教育王國
標題: 報左5間直私全部失敗，仔好失落 [打印本頁]
作者: philosnow81 時間: 16-10-21 09:36 標題: 報左5間直私全部失敗，仔好失落
從真道開始，到陳守仁，聖方濟各，英華等等，小朋友全部冇second in。今日早晨，我一次性將所有結果話仔仔知。當仔仔知道時，很失落。一句都唔講望住我，以後開始流眼淚。我心入面有些難受，不過，我安慰左小朋友。
其實內心來講，我知道名校好過普通學校，不過冇緣分，冇本事入到唯有可惜一番。我話仔知，入唔到唔緊要，讀書靠自己，只要妳努力，哪怕妳最後抽獎去到一間普通小學，一樣可以成材。
作者: 宏媽 時間: 16-10-21 09:39 標題: 回覆：philosnow81 的帖子
呢次經歷可能更令小朋友發奮，未必是壞事呢！
作者: secretrose 時間: 16-10-21 09:39
philosnow81 發表於 16-10-21 09:36 
從真道開始，到陳守仁，聖方濟各，英華等等，小朋友全部冇second in。今日早晨，我一次性將所有結果話仔仔 ...
佢地走寶。
作者: philosnow81 時間: 16-10-21 09:40
宏媽 發表於 16-10-21 09:39
呢次經歷可能更令小朋友發奮，未必是壞事呢！
系。我小朋友一直都好努力，雖然結果唔好，但我都覺得仔已經好棒，可能他真的面試表現唔好，不過我相信他keep住努力，將來讀書未必差
作者: yamaneko 時間: 16-10-21 09:51 標題: 回覆：報左5間直私全部失敗，仔好失落
小朋友自有自己的書緣，有時擔心緊張也沒有用的。乘著今天放假，好好安慰小朋友，教小朋友就算輸了全世界，也不可以輸了自己。一定會找到伯樂的！
加油加油！
作者: snoopyman20 時間: 16-10-21 09:51
認同，可能我哋個仔都只係唔識玩面試嘅一羣，佢無上過任何面試班，無任何cert, 無任何奇怪課外活動，無參加比賽，所以有如此全軍覆沒成績我已欣然接受，多謝噚日介紹我睇Facebook紅人個Facebook之後終於釋懷
作者: Paypaybear 時間: 16-10-21 09:52
我仔暫時都有4間reject ,我仔佢都知，佢無唔開心，可能係佢眼中唔明點解要㨂學校，入學校同讀書要講緣份，可能時機未到樓主，仲有希望吧！我都等緊其他學校有好消息(emoji)
作者: fishmeow 時間: 16-10-21 09:56
等抽奬，唔抽唔知時運高。否極泰來，朋友！！
作者: philosnow81 時間: 16-10-21 09:58
snoopyman20 發表於 16-10-21 09:51
認同，可能我哋個仔都只係唔識玩面試嘅一羣，佢無上過任何面試班，無任何cert, 無任何奇怪課外活動，無參加 ...
我仔都冇面試班呢D，不過，我真心覺得他已經唔錯，可能我從來未將他同其他人比較過吧，目前只學做鋼琴一種樂器（應該好多學校都唔計鋼琴屬於興趣）
作者: philosnow81 時間: 16-10-21 09:59
Paypaybear 發表於 16-10-21 09:52
我仔暫時都有4間reject ,我仔佢都知，佢無唔開心，可能係佢眼中唔明點解要㨂學校，入學校同讀書要講緣份， ...
我所有報左既直Cin 完了，所以今年面試遊戲全部結束啦
作者: pamelaywy 時間: 16-10-21 10:13
本帖最後由 pamelaywy 於 16-10-21 11:06 編輯
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是考實力開始，見盡不少越讀越差，差到想走但轉唔走，捱足六年、親子關係差足六年，結果升中得band 3, 自己學校唔收番上中學，流落左唔知去邊；亦有見過去左普通小學，平平穩穩讀完小學成功升band 1中學。
不是安慰你，見過太多普通過普通，只係運氣好的進了神/名校，只是惡夢的開始。
所以，唔需要入唔到而傷心，亦唔駛為有2nd in 沾沾自喜。見得太多，幼稚園階段覺得自己小朋友好聰明、資優，乜都話個仔女識晒；上到小學見真章，先知自己仔女根本平凡過平凡，追極都得個追字
講多幾個case, 令大家知道多少少呢班「幸運定不幸」小朋友嘅命運：
例子一：入左以為「講開心」男校，當日以為自己中大獎，點知個仔一廂情願以為返學一定開心，玩左收唔番，阿媽督促佢勁反抗，但學校老師狂俾壓力家長，成績差又轉唔走，繼續捱，大家痛苦
例子二：父蔭入左名校，小一媽媽已經要一日伴讀五六小時溫第二日嘅兩科
例子三：好運派到名津，個女成績追唔到，被人白眼，社交差，自信都無埋
例子四：名私小，但對讀障無支援，只係由你長年不合格，迫你留班再留班，好彩媽媽當機轉走，而家讀三線但有番自信，呈分有band 2A（以上四個例子，有朋友有補習學生，小一知結果當日興奮到大事慶祝，往後的日子，他們有苦自己知）
利申：前教師、現職補習，補過無數名校學生
作者: philosnow81 時間: 16-10-21 10:14
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
多謝鼓勵
作者: jackietable 時間: 16-10-21 10:16
snoopyman20 發表於 16-10-21 09:51
認同，可能我哋個仔都只係唔識玩面試嘅一羣，佢無上過任何面試班，無任何cert, 無任何奇怪課外活動，無參加 ...
