教育王國
標題: 讀國際幼稚園，但小學就等大抽獎？ [打印本頁]
作者: byanleung 時間: 16-10-23 16:07 標題: 讀國際幼稚園，但小學就等大抽獎？
小朋友現讀有學卷k1，發現語文真係唔夠，搵緊出面學英文/國語發現都要用好多錢，同朋友傾開，佢地既小朋友已小學，一路都用好多錢學同補語文，佢地話如果再選一定會幼稚園時讀國際學校，等佢地打好基礎先。外補語文加埋，同國際幼稚園可能都差唔多！ 因我搬屋現小朋友要轉幼稚園，諗緊不如就轉去國際學校既幼稚園。但其實我一心諗住小學都係等大抽獎（當然睇到時經濟許可都可能都會試下叩門），有無人小朋友都係幼稚園國際學校，小學就普通官校，咁做會有問題嗎？
作者: serinac 時間: 16-10-23 17:16
byanleung 發表於 16-10-23 16:07 
小朋友現讀有學卷k1，發現語文真係唔夠，搵緊出面學英文/國語發現都要用好多錢，同朋友傾開，佢地既小朋友 ...
你朋友話「打好基礎」是指哪一方面或哪一語文？
作者: 已刪除用戶 時間: 16-10-23 17:56
國際學校嘅幼稚園，係真係英基德瑞果種？揀得國際好少會返轉頭抽獎，因爲教學法、理念等等都唔同。
今時今日，主流學校中文至係難關，英文係易學過中文，有經驗家長就會明。
作者: cscsmlkyh 時間: 16-10-23 19:02
下！國際幼稚園中文好小好小架，小學如果升傳統學校個小朋友追得好辛苦
我小朋友就係國際幼稚園，學校基本上係零中文，靠學校係完全唔識睇同寫咁濟，所以千祈唔好誤會國際幼稚園語文(尤其中文)會好。
作者: happyshirley 時間: 16-10-23 21:28
國際幼稚園 = 英普幼稚園？
作者: Lizakc 時間: 16-10-23 21:50
我細仔讀緊國際幼稚園，中文係用國語。我覺得中文好難追得上local school。最重要好多國際幼稚園讀完K2便入P1。但係英文係可以去到native level
作者: byanleung 時間: 16-10-23 22:01 標題: 回覆：serinac 的帖子
主要係英文，佢地話小朋友有啲怕英文，唔敢講
作者: byanleung 時間: 16-10-23 22:05 標題: 回覆：Charlotte_mom 的帖子
英基、英藝、think個種或區入面幼稚園既國際部。但其實係咪有部分都會入local既名小，咁中文咪一樣好難跟返？
作者: byanleung 時間: 16-10-23 22:08 標題: 回覆：cscsmlkyh 的帖子
其實係屋企係講廣東話，自己係ftm可以同佢睇下書或認下字。但英文同普通話反而自己教唔到一定要外補，所以先有此諗法
作者: byanleung 時間: 16-10-23 22:09 標題: 引用：國際幼稚園+=+英普幼稚園？
原帖由 happyshirley 於 16-10-23 發表
國際幼稚園 = 英普幼稚園？
作者: deco99 時間: 16-10-23 22:16
byanleung 發表於 16-10-23 22:05
英基、英藝、think個種或區入面幼稚園既國際部。但其實係咪有部分都會入local既名小，咁中文咪一樣好難跟返 ...
英基同英藝think爭好遠。英基呢d係真正國際幼稚園，無k3，接唔到本地小學。
你要搵既係英普幼稚園，英藝think呢d，仲有好多選擇。英普幼稚園小朋友大多會考直私，但都唔少讀津校，你想大抽獎都冇問題。
作者: byanleung 時間: 16-10-23 22:20 標題: 引用：我細仔讀緊國際幼稚園，中文係用國語。我覺
原帖由 Lizakc 於 16-10-23 發表
我細仔讀緊國際幼稚園，中文係用國語。我覺得中文好難追得上local school。最重要好多國際幼稚園讀完K2便入 ...
