教育王國
標題: 想問如果BB返E位, 另外半日係返幼稚園, 時間可以點安排? [打印本頁]
作者: bbjoanna 時間: 16-10-12 10:22 標題: 想問如果BB返E位, 另外半日係返幼稚園, 時間可以點安排?
想問如果BB返E位, 另外半日係返幼稚園, 時間可以點安排? 因為我驚訓練完無時間做功課同帶佢出去課外活動, 而且學校有機會離中心遠, 唔該晒大家!
作者: Sask999 時間: 16-10-12 18:14
bbjoanna 發表於 16-10-12 10:22 
想問如果BB返E位, 另外半日係返幼稚園, 時間可以點安排? 因為我驚訓練完無時間做功課同帶佢出去課外活動, ...
其實幼稚園同E位上堂基本上沒有大問題，一個上午另一個下午。當你排到E位後可以再同E位安排時間。
至於E位同幼稚園是否離好遠，你是否能安排時間接送就睇你自己怎麼安排。
作者: chowqv 時間: 16-10-12 18:30 標題: 回覆樓主:
全部係睇時間既安排。
幼稚園功課應該有限；課外活動就改係星期6,日。
作者: bbjoanna 時間: 16-10-14 13:55
但E位另外有家課俾家長, 我想知家課係咪要姑娘黎家訪, 記錄每日同小朋友既訓練進度, 每日在家至少訓練一小時等?因為我見有D媽咪話小朋友一星期要上幾堂, 學校又唔係附近可能要轉幾程車
作者: Sask999 時間: 16-10-14 17:12
bbjoanna 發表於 16-10-14 13:55
但E位另外有家課俾家長, 我想知家課係咪要姑娘黎家訪, 記錄每日同小朋友既訓練進度, 每日在家至少訓練一小 ...
我估你指的家課係家居訓練。
家居訓練又沒有特別要求的，都係盡量做。
家訪係想了解多D小朋友的日常生活，由什麼人照顧。家裏的環境怎麼樣可以幫助小朋友的訓練。
E位可以選擇自己住的那一區。
作者: bbjoanna 時間: 16-10-15 14:58
Sask999 發表於 16-10-14 17:12
我估你指的家課係家居訓練。
家居訓練又沒有特別要求的，都係盡量做。
作者: Sask999 時間: 16-10-15 19:07
bbjoanna 發表於 16-10-15 14:58
同區但要撘車去, 啱啱有媽咪講要錄影小朋友日常生活唔同情況, 再同佢做練習, 不過排到先算, 屋企人又話小朋 ...
我反而覺得要盡量配合小朋友訓練，6歲前如果能追及同齡，同佢將來的發展好重要。
入小學後想追都未必有時間！
作者: KCHK 時間: 16-10-16 17:27
樓主, 如果有要小朋友上訓練又要做足家務呢個直頭係無可能, 如果你做到一定係神級， 通常家居功課係最好日日起碼一次， 仲要係小朋友未必合作， 咁家長要可能花d 時間同佢玩下先做家居功課, 睇你的post 你應該係想E 位同主流幼稚園兩邊走, 又可能想佢星期六或日上課外活動, 你其實係要陪太子讀書, 應該係無時間做其他家頭細務了。你最好同屋企人傾下點樣分配家務及小朋友的訓練， 只係得你一人是好難的。
作者: KCHK 時間: 16-10-16 17:33
另外， 樓主， 無野係一定會進步的， 你屋企實在太高估你及E 位的能力，我見入左S 位的小朋友內通常都係只得一兩個可以讀返主流, 其他的都係入特殊。在有壓力的情況下小朋友係感覺到的， 放鬆d ， 我地的目標應該係在6歲前的黃金機會內盡量能幫助小朋友達到同年齡的要求。
作者: ren 時間: 16-10-17 17:47 標題: 回覆：想問如果BB返E位, 另外半日係返幼稚園, 時間可以點安排
我小朋友k3的時候e位，大概一個月有4堂（@1~1.5小時），st,ot,pt各一加一堂幼兒導師general的訓練，幼稚園返全日，即每星期有一天要早退1~2小時。
最辛苦係要上堂個日，比較頻撲，中心都算近幼稚園，所以我選擇搭的士去，讓小朋友行少d冇咁辛苦。
E位的功課，都係叫家長做番家居訓練，當同小朋友玩“遊戲”，我個時每晚練一至兩樣，每樣練15至30分鐘，有些容易d嘅我會教埋c6，佢幫手練時我就做家務，其實唔太影響日常生活家務……不過……心理上唔多唔少都有壓力，家長要諗方法自己減下壓。
作者: chowqv 時間: 16-10-20 08:34
bbjoanna 發表於 16-10-15 14:58
同區但要撘車去, 啱啱有媽咪講要錄影小朋友日常生活唔同情況, 再同佢做練習, 不過排到先算, 屋企人又話小朋 ...
你果位咩野屋企人？小朋友要訓練，家務不能少，真係煮少一餐飯都唔得？叫佢請工人。
湊住個小朋友，仲要主流，e位咁返，真似好攰，唔幫忙仲要咁多要求，做阿媽好快壓力爆煲。
作者: MyAutisticBoy 時間: 16-10-20 17:51
bbjoanna 發表於 16-10-15 14:58
同區但要撘車去, 啱啱有媽咪講要錄影小朋友日常生活唔同情況, 再同佢做練習, 不過排到先算, 屋企人又話小朋 ...
我諗你要好好同家人溝通一下，最重要的是能幫助小朋友有進步，其他一切都次要。
我仔仔K2排到e位，上午到e位訓練(1個月大約6-8次，每次1-2小時，回家要做練習），下午返主流幼稚園，上了一年，進步很大。
恕我直言，唔煮飯唔會餓死，但錯過了小朋友的黃金時期就追悔莫及。
作者: bbjoanna 時間: 16-10-20 23:26
能夠見到咁多位媽媽表示關心同支持，我好開心，我盡量同屋企人溝通下我知道小朋友黃金時間好重要，所以先會提出去要求評估，最主要係希望可以幫到小朋友，好多謝你地，令我有信心再帶住小朋友前進。
| 歡迎光臨 教育王國 (/) |
Powered by Discuz! X1.5 |