教育王國

標題: 面試日期時間反映取錄機會？？ [打印本頁]

作者: siumicmic 時間: 16-10-9 20:45 標題: 面試日期時間反映取錄機會？？

本帖最後由 siumicmic 於 16-10-9 22:14 編輯

呢幾日in咗好幾間，問阿女面試做咗啲咩，發覺佢在有啲學校的面試內容同EK得到的資料好大出入，只係做啲好簡單嘅嘢，一啲都唔覺得會睇到個小朋友嘅資質，性格和學術水平。

再睇返大熱學校的面試日期，都唔係第一日，而時間都係午飯前或當日最後一輪。係唔係呢啲日期時間的，反正唔會取錄，所以隨便in吓就算？

其實之前都有睇過啲帖講關於呢方面嘅事，有人覺得陰謀論，我就半信半疑，但經過呢幾日，不由得不開始相信……

發呢個帖唔係怨或呻，只係想大家討論吓覺唔覺得係咁樣(唔會求証到，只可憑感覺)。如果個遊戲真係咁玩，當有學校面試撞時間的話，要考慮埋呢點，唔好去咗一間取錄機會低嘅，浪費咗另一個機會。我唔想下兩個星期六再做錯決定！

大家有無覺得邊間係咁？

作者: 明天更好！ 時間: 16-10-9 21:01 標題: 引用：呢幾日in咗好幾間，問阿女面試做咗啲咩，發

提示: 作者被禁止或刪除內容自動屏蔽

作者: maggiecykwong 時間: 16-10-9 21:03

會唔會係小朋友玩得太開心一時忘記面試時的環節所以覺得考得比較簡單？

作者: kkwish 時間: 16-10-9 21:05 標題: 回覆：siumicmic 的帖子

五歲小朋友多數只講一些佢識做的task, 唔識果d唔會講。或者係咪都話識。

作者: siumicmic 時間: 16-10-9 21:05

我唔係話間間都係咁，我亦無報港同所以唔係話呢間。

作者: iamiris 時間: 16-10-9 21:25

siumicmic 發表於 16-10-9 21:05
我唔係話間間都係咁，我亦無報港同所以唔係話呢間。

咁你覺得边間係，大家討論下

作者: siumicmic 時間: 16-10-9 21:33

我睇咗大家分享各學校面試大概會做啲咩，再問阿女有無做過類似嘅嘢，做過嘅佢會記得。有啲學校真係好多部分佢都話無

作者: iamiris 時間: 16-10-9 21:35

siumicmic 發表於 16-10-9 21:33
我睇咗大家分享各學校面試大概會做啲咩，再問阿女有無做過類似嘅嘢，做過嘅佢會記得。有啲學校真係好多部分 ...

細b?

作者: siumicmic 時間: 16-10-9 22:04

iamiris 發表於 16-10-9 21:25
咁你覺得边間係，大家討論下

我開呢個帖，如果我自己講好似太主觀或被人覺得抹黑某啲學校，如果由其他有同感嘅人講，會比較有參考價值。

作者: JoyceNgYY 時間: 16-10-9 22:42 標題: 回覆：面試日期時間反映取錄機會？？

我自己覺得，某啲受歡迎學校會係有少程度既影響。。。何以見得？某啲順申請編號考既而之後會係網上公佈入圍名單嗰啲(唔洗輸入只係對號碼嗰啲)，唔難發現通常前段號碼比重較多。。。但我又唔覺得係陰謀論覺得佢哋故意咁做。。。有可能純粹係一早報名既大多係有兄姊在讀嗰啲，又或者係上午啲學生表現會好啲等。。。

作者: 甘恩 時間: 16-10-9 22:48

基本直私所考的內容，每個小朋友應該是大同小異，分別不是太大。曾聽過DB面試，如果睇電視越久越無機會，佢哋會揀選有機進入第二輪面試的小朋友單獨面談。

作者: siumicmic 時間: 16-10-9 23:58

本帖最後由 siumicmic 於 16-10-10 00:53 編輯

JoyceNgYY 發表於 16-10-9 22:42
我自己覺得，某啲受歡迎學校會係有少程度既影響。。。何以見得？某啲順申請編號考既而之後會係網上公佈入圍 ...