作者: byanleung 時間: 16-10-23 22:25 標題: 引用：Quote:byanleung+發表於+16-10-23+22:05+
原帖由 deco99 於 16-10-23 發表
英基同英藝think爭好遠。英基呢d係真正國際幼稚園，無k3，接唔到本地小學。
你要搵既係英普幼稚園，英藝t ...
作者: Lizakc 時間: 16-10-23 22:40
回覆 byanleung 的帖子
會繼續升國際小學。中文level真的太易。現在K2先開始寫字。每天都沒有功課。我大仔讀過York international. D英文唔錯
作者: serinac 時間: 16-10-23 22:54
serinac 發表於 16-10-23 17:16
你朋友話「打好基礎」是指哪一方面或哪一語文？
我諗如果你真係想將來大抽獎或扣門，最好就唔好讀國際幼稚園，因為英文易學過中文，小朋友係全英文環境下浸一年或以上，英文口語一定好，但就會有偏向，不會喜歡中文，無論你點補都追唔到普通幼稚園的中文程度。扣門（無論係直私官津）機會基本係0。即使俾你好彩抽到好官津小學，小一中文都追到氣咳。到時搞唔好嘅話，中英文都會唔惦。
作者: kaatt 時間: 16-10-23 23:24 標題: 回覆：讀國際幼稚園，但小學就等大抽獎？
我囡係讀英普幼稚園，外籍英語班主任，語言聽同講係好過普遍幼稚園，但會有另一問題，我囡不太喜歡寫中文，而我發現香港小一中文課都幾深，就算幼稚園英普，但上小學之後少咗語言環境小朋友慢慢英文會退步，如果屋企人講英文就可以keep到。
作者: daibok 時間: 16-10-23 23:39
byanleung 發表於 16-10-23 22:05
英基、英藝、think個種或區入面幼稚園既國際部。但其實係咪有部分都會入local既名小，咁中文咪一樣好難跟返 ...
可以考慮think 全日班，上午英普，下午國際班
作者: HaYi 時間: 16-10-24 07:15
樓主要升上本地官津, 要的一定是注重學術的本地英普幼稚園,
我都讀一間較注重語言能力的, 感覺是很有用, 在此類學校, 英普班的K2一般都可以考到PTH 幼稚園 GAPSK 高級, 英文考cambridge 之類就看有冇叫他串字及寫字. 就算是英普, 自己外補英普都會有, 多數是錦上花的學Drama, speech 等.. 感覺可以省少少錢及時間在基本的英普學習上. 升英普小學會有幫助.
作者: tkinwong 時間: 16-10-24 08:09 標題: 回覆樓主：
本帖最後由 tkinwong 於 16-10-24 08:29 編輯
樓主問咁樣做有冇問題，當然無問題啦！在能力範圍內給最好的教育予小朋友，有何問題呢？
我阿女讀津貼小一，開學以來評估和默書不斷，我很慶幸之前幫她選了一間私立幼稚園，打好英文和普通話基礎。英文作用無須多言，普通話我更覺重要。學校下學期開始普教中，而開學個多月的默書已考音標等等。
我阿女班裡，起碼超過一半小朋友是讀私立/英普幼稚園。
我初時也認為津貼小學跟教育局課程指引，英文深不到那裡，原來這大錯特錯。雖然開學個多月英文也是back to school 和family之類的單元，表面上唔深，但要在評估和默書上拿高分，本身英文的基礎很重要。第二次默默書已要默句子和簡單背默。總之，今天小學的課程其實比我們小時候的深，幼稚園教育在學習上的培訓更為重要。
作者: hkpapa852 時間: 16-10-24 08:33
byanleung 發表於 16-10-23 16:07
小朋友現讀有學卷k1，發現語文真係唔夠，搵緊出面學英文/國語發現都要用好多錢，同朋友傾開，佢地既小朋友 ...
