教育王國

標題: 小朋友大意問題 [打印本頁]

作者: bb鼠 時間: 16-10-28 09:34 標題: 小朋友大意問題

今年已經5年級，數學今年教的識但大意，唔睇清楚題目，發夢咁，最大又填最小，最小又填最大，又做得慢，上年考試前做練習全部有90幾分，到考試派成績卻得60幾，佢話唔夠時間做，有2版長題目沒做，我想喊出嚟⋯⋯唉
測驗測返4年級的又忘記了⋯⋯
我已經每日放工用個幾鐘每項功課睇，都係咁，我就嚟崩潰了⋯⋯

作者: little_child 時間: 16-10-28 10:56

四年級的數學成績係點?

數學到五年級會深好多, 由整數四則變成分數四則, 抽像左好多架

作者: bb鼠 時間: 16-10-28 11:02

little_child 發表於 16-10-28 10:56
四年級的數學成績係點?

數學到五年級會深好多, 由整數四則變成分數四則, 抽像左好多架

上年上學期60幾分，因為話唔夠時間做，下學期教咗佢應該做長題目先，下學期86，又係有幾題大意，唔係應該90幾
今年分數加減、4捨5入、方向佢全部識㗎⋯⋯我每日有睇佢功課，係大意，加加下可以變咗減又或者進完數反而細咗

作者: 200904 時間: 16-10-28 11:24

睡眠要好，溫習是平時溫，提前一周溫書，但考試前一晚，必須睡好，睡足。父母在這一點一定要做好。考試前，也要叮囑一下細心的“方法”，提醒孩子的個別不足，比如，符號要看清楚，先做長題目，等等。以提醒方式，而非指責方式。再加以擁抱，鼓勵的笑容。孩子會以開心心情去應試，則事半功倍。

作者: little_child 時間: 16-10-28 11:54

200904 發表於 16-10-28 11:24
睡眠要好，溫習是平時溫，提前一周溫書，但考試前一晚，必須睡好，睡足。父母在這一點一定要做好。考試前， ...

同意, 試前最緊要休息, 臨急拋佛腳無乜用的
同埋, 小朋友要鼓勵而唔係責罵.

作者: bb鼠 時間: 16-10-28 12:05

200904 發表於 16-10-28 11:24
睡眠要好，溫習是平時溫，提前一周溫書，但考試前一晚，必須睡好，睡足。父母在這一點一定要做好。考試前， ...

前一晚8點幾已經瞓咗⋯⋯
送返學時又提過小心d睇

作者: tutik 時間: 16-10-28 17:08

我都想知！見有一半係唔小心既錯，做家長難免為佢不值。
最頭痕揾唔到方法幫佢，之前既努力不成正比。

作者: bb鼠 時間: 16-10-28 17:09

tutik 發表於 16-10-28 17:08
我都想知！見有一半係唔小心既錯，做家長難免為佢不值。
最頭痕揾唔到方法幫佢，之前既努力不成正比。 ...

我覺得佢應該是測驗限時，佢又計得慢，心急就更大意

作者: tutik 時間: 16-10-28 17:15

bb鼠發表於 16-10-28 17:09
我覺得佢應該是測驗限時，佢又計得慢，心急就更大意

唔通真係要去操數班？我好唔想因為學校已經做到反艇。樓主呈分更緊張。

作者: bb鼠 時間: 16-10-28 17:18

tutik 發表於 16-10-28 17:15
唔通真係要去操數班？我好唔想因為學校已經做到反艇。樓主呈分更緊張。
...

平時做功課已經做到好夜，佢精英班，個個同學心算好快，但佢就仲要數手指/寫出來...
下學期呈分了⋯⋯好大壓力
操券沒用，因為她不是不懂

作者: brother4 時間: 16-10-28 18:47 標題: 回覆：小朋友大意問題

順其自然吧!上中學用計算機

作者: IloveJJ 時間: 16-10-28 19:16

提示: 作者被禁止或刪除內容自動屏蔽

作者: bb鼠 時間: 16-10-28 19:18

IloveJJ 發表於 16-10-28 19:16
唔係喎，就係懂先操卷，唔懂應該要再教清楚。上年既已忘記，即是唔識啦！就要再教。
...

要教返幾多年
平日已經2本數要做，仲要操

作者: bb鼠 時間: 16-10-28 19:19

brother4 發表於 16-10-28 18:47
順其自然吧!上中學用計算機

但係宜家要過呈分呀

作者: IloveJJ 時間: 16-10-28 19:24

提示: 作者被禁止或刪除內容自動屏蔽

作者: brother4 時間: 16-10-28 19:25 標題: 回覆：bb鼠的帖子

早D睡，做快D，希望可重覆一次吧!

