教育王國
標題: 小一要罰企冇得小息 [打印本頁]
作者: santakit 時間: 16-10-15 23:11 標題: 小一要罰企冇得小息
小一開學個幾月來，聽到老師要小朋友罰企冇得小息(只是欠交一樣功課)，真係另人擔心。。
吾想個學校環境係噤negative....
(二線津小)
作者: siden 時間: 16-10-15 23:52
我唔係贊成老師咁做。
但既然已經讀了，唯有適應。
順便教育子女應有的責任。
基本上。
唯有做好自己，才讓人入不了位去糟質你。
香港的教育
作者: aptcan 時間: 16-10-15 23:52 標題: 回覆：小一要罰企冇得小息
第一次欠定已欠幾次，如覺得不合理，就跟學校反映吓。
作者: 粉紅虎 時間: 16-10-15 23:56
santakit 發表於 16-10-15 23:11 
小一開學個幾月來，聽到老師要小朋友罰企冇得小息(只是欠交一樣功課)，真係另人擔心。。
吾想個學校環境係 ...
欠交功課系唔啱， 但用這方式罰剛升小一的學生，唔系咁合適， 始終仲細， 要正面教導欠交功課系唔啱。
樓主擔心很理解，咩小學都唔關事， 系老師問題。
作者: santakit 時間: 16-10-16 00:22
粉紅虎 發表於 16-10-15 23:56
欠交功課系唔啱， 但用這方式罰剛升小一的學生，唔系咁合適， 始終仲細， 要正面教導欠交功課系唔啱。
樓 ...
多謝大家安慰。。我個心好吾舒服。。
應該是第一次欠交功課，我感覺是老師係吾係都罰左先，因為應該有其他學生都有罰。。
但我最吾開心吾係罰d咩，係學老師噤negative，
我覺得應該用鼓勵的方法motivate學生做好，吾係用罰來罰到佢怕先做好。
我讀的是二線津小，同學來自五湖四海，可能都有部分有d行為問題，但我都吾想見到有同學成日比人罰(聽過有學生一連兩個小息冇得放，即是直踩到lunch time..)，有問題老師如可包容循循善誘，一次吾得講多次，講多次吾得講十次，我覺得人既心可以被溶化的，個小朋友見到老師噤好，自己都會自動自覺盡力做好吧…
我驚在噤既環境攪到冇motivation,冇creativity,避動， 怕事怕差， 擔心小朋友形成性格問題，一直延續去到青少年時期，到成人時性格已定，改吾到的了。。
我真係吾想噤樣讀六年。。
作者: santakit 時間: 16-10-16 00:41
santakit 發表於 16-10-16 00:22
多謝大家安慰。。我個心好吾舒服。。
應該是第一次欠交功課，我感覺是老師係吾係都罰左先，因為應該有其他 ...
小朋友近日放學反來，學老師的語氣同我講(佢pretend佢係老師，我係學生): " 同我做好晒d功課呀，邊個冇做我就罰架(惡惡地噤) "
我吾想噤樣囉…
小朋友又同我講 "呀×××(同學名)，佢成日吾交功課架，老師罰佢冇得放兩個小息呀" 。。我吾想小朋友去標籤人地囉，我想佢有同理心，會諗下那個同學有咩需要，去諗下點樣幫助嗰個同學，有同情心地感受下別人的處境，如果是發身在自己身上會點，學下感同身受，諗下自己可以點幫人囉…但係佢而家好似學左去厭惡他人噤。。我係吾想囉
真係讀幼稚園噤耐都冇呢d,一上小一嗰個幾月就學到呢d野，真係好吾願意好擔心。。
作者: s.andp 時間: 16-10-16 06:29
提示: 作者被禁止或刪除 內容自動屏蔽
作者: 1998Ruby1998 時間: 16-10-16 07:02
我覺得這個算是輕罰，小懲大誡，讓小朋友知道欠交功課不是一件可以忽略的事。相信老師也會賞罰分明。一個小息大概只有15分鐘，不是很長的時間。當然我也理解家長擔心愛子深切。
我以前讀一線津小，雖然大部份同學都是乖孩子，卻樹大有枯枝。欠交功課的話老師不單止罰企整整一節課（35分鐘），還會罰午膳不能出課室和打電話給家長。我們也經常回家和父母說“誰不交功課／不帶書被罰”，卻也沒什麼大礙，我們還是一樣一起玩。如果我們看到老師仁慈不罵人的時候，我們還會佔便宜不交功課，反正也不會有懲罰。
太多愛心教育不是件好事，讓小孩子儘早明白什麼事老師不能容忍而去避免做那些事情。我以前的老師對欠交欠帶很嚴格，但是教學生做功課或是課後訓導可是很細心。
既來之，則安之。既然選擇了這間學校，如果被罰企，便當買個教訓，勸小朋友不要再犯，後果自己承擔。難不成每當遇到不如意的環境，我們要替孩子去改變嗎？倒不如讓孩子自己學會適應環境。何況這位老師可能只教一兩科，也不會跟著孩子六年這麼多。
作者: santakit 時間: 16-10-16 08:55
1998Ruby1998 發表於 16-10-16 07:02
我覺得這個算是輕罰，小懲大誡，讓小朋友知道欠交功課不是一件可以忽略的事。相信老師也會賞罰分明。一個小 ...