如果真係好擔心普通話, 建意選D唔係全面普教中既小學, 如官立小學
英普幼稚園個人認為亦非必須, 反而自小令小朋友唔抗拒學習外語 (如多看英文書, 看英文版既卡通卡)更有用
作者: happymama2009 時間: 16-10-24 08:34 標題: 回覆：讀國際幼稚園，但小學就等大抽獎？
有些私幼英普幼稚園有雙班主任制（普通話老師＋NET)，日日三小時的互動雙語環境，效果勝過每星期外補1、2小時的興趣班，時間金錢都節省不少。我有朋友的小朋友讀學券幼稚園，目標是津小，但要外補普通話和英語，所花的金錢足夠交私幼的學費，但每星期只上一堂的效果比不上每天在校三小時的互動語境。
作者: cscsmlkyh 時間: 16-10-24 09:19
byanleung 發表於 16-10-23 22:08
其實係屋企係講廣東話，自己係ftm可以同佢睇下書或認下字。但英文同普通話反而自己教唔到一定要外補，所以 ...
如真正國際幼稚園，單靠媽咪係屋企教中文，除非媽媽好好心機教，好有系統咁要佢認，寫，默，如果唔係，基本上追唔到local school 中文level. (我小朋友同學中，只有1-2個小朋友有咁能力，但果d 本身就係比較聰明果1-2個）而且，入讀國際幼稚園，約有9成同學會升讀國際學校...
如入到英普幼稚園如think, 學之園呢d 我覺得可以考慮大抽獎，就中英都唔錯。但假如上到小學係中文小學，我亦聽過，如非繼續俾小朋友有好既英文語境，升小後英文fluent 程度會減低
作者: appletim 時間: 16-10-24 10:08 標題: 回覆樓主：
本帖最後由 appletim 於 16-10-24 10:12 編輯
其實我知Think都有好多學生最後入津校。我K1嗰陣時都有想過同一問題，最後由村幼轉私幼。之前D post家長講得有道理，比小朋友讀語境好的幼稚園確實比出去補習好。我的小朋友的普通話及英語入咗私幼之後確實進步不少，起碼發音純正好多。學費係貴，但如果有能力，真的值得考慮比小朋友入語境好的學校，重越早越好。其實現在的私幼的中文水平都貼近津校，如K3要寫周記，默書，寫句子⋯等。
利申： 我的目標係直私，因區內校網實在太差, 簡吾落手。
作者: lui 時間: 16-10-24 10:50
serinac 發表於 16-10-23 22:54
我諗如果你真係想將來大抽獎或扣門，最好就唔好讀國際幼稚園，因為英文易學過中文，小朋友係全英文環境下 ...
不是追到氣咳，系冇可能讀到小一中文。除非自己博命教。
如考本地小學，我不會放英語系首位。中文超難。我女女是k2才去本地幼稚園。雖然暫時interview 有可以的成績。但他仍未能謗讀到中文故事書（100-200個字）個d.英文則可看70-80頁全字。你話差距幾大
作者: b3410 時間: 16-10-24 10:54
反而見身邊朋友，打算將來讀國際學校，反而讀傳統幼稚園，例如KV，打好中文底。如果這樣想將來傳統學校，可以讀國際幼稚園。
作者: byanleung 時間: 16-10-24 14:49
多謝大家，睇完之後，我諗我會搵私幼，唔係完全英普，都要有中文既，咁就唔怕小學時太吃力
作者: appletim 時間: 16-10-24 15:52
byanleung 發表於 16-10-24 14:49
多謝大家，睇完之後，我諗我會搵私幼，唔係完全英普，都要有中文既，咁就唔怕小學時太吃力
...
奉勸一句，父母背後的教導是不可決少的。
作者: kititiiwhite 時間: 16-10-24 16:29
byanleung 發表於 16-10-23 16:07
小朋友現讀有學卷k1，發現語文真係唔夠，搵緊出面學英文/國語發現都要用好多錢，同朋友傾開，佢地既小朋友 ...
