教育王國

標題: 怎樣處理呢？ [打印本頁]

作者: alhy.love 時間: 16-10-26 01:02 標題: 怎樣處理呢？

讀中一，班中同組有位男同學常整估孩子，攪他的文具，或在他面前攪攪振，我們父母怎樣同孩子正面處理呢？

Band 1校都有這些學校

作者: Yanamami 時間: 16-10-26 08:17

Band1－样有打交講粗口曳曳……唔係好奇~

作者: MariaTsui 時間: 16-10-26 08:41 標題: 引用：讀中一，班中同組有位男同學常整估孩子，攪

原帖由 alhy.love 於 16-10-26 發表
讀中一，班中同組有位男同學常整估孩子，攪他的文具，或在他面前攪攪振，我們父母怎樣同孩子正面處理呢？

...

每間學校都會有這類學生，只是B1校的比例應該少一點，但不代表不會遇上。

作者: miriam 時間: 16-10-26 09:43 標題: 回覆樓主:

唔出奇啵！

我囡舊年有個同學超跩，完全係 “犧牲小過完成大過格”。

作者: aeiou_drm 時間: 16-10-26 12:15 標題: 引用：讀中一，班中同組有位男同學常整估孩子，攪

原帖由 alhy.love 於 16-10-26 發表
讀中一，班中同組有位男同學常整估孩子，攪他的文具，或在他面前攪攪振，我們父母怎樣同孩子正面處理呢？

...

Hi. 記得我嗎? 囝囝適應成點呀?

間間學校都有呢的小朋友。拿如果個同學仔攪我仔文具或攪攪震，我會教呀仔用好 firm 好認真嘅語氣警告佢唔好再攪，話再有下次就話會同班主任 / 訓導講。雖然 S1，但佢地仲好小學雞架咋。

又或者用群眾壓力叫佢唔好再玩。如果無傷大雅嘅，冇傷害性的，就會叫呀仔 "ignore 佢"，直情當佢不存在。佢玩多幾次，見你囝冇反應，應該會轉移目標。

可能果位公子不太懂得與人相處，就用呢的方法。

作者: alhy.love 時間: 16-10-26 12:27

aeiou_drm 發表於 16-10-26 12:15
Hi. 記得我嗎? 囝囝適應成點呀?

間間學校都有呢的小朋友。拿如果個同學仔攪我仔文具或攪攪震，我會教呀仔 ...

多謝你意見，如果唔係過分，我都有叫阿仔ignore 佢，阿仔比較棯善，可能成目標啦！

阿仔都喜歡學校，可能課程深咗，要時間適應，溫書要靠佢自己，我唔識跟咯！

作者: MonkeyGirl 時間: 16-10-26 17:55

回覆 aeiou_drm 的帖子

i agreed your suggestion . 中一了, 試下自己攪點.. 家長千其唔好甘快搵老師, except 好大獲...

比朋輩知道, 都好煩下

作者: hapigpig 時間: 16-10-28 19:10 標題: 回覆：怎樣處理呢？

band 1學校有一D唔奇,因為好多資優生有過度活躍的傾向。
處理方面好睇學校的,以前小學,班上有兩個資優生,一日到黑攪亂上課秩序,粗口駁咀態度差乜都齊,比著係其他同學,大大大過都留十個八個,但學校方面因佢地成積好,可以考到好中學,等學校升中成績亮麗,操行咪仍係B。
佢地最後都入到沙田曾記。

作者: TwinWong 時間: 16-10-29 08:56

alhy.love 發表於 16-10-26 01:02
讀中一，班中同組有位男同學常整估孩子，攪他的文具，或在他面前攪攪振，我們父母怎樣同孩子正面處理呢？

...

如果唔過份就唔理佢唔好晒時間向依班無聊人身上

作者: clly 時間: 16-10-29 11:30

提示: 作者被禁止或刪除內容自動屏蔽

作者: miriam 時間: 16-10-29 14:12

hapigpig 發表於 16-10-28 19:10
band 1學校有一D唔奇,因為好多資優生有過度活躍的傾向。
處理方面好睇學校的,以前小學,班上有兩個資優生,一 ...

我囡都有問我 "犧牲小過完成大過" 個位同學點解會入到呢間中學, 我話唔排除佢係 SEN 但有特殊技能所以入到.

作者: miriam 時間: 16-10-29 14:14

clly 發表於 16-10-29 11:30
"犧牲小過完成大過格" 呢句好正

我地以前集郵係郵票, 依家係 "警告信 → 缺點 → 小過 → 大過" 一步步咁去集郵

歡迎光臨教育王國 (/)