我覺得家長同老師吾係個小朋友，好難真係感受到個小朋友既感受，切身處地響個小朋友角度感受下，比人噤罰係一個好大既impact，想像下自己孤身一人在一個新的環境，咩都吾識，做錯一件事就有人出來要罰你，真係好negative 。。想像下如你反大學第一日講d野比個professor笑，都會即刻吾敢講野吧。。。何況係啱啱上小一，點解吾比d心理準備小朋友呢？ 比人罰個種impact感受好深(因為第一次)，會記憶得好深，驚積積埋埋入左去潛意識，影響日後性格。。(灰.…)
作者: flower9 時間: 16-10-16 09:14
提示: 作者被禁止或刪除 內容自動屏蔽
作者: santakit 時間: 16-10-16 09:17
flower9 發表於 16-10-16 09:14
針唔拮到肉唔知痛，我想樓主也是借個位舒發下，好明白你的感受，可惜現實環境係咁......我都好無奈，唯有睇 ...
多謝您。。我都明現在只可以'辛'。。
作者: 1998Ruby1998 時間: 16-10-16 09:41
回覆 santakit 的帖子
當年小一九月彌撒日，我被代課老師拿走了手冊被班主任覺得我為了不被責罰而撒謊，小五的時候被班主任認定我偷了她的筆，記大過和見家長。中一的時候被老師污衊我破壞課室的燈而將操行降至B-，數學老師更因為我不懂的題目太多而當眾撕爛我的作業本，至今所有我都歷歷在目。但是我父母完全沒有投訴或是什麼，同學也沒對我怎麼，沒有討厭排擠我，我也沒有討厭數學或是那個老師。我每年的成績表 Remark 還是：Active and Cheerful。今年我自己一人去英國讀大學，什麼事都要自己處理，還因為我漏交了 Ethic Form （我沒有收過此表，也沒有指示叫我遞交） 被 Professor 當眾取笑了我罰了我站在 Department 門口掛著名牌 “I will not hand in Ethnic Form late again”。我讀英文系，根本沒有來至香港甚至亞洲的學生，可是我現在和同學混得挺熟，我和她們也沒把此事掛在心上，Professor 沒有特別對我怎麼，前幾日誇獎我論文寫得不錯，也肯教我，同學還會主動約我去圖書館。在這些情況下我也是沒有準備過啊，我倒覺得不算很 negative。小風浪都經不起，日後怎麼辦呢？我倒覺得回首一看，12 年的蒼疤，經歷了反而讓我對人生有另一番體會。我雖然剛成年，Professor 已經說我比普遍的 18 歲年輕人成熟得多。
現在才十月，孩子還只是一年級，日子漫長，為什麼不再看看才下定論？有些老師喜歡一開始便殺雞儆猴，罵人毫不保留，有些老師細心溫柔，儘管有多錯也不會罵學生。問問孩子是否每一個老師都是這樣子，他和其他同學有沒有不和被罰的同學一起玩耍。性格不只是受一個人影響，而那位老師只是他生命中一年的過客，只要專心上課，交齊功課，老師自然不會責罰。
作者: IloveJJ 時間: 16-10-16 10:24
提示: 作者被禁止或刪除 內容自動屏蔽
作者: IloveJJ 時間: 16-10-16 10:28
提示: 作者被禁止或刪除 內容自動屏蔽
作者: siden 時間: 16-10-16 10:35
罰冇小息其實好小事。
我女以前嗰班成日全班只因一少撮人曳罰全班冇小息，冇嘢食至多可去廁所。
我自己聽完算數。
作者: tantanmama 時間: 16-10-16 10:57 標題: 回覆：小一要罰企冇得小息
有時孩子冇我地想像中咁脆弱，放輕鬆點。
作者: santakit 時間: 16-10-16 10:59
1998Ruby1998 發表於 16-10-16 09:41
回覆 santakit 的帖子
當年小一九月彌撒日，我被代課老師拿走了手冊被班主任覺得我為了不被責罰而撒謊，小 ...
