教育王國

標題: 不負責任, 離哂普嘅校巴保母(西區上環線) [打印本頁]

作者: EGG_PY 時間: 16-10-6 00:03 標題: 不負責任, 離哂普嘅校巴保母(西區上環線)

阿仔早兩日搭校巴放學,.婆婆因有急事遲左5分鐘到站, 個保母竟然叫我個7歲小朋照落車, 自已企喺條街度等屋企人黎接. 完全無打過比家長. 好彩我仔走去搵人借電話通知我地先搵到佢.
事后我打電話鬧爆佢, 但果位阿蟬仲大大聲同我講你真係搵唔到個仔先講,.又話果度禁區唔停得車, 唯有比個小朋友落車. 佢呢d 咁嘅保母一d 責任心都無, 簡直離哂大普.
打比學校投訢, 又不停強調校巴同學校無合約關係, 只可以勸籲. 話叫我考慮下唔搭校車咁話.
老實講, 如果屋企有人可以日日接送, 我都唔使嘥錢搭啦.....總之一肚氣
.唔知可以點投訢呢d 咁不負責任嘅保母....

作者: bobbob 時間: 16-10-6 00:19

EGG_PY 發表於 16-10-6 00:03
阿仔早兩日搭校巴放學,.婆婆因有急事遲左5分鐘到站, 個保母竟然叫我個7歲小朋照落車, 自已企喺條街度等屋企 ...

係唔係承辦學校路線嘅校巴？如果係學校有責任監管校巴公司嘅管理，學校咁講幾不負責任。一係直接打去校巴公司向管理人投訴。

作者: EGG_PY 時間: 16-10-6 06:36 標題: 回覆：bobbob 的帖子

學校話唔係. 呢類保母車同學校無contract, 但佢地都會勸籲咁話. 又話無佢地校巴公司嘅電話, 因為呢類通常係自僱人士. 講到完全無保障, 都唔知自已個仔交左比d 咩人....

作者: cwymama 時間: 16-10-6 07:22

保母車係有唔妥善嘅地方😊😊但你也有責任，如果有事要遲，是否應先聯絡校車姨姨商量解決方法？因為禁區真係不能停車。冷靜點替人想想，在禁區她能做什麼？在禁區停下車找家長？好好和校車溝通下吧！鬧，並不是解決問題嘅最好方法

作者: 1010mum 時間: 16-10-6 07:58 標題: 回覆樓主:

樓主搭的是校巴還是保母車？看到一頭霧水。

樓主說校巴，學校說是保母車。
樓主是通過學校幫襯這家車公司嗎？
是的話，學校對學生安全，絕對責無旁貸，哪能推得一乾二淨。

禁區不能等，最多把學生送回校內/車公司，叫家長去接回。

作者: little_yolky 時間: 16-10-6 08:35

1010mum 發表於 16-10-6 07:58
樓主搭的是校巴還是保母車？看到一頭霧水。

樓主說校巴，學校說是保母車。

我哋經學校的保母車都講明同學校無關的。同學校投訴, 學校都只可以反映。依家係家長買保母車公司怕, 有咩辦法, 自己搵唔到人接送, 係好受氣架。不過, 正常如果家長遲到, 保母都唔該放底學生, 仲要咁細個, 正常係唔放, 一邊聯絡家長, 一邊繼續其他車程, 最後至送返個小朋友去站頭。

作者: little_yolky 時間: 16-10-6 08:37

cwymama 發表於 16-10-6 07:22
保母車係有唔妥善嘅地方😊😊但你也有責任，如果有事要遲，是否應先聯絡校車姨姨商量解決方法 ...

雖然樓主都有責任, 但係保母見無家長接既情況下, 就咁放底小朋友, 又無再聯絡家長, 係好大問題吧。有咩意外, 邊個負責? 正常禁區唔等得, 都係唔俾小朋友落車, 繼續其他車程, 到聯絡到家長, 再最後放返底個小朋友, 或直接送回學校吧, 有乜理由就咁放底响條街度。

