛上數學，得閒會自己做數。

作者: corachanyy 時間: 16-10-31 16:03

一D都唔怪獸... 所謂各有前因... 自己知自己事就得...

作者: vpo0615 時間: 16-10-31 18:11

我個小朋友(K1)去EYE LEVEL讀PLAY MATH, 有個家長話"嘩! 咁細個就要佢嚟補習....", 我心諗, 關你蛋治!?

作者: day_bo 時間: 16-10-31 18:23

irisw 發表於 16-10-28 13:42
阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催 ...

做自己認為合適的事便可，做什麼事身邊總有人認同有人不認同。意見可照聽，但你始終是最了解你小朋友的人。

作者: 順子 時間: 16-10-31 18:56

怪唔怪獸無方法可以介定到，我似我咁，阿仔升小派左最尾志願學校，叩左十幾間都唔收，從申唔係我仔有什麼學習問題，而係面試的確好現實，間間揀精英，除非你識人。到現在我比仔學野，身邊都有人話我谷個仔，（其實我唔認為自己谷）但大家背後故事唔同，有人小學已有可聯繫的中學，我仔無，所以我要更加努力，加上我覺得我仔係有能力可以應付到的，所以我都要學懂盡量唔理身邊既閒言閒語。

作者: LODAVID 時間: 16-10-31 19:03

我仔都有學. 我當然覺得唔怪獸,

而我要仔出去學原因為: 我要佢上堂同係希望佢理解何為學生責任, 何為功課.
現在佢好快完成功課, 亦有玩樂時間.
.....之前學數CENTER叫仔參加比賽, 我一口拒絕了, 因為我目的唔係要佢參加比賽

出去學數學大多係操數, 但數學係要理解, 唔係純操數...所以在空閒時可問D生活應用數學題.

作者: wonglily 時間: 16-11-1 06:53

最緊要知道自己做緊乜，有時小朋友遇到學習問題，那怕佷簡單，佢唔明就唔明，能夠推開那度門，就有另一番景象。親身經驗，數學尖子，理解除數直式計算有困難，都花很多時間才能令佢理解。

作者: eddychuchu 時間: 16-11-1 10:58

係,你真係好怪獸

我個女而家一年班都無補習,這麼快就補習會領小朋友失去學習興趣,再者坊間補習社對一個K3補習成效及方法我都有懷疑

作者: siufa 時間: 16-11-1 14:19

回覆 irisw 的帖子

現在好多K2都已經去上英文數學班, 不奇怪呀。我都想去, 但欠時間和金錢吧。

作者: luvgaga 時間: 16-11-1 15:19

irisw 發表於 16-10-28 13:42
阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催 ...

都幾怪

作者: fanny0139 時間: 16-11-1 18:13

唔好理人點諗, 自己認為有需要就去做。我大女K2時已發現數學唔掂，教數手指都教到嘔血, 到K3下學期已經要有小一適應課程，更加唔知點算....最後出去補習, 人地有方法同好多活動教材令佢易明D.

作者: palmchristy 時間: 16-11-1 18:59

呢個係外判文化現象, 好難話怪獸與否, 家長可以自己判斷.

其實, 去到中學甚至高小, 家長有啲野跟唔到, 所以孩子要補習一啲都唔奇.  有啲專業範疇例如樂器, 家長想教亦教唔到, 亦都要請專人教.

個人就好享受自己親手培育孩子, 和孩子一同經歷和成長的過程.  教識個女踏單車, 佢真係幾年都記得.  唔想將呢個感覺送俾人.

作者: mecskw 時間: 16-11-1 19:37

視乎家長心態啦，如果只為起跑線、考小學⋯有啲怪獸囉

作者: PONGRENATA 時間: 16-11-3 09:46 標題: 回覆：K3 出去上數學堂好怪獸咩

吾奇怪，我都俾囡K2暑假后開始學數學，自問數感超级差，怕她似我。所以，甘早比她學，宜家她最鍾意數學有自信。物有所值！宜家升小一無學了。

作者: cat0412 時間: 16-11-3 11:10

覺得只要你唔係罵佢, 佢又鐘意上既, 就唔怪獸....