作者: babywoman 時間: 16-10-28 20:37

你地數學考試好多版?慢兩拍就會做唔晒?
我仔都冇心算, 佢小二時經常心算,但成日計錯數, 加減都有時錯. 我叫佢慢啲, 用直式在算草紙計.之後就少咗好多唔小心. 做快冇用, 錯晒豈不是嘥心機.

如果我係你, 找出三四年班啲作業, 先揾曾做錯過的, 選出來用電腦打印出來做一次. 或者去買練習 , 選曾做錯過的來做,不過咁樣很浪費錢.

如果成日做唔晒, 去買練習, 專門是測驗卷嗰種, 計時進行.令佢有考試的狀態

我曾問過我仔, 數學科你應該最有信心的, 為什麼考試都會害怕?
佢答, 我係小朋友黎, 點同你地大人, 考試梗會緊張害怕.

不知算不算建議, 因為我仔暫時未試過做唔晒, 但總要多方面嘗試

作者: bb鼠 時間: 16-10-28 21:36

IloveJJ 發表於 16-10-28 19:24
我個仔其實幾似你女，佢都係諗得慢，而且會忘記上年既野。
我既方法係，測考前，先俾份模擬試卷佢做，睇住 ...

我女如果我坐佢隔離，佢會不停想問我想撞自己唔去深入諗，一陣又問7+8係咪15？一陣又咪40/5係幾多
我睇住佢做我會爆㗎！見佢3+7又數手指，24/3又要寫

作者: bb鼠 時間: 16-10-28 21:51

babywoman 發表於 16-10-28 20:37
你地數學考試好多版?慢兩拍就會做唔晒?
我仔都冇心算, 佢小二時經常心算,但成日計錯數, 加減都有時錯. 我叫 ...

女4年級開始有做唔切嘅問題，測驗一般50題，45分鐘完成。當遇著選擇題要計哂4個先知答案嘅佢就浪費好多時間，其他懂心算的同學，一看就知答案根本唔洗計。
佢就是無人轉得咁快同埋再做多幾題佢個人都會好亂
但掉轉，常識呢d齋背嘅佢又好勁

作者: MyBear 時間: 16-10-28 22:33 標題: 回覆：bb鼠的帖子

越睇越似我個仔，十足十，睇住佢做真係會火滾，但係唔睇又唔知錯喺邊，唯有盡量克制自己。我仔好無信心，諗好耐都唔落筆寫。

作者: IloveJJ 時間: 16-10-28 22:34

提示: 作者被禁止或刪除內容自動屏蔽

作者: Maggieb1122 時間: 16-10-28 23:15 標題: 回覆樓主:

自己學得適當的操數係要的，我本身對數都係差，所以小時候都是做得多叫好啲。到而在我囡又係數差，問佢會識答，一到做便死。有大意錯，突然諗唔到。唯有做多幾份試題，又好咗啲，熟能生巧。

作者: teddybear414 時間: 16-10-29 00:01 標題: 回覆：Maggieb1122 的帖子

我大仔都係，佢小三個陣都係慢到死...
佢新學個啲係識做，不過舊嘅知識就忘記得一乾二淨==''係要犧牲少少遊戲時間去溫返...
平日功課已經夠忙死，唯有星期六，日抽少少時間去做

作者: suzuki12 時間: 16-10-29 00:39 標題: 回覆：teddybear414 的帖子

請問是否一直到高年級小五小六時，數學卷都會問返上一年的題目？照咁睇，真係要每個數學topic都要令小朋友識+熟，如果唔係利疊利，帶到下一年真係大件事。

作者: bb鼠 時間: 16-10-29 10:56

MyBear 發表於 16-10-28 22:33
越睇越似我個仔，十足十，睇住佢做真係會火滾，但係唔睇又唔知錯喺邊，唯有盡量克制自己。我仔好無信心，諗 ...

我由佢慢慢諗，起碼要諗過，我會走入房休息一下，佢做完搵我睇，錯咗叫佢改，再改唔啱先教佢

作者: bb鼠 時間: 16-10-29 11:01

IloveJJ 發表於 16-10-28 22:34
如果我仔唔用腦，我爆硬佢啦。咁教仔就梗係勞氣架啦！唔係點解個個送去補習:無眼屎乾淨盲啫!
我 ...

請問你仔宜家幾多年級？我覺得4年級係另外一個層次，心算慢d轉得慢d就唔掂.....我女小4前ok的，不過也是大意
我唔係唔教，係選擇唔坐佢隔離，因為佢會有丁多唔識就唔諗真接問我，我爆佢佢又驚又喊

作者: bb鼠 時間: 16-10-29 11:03

Maggieb1122 發表於 16-10-28 23:15
自己學得適當的操數係要的，我本身對數都係差，所以小時候都是做得多叫好啲。到而在我囡又係數差，問佢會識 ...