作者: 洋蔥頭媽咪 時間: 16-10-6 08:46

看樓主的回覆，小朋友似乎乘搭緊保姆車，接學童放學盈利少，所以想揾好嘅都未必容易，校巴可能好啲，因跟學校有合約，但保姆車有時一車會接送幾間學校，質素更難保證。
話說回來，停車地點為禁區的確唔能夠等，搭校車一向都係人等車非車等人，如果個個家長有事都遲，站站等，尾站同學幾點先返到屋企 ? 所以家長都要負上好大責任。至於冇人接嘅學生，正常會車返學校，但樓主有冇了解清楚當時情況，小朋友是否向EE表示想落車可以自己等一陣婆婆所以落左車? 因趕開車小朋友就下了車 ? 正常冇人接如果小朋友唔落EE應該唔會趕佢落車，有冇了解清楚先?明白家長擔心同激氣，但你有冇教過小朋友見唔倒家人唔好落車，原車返學校等家人? 你一開口就鬧爆人點去了解，跟車保姆可能操心但其實家長都有責任，再講有部份學校是容許學生自行放學，樓主學校有冇規定 ? 如冇EE比佢落車亦唔奇。我兒學校就有規定初小生須家長接送，高小可自行放學，所以初小冇人接會車返學校，而高小生可決定自行下車 (我地係合約校巴)。不過樓主攪到咁彊，你現在只可以選擇搭或唔搭。

作者: IloveJJ 時間: 16-10-6 08:48

提示: 作者被禁止或刪除內容自動屏蔽

作者: EGG_PY 時間: 16-10-6 09:34 標題: 回覆：洋蔥頭媽咪的帖子

其實我唔係一開始就咁勞氣, 但果位保母完全覺得無問題, 仲話我真係唔見左個仔先算. 真唔明白佢叫得保姆就應盡返保姆嘅責任啦. 我有問阿仔點解會自已落車, 佢話EE 叫. 我都有教佢以后無大人接, 叫都唔好落車. 學校話同保姆車有指引同溝通, 無家長接就原車返學校.
我當然明白保姆車趕時間 (而實則我小朋友果個係尾二站), 一路以黎搭左年幾, 屋企人都無話遲接個仔, 今次第一次就令我大開眼介.
我就完全無計, 唔坐校車都唔知點接個仔返屋企, 但我亦唔會因為咁唔出聲, 費事有下次囉.

作者: gracelam 時間: 16-10-6 10:00 標題: 引用：其實我唔係一開始就咁勞氣,+但果位保母完全

原帖由 EGG_PY 於 16-10-06 發表
其實我唔係一開始就咁勞氣, 但果位保母完全覺得無問題, 仲話我真係唔見左個仔先算. 真唔明白佢叫得保姆就應 ...

個保姆車ee係態度唔好，但搭校車永遠都係人等車，遲到係自己責任。萬一真係要遲少少，下次可以揾定街坊或同站上落搭校車同學嘅家長幫忙睇住一陣。

作者: Jane1983 時間: 16-10-6 10:38

7歲仲細，係唔應該係無家長接的情況下，由得佢落車。

知道幾間校車的做法，都係會留小朋友係車，打比家長再商量點接番。

作者: sorman 時間: 16-10-6 11:10

樓主家人遲到係唔啱，但我唔覺樓主冇認自己有錯喎。

不過點錯定錯唔過校車吧？唔理校車定保姆車，已經犯左疏忽照顧兒童啦，可以報警添。

唔該唔好混淆視聽。樓主有錯但唔好合理化校車姨姨同司機咁做。

上落位冇家人接，係應該打電話俾父母。冇人聽或等唔到係唔俾落車，去下一站先。

你大不了唔喜歡可以後唔接載呢個細路，但唔係就咁趕佢落車。

作者: bobbob 時間: 16-10-6 11:18

EGG_PY 發表於 16-10-6 06:36
學校話唔係. 呢類保母車同學校無contract, 但佢地都會勸籲咁話. 又話無佢地校巴公司嘅電話, 因為呢類通常係 ...

搭街外車學校又真係好難管，但無論如何點都要同褓姆溝通吓，一係車返去學校，總好過擺響街，唔可以漠視小朋友安全。

作者: mch411 時間: 16-10-6 11:22

如果個個站家長都遲五分鍾, 尾站天黑都未返到屋企,
搭得呢D車, 第一日就教定小朋友點應對,
樓主小朋友都算醒, 應該開心至真

歡迎光臨教育王國 (/)