個Facebook 係咩！全軍覆沒既感覺真係唔好受！
作者: prettyporky 時間: 16-10-21 10:22
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
講得好好，亦係事實
作者: nortybunny 時間: 16-10-21 10:24
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
認同，家長真係要放鬆，我都係咁同自己講，希望我做得到。
作者: FATBJ 時間: 16-10-21 10:26 標題: 引用：+本帖最後由+pamelaywy+於+16-10-21+10:16+
原帖由 pamelaywy 於 16-10-21 發表
本帖最後由 pamelaywy 於 16-10-21 10:26 編輯
其實，真係唔需要太介懷，上天總有安排。
多謝您
作者: 6903658 時間: 16-10-21 10:26
回覆 pamelaywy 的帖子
多謝妳的一番說話令我們能從另一個角度看問題，不再鑽牛角尖。
作者: winy629 時間: 16-10-21 10:36 標題: 回覆樓主:
認同各位意見。
學海無涯，贏在起跑線又如何?
不過，我是每次匯報結果。第一次落弟時，小朋友有問過點解…
若果一次過的話，好像太大衝擊了…
作者: Chirley 時間: 16-10-21 10:37
唔好灰心, 我報左3間, 兩間都係無得2ND IN,
另一間知道根本係陪跑...所以我同樓主一樣, 全都失敗了,
有一刻失落, 但唔代表乜...
因為我信人生自有安排, 而家先岩開始...
大家都一齊加油
作者: abby0624 時間: 16-10-21 10:43
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
你呢番說話實在係喺8號風球失落嘅一日嘅曙光。
作者: Jane1983 時間: 16-10-21 10:45
考學校唔如意，失落係正常反應。但正如樓上有網友講，考小一，係起步，以后長路漫漫。只要小朋友比心機，家長肯栽培，點會唔掂。
作者: b3410 時間: 16-10-21 10:55
見到寫仔仔流眼淚，我都眼濕濕媽媽一定要振作，部署好之後的大抽獎。
有時上天已經準備咗更加適合的比小朋友。
記得當年大女升小一，直到最後一間，也都係最想入的一間才有offer，才明白沒有最好的學校，只有最適合自己的學校。
之後弟弟妹妹揀學校，都係一擊即中，因為明白他們更加適合那一類的學校。
作者: philosnow81 時間: 16-10-21 11:06
Chirley 發表於 16-10-21 10:37
唔好灰心, 我報左3間, 兩間都係無得2ND IN,
另一間知道根本係陪跑...所以我同樓主一樣, 全都失敗了,
有一刻 ...
多謝您鼓勵。雖然我仔面試失敗，但我相信這呢個系人生入面小挫折。分享小小，回想自己，我當年讀既小學都系最普通甚至口碑有D差既果种，但最後都入到好好既中學，讀到好好既大學，最後讀埋碩士。一路過來，完全就自己努力。儘管衣家競爭大左，但只要小朋友自己努力，家長好好教，相信將來都唔會差
作者: philosnow81 時間: 16-10-21 11:08
b3410 發表於 16-10-21 10:55
見到寫仔仔流眼淚，我都眼濕濕媽媽一定要振作，部署好之後的大抽獎。
有時候，小朋友自己生性，我更加唔捨得。
作者: Mrs.Luckycat 時間: 16-10-21 11:16
philosnow81 發表於 16-10-21 09:36
從真道開始，到陳守仁，聖方濟各，英華等等，小朋友全部冇second in。今日早晨，我一次性將所有結果話仔仔 ...
你兒子好懂事，睇到我有啲眼濕濕。
我亦感覺到你對兒子的真正關愛。
祝福你兒子在派位時入到一間真正適合他的好學校。
勝不驕 敗不餒，共勉之。
作者: guyinghua 時間: 16-10-21 11:18
回覆 philosnow81 的帖子
塞翁失馬焉知非福！，沒有offer不代表不叻！加油！未來的路還長！
作者: philosnow81 時間: 16-10-21 11:22
Mrs.Luckycat 發表於 16-10-21 11:16
你兒子好懂事，睇到我有啲眼濕濕。
我亦感覺到你對兒子的真正關愛。
祝福你兒子在派位時入到一間真正適合 ...
多謝大家鼓勵，一定會堅持落去
作者: HK-MAN 時間: 16-10-21 11:22
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
作者: 宏心 時間: 16-10-21 11:29
提示: 作者被禁止或刪除 內容自動屏蔽
作者: HK-MAN 時間: 16-10-21 11:40
宏心 發表於 16-10-21 11:29
樓主的經歷提醒了我，一開始不應該在孩子面前吹捧直資學校，把津校踩成普通或差的學校。口下留一線，日後好 ...
