教育王國
標題: 真.入魔(蘇菲) [打印本頁]
作者: elbar 時間: 16-9-24 16:34 標題: 真.入魔(蘇菲)
■網上流傳一份幼稚園英文工作紙,驚現高深詞彙。
練功小心走火入魔,行了岔路傷身又傷心。甚麼是走火入魔?例如,要5歲的小朋友認懂hinge joint、pivot joint和saddle joint等的位置。
有誰可以告訴我,5歲的小朋友為甚麼要學這些東西?為他們鋪路考哈佛嗎?當所有教育專家都提倡,幼兒學習應與實際生活連結,這才能令學習變得有趣、有意義、才能深化,但偏偏有學校認為5歲幼兒學Head and shoulders, knees and toes太淺,應要懂hinge、ellipsoid joints?那下一步是不是要教心臟結構,學right atrium(右心房)、left ventricle(左心室)了?
過份的超前學習,除了讓學校和家長有一份沾沾自喜之外,對小朋友毫無益處,反而將他們天生的好學之心消滅於萌牙狀態,這是無法彌補的。勉強要5歲小朋友記住ellipsoid joints,相信到他們6歲的時候已經忘記得七七八八,但學習又難又無趣的印象卻印在腦中,一旦讓他們害怕學習,那麼未來的路就只會更崎嶇。是愛?是害?自己計一計。
涉事幼稚園的職員又說,那份K3英文工作紙只是興趣班的內容、並非強迫人人要學。言下之意,就是興趣班屬自由參與,若父母有求,那也怪不得學校。是的,一隻手掌拍不響,有需求才有供應,這本來就是市場定律。但若涉及教育、特別是幼兒教育,在一眾願意付鈔、盲目追求「教深學深」卻又對幼兒發展毫無認識的家長面前,幼教界是不是更應緊守專業,堅持對小朋友最有利的學習?賺錢是一件事,但總不能只為賺錢而不顧幼兒的利益吧。
蘇菲
作者蘇菲,有小型飛機師牌的媽媽,拒做直升機家長,讓孩子翱翔。
作者: 73662710 時間: 16-9-25 16:36
这反映了幼儿园師資有很大問題,根本唔知道小朋友需要學甚麼,感覺很垃圾的課程。
作者: skkeung 時間: 16-9-25 18:48 標題: 引用:■網上流傳一份幼稚園英文工作紙,驚現高深
原帖由 elbar 於 16-09-24 發表
■網上流傳一份幼稚園英文工作紙,驚現高深詞彙。
有求才有需!

作者: 小寶貝兒 時間: 16-9-27 10:56
我好欣賞我女既幼稚園老師, 要學人體部份的名稱, 先玩一個遊戲, 將一張超大畫紙鋪係地, 叫一個小朋友訓係上面, 其他小朋友用筆幫佢畫起身體OUTLINE, 每個小朋友都有自己既人體圖, 再教小朋友係自己張圖度寫上HAND, HEAD, KNEE等等, 小朋友記憶深刻又好玩!
之後再貼上扮鬼扮馬既樣係張大圖紙度, 將其當成幼稚園哈囉喂PARTY既裝飾! Party當日小朋友非常興奮地拉住父母, 介紹成果, 呢D咪遊戲中學習囉!
當然, 可能因為開校初期人少少就可以咁樣玩, 但至少佢地有呢份心, 有呢D創意, 總比不停寫工作紙好~
BTW, 我女既幼稚園, 從來冇做過工作紙, 只有日記, My Journal, Book Report!
而學到既野, 比之前一年係英X不停做功課抄寫默書學到既更多更多!
到而家小一, 我女仍然非常喜歡返學, 做功課, 就係幼稚園時引起佢既學習興趣, 令佢覺得學習係一件快樂的事~
作者: 天悅 時間: 16-9-27 23:10 標題: 引用:我好欣賞我女既幼稚園老師,+要學人體部份的
原帖由 小寶貝兒 於 16-09-27 發表
我好欣賞我女既幼稚園老師, 要學人體部份的名稱, 先玩一個遊戲, 將一張超大畫紙鋪係地, 叫一個小朋友訓係上 ...
可否pm是哪間幼稚園呢?

作者: shadeslayer 時間: 16-9-28 13:58 標題: 回覆樓主:
係專業操手問題。医生紙有需求, 医生可以隨便大量供應?
歡迎光臨 教育王國 (/) |
Powered by Discuz! X1.5 |