教育王國

標題: 操數重要還是思考重要？ [打印本頁]

作者: jadenhayden 時間: 16-10-4 15:25 標題: 操數重要還是思考重要？

本帖最後由 jadenhayden 於 16-10-4 15:29 編輯

想探討一下，其實你地覺得數學方面，操數重要，還是思考重要？眼見朋友們個個上數學班，勁做練習操數！我就冇咁多資源offer到俾阿仔啦！但有時候，又會擔心，佢會唔會落後呢！另一方面，又覺得操數會搞到小朋友好似機器一樣！咁我諗，上到高小，大概數學再唔係加減數咁可以操到吧！大概思考更為重要吧！都想聽下前輩們嘅意見！其實點樣可以讓小朋友學習數學，學習得好啲呢？

作者: babywoman 時間: 16-10-4 17:28

講我仔. 現小四, 我暫時只會在一年兩次考試前, 通過功課的錯處 ,然後找練習專攻弱點, 平時多數做啱的,就當識了. 條件反射的操練,暫時未出現在我仔身上. 因為仔是足夠時間去完成一份數學卷的.且三四年班的分數暫時也在90分之上

如何思考,其實有時講學習的方法. 解題的角度, 這時老師的角色也重要.
現在仔的數學難題全交給爸爸.他的教學方法比我的更容易令仔明白.

所以,我覺得怎樣操?操多少 ? 如何思考?皆重要.
如果一定要選一個,那就思考吧,中學見真章

作者: brother4 時間: 16-10-4 18:51 標題: 回覆：操數重要還是思考重要？

越上越操數/卷，尤其dse 尾期，不如先考好成績升中，有時間才考國際數比賽，較實際

作者: longlokma 時間: 16-10-4 19:09 標題: 引用：越上越操數/卷，尤其dse+尾期，不如先考好

原帖由 brother4 於 16-10-04 發表
越上越操數/卷，尤其dse 尾期，不如先考好成績升中，有時間才考國際數比賽，較實際

...

agree {越上越操數/卷}, 但dse尾期先操太遲，除非目標不是5**

作者: 1998Ruby1998 時間: 16-10-4 22:47

小學階段先注重思考吧，思考左，就識做題目，就唔洗操啦。反正又唔係考DSE，小學d題目只要明concept就好容易做，最多都係死careless。
同埋，依家就操卷，好容易令小朋友變相唔想用腦思考。到時上到中學，好多課題都係好抽象，考試題目更加係要個同學融會貫通，唔係靠操就可以。
同意“越上越操”，但係依家小學就唔洗咁注重操住。

作者: IloveJJ 時間: 16-10-4 23:10 標題: 回覆樓主:

提示: 作者被禁止或刪除內容自動屏蔽

作者: mansum92 時間: 16-10-5 13:22

jadenhayden 發表於 16-10-4 15:25
想探討一下，其實你地覺得數學方面，操數重要，還是思考重要？眼見朋友們個個上數學班，勁做練習操數！我就 ...

目標係90分的話，重思考就好。如果呈分以100分為目標就要思考完再操。

作者: Yanamami 時間: 16-10-5 13:31

阿女小学時無補习，補充練习係考試前先做下。小学数明就得啦~~唔好話数，其他中英体艺一样，身边有好多同学做紧好多唔同既野，家長要小心衡量，揾小朋友真正需要既野做，唔好見人做又心中把持唔住去跟｡

作者: harryaunt 時間: 16-10-5 17:53 標題: 回覆樓主:

好多時見到個小朋友一份功課有錯，著眼點只放係做錯部份，一緊張就好易把持不定想加練習。

要思考先定操練先，我會先了解小朋友識唔識個concept先，如果concept係啱，只會提佢睇題目或抄寫時唔好大意就得。最緊要欣賞小朋友做得啱嘅部份。

作者: gracelam 時間: 16-10-6 11:57 標題: 引用：+本帖最後由+jadenhayden+於+16-10-4+15:29

原帖由 jadenhayden 於 16-10-04 發表
本帖最後由 jadenhayden 於 16-10-4 15:29 編輯

想探討一下，其實你地覺得數學方面，操數重要，還是思考 ...

我老公中四中五用兩年不斷操數(past paper)，結果會考A maths及maths兩科攞A.

佢話計得多，考試時會比人快一步，剩下時間就可以諗一D難題，同埋仲有時間覆巻。

作者: MrBeast 時間: 16-10-6 12:13

長遠來說當然思考la

歡迎光臨教育王國 (/)