作者: JoGoMa 時間: 16-10-21 11:41
philosnow81 發表於 16-10-21 11:22
多謝大家鼓勵，一定會堅持落去
樓主我同你好似，小朋友考直資全軍覆沒。覺得唔抵在於其實好多到最後根本未必會讀，但令到競爭變得好激烈！而自己同你一樣，讀唔出名小學，中學名校，入大學，讀碩士，有好好工作，亦見過好多唔識做嘢嘅LSE、劍橋生，佢地雖然讀名校但發展可以平平，比一般大學出嚟嘅人差都會。比學校reject 感覺相當相當差，我要時刻提醒自己名小不等於美好人生。決定左集中火力搵間津小，慳左嘅錢津貼供樓搬去大啲嘅屋，享受一下人生。
作者: sai913 時間: 16-10-21 11:45 標題: 回覆：philosnow81 的帖子
加油
作者: philosnow81 時間: 16-10-21 11:47
JoGoMa 發表於 16-10-21 11:41
樓主我同你好似，小朋友考直資全軍覆沒。覺得唔抵在於其實好多到最後根本未必會讀，但令到競爭變得好激烈 ...
完全同意！我有為仔選擇津校，都唔算津貼入面既名校，聽聞校風唔錯。其實我仔唔知咩叫名校，他每次面試都以為去比賽。。。
作者: Mrs.Luckycat 時間: 16-10-21 12:13
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
有一事不明，想請教。
我想那些重學術的小學，派得offer的學生應該也是學術程度頗高的。如果有些小朋友後來愈讀愈差，是否那些學校的程度真的很深？還是父母教不得其法，未能協助小朋友？
作者: JoGoMa 時間: 16-10-21 12:18
Mrs.Luckycat 發表於 16-10-21 12:13
有一事不明，想請教。
我想那些重學術的小學，派得offer的學生應該也是學術程度頗高的。如果有些小朋友後 ...
其實我自己都識不少讀某名私小的小朋友，功課壓力或考試壓力太大轉校。92分測驗係墊底。其實媽媽冇乜時間跟功課，真係好辛苦的。
作者: Mrs.Luckycat 時間: 16-10-21 12:23
JoGoMa 發表於 16-10-21 12:18
其實我自己都識不少讀某名私小的小朋友，功課壓力或考試壓力太大轉校。92分測驗係墊底。其實媽媽冇乜時間 ...
作者: iamiris 時間: 16-10-21 12:24
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
多谢分享
作者: iamiris 時間: 16-10-21 12:26
philosnow81 發表於 16-10-21 11:08
有時候，小朋友自己生性，我更加唔捨得。
祝你好運~抽到間適合小朋友的学校
作者: smile_w99 時間: 16-10-21 12:38
睇到你個post, 想起上年我同阿仔嘅經歷！我哋主力報私校，因為想大抽獎！最後有有幾間都有2nd int 或者3rd int, 可惜最後都係on waiting list, 比起第一round out 更失望，期間阿仔也有失落，因為有一間直資學校佢好想入，可惜2nd int 之後reject咗！嗰時諗可能上天要我哋參加大抽獎，點知最後大抽獎去咗黃大仙，真係心情跌入谷底，仲有個細嘅跟尾，諗起兩年後又再嚟過真係想死！其間亦有對阿仔說過難聽的說話！最後四出叩門，慶幸最後叩門成功！回想嗰一年，只係仔仔人生小經歷，亦係好嘅反省！大家唔好放棄，要相信總有出路，現在只係剛開始，不要懷疑小朋友能力，天生我才必有用！佢哋只係五歲人仔，家長要多d欣賞嘅說話同鼓勵！大家加油！
作者: philosnow81 時間: 16-10-21 12:40
smile_w99 發表於 16-10-21 12:38
睇到你個post, 想起上年我同阿仔嘅經歷！我哋主力報私校，因為想大抽獎！最後有有幾間都有2nd int 或者3rd ...
系啊，我仔都唔夠5歲，就經歷面試，已經好唔容易
作者: meowloo 時間: 16-10-21 12:53
小朋友自有自己的書緣，開竅的時間亦唔同；今日揀唔中，唔代表佢能力不及人，小一只係剛起步，亦可藉住今次機會教小朋友如何面對成敗得失，加油！
作者: 3hearts 時間: 16-10-21 13:06
smile_w99 發表於 16-10-21 12:38
睇到你個post, 想起上年我同阿仔嘅經歷！我哋主力報私校，因為想大抽獎！最後有有幾間都有2nd int 或者3rd ...
作者: JoGoMa 時間: 16-10-21 13:08
philosnow81 發表於 16-10-21 11:47
完全同意！我有為仔選擇津校，都唔算津貼入面既名校，聽聞校風唔錯。其實我仔唔知咩叫名校，他每次面試都 ...