喊晒口話唔上都要迫佢上嗰D 先係....

作者: jestella 時間: 16-11-4 11:38 標題: 回覆：K3 出去上數學堂好怪獸咩

我囡都係k3，學咗eye level數個幾月，諗住學埋呢幾堂就停，打算自己教番。之前一直主力放喺親子閱讀上，冇時間理埋數，又搵唔到適合教材，C6又唔理，一直拖。最近覺得都係自己嚟算了，因為感覺centre D題目都係狂操，進度十分緩慢，感覺$200/45mins好唔抵

作者: happymama2009 時間: 16-11-4 17:24 標題: 回覆：K3 出去上數學堂好怪獸咩

唔怪獸。如果小一去面試直私，就明白點解k2-3要出去上數學堂。

作者: happymama2009 時間: 16-11-4 17:26 標題: 引用：唔好理人點諗,+自己認為有需要就去做。我大

原帖由 fanny0139 於 16-11-01 發表
唔好理人點諗, 自己認為有需要就去做。我大女K2時已發現數學唔掂，教數手指都教到嘔血, 到K3下學期已經要有 ...

呢句真，人地係有方法教數學，易明又有趣

作者: s.andp 時間: 16-11-4 18:18

提示: 作者被禁止或刪除內容自動屏蔽

作者: stockmike 時間: 16-11-5 03:51 標題: 回覆：K3 出去上數學堂好怪獸咩

如果已考到小一，可以唔洗補，小朋友自有他的學習階段，我記得幾年前我出過 post 爺爺叫我仔 K3 背X數表，我重概嘆谷谷文化傳染到當年對我讀書不理又不干擾的爸爸。到小二仔仔都未背到足，我諗緊有冇攪錯，但都唔太擔心，因佢重應付到學校測驗，而且算高分。到而家小三，我已經無諗到佢會唔識 X 數，佢心智到嗰個階段就明咗。回想吓，當年如果因跟大隊去補去助吓長，我結果會很不同嗎？佢計數叻到計數機快又點? 同樣時間，點解我唔用多啲時間俾佢看吓圖書認字，佢又開心我又高興。重點係唔洗日日為推個少少進度而爭吵，雞犬不靈。某程度上，我認為高中純數唔係人人應付到，有啲人思路根本唔啱讀，即叫條魚爬樹，要向其他科發展。

作者: jestella 時間: 16-11-5 03:56 標題: 引用：成日講happy,+幼稚園只是吃玩瞓才怪獸上到

原帖由 s.andp 於 16-11-04 發表
成日講happy, 幼稚園只是吃玩瞓才怪獸
上到小學就知道自挖墳墓

其實冇乜純happy家長掛？如果要繼續喺香港讀書，就要適應遊戲規則啦，幾冇學術要求嘅家長都要幫小朋友培養好嘅行為同學習習慣，咁有咗前者，其實讀書都唔會差得去邊（有特殊教育需要除外）

作者: stockmike 時間: 16-11-5 12:18 標題: 引用：Quote:原帖由+s.andp+於+16-11-04+發表成日

原帖由 jestella 於 16-11-05 發表
其實冇乜純happy家長掛？如果要繼續喺香港讀書，就要適應遊戲規則啦，幾冇學術要求嘅家長都要幫小朋友培養 ...

良好學習態度，呢個就係重點。唔使為推個小小推度同人鬥快，一年學二年，二年學定三年。其實終點一樣，中途中三揀科，中六 DSE. 中二你唔會叫佢學定中三數，DSE 唔會叫佢學定大學數，而且到時青春期佢都唔會聽你講。語文除外，我覺得聽講的語文由4至12歲多接觸較好。

作者: Muigg 時間: 16-11-5 22:04

MrBeast 發表於 16-10-30 21:07
若為ham接小學課程，我也會選擇加強語文和理解能力，因為好多時是解題有困難。考小一無奈就要谷谷，要以生 ...

同意

歡迎光臨教育王國 (/)