你好叻哦！
但你噤細，所以吾太明我嘅苦惱，小朋友可以好似你噤叻就好囉，向左好嗰邊，但一個人既性格特質，可以向兩邊發展，可以向好嗰邊，亦可以向壞嗰邊，我諗係會吾自知既亦都不是噤控制到，我驚噤既環境吾知佢大大下變左咩樣麻。。。
而且又要反工，放工要跟小朋友功課，而家發覺仲要做consultation 要將佢收到既negative訊息用positive既訊息襟反 ，好似對抗緊一舊負能量噤，驚真係又攰效果又吾好，又同學校好似理念吾同，點家校合作呢？ 真係吾知點好。。但心底裡真係吾認同學校嗰套麻。。
作者: santakit 時間: 16-10-16 11:05
IloveJJ 發表於 16-10-16 10:24
細路仔，尤其是男仔，邊會咁易溶化呀！你火滾到熔佢都未溶呀！
有啲細路，係要罰先得架，罰無小息好小事 ...
哈哈哈…噤又係
但我見到我鬧佢時，佢係個好似個腦停左噤，我諗鬧同罰吾係大刺激到大腦思考，我prefer講道理。。
作者: brother4 時間: 16-10-16 11:05 標題: 回覆：小一要罰企冇得小息
現小朋友不像之前D，較脆弱，要留意有否有異!小朋友忍去廁所及飲水，對身體冇益，冇交冇做寫手冊便可，不明還要罸企?罰企完又寫手冊，又回家被家長駡!真不知現今小學興罰企?
作者: IloveJJ 時間: 16-10-16 11:14
提示: 作者被禁止或刪除 內容自動屏蔽
作者: babywoman 時間: 16-10-16 12:06
啱, 家長當小事, 正面開導小朋友就好.
現今小朋友 太脆弱, 某程度 上,我覺得是家長造成的.
做錯咗就要受罰,好正常. 我仔小一小二時都經常被 罰企,因為佢在上堂時與同學傾謁, 幼稚園時老師非常有愛心地包容, 覺得愛聊天是小朋友的天性, 但上到小學, 1對30 , 如果不惡啲 ,成堂唔駛教書, 講紀律得了---我係 咁同仔講的. 我仲 反問仔, 如果你係老師, 會點?
我仔小一至小三 ,一般開學嗰個月, 都有欠交幾次, 唔係 欠拎書,就係做完啲功課帶咗揾唔出,交唔到. 老師會好惡, 應該都有罰抄, 罰小息之類的, 我話仔, 唔想被 罰, 自己做好啲 ,咁冇人會罰你. 今年小四, 至現在未試過欠交, 亦未被 罰.
我地出到社會, 會遇上不同的同事及上司, 不可能每個都正面相處, 如果遇到委屈時,遇到 不公平對待時, 我地點處理? 估計是由小開始被訓練的吧?
幼稚園 升上初小, 會有不同的適應 ,家長這個時候確是要好好與小朋友一起克服 .向好向壞 ,全在家長.
作者: siden 時間: 16-10-16 12:48
本帖最後由 siden 於 16-10-16 12:56 編輯
IloveJJ 發表於 16-10-16 11:14
其實小朋友點諗，係視乎父母點諗。1998Ruby無野，係因為佢父母都無野。我仔小一時都遇過唔like佢既老師， ...
Deleted
作者: siden 時間: 16-10-16 12:56
本帖最後由 siden 於 16-10-16 13:26 編輯
babywoman 發表於 16-10-16 12:06
啱, 家長當小事, 正面開導小朋友就好.
現今小朋友 太脆弱, 某程度 上,我覺得是家長造成的.
IloveJJ 發表於 16-10-16 11:14
其實小朋友點諗，係視乎父母點諗。1998Ruby無野，係因為佢父母都無野。我仔小一時都遇過唔like佢既老師， ...