哈哈，同你一樣，自行派位揀左一間校風好冇乜舊生嘅同區小學。有時候想，在普通小學做上游生，好過係神校做下下游生。
作者: jpangel 時間: 16-10-21 13:50
回覆 philosnow81 的帖子
大家都加油,我暫時都有3間reject咗,但要相信自己的孩子,一起努力。
作者: neinei99 時間: 16-10-21 13:50
今日都收到reject , 全軍覆沒了。望住阿仔，自己不其然流淚。幼稚園whatapps group 有人不停報喜，更失落了。
作者: pamelaywy 時間: 16-10-21 14:31
本帖最後由 pamelaywy 於 16-10-21 14:39 編輯
Mrs.Luckycat 發表於 16-10-21 12:13
有一事不明，想請教。
我想那些重學術的小學，派得offer的學生應該也是學術程度頗高的。如果有些小朋友後 ...
其實，好多家長有誤解，以為直私in 得收得就唔會讀唔掂，校長甚麼慧眼十數分鐘就可以選出適合嘅學生，其實每年錯配何其多，在名校死頂唔走或被勸退或自己轉走年年何其多，所以唔好以為收得等如讀得
第二，升小一實在考到幾深？大家心理有數吧！嚟嚟去去只不過寫幾個字、串幾個字、計下數、文字題，頂盡是簡單故事理解，加上有些學校不敢明刀明搶，用一些像有創意手法去考，實際能力未必真正考到
第三，小一小朋友年紀仲細，有時小朋友輸性格（內向慢熱）多於輸能力。要一個五歲小朋友去陌生地方過五關斬六將，情緒性格會凌駕了能力
第四，有家長早教了，小朋友早學左，其實唔等如小朋友真係學習力比其他人高的，如五歲時家長熱心敎左佢背乘數，佢係咪等如叻過一個無人教佢嘅小朋友呢？可能，識嗰個同唔識嗰個同時間學同一樣新野，能力比後者差，只不過佢先學
第五，食老本是有限期的，我補過九龍塘幾間幼稚園嘅學生，佢地提前敎左某些小學嘅野，但頂盡只教到小一二吧！到小三，要見真章，有些看來小一二超前的會慢慢追唔到
第六，其實初小嘅野，真是追求知識嘅皮毛，基礎野，早早學定加減乘除，上到高小可能計唔掂百分數速率㗎
仲有，就係家長夾到幾多幾耐，幾歲嘅小朋友像小綿羊，任家長控制。小學家長就會明白，小朋友進入左另一個階段，已經唔係話谷就谷，話追就追。學校功課量又大，時間又唔夠，幾夾嘅家長都遇到難關
最後，個小朋友幾聰明都好，學習態度同做野速度，都好影響小學學習，唔信？你地仔女上左小學就會明晒啦
當然，入到競爭大嘅學校，佢地教學嘅速度同深度係唔一樣的，這個是肯定的。
唔好意思！職業病，比較長氣
作者: iamiris 時間: 16-10-21 14:32
neinei99 發表於 16-10-21 13:50
今日都收到reject , 全軍覆沒了。望住阿仔，自己不其然流淚。幼稚園whatapps group 有人不停報喜，更失落了 ...
我地做家長要堅強呀!如果直私唔得就準備next step,點填甲乙部同埋準備叩門部分!過去的失敗不代表將來!加油!
作者: 6903658 時間: 16-10-21 14:39
回覆 pamelaywy 的帖子
非常感謝妳願意花時間作如此詳盡又客觀的分析，認真看過以後，更能夠放鬆心情，淡定一點看待考小一這個遊戲。謝謝你！
作者: carphoto 時間: 16-10-21 14:45 標題: 回覆：報左5間直私全部失敗，仔好失落
good luck to your son, 小朋友加油, 上天自有安排。
作者: Lu324 時間: 16-10-21 14:47
樓主cheer up, 鼓勵番呀仔，未夠五歲去面對，其實over左。
作者: Elona 時間: 16-10-21 14:59
學無先後，達者為師，學海還有漫漫長路, 加油！ 樓主報既都係一線名校，唔入圍亦唔代表囝囝唔夠人叻，始終呢個世代叻人實在太多，希望您收拾心情，同囝囝再傾吓計，比返信心囝囝！
嚟緊仲有自行，又有大抽獎！
作者: BandC 時間: 16-10-21 15:00 標題: 引用：+本帖最後由+pamelaywy+於+16-10-21+14:39+
原帖由 pamelaywy 於 16-10-21 發表
本帖最後由 pamelaywy 於 16-10-21 14:39 編輯
作者: wyleung 時間: 16-10-21 15:06 標題: 回覆：philosnow81 的帖子
其實，你毋需講給他知道，短短十五分鐘內面試的結果，唔收係咪好大不了？係咪表示個仔好失敗？何必讓孩子難過？反正又並非神校才出好學生，媽咪，小孩健康快樂長大就算了。
作者: little12 時間: 16-10-21 15:14
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
很精闢的見解
作者: smile_w99 時間: 16-10-21 15:46
wyleung 發表於 16-10-21 15:06
其實，你毋需講給他知道，短短十五分鐘內面試的結果，唔收係咪好大不了？係咪表示個仔好失敗？何必讓孩子難 ...
作者: 3hearts 時間: 16-10-21 15:54
neinei99 發表於 16-10-21 13:50
今日都收到reject , 全軍覆沒了。望住阿仔，自己不其然流淚。幼稚園whatapps group 有人不停報喜，更失落了 ...
作者: lui 時間: 16-10-21 15:59
pamelaywy 發表於 16-10-21 10:13
其實，真係唔需要太介懷，上天總有安排。
因為我自己本身職業關係，見盡不少成功考入/抽入名校的，入左只是 ...
所以如果現時家長不是全力谷也入到直私還好，如果已盡谷，入到未必讀到你所說的現象出現才可怕。另一帖説谷的，我還是不認同。
作者: HK-MAN 時間: 16-10-21 16:03
pamelaywy 發表於 16-10-21 14:31
其實，好多家長有誤解，以為直私in 得收得就唔會讀唔掂，校長甚麼慧眼十數分鐘就可以選出適合嘅學生，其實 ...
你應該直接開POST,開解家長,功德無量!
作者: philosnow81 時間: 16-10-21 16:09
聽左各位既精彩分析，我真係收穫好大，多謝分享。我仔仔性格內向，比較乖，但遇到唔熟既人就唔願意講野。不過，我充滿信心，老公都極支持，全職跟住仔教
作者: Tunghk 時間: 16-10-21 16:10 標題: 引用：+本帖最後由+pamelaywy+於+16-10-21+14:39+
原帖由 pamelaywy 於 16-10-21 發表
本帖最後由 pamelaywy 於 16-10-21 14:39 編輯
作者: Chujai 時間: 16-10-21 16:13
HK-MAN 發表於 16-10-21 16:03
認同,諗得通,個人都輕鬆!
你應該直接開POST,開解家長,功德無量!
讚成！
作者: philosnow81 時間: 16-10-21 16:14
pamelaywy 發表於 16-10-21 14:31
其實，好多家長有誤解，以為直私in 得收得就唔會讀唔掂，校長甚麼慧眼十數分鐘就可以選出適合嘅學生，其實 ...
請教您，您話提早教1-2年最後小朋友都系有機會追唔到小六。通常如果，我意思系如果出現呢种情況，系因為咩原因為追唔到？系小朋友能力唔夠，定系家長冇時間同能力繼續提前教落去，跟唔到
作者: HK-MAN 時間: 16-10-21 16:18
philosnow81 發表於 16-10-21 16:14
請教您，您話提早教1-2年最後小朋友都系有機會追唔到小六。通常如果，我意思系如果出現呢种情況，系因為咩 ...
作者: philosnow81 時間: 16-10-21 16:19
HK-MAN 發表於 16-10-21 16:18
佢可能係打個比喻啫..太多原因令小朋友失去學習動機及興趣,請你放鬆啲啦!
...
明
作者: pamelaywy 時間: 16-10-21 16:22
本帖最後由 pamelaywy 於 16-10-21 16:22 編輯
philosnow81 發表於 16-10-21 16:14
請教您，您話提早教1-2年最後小朋友都系有機會追唔到小六。通常如果，我意思系如果出現呢种情況，系因為咩 ...
其實各種原因都有，有的只靠家長全谷，谷得上高小都谷唔上中學，無左阿媽根本靠自己唔掂；亦有大左識反抗，越迫越反，亦有本身資質一般，即係我加減乘除好ok 㗎，但計唔掂初中嘅數
而我個人覺得，小朋友學習態度都幾影響，成日以為自己好勁，學習散漫求其
亦有因為做野太晚，做得功課都八九點，想加強都無時間
作者: Chirley 時間: 16-10-21 16:29
philosnow81 發表於 16-10-21 11:06
多謝您鼓勵。雖然我仔面試失敗，但我相信這呢個系人生入面小挫折。分享小小，回想自己，我當年讀 ...
係呀呢幾年報小一既小朋友出生年份既出生率較高, 競爭係大咖, 順其自然吧。我同阿仔講左我地去果間學校唔收你讀小學呀, 阿仔諗一諗就同我講『咁下次有機會再去玩過囉』, 之後就無野啦~
其實我眼見唔少人因為呢個小一遊戲搞到身心皆累, 我已決定如果真係乜都唔得, 連自行都衰左既咪叩門囉, 再唔得就睇下阿仔小一成績如何再去試插班其他比較心儀既小學囉, 知道有人小買先插LS tim...所以真係唔駛咁灰, 要失落都俾個時間自己算啦...人生路漫長, 盡可能令自己開心d去行條路啦---自己同小朋友都係呀
作者: philosnow81 時間: 16-10-21 16:39
Chirley 發表於 16-10-21 16:29
我無你咁叻讀到碩士 係呀呢幾年報小一既小朋友出生年份既出生率較高, 競爭係大咖, 順其自然吧。我同 ...
