教育王國

標題: 求助~~請問如何選擇 [打印本頁]

作者: circlebb716 時間: 16-10-8 01:46 標題: 求助~~請問如何選擇

阿仔2 歲3 個月, 尋日剛剛評估出黎
有自閉症譜係障礙 ,

言語表達最差只有1 歲, 平時鍾意用腳尖行
冇眼神接觸, 唔肯試新野
而家好心急同佢搵密集的訓練

屋企住新界有上網睇過
想請問下面幾間如果 ?

健基, 邁步, 小橡果

有冇人上過? 可以比d意見我嗎?

作者: twinstar_baby 時間: 16-10-9 07:47

我仔同你仔差唔多大，2歲4個月。
我仔直頭係中度至嚴重程度。
排緊特殊學校，我仔返緊n班，醫生話好彩佢有返學，因為對佢真係有幫助，同好彩學校都有到校服務，已經即刻安排喇，下星期去中心到做一次評估，應該10月尾會有治療師到學校同我仔做訓練，希望幫到個仔。
我仔情況都真係差架。一個字都唔識講，淨係e e ah ah, da da, na na...
食飯唔咬，冇眼神，唔明指令，有時會做一d刺激性嘅行為，忽然自轉。
我睇過資料青蔥計劃都幾好，要排。其實間間中心都要排，要盡快安排。
大家都加油

作者: peonybibi 時間: 16-10-9 11:32 標題: 回覆：circlebb716 的帖子

住新界邊區，基建，小橡果都喺九龍，邁步就元朗有。如果沙田有耀能，楊震。天水圍都有楊震。大埔有小童群益。元朗有協康（單對單易有位，大馬路new center).

作者: KCHK 時間: 16-10-9 12:19

其實最好選擇最快讀到呢一間, 因為就算邊一間都好, 都好人夾人緣，導師有辦法搞得掂小朋友的，就最有機會令小朋友進步，我當初都係魚翁撒網咁，排到邊度就上住堂先，我都幾好運，排左3個月就有協康的青蔥計劃，個導師第一次見到我仔只係用左5分鐘就吸引到我仔坐定定同佢玩及聽指令，之前個d 亞仔上其他係會發脾氣話要走的,唔知點解佢好喜歡呢個導師, 所以好睇導師能力及夾唔夾, 所以越快上堂越好。要把握6歲前的黃金時間。

作者: circlebb716 時間: 16-10-16 13:22

KCHK 發表於 16-10-9 12:19
其實最好選擇最快讀到呢一間, 因為就算邊一間都好, 都好人夾人緣，導師有辦法搞得掂小朋友的，就最有機會 ...

黎緊星期一上，希望仔仔都鐘意上啦

作者: KCHK 時間: 16-10-16 16:29

樓主，你上邊度，上咩野訓練呀！如果小朋友喜歡用腳尖行路，上落樓梯有無問題呀？

作者: circlebb716 時間: 16-10-16 16:50

KCHK 發表於 16-10-16 16:29
樓主，你上邊度，上咩野訓練呀！如果小朋友喜歡用腳尖行路，上落樓梯有無問題呀？
...

聽日先上五天密集課，未知成效，鐘意腳尖行，但上落樓梯都冇問題，佢開始識上唔洗人扶住都上到，落扶住都冇問題，我覺得去公園玩，好有成效，行路係平穩左！

作者: KCHK 時間: 16-10-16 17:12

咁落樓梯是否一定要扶住落呀？你有無留意到佢落樓梯的動作是否很順暢呢！（即是兩隻腳交替咁一級一級咁落）如果唔係你個間密集有無物理治療師？我仔用左好耐時間先可以搞掂，如果有這情況都係早d 訓練好(呢d 急唔來, 但要正視) 當佢減少腳尖行路時上落樓梯都容易左咁

作者: circlebb716 時間: 16-10-16 20:06

KCHK 發表於 16-10-16 17:12
咁落樓梯是否一定要扶住落呀？你有無留意到佢落樓梯的動作是否很順暢呢！（即是兩隻腳交替咁一級一級咁落） ...

明白，多謝分享

歡迎光臨教育王國 (/)