操數我會考試前2星期先操，一早操乜都唔記得哂

作者: bb鼠 時間: 16-10-29 11:06

teddybear414 發表於 16-10-29 00:01
我大仔都係，佢小三個陣都係慢到死...
佢新學個啲係識做，不過舊嘅知識就忘記得一乾二淨==''係要犧牲少少遊 ...

但是除咗數仲有其他唔多掂....
果d係正宗唔掂，不要大意
同埋我女超級唔鐘意數，所以叫佢個個星期做佢死都似

作者: bb鼠 時間: 16-10-29 11:08

suzuki12 發表於 16-10-29 00:39
請問是否一直到高年級小五小六時，數學卷都會問返上一年的題目？照咁睇，真係要每個數學topic都要令小朋友 ...

其實我覺得只是上學期第一次測驗會有，當出到上年已經唔太明既數就死梗
每次範圍都包括已認知知識

作者: gracelam 時間: 16-10-29 11:48 標題: 引用：Quote:tutik+發表於+16-10-28+17:15+ 唔通

原帖由 bb鼠 於 16-10-28 發表
平時做功課已經做到好夜，佢精英班，個個同學心算好快，但佢就仲要數手指/寫出來...
下學期呈分了⋯ ...

relax!! 父母咁緊張，小朋友做卷自然都會緊張，如果小朋友本身係明白係識，只是做卷時大意，我唔會咁緊張，大人都有疏忽有睇錯嘅時候，我會好似做朋友咁講好鄧佢唔抵，明明係識，只係唔小心。小朋友聽到會受落D。下次做卷都唔會咁緊張。做數學卷有9x分嘅小朋友係小心謹慎，8x分通常係衰扣大意分，7x-6x已經係部份唔明。高小全班攞到9x分其實5隻手指數得晒 (除非份卷好深或好淺就另計)，所以8x分已經好唔錯。

作者: tutik 時間: 16-10-29 13:34

babywoman 發表於 16-10-28 20:37
你地數學考試好多版?慢兩拍就會做唔晒?
我仔都冇心算, 佢小二時經常心算,但成日計錯數, 加減都有時錯. 我叫 ...

：請問用什麼方法可以有系統地記錄錯題呢？excel/word?圖表/圖形/方向/時間又點攪？每次测考我要由上年啲測考卷抄寫錯題一次比佢翻做，先揾到佢盲㸃再死攻，好花時間。

作者: babywoman 時間: 16-10-29 13:39

回覆 tutik 的帖子

我用word 打文字題之類. 圖形之類的,要從練習中抽取.所以, 數學科我都會買兩三本測驗卷形式的練習, 考試前抽啲來做, 有時間會叫佢做晒.
甚至我會用手寫. 因用電腦比較麻煩, 好在我仔唔係錯很多

作者: IloveJJ 時間: 16-10-29 14:18

提示: 作者被禁止或刪除內容自動屏蔽

作者: pingu_k 時間: 16-10-30 14:57 標題: 引用：Quote:IloveJJ+發表於+16-10-28+19:24+ 我

原帖由 bb鼠 於 16-10-28 發表
我女如果我坐佢隔離，佢會不停想問我想撞自己唔去深入諗，一陣又問7+8係咪15？一陣又咪40/5係幾多
我睇住 ...

咁既情況，你同佢日日背熟個乘數表&10既組合(1-9，2-8，3-7…)先啦，如果呢d都要花時間計，思考，咁真係好難做得哂份卷

作者: HaYi 時間: 16-10-30 19:03

我識好多高小加減乘除其實唔熟, LCM/HCF 又亂晒, 影響分數擴分之類. 好簡單仲要計直式, 所以時間不夠, 我覺得限時的practice 最重要, 同埋要佢加快心算, 但心算好需要專心, 我個數理解冇問題, 但最慘專心有問題, 所以難做到快而準, 佢往往靠難的bonus 題取分, 但時時抽空practice, 都比心算慢好.

作者: bb鼠 時間: 16-10-31 13:21

HaYi 發表於 16-10-30 19:03
我識好多高小加減乘除其實唔熟, LCM/HCF 又亂晒, 影響分數擴分之類. 好簡單仲要計直式, 所以時間不夠, 我 ...

唉你直頭係講緊我女

佢真係好唔專心，做下走下,食飯都係咁，我已經鬧咗無十年都有八年

歡迎光臨教育王國 (/)