呀，千萬唔好甘講，其實無論家長程度如何，關鍵都係靠小朋友努力，家長只不過補充輔助下。我都有想清楚後路，真系去唔到好小學，我亦做好pkan b
作者: JoGoMa 時間: 16-10-21 17:22
philosnow81 發表於 16-10-21 16:39
呀，千萬唔好甘講，其實無論家長程度如何，關鍵都係靠小朋友努力，家長只不過補充輔助下。我都有想清楚後 ...
睇完呢個post 好大反思：係報直私呢件事，自己有冇羊羣心理呢。其實有好多好多人考嘅直私，唔一定比津小好。好深嘅學校，讀到亦唔一定係好事。其實有好多間勁多人報嘅直私，以前都唔出名/唔存在，無乜人'hou', 但依家好成功打造新形象吸引好多人。所以要提自己順其自然。
作者: Queeniebaby 時間: 16-10-21 17:45
本帖最後由 Queeniebaby 於 16-10-21 17:46 編輯
我上年報左兩間俾個女感受下咩係INTERVIEW
兩間都REJECT，我無同個女講，但後來個女問我上次間學校要唔要我呀？
我無諗過小朋友咁上心，直接話無呀，佢竟然問我："係咪因為我唔夠好，D學校唔要我呀？" 我先發現原來打擊小朋友自信同自尊咁大
我本身報埋陳守仁，我決定唔去，因為我知考得深，我唔想個女覺得自己咁差
作者: kkqueendom 時間: 16-10-21 18:25
回覆 philosnow81 的帖子
其實可唔可以選擇唔講俾小朋友聽？只報喜不報憂？我同小朋友好輕描淡寫咁睇件事，有second in的，會同佢講我地過關啦，可以去round 2,如果無second in 既，直情費事同佢講，我唔提佢唔會問
作者: philosnow81 時間: 16-10-21 18:27
kkqueendom 發表於 16-10-21 18:25
回覆 philosnow81 的帖子
其實可唔可以選擇唔講俾小朋友聽？只報喜不報憂？我同小朋友好輕描淡寫咁睇件事 ...
我覺得都需要講，至少我仔會問我，我就會直接講啦
作者: kkqueendom 時間: 16-10-21 18:36
回覆 philosnow81 的帖子
明白，我小朋友考完就唔理，可能一開始我已經同佢講點都一定有書讀，所以佢對考小一唔係太上心，無咩壓力。不過，容我問一句，你將個結果話佢講對佢有咩好處？不是說這樣不對，只是想知原因
作者: kkqueendom 時間: 16-10-21 18:41
另外，我老公有一次竟然起小朋友問真道結果，我小朋友即刻問：係wor,真道我過唔過到關？我立刻話：仲未知呀（其實係reject)不過你有 xxx同xxx就夠了
作者: philosnow81 時間: 16-10-21 18:48
kkqueendom 發表於 16-10-21 18:36
回覆 philosnow81 的帖子
明白，我小朋友考完就唔理，可能一開始我已經同佢講點都一定有書讀，所以佢對考 ...
我覺得小朋友長大過程中一定會面對挫折，我唔想永遠令小朋友覺得世界全部都系美好，都有失敗，唔開心既一面。如同我都會告訴他，所有人都會有老，病同最後離開世界既一天。雖然我都知道有D殘忍，但好過永遠都瞞住仔。當然，我寄做法未必正確，只系我既個人想法啫
作者: mcl203 時間: 16-10-21 19:03
我地當年出生率咁低...都係選擇見完算數
唔會同小朋友講結果...由佢天真D都好
考左幾間佢問過一次...我地答未知喎...放心...父母一定幫你揾到小學實有書讀
其實當時已經揀定收左工...雖則有得亦有部份唔得
直至有一日佢問KG老師問要報告去邊間小學...先叫佢話住XX小學先
我中意小朋友盡量純真D...現實世界遲早都碰到...開心吓先啦
作者: secretrose 時間: 16-10-21 19:04
pamelaywy 發表於 16-10-21 14:31
其實，好多家長有誤解，以為直私in 得收得就唔會讀唔掂，校長甚麼慧眼十數分鐘就可以選出適合嘅學生，其實 ...
絶對認同。
作者: abby0624 時間: 16-10-21 19:05
mcl203 發表於 16-10-21 19:03
我地當年出生率咁低...都係選擇見完算數
唔會同小朋友講結果...由佢天真D都好
考左幾間佢問過一次...我地答 ...
我都鐘意小朋友純真啲，小朋友世界應該以快樂為主
作者: philosnow81 時間: 16-10-21 19:18
分享一篇文章：樂樂今年五歲，最近他家中一隻年老的哥基犬去世了，由於哥基犬從樂樂出生開始就一直陪伴在他身邊，加上他的父母長期都要應付繁忙的工作，所以樂樂對這位好朋友的「消失」感到非常傷心。除了容易哭泣和變得容易發脾氣外，亦對狗狗依依不捨，常常問爸媽到底牠什麼時候會回來，以及是否因為自己「不乖」，最近少了帶狗狗去散步，所以才令牠死了。然而，樂樂的父母卻對解釋死亡這個話題感到難以開口。
有些孩子在經歷家中的寵物死亡這件事時，情況可以與至親逝世非常相似，他們會感到震驚和恐懼，並失去安全感，繼而出現焦慮和傷痛等問題，甚至是其他負面情緒及行為。有家長也許會認為談「死」這件事有點敏感和忌諱，而且孩子尚小，未必能清晰明白死亡的概念。此外，他們也擔心這個話題會對子女的心靈造成創傷，所以迴避他們所問有關死亡的問題，或是只給出模糊的答案例如「他上了天堂」或「去了遠行」。
其實有研究指出，孩子從1歲左右開始已經有「分離」的概念，當他們與關係親密的人分開時，便有機會出現緊張不安或是哭泣的情況。而在4至5歲時，他們會開始知道死亡代表著生命的結束，但未必完全明白，可能會覺得死亡並非是永久的，或與自己無關。直到約7歲的時候，孩子會開始了解死亡是怎樣的一回事，漸漸明白死亡是不可逆轉的，而且所有生物始終都會有生命終結的一天。
當孩子接觸到死亡時，家長應陪伴在孩子身邊以提供適時心理支援。孩子哭泣是他們表達悲傷情緒的途徑，因此不要要求他們壓抑這種行為，同時亦應鼓勵他們說出自己的感受和擔憂，分享對寵物的感情，讓他們對摯友說再見。若子女持續情緒低落，亦可考慮分散他們的注意力，例如陪他們玩耍，或一同外出進行親子活動等等。死亡是每個人一生當中無可避免地要面對的事情，若家長對之避而不談，只是在切斷和孩子之間的溝通，若他們在體會這個悲傷經歷的過程中得到父母的陪伴，並一同去面對和處理，便正正能給孩子上了「生命教育」中重要的一課
作者: kkqueendom 時間: 16-10-21 19:30
回覆 philosnow81 的帖子
對於死亡，我很早已跟小朋友講過了，佢在3歲時已以識到什麼是死亡，佢係堅明白，那陣子佢每晚都會哭，哭得很傷心，說很怕我會死，我跟佢說人終會一死，如我死後你可以寫信給我，可以彈琴給我，之後佢哭得更厲害，於是我找了些繪本跟他解釋，搵專家講座給佢聽，佢個心就似乎釋懷左d,不過到而家一講起死亡，佢依然係會害怕，不過佢似乎已慢慢接受
作者: pirudi 時間: 16-10-21 19:52
philosnow81 發表於 16-10-21 09:36
從真道開始，到陳守仁，聖方濟各，英華等等，小朋友全部冇second in。今日早晨，我一次性將所有結果話仔仔 ...
Sorry to hear that. 其實我覺得如果考直私可以安排在統一派位後，心理負擔會低好多...
作者: philosnow81 時間: 16-10-21 19:54
kkqueendom 發表於 16-10-21 19:30
回覆 philosnow81 的帖子
對於死亡，我很早已跟小朋友講過了，佢在3歲時已以識到什麼是死亡，佢係堅明白， ...
看來我真系太殘酷，因為我當時直接告訴仔，死就代表一個物質或者動物，生命永遠消失，即使他有野同我講，我都聽唔到。仔有哭過，過幾日，返來同我講，他想做醫生，因為可以令我慢D老，遲D死。結果就到我哭啦。
作者: Chirley 時間: 16-10-21 20:59
philosnow81 發表於 16-10-21 19:18
分享一篇文章：樂樂今年五歲，最近他家中一隻年老的哥基犬去世了，由於哥基犬從樂樂出生開始就一直陪伴在他 ...
當然佢知道係死左, 佢明白人死左後就永遠唔能夠返黎, 但真係對死亡一知半解,
有時會問幾時見返爺爺呀 (因我地一齊住所以佢地感情好深),
又時又問下爸爸『爺爺SEND MESSAGE俾你呀』
雖然當初我地都係同佢講爺爺去左天堂, 有日會重聚...
但慢慢都會俾佢知咩叫『死亡』, 我地連性教育都係3歲左右開始了...
當佢半個大人去傾計...還好我老公係全職湊仔既, 佢地既感情又好好...
都有留意到阿仔既情緒變化等問題...
好多時會教佢『唔得都唔緊要既, 再黎過囉』,
所以今次幫仍報3間都唔得, 佢既反應都係差不多『下次再去玩囉』
作者: cloudwingwing 時間: 16-10-21 21:16 標題: 回覆樓主:
我小朋友好似唔係好明什麼是面試，完全唔關心收唔收，就算同他講邊間邊間學校唔收都無乜反應，他這種遲鈍是好事還是壞事?
作者: jkhn1234 時間: 16-10-21 21:30
cloudwingwing 發表於 16-10-21 21:16
我小朋友好似唔係好明什麼是面試，完全唔關心收唔收，就算同他講邊間邊間學校唔收都無乜反應，他這種遲鈍是 ...