我同你諗法一樣。
其實我老公係果啲，仔女被罰第一件事就話老師嚴厲果種人。
我通常鬧小朋友之餘，連老公一拼鬧埋。既然已經俾老師責罰，就唔好浪費機會，好好教導小朋友，係佢自己做錯事先俾人罰，要改過。下次唔好再衰係老師手上，就可以唔使被罰。在小朋友跟前話老師，就變相幫小朋友搵藉口減輕罪責。所以就算老師真係罰得過龍，我都好反對老公係小朋友面前𠵱𠵱哦哦。
作者: Jane1983 時間: 16-10-16 13:50
聽楼主形容，老師做法唔算過份，講野亦唔係刻薄。就算轉校，亦未必更好。
作者: bobbob 時間: 16-10-16 14:32
1998Ruby1998 發表於 16-10-16 09:41
回覆 santakit 的帖子
當年小一九月彌撒日，我被代課老師拿走了手冊被班主任覺得我為了不被責罰而撒謊，小 ...
作者: retriever 時間: 16-10-16 16:24
IloveJJ 發表於 16-10-16 11:14
其實小朋友點諗，係視乎父母點諗。1998Ruby無野，係因為佢父母都無野。我仔小一時都遇過唔like佢既老師， ...
正面！
作者: santakit 時間: 16-10-16 18:21
bobbob 發表於 16-10-16 14:32
大學都罰企？英國邊間Uni嘅professor咁有guts？
個professor真係好有guts, 如果佢真係要人企響道吾比走，可以告佢非法禁固喎。。哈哈。。
其實有感學校老師"教育"方法過時。。要罰可吾可以罰得高明d, eg罰人講十句鼓勵同學準時交功課既野之類etc，吾好係有個intent去hurt人嗰d。。(香港人對人講野好mean,我都覺是個環境教出來) 香港既老師可吾可以吾好濫用d"罰"，是有需要先用，吾係係吾係都用， 可吾可以多d專重"人"，小朋友人仔細細，但都是"人"，有思想有感受有權利的。。
作者: haihaimom 時間: 16-10-16 20:35
Jane1983 發表於 16-10-16 13:50
聽楼主形容，老師做法唔算過份，講野亦唔係刻薄。就算轉校，亦未必更好。 ...
同意，已經係小學生，交齊功課係學生既責任，小一第一個月可以包容啲，但冇帶冇做學生就要學習自己面對個後果，小朋友要成長，唔再係幼稚園生，只要老師冇insult個學生，就冇問題。我仔學校冇做功課就冇小息，要去第二個課室補做，做錯事都係冇小息要去靜思區，我覺得好合理。
作者: santakit 時間: 16-10-16 23:04
我諗諗下, 我好似諗到D野,
我可能覺得同學校吾啱FEEL, 會吾會同人的氣質有關
可能是我心裡面吾想小朋友培養到某種氣質
作者: little_yolky 時間: 16-10-17 13:28
brother4 發表於 16-10-16 11:05
現小朋友不像之前D，較脆弱，要留意有否有異!小朋友忍去廁所及飲水，對身體冇益，冇交冇做寫手冊便可，不明 ...
作者: lightingchung 時間: 16-10-17 13:32
siden 發表於 16-10-16 10:35
罰冇小息其實好小事。
我女以前嗰班成日全班只因一少撮人曳罰全班冇小息，冇嘢食至多可去廁所。
啱啱我囡全班被罰無小息(emoji)
作者: brother4 時間: 16-10-17 14:20 標題: 回覆：little_yolky 的帖子
原來是冇小息不用企，留班房內咁可接收。
作者: oho1 時間: 16-10-17 14:29
s.andp 發表於 16-10-16 06:29
放輕鬆，做錯事接受懲罰，企一個小息而已，我會教育自己小朋友做個負責任的人
怕小朋友標籤，如果小朋友成 ...
在家可能是7星伴月金波羅...在外只是三數十個其中之一個豬波羅! 
Take it easy !
作者: oho1 時間: 16-10-17 14:47
santakit 發表於 16-10-16 08:55
我覺得家長同老師吾係個小朋友，好難真係感受到個小朋友既感受，切身處地響個小朋友角度感受下，比人噤罰 ...
But... for a university student...she should know what's meaning by "「知恥近乎勇」" !
作者: oho1 時間: 16-10-17 14:51
1998Ruby1998 發表於 16-10-16 09:41
回覆 santakit 的帖子
當年小一九月彌撒日，我被代課老師拿走了手冊被班主任覺得我為了不被責罰而撒謊，小 ...
