教育王國

標題: 有無人可以指導下我 [打印本頁]

作者: mamacc09 時間: 16-10-26 23:06 標題: 有無人可以指導下我

我女3歲2個月，番k1，佢比同齡女仔活躍，外向。。會周圍揾人講野，就算係第一次見既街外人，佢一好奇果樣野，就直接問人，例如：見人手到拎住紙袋，佢會直接問：「你去邊啊？買左d咩啊？」同佢講左好多次如果覺得好奇的話可以先問媽媽爸爸，但完全唔理。。。有次直接叫樓下個看更比佢睇下有幾多隻註牙

我唔覺佢有咩特別叻或特別醒，要講最叻就係可以自己朗讀一本300頁既圖書，所以佢肯定唔係什麼資優。但最令我頭痛既係佢係學習上，佢明明識一樣野，但佢會故意扮唔識，再專登講好多錯既答案來問番你。完全係睇佢心情去決定答唔答你問題。就好似去學游水教練同佢練踢水，踢左15分鐘，佢突然講左句：我唔識。。。之後全程唔踢水，教練果堂就用左來氹佢。。。。我覺得佢好硬頸好固執，我成日好奇同齡小朋友會唔會有呢d問題，係咪我唔識教佢？佢會唔會有咩情緒問題？

作者: scgift 時間: 16-10-27 23:13 標題: 回覆：有無人可以指導下我

3歲2個月可以自行朗讀一本300頁既書，咁都唔似資優？簡直係神童啦

我個女3歲2個月只係認到幾個中文字

作者: mamacc09 時間: 16-10-28 11:33

scgift 發表於 16-10-27 23:13
3歲2個月可以自行朗讀一本300頁既書，咁都唔似資優？簡直係神童啦我個女3歲2個月只係認到幾個中文字: ...

因為果本書，我地夜晚有拎來同佢講故事，大概都睇左果本書2個月，所以我覺得佢只係背左入腦。我不了解資優，但我係群到見到好多資優既自學能力好強，基本上都唔洗教會無師自通的，所以我不認為我女係資優。。。反而我比較擔心佢既好奇心，真係會令人地覺得佢無家教無禮貌，加上我係擔心佢果d睇心情來答問題既情緒會越來越過份，遲d就唔淨只係學習上既問題

作者: yummivio 時間: 16-12-21 18:33

回覆 mamacc09 的帖子

你應該同小朋友去做評估

作者: KUNG3388 時間: 16-12-24 19:29

mamacc09 發表於 16-10-26 23:06
我女3歲2個月，番k1，佢比同齡女仔活躍，外向。。會周圍揾人講野，就算係第一次見既街外人，佢一好奇果樣野 ...

我女而家2歲８個月,同你女行為一模一樣呀！而家等紧cac評估！

歡迎光臨教育王國 (/)