我仔跟你小朋友一樣，佢只有問「港同」收吾收佢
反過來諗，小朋友還有一份童真、未有需要承受這份壓力。活得自在，未嘗不是一份好事
我仔也是去左13 間，Reject 左6 間
我享受這次同仔經歴
今次失敗、不代表永遠失敗。大家繼續努力。
作者: wonglily 時間: 16-10-21 21:46
不要氣餒，只一直努力，仍然可以入到好嘅學校。
作者: kkqueendom 時間: 16-10-21 21:47
回覆 philosnow81 的帖子
我小朋友當時可以用恐懼黎形容，佢無接觸過死亡，唔知點解佢咁大感受，我不得不正面回應，仲要搵專業意見Tim,
作者: rabbitbaby1 時間: 16-10-21 22:15 標題: 回覆：報左5間直私全部失敗，仔好失落
其實來來去去都係果幾百個小朋友hold住10個8個offer
作者: philosnow81 時間: 16-10-21 23:10
Chirley 發表於 16-10-21 20:59
我老爺係我仔唔夠兩歲時就走左,
當然佢知道係死左, 佢明白人死左後就永遠唔能夠返黎, 但真係對死亡一知半解 ...
我老公都全職湊
作者: Queeniebaby 時間: 16-10-21 23:13
我個小朋友日日都等信箱睇下有無信，最後有間直資寄信來REJECT，佢唔識睇晒封信講咩，我就扮間學校有OFFER，話呢間學校話要你喎！！！！不過媽咪覺得呢間學校唔岩你，我就同學校SAY NO囉
佢開心左兩日......
原來佢地係好在意的
作者: philosnow81 時間: 16-10-21 23:27
Queeniebaby 發表於 16-10-21 23:13
我個小朋友日日都等信箱睇下有無信，最後有間直資寄信來REJECT，佢唔識睇晒封信講咩，我就扮間學校有OFFER ...
妳真的好愛妳既小朋友，
作者: 6903658 時間: 16-10-21 23:28
回覆 Queeniebaby 的帖子
好warm！
作者: philosnow81 時間: 16-10-21 23:29
經過一天，仔心情好返，仲安慰我，唔緊要，仲有大抽獎嘛，我有20分哦。真係覺得小朋友好可愛
作者: philosnow81 時間: 16-10-21 23:31
Queeniebaby 發表於 16-10-21 23:13
我個小朋友日日都等信箱睇下有無信，最後有間直資寄信來REJECT，佢唔識睇晒封信講咩，我就扮間學校有OFFER ...
我老公同仔講，面試＝打機ko波士，ko唔到表示對方boss太勁，唔係妳問題，有的打boss已經好犀利啦，仔仔便好開心話，以後想打多D大怪獸
作者: Queeniebaby 時間: 16-10-21 23:33
philosnow81 發表於 16-10-21 23:27
妳真的好愛妳既小朋友，
每次IN，我就會完左送份小禮物俾佢，如你考得好，再有2ND IN同3RD IN，咪再多D禮物囉，佢好受呀
今年考6間,5間都有2ND IN，我已覺得佢超額完工，未有OFFER，而家就開始靠我啦
作者: Queeniebaby 時間: 16-10-21 23:34
6903658 發表於 16-10-21 23:28
回覆 Queeniebaby 的帖子
好warm！
作者: philosnow81 時間: 16-10-21 23:35
Queeniebaby 發表於 16-10-21 23:33
今年真正IN啦我會見到佢知發生咩事，又好盡力去IN
每次IN，我就會完左送份小禮物俾佢，如你考得好，再有2N ...
恭喜呀。我就結束所有直C，直接等津貼學校自行結果，希望入到就好。我唔追名校
作者: Queeniebaby 時間: 16-10-21 23:36
philosnow81 發表於 16-10-21 23:31
我老公同仔講，面試＝打機ko波士，ko唔到表示對方boss太勁，唔係妳問題，有的打boss已經好犀利啦，仔仔便 ...
但我就會好真實話佢知，而家係考學校，考小一，佢絕對係知唔係一件玩既事，你要好認真去面對
作者: Queeniebaby 時間: 16-10-21 23:38
philosnow81 發表於 16-10-21 23:35
恭喜呀。我就結束所有直C，直接等津貼學校自行結果，希望入到就好。我唔追名校
...
作者: philosnow81 時間: 16-10-21 23:38
Queeniebaby 發表於 16-10-21 23:36
都岩既，咁去形容，會RELAX好多
但我就會好真實話佢知，而家係考學校，考小一，佢絕對係知唔係一件玩既事， ...
甘我都有話卑仔知，只不過仔失敗後，我地會比喻卑仔聽，失敗如同打機，唔需要太難過。
作者: 積奇百事 時間: 16-10-21 23:39 標題: 引用：Quote:Queeniebaby+發表於+16-10-21+23:33+
原帖由 philosnow81 於 16-10-21 發表
恭喜呀。我就結束所有直C，直接等津貼學校自行結果，希望入到就好。我唔追名校
...
| 歡迎光臨 教育王國 (/) |
Powered by Discuz! X1.5 |