好多間學校都係由校方編配面試時間，如果學校較重視某類學生，如名幼或同宗教或有聯系嘅幼稚園，又或有兄姊在讀的，或睇父母背境，居住地點等，安排一啲較理想嘅時段俾嗰批學生，咁自然較易有好表現。

而且老師都係人，都會有好狀態嘅時候，如果成日見咗咁多學生，臨收工無咁有心機都好正常。

學校就係知呢個情況，所以唔係要重點面試嘅考生會被編排去較不理想嘅時段。

呢個係我從最近面試經驗得出嘅想法。

作者: AgapePa 時間: 16-10-10 02:02

siumicmic 發表於 16-10-9 23:58
好多間學校都係由校方編配面試時間，如果學校較重視某類學生，如名幼或同宗教或有聯系嘅幼稚園，又或有兄 ...

間間都幾千人考, 學校邊有咁多精神時間攪咁多小動作, 直接加分俾某類學生就得, 使乜攪咁複習

作者: JoyceNgYY 時間: 16-10-10 02:25 標題: 引用：+本帖最後由+siumicmic+於+16-10-10+00:53+

原帖由 siumicmic 於 16-10-09 發表
本帖最後由 siumicmic 於 16-10-10 00:53 編輯

咁你放心，以我自己本人今年經驗，起碼超過一半學校係跟交表之序in的。。。有少數比你自己揀時間的，剩下的才是"抽籤"。。。但呢類學校我多數都係晨早in 的(但我係普通家庭，普通職業，仔仔係細仔，無特別技能，冇cert)。

作者: happytabo 時間: 16-10-11 10:27

如果間學校好多人申請, 咁佢又未必會做多樣嘢再去睇咩學生而編咩時間, 反而我認同每日尾段特別係尾嗰日既尾段係爭dd, 畢竟老師都係人, 經歷咗咁多日額外時間去interview點講都會攰

作者: hamsubbb 時間: 16-10-11 10:33 標題: 回覆：面試日期時間反映取錄機會？？

樓主心理作用

作者: msyoyolam 時間: 16-10-11 10:43

我反而覺得第一日既第一組唔著數

作者: HK-MAN 時間: 16-10-11 10:44

happytabo 發表於 16-10-11 10:27
如果間學校好多人申請, 咁佢又未必會做多樣嘢再去睇咩學生而編咩時間, 反而我認同每日尾段特別係尾嗰日既尾 ...

認同每日尾段老師會攰...但小朋友更加攰而影響表現.冇得講公平與否,幾千人in 學校真係唔易安排..樓主可以話自己唔好彩,但絕對不能話學校唔公平. 若要公平,每日同一時間in 人,我估最快都要3,5,7年先in晒...

作者: lingan 時間: 16-10-11 10:49 標題: 回覆：面試日期時間反映取錄機會？？

"面試日期時間反映取錄機會"最明顯是優才。到3in時，如果係好早，8:15, 8:30呢d，係一定有offer。如果再後d，到9點，好似已經等call waiting list了。(麻煩優才達人Agape pa 指正吓😁）

作者: hohoho~ 時間: 16-10-11 10:55

我覺得時間尾唔多唔少會打折扣，小朋友d 答案通常大同小異
當你第一次聽小朋友d 奇怪創意答案，可能會驚喜
但in 左幾千人後，同一答案聽左幾次，一定會影響判斷力
其實小朋友的答案充滿創意，某程度上源於佢地入世未深，講野冇考慮羅輯問題，所以唯有天馬行空

歡迎光臨教育王國 (/)