本帖最後由 kititiiwhite 於 16-10-24 22:33 編輯
就算幼稚園個底打得幾好，如上小學後不再用，小朋友很快就會忘記了。幼稚園學到的不僅是語言，更重要是建立出日常生活的規律和誠實正直的品格，學習與人相處，並且培養出熱愛學習的心；我覺得在這個階段用母語學習效益是較大的。
傳統學校的中文程度並不淺，錯過了學習時機，要追回進度並不容易。所以我覺得你的情況，找間有質素的中心跟進英語已足夠，不用刻意轉讀國際學校；如你必須轉校的話，也應選一所同樣著重中文的幼稚園。
作者: 99dogdog 時間: 16-10-24 16:31
cscsmlkyh 發表於 16-10-24 09:19
如真正國際幼稚園，單靠媽咪係屋企教中文，除非媽媽好好心機教，好有系統咁要佢認，寫，默，如果唔係，基 ...
其實幾間有名既小學如St Paul Co-ed, St Mary's, 喇沙都係中小但中學是英中，英文都一向保持水準，唔差得過英小！雖然係中小，但多數科目仍以英文為主，數學用中文亦有佢既好處，你見頭兩間近年都有好好的DSE成績就知中小唔一定英文係較弱，反而好多人都係衰響DSE中文上!
作者: byanleung 時間: 16-10-24 22:25
即使上左小學都會繼續出去學英文，希望唔好咁快唔記得晒。點解我想轉係由於朋友既小朋友，生活環境無機會接觸英文，即使一路補習到小學也一樣好難跟上，亦好怕同外籍人士溝通（其實自己作為大人都一樣）。所以想自己小朋友可以早啲接觸語文。成績好唔好我唔會知，但起碼唔好無左自信。
作者: johnnesmak 時間: 16-10-24 23:24
小小意見。多啲睇youtube。小孩子學語言好快，特別在兩歲開始。週未帶小朋友去参加有外國人的活動，例如 rugby。等小朋友學習同外國人相處。好過花錢讀國際學校。
作者: lui 時間: 16-10-25 00:21
johnnesmak 發表於 16-10-24 23:24
小小意見。多啲睇youtube。小孩子學語言好快，特別在兩歲開始。週未帶小朋友去参加有外國人的活動，例如 ru ...
我不建議看YouTube.睇左you tube 可能對話可以，不過唔會睇書。YouTube 咁好睇，邊會再睇書。身邊多看youtubr的小朋友是不喜歡看書
作者: cscsmlkyh 時間: 16-10-25 18:32
99dogdog 發表於 16-10-24 16:31
其實幾間有名既小學如St Paul Co-ed, St Mary's, 喇沙都係中小但中學是英中，英文都一向保持水準，唔差得 ...
你講果幾間咁勁，佢地當然係中小但英文水平仍然高啦，我講緊一般情況下咋，而且如果升中小，屋企/補習/勁既中小仍然provide 到好既語境，小朋友英文當然keep 到。
作者: Felix223 時間: 16-10-25 18:47
byanleung 發表於 16-10-23 16:07
小朋友現讀有學卷k1，發現語文真係唔夠，搵緊出面學英文/國語發現都要用好多錢，同朋友傾開，佢地既小朋友 ...
所以選擇私幼學校，校內通常有分international steam 同local stream 。我仔讀緊嗰間幼稚園都偏重英文，當初我想選擇international stream ，不過學校office 話如完全選擇英普班，如將來是想升讀傳統主流小學，銜接會比較難，尤其中文。真的要留意。
作者: 貝珠 時間: 16-10-25 22:57 標題: 引用：Quote:johnnesmak+發表於+16-10-24+23:24+
原帖由 lui 於 16-10-25 發表
我不建議看YouTube.睇左you tube 可能對話可以，不過唔會睇書。YouTube 咁好睇，邊會再睇書。身邊多看yout ...
作者: IloveJJ 時間: 16-10-26 11:28
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |