教育王國

標題: 如何讓小朋友專心做功課溫習 [打印本頁]

作者: jadenhayden 時間: 16-10-10 21:17 標題: 如何讓小朋友專心做功課溫習

小一仔, 初初頭半個月, 佢都叫專心做功課的, 但近呢兩個星期, 做做下功課, 又會行黎行去, 一陣又搵下擦膠, 一時又話去洗手間, 總之就係, 寫完一個字, 就要0係屋企兜一個圈, 無心做功課, 鬧又唔得, 兇佢又唔得, 唔通下下要打咩? 做功課做到好勞氣呀..... 有有前輩分享下, 點樣可以教到個仔肯坐定定, 做功課?

作者: Soundervolt 時間: 16-10-10 21:33

jadenhayden 發表於 16-10-10 21:17
小一仔, 初初頭半個月, 佢都叫專心做功課的, 但近呢兩個星期, 做做下功課, 又會行黎行去, 一陣又搵下擦膠, ...

首先要揾出原因，会唔会係功課太深，專注力不足或其他成因。嘗試下用鼓勵及嘉許既方法，打罵只会令小朋友將功課負面化，如果鬧係有用，教養兒女就容易得多。

作者: LeeCC 時間: 16-10-10 21:45

jadenhayden 發表於 16-10-10 21:17
小一仔, 初初頭半個月, 佢都叫專心做功課的, 但近呢兩個星期, 做做下功課, 又會行黎行去, 一陣又搵下擦膠, ...

一回到家，吾好立即做功課，讓他腦袋休息一下，做下運動，玩下積木或玩迷宮遊戲，才開始做功課

作者: bopui0607 時間: 16-10-11 09:00

試下比個合理的時限佢, 做到有獎勵.

作者: 波蘿包1 時間: 16-10-13 00:27 標題: 回覆樓主：

本帖最後由波蘿包1 於 16-10-13 00:28 編輯

剛剛開學時我仔都係因為呢個問題做功課就喊真係差唔多日日做日日喊佢話唔識做我又鬧到佢喊
其實佢唔係唔識做係唔去認真想每次做一個半鍾試過一次兩個鐘過左兩個星期頂唔順要搵方法解決有日嘗試好好聲氣慢慢教唔鬧佢不停贊佢原來係要鼓勵佢完成功課就獎佢睇卡通片玩平板 (唔鼓勵）但阿仔又真係變好左無辦法啦，時間唔好太耐啦，到而家功課約5本半個鍾完成默書90幾心情開朗左
要搵出原因去解決

作者: little_yolky 時間: 16-10-13 08:57

jadenhayden 發表於 16-10-10 21:17
小一仔, 初初頭半個月, 佢都叫專心做功課的, 但近呢兩個星期, 做做下功課, 又會行黎行去, 一陣又搵下擦膠, ...

我細果個又係咁, 俾我打到飛起, 依家小二好乖了, 雖然都係行來行去, 但起碼行完就會自動回位繼續做, 始終都會有做完既一日。不過, 溫書仲係好勞氣, 唔會自動自覺溫書。

作者: HHCCMama 時間: 16-10-13 13:32

Soundervolt 發表於 16-10-10 21:33
首先要揾出原因，会唔会係功課太深，專注力不足或其他成因。嘗試下用鼓勵及嘉許既方法，打罵只会令小朋友 ...

絕對同意！每個人情況不同，要不斷嘗試。

作者: Gary_family 時間: 16-10-15 20:02

提示: 作者被禁止或刪除內容自動屏蔽

作者: santakit 時間: 16-10-16 01:36

波蘿包1 發表於 16-10-13 00:27
剛剛開學時我仔都係因為呢個問題做功課就喊真係差唔多日日做日日喊佢話唔識做我又鬧到佢喊
其實佢唔係 ...