作者: 200904 時間: 16-10-17 15:14
衹要老師賞罰分明，不是情緒話，不是對人不對事，就好。
作者: mama122909 時間: 16-10-17 16:12
好小事，debriefing重要啲
作者: domoguse 時間: 16-10-17 20:44
我就覺得
小朋友應該學習承擔後果
長大先會係個有責任感既人
你可以同返佢講
快樂不是無條件的
要做好學生的責任，先可以開心咁過校園生活
如果個個欠交功課老師都只係「鼓勵」佢做
咁就日日都有好多人欠
到時上堂就變左追功課堂，小朋友咪仲學唔到野
作者: kaatt 時間: 16-10-17 23:29 標題: 引用：小一開學個幾月來，聽到老師要小朋友罰企冇
原帖由 santakit 於 16-10-15 發表
小一開學個幾月來，聽到老師要小朋友罰企冇得小息(只是欠交一樣功課)，真係另人擔心。。
吾想個學校環境係 ...
唔好意思，樓主這個post令我想起自己童年。
作者: fishcowcow 時間: 16-10-18 04:00
講開我又講下我仔間小學啦, 我仔今年小一, 讀一間一線尾二線頭既津水, 我仔係偏活躍型, 即係會傾計, 郁身郁勢, 心急個款, 開學個多月都比人罰企過多次了, 不過暫時我聽返, 都係罰企5-10分鐘, 有一次佢無帶普書, 俾老師罰企了5分鐘, 自個次後佢特別著緊要記得帶普書...其實我覺得小朋友諗法是否負面, 家長都可以掌控, 我會同佢講, 因為佢做左啲唔岩既野, 老師先罰, 其實老師好錫你地架(我相信老師總有讚賞他們的時候), 要將老師既"好"放大, 將"罰"放輕, 我仔被罰完, 依然好鍾意啲老師, 因為話老師會同佢地玩遊戲, 昨晚佢仲無喇喇問我, 佢地班既老師係咪全級最好
作者: mch411 時間: 16-10-18 08:56
我亞仔學校簽欠交就ok,
要欠交十次先警告一次
因為有時派漏功課, 和同學仔掉轉左,
太多因素影響小朋友欠交
作者: ALK 時間: 16-10-21 22:36
mch411 發表於 16-10-18 08:56
我亞仔學校簽欠交就ok,
要欠交十次先警告一次
因為有時派漏功課, 和同學仔掉轉左,
本帖最後由 ALK 於 16-10-21 22:38 編輯
十分同意！
另，樓主，明白你的！既然老師選擇用呢個方法，咁鼓勵孩子的角色，你要take多D！
作者: skkeung 時間: 16-10-23 06:58 標題: 引用：小一開學個幾月來，聽到老師要小朋友罰企冇
原帖由 santakit 於 16-10-15 發表
小一開學個幾月來，聽到老師要小朋友罰企冇得小息(只是欠交一樣功課)，真係另人擔心。。
吾想個學校環境係 ...
作者: little_yolky 時間: 16-10-26 13:11
siden 發表於 16-10-16 12:56
我同你諗法一樣。
其實我老公係果啲，仔女被罰第一件事就話老師嚴厲果種人。
作者: hayleyhoho 時間: 16-10-27 09:45 標題: 引用：回覆+santakit+的帖子
當年小一九月彌撒日
原帖由 1998Ruby1998 於 16-10-16 發表
回覆 santakit 的帖子
當年小一九月彌撒日，我被代課老師拿走了手冊被班主任覺得我為了不被責罰而撒謊，小 ...
作者: 1998Ruby1998 時間: 16-10-27 16:11
回覆 hayleyhoho 的帖子
我父親高中前一向不管我學業，所有沒有反應。媽媽當然是先入為主，覺得是我惹起事端，所以罵了我整個星期。我媽媽是60 年代出生，教育方式與現今的不同，我長大了自己想通了，也不怪她。
作者: ewatsang 時間: 16-10-27 17:10
我仔都試過小息罸企... 佢話被班長習名喎。又話昨天老師講, 從今開始, 欠xx 就要小息罸企... 欠一樣就罸一個小息, 唉 !!!! 我無話仔呀, 只叫佢小心執書包同做功課咋。
作者: bananaGi 時間: 16-10-29 09:44
santakit 發表於 16-10-16 00:22
多謝大家安慰。。我個心好吾舒服。。
應該是第一次欠交功課，我感覺是老師係吾係都罰左先，因為應該有其他 ...
唔識教既老師，唉。轉校
作者: santakit 時間: 16-10-29 21:40 標題: 回覆樓主:
多謝大家既回應!