我都覺得鼓勵係好過鬧，就算都係吾專心做得慢，但我有時好聲好氣提佢邊到好似做錯左喎提佢改反，佢竟然答我話真係thankyou晒我，都幾驚喜

有時鬧佢鬧得太過份，佢個人好似完全呆滯左，雙目好似冇焦點噤望住前面，咩都做吾到，都其實仲嘥時間。。但自己情緒真係控制吾到。。EQ低。。

作者: A-Mum 時間: 16-10-16 10:07

有時間陪佢做功課嗎？我個兩個低小做功課時，我會坐附近睇書，佢地有唔識可以即刻問，每做完一份功課可以一齊玩個小遊戲，醒醒神再做下一份。

作者: brother4 時間: 16-10-16 11:09 標題: 回覆：santakit 的帖子

作者: brother4 時間: 16-10-16 11:11 標題: 回覆：A-Mum 的帖子

一般補習社也一樣，能有效提升小朋友動力

作者: 天山雪蓮 時間: 16-10-16 20:44

LeeCC 發表於 16-10-10 21:45
一回到家，吾好立即做功課，讓他腦袋休息一下，做下運動，玩下積木或玩迷宮遊戲，才開始做功課

之後就想瞓覺喎

作者: Olympian 時間: 16-10-17 11:05 標題: 引用：小一仔,+初初頭半個月,+佢都叫專心做功課的

原帖由 jadenhayden 於 16-10-10 發表
小一仔, 初初頭半個月, 佢都叫專心做功課的, 但近呢兩個星期, 做做下功課, 又會行黎行去, 一陣又搵下擦膠, ...

首先坐位要望牆，牆上不要貼任何東西免分心。坐位的位置最好讓他不容易走來。先去洗手間，之後45分鐘不准再去。開始時要坐係隔離。當佢發呆或想走人時，要提佢專心及不要離過坐位。做抄寫功課寫得慢唔緊要，但如果每每寫一個字就發呆或搞搞震，可用下stop watch。另外，如果佢玩野，成日講癈話，玩文具，代表佢想引你注意，咁就要行開做家務，遠距離𥄫佢。再唔聽話，我會小鬧，我會話超過6點都未做完我會收功課，唔准再做，明天你只能冇功課交。或，如果你再唔聽話，咁你去功輔班啦，媽咪去返工。小一時做完功課，我會比佢玩30分鐘平版電腦。另外，不要因為那天早完成功課，就加碼要他做補充，變相做得好反受罰。要不斷灌輸概念：快快做完功課，就可無憂無慮的玩。還有先要有良好的親子關係，他們才不會因為你的小鬧而嬲你。當佢習慣了放學要先完成功課，佢就會自動自覺。還有，慢慢小朋友就會不喜歡你望住佢自做功課，唔識先問你，你亦不用再陪坐。做完替他檢查一下就可。其實最好幼稚園已培養好習慣，小學就輕鬆點。

作者: 波蘿包1 時間: 16-10-27 08:49

little_yolky 發表於 16-10-13 08:57
我細果個又係咁, 俾我打到飛起, 依家小二好乖了, 雖然都係行來行去, 但起碼行完就會自動回位繼續做, 始終都 ...

唔好打佢啦唔識做佢都唔想既

作者: little_yolky 時間: 16-10-27 09:14

波蘿包1 發表於 16-10-27 08:49
唔好打佢啦唔識做佢都唔想既

佢係懶同唔專心呀。不過今年乖咗好多, 所以唔駛打了, 錫多咗。

作者: Yanamami 時間: 16-10-27 09:42

little_yolky 發表於 16-10-27 09:14
佢係懶同唔專心呀。不過今年乖咗好多, 所以唔駛打了, 錫多咗。

三歲定八＋｡我細女由細都自动自觉｡幼稚園時，我係厨房忙紧，嗌出去：好快d做埋功課啦！出边嗌番入黎：做哂啦！書包都執埋啦！到今时今日中－，我都無理过佢d功課，係唔識先会问下我｡
所以打係無用~

作者: little_yolky 時間: 16-10-27 09:58

Yanamami 發表於 16-10-27 09:42
三歲定八＋｡我細女由細都自动自觉｡幼稚園時，我係厨房忙紧，嗌出去：好快d做埋功課啦！出边嗌番入黎：做 ...

你唔好打擊我信心喎, 我見阿細好似漸露曙光咁。

噚日返到屋企, 阿細同我講oral test老師俾75分佢, 我話：吓? 點解得75分, 你講得幾好格, 問咗咩問題(無預先知道)。佢講完, 問題完全係我之前同佢tip中晒(我真係佩服自己連oral題都可以tip中

), 之前都答得到。佢話因為好驚, 讀完篇文章老師讚佢very good, 然後答題, 問佢學校咩名, 佢答 I study in XXX primary school, 點知又多口, 加多一句 I like my school。咁老師順口問點解鐘意, 佢答 It is because........死, 驚, 腦一片空白, 唔知點答(其實一個禮拜前同佢練咗同一題, 佢已經識答果下激死), 跟住......I don't know.............所以, 就咁扣咗一半分。

阿細仲同我講, 媽咪無所謂啦, 係第一次啫。佢以為好似體育評估咁, 衰吓有下次機會。

我同佢講, 阿女, oral test只有一次, 下次就係oral exam了, 無下次機會啦。佢聽到當堂眼仔紅晒(不過忍住無喊), 我見到佢咁, 緊係安慰佢, 但心裡面好開心：今次無死了, 緊張分數了, 即係掂咗, 有得救！

所以你唔好打擊我呀, 我雄心壯志架。

作者: little_kid 時間: 16-10-27 10:48 標題: 回覆：如何讓小朋友專心做功課溫習

我小朋友小二喇，都仲未專心都做功課。佢放學返屋企有二小時休息，食茶點。我有叫佢快啲做完功課快啲有得玩，但每次都留番一半等我返黎先做。叫佢響書包拎功課出來做，佢啲功課好似千斤重，拎極都拎唔到出黎，要我開口鬧先拎到。

作者: little_child 時間: 16-10-28 11:03

小一仲細過, 真係要陪住佢做
佢有唔明就要即問同即教
好難叫佢一個坐定定咁做

作者: stockmike 時間: 16-10-29 05:58 標題: 回覆：如何讓小朋友專心做功課溫習

你面對的問題其實大部份家長都面對緊，旁觀時可以好清醒。埋手做就自己都失控，好多時會講出唔應該的說話及語氣，我覺得專心同成熟程度有関，太強求也不會早熟，只能提他快手完成功課之餘，提醒自己不能動氣，我事後檢討，動氣根本毫無幫助，甚至更衰。

作者: S-Kwok 時間: 16-10-29 19:51 標題: 回覆樓主:

bingo.
無論事前如何提醒自己要說話温和、不要長氣，結果都會是用了無感情的聲音說話又長氣

。

作者: damonmama 時間: 16-11-9 21:48

原來大家面對的情況都一樣⋯⋯我覺得我仔（讀小一）又可愛又乖，除了做功課時。他做功課我簡直想噴火，特別係抄書，極慢！日日被我鬧，請有成功經驗的家長指點下

作者: Rachelmummy2008 時間: 16-11-10 14:42

回覆 damonmama 的帖子

鬧佢無意思的，我女小一也是，佢認為抄係無用，幫唔到佢增長知識。諗辦法吧…要保持學習興趣。
伴讀係最好，打好基礎。
悶嘅功課我會陪佢，佢呻下呻下，我在旁聽住，講下傾下甘，難嘅功課會幫下佢。
孩子測考，我變身啦啦隊，派成績一起歡呼。
加油呀！

作者: virginbaby 時間: 16-11-22 10:13

我都好沮喪,已經坐係佢隔離,但成日發脾氣話唔識做，好好同佢講道理，都係想佢快啲做完有得玩,但偏偏唔使一個鐘既功話做兩個鐘，最後攪到我話唔理佢喇,佢又識做喎，好似同我作對咁。

老師話,學校功輔堂都發覺到佢係叫極都唔想做既,仲叫我如果係屋企都係咁難叫佢完成功課,就由佢欠交,仲建議情況都係咁,第時放學留校做功課。

其實佢成綪唔差架,默書測驗都係85以上-100,就係脾氣差,態度差,懶散。但態度呢樣野好緊要麻...

可以點呢??都唔知點捱......

作者: 每日媽媽 時間: 16-11-25 18:53

Yanamami 發表於 16-10-27 09:42
三歲定八＋｡我細女由細都自动自觉｡幼稚園時，我係厨房忙紧，嗌出去：好快d做埋功課啦！出边嗌番入黎：做 ...

好羨慕

歡迎光臨教育王國 (/)