我好小接觸其他家長，吾知道原而家小一是這樣的，原來罰企冇小息呢d係噤普遍的，我仲以為教育處已經ban左吾比罰企添。。但我似中覺得噤教大outdate了。。我以前聽下talk呀d講者呀。。d learning center d老師呀，都冇聽過要罰來罰去的。。。所以我完全有d驚訝個都師噤對d學生。。
可能是普通津小，d老師年紀大d, 佢噤多年來做開都係噤啦。。而且噤最方便快捷啦。。而且都是反分工。。
我都明白要適應及自己做d野neutualize 反d 吾好既effect... 但又要我傷腦筋了。。都吾明點解竟然係噤。。只好努力啦！
作者: dclm 時間: 16-10-30 12:38 標題: 回覆樓主：
本帖最後由 dclm 於 16-10-30 12:43 編輯
罰小息咁小事都唔得，究竟要點教先得
我認同要鼓勵小朋友
但功課就係功課，責任就係責任
鼓勵應該係佢做之前，唔係無做之後
唔通佢大個做錯野，係鼓勵佢做好？
獎罰應該要分明，只獎唔罰，長此落去仲點教
從另一角度泥睇，呢d唔係罰，係拎走佢想要ge野，教育心理學都係教要咁做。
除非事前無講話無做會罰，或者老師係有情緒咁做，有用說話人生攻擊小朋友，係針對人，咁就唔可以接受
作者: abinayams 時間: 16-11-5 18:20
santakit 發表於 16-10-16 08:55
我覺得家長同老師吾係個小朋友，好難真係感受到個小朋友既感受，切身處地響個小朋友角度感受下，比人噤罰 ...
作者: santakit 時間: 16-11-5 23:18
abinayams 發表於 16-11-5 18:20
為人父母咁灰，諗得咁負面，小朋友唔灰都難啦！點解唔掉轉講：你真叻，返左幾個月先第一次比老師罰，我細個 ...
明白你的道理，我都發覺原來好多家長都有類似你的睇法，似乎都有大家的道理，否則吾會噤多人認同。
噤講吧，如果我可以比個提意學校，我希望有"罰"的同時，學校係可以有方法另d交齊功課的學生有高度的滿足感，另學生日日都好期待交齊功課嗰種良好感覺就好了。用呢種感覺擊來drive學生。 (吾希望反學是感到戰戰兢兢，交齊就鬆口氣的感覺。。)
其實我都盡量比d happy感覺佢，成日講話好期待默書，好想試下自己識吾識d字噤。。
但吾好意思， 我覺得比人罰吾多吾小都會灰啦， 只是我們由細到大被教育到襟住d"灰" 咋嗎麻，好多時d動力都吾係來自正面力量，而是負面力量，不過大家都明白外在要act positively所以都還好。。.
作者: dclm 時間: 16-11-6 09:54
santakit 發表於 16-11-5 23:18
明白你的道理，我都發覺原來好多家長都有類似你的睇法，似乎都有大家的道理，否則吾會噤多人認同。
噤講 ...
功課做得好就話鼓勵姐
交齊都要鼓勵？！
呢樣係責任泥wor！
長此落去，小朋友點培養責任感？
同埋個個交齊，老師一日要讚30幾次wor
又咁講，如果日日都比人讚，讚ge作用亦隨之而失去，個個都麻目哂啦。反正個個都讚日日都讚，有咩咁值得希罕同快樂？
除非係sen，交齊同做好本身係好大挑戰，或者家庭背景影響令佢好難做好，否則我唔認同做齊都要鼓勵。
如果一個正正常常ge小朋友，要做齊功課有幾困難啊？大家都係咁做架啦。
最多家長覺得功課量太多，就同學校反映下，不過如果只得你小朋友覺得多，其他人又做到，就要諗下係咪學校唔適合你個小朋友。
作者: mimi1102 時間: 16-11-7 10:12
本帖最後由 mimi1102 於 16-11-7 10:13 編輯
其實我覺得罰冇小息係最少的懲罰, 我女學校欠交, 罰小息去某個課室做番當日欠交的功課. 我唔覺得佢同佢D 同學會有咩bad feeling 或童年陰影. 我女小一時, 頭幾次欠交, 都是因為我, 唔係我唔記得簽名, 就係我幫佢執書包時, 執起左份功課, 我的錯令佢被罰, 我當時仲唔開心, 但大人同細路都要學習同明白, 錯就要認, 唯有提醒自己同小朋友, 以後多加留意.
| 歡迎光臨 教育王國 (/) |
Powered by Discuz! X1.5 |