教育王國

標題: 好開心可以入讀真道 [打印本頁]

作者: miujoey 時間: 16-9-22 16:25 標題: 好開心可以入讀真道

小囡剛今年入讀真道小一, 之前好擔心他升小一是否很難適應, 興幸他好快已經投入了校園生活, 現在每天放學後都跟我說學校發生的趣事, 今天又識了一個新同學, 科學堂音樂堂有幾好玩, 社會老師有幾風趣, 又不停唱學校教既歌仔等, 今早仲同我講鐘意返學, 真的好感欣找了一個間適合他的學校.

作者: lui 時間: 16-9-22 16:40 標題: 引用：小囡剛今年入讀真道小一,+之前好擔心他升小

原帖由 miujoey 於 16-09-22 發表
小囡剛今年入讀真道小一, 之前好擔心他升小一是否很難適應, 興幸他好快已經投入了校園生活, 現在每天放學 ...

可喜可賀！祝他學習愉快.入了一間小朋友喜歡的學校不易。

作者: miujoey 時間: 16-9-22 16:41

回覆 lui 的帖子

作者: littlefaith 時間: 16-9-22 18:54

本帖最後由 littlefaith 於 16-9-22 18:58 編輯

miujoey 發表於 16-9-22 16:25
小囡剛今年入讀真道小一, 之前好擔心他升小一是否很難適應, 興幸他好快已經投入了校園生活, 現在每天放學 ...

真道是一間不一樣的學校，當外界一般學校學生還在備受TSA、默書、操練折磨，真道的學生完全不用擔心這些摧毀小朋友童真、自信的東西，反而天天開心地上學、快樂地從探究中學習、自信地嘗試藝術及音樂創作，這些比什麼入U率、業績更有意義。

六年前，看著我女開開心心地返真道，蹦蹦跳跳地放學。六年後，再到我仔，亦是開開心心地返真道，蹦蹦跳跳地放學。兩個小朋友快樂地成長，自信滿滿應付不同的挑戰，慶幸，選對了﹗

作者: ronlui 時間: 16-9-22 20:04

miujoey 發表於 16-9-22 16:25
小囡剛今年入讀真道小一, 之前好擔心他升小一是否很難適應, 興幸他好快已經投入了校園生活, 現在每天放學 ...

好羨慕，希望小女今年也能有幸被取錄

作者: snoopyman20 時間: 16-9-23 13:54

其實唔係每個小朋友都咁幸運可以讀到一間真正適合嘅小學，間間直私都閒閒地4，5千人考，而考嘅嚟嚟去去其實又係同一班小朋友，然後收嚟收去又係果百幾個小朋友，有offer 果班就會繼續有，因為叻就係叻，咩類型嘅小學都係想搵叻嘅小朋友

作者: sinying520 時間: 16-9-24 00:22

snoopyman20 發表於 16-9-23 13:54
其實唔係每個小朋友都咁幸運可以讀到一間真正適合嘅小學，間間直私都閒閒地4，5千人考，而考嘅嚟嚟去去其實 ...

講得好啱

作者: bigboyenzo 時間: 16-9-25 22:45

提示: 作者被禁止或刪除內容自動屏蔽

作者: littlefaith 時間: 16-9-26 08:49

本帖最後由 littlefaith 於 16-9-27 06:46 編輯

bigboyenzo 發表於 16-9-25 22:45
到現在仲有人認為”叻”係學校揀仔嘅條件.......

其實打從十幾年前丘校時代，揀小朋友的確唔係揀「叻」，係揀有否「真道需要的特質」：獨立、能夠顯示自理能力、好奇心、活潑有陽光氣息、有禮貌、不與人相爭等等﹐學科知識反而是其次。

到咗現在，呢個揀學的原則，大體上仍然不變。

作者: snoopyman20 時間: 16-9-26 09:10

本帖最後由 snoopyman20 於 16-9-26 09:12 編輯

我講果個叻就係泛指呢啲各方面都咁出色嘅小朋友喇

作者: joyjoyparent 時間: 16-9-26 23:42

回覆 snoopyman20 的帖子

真道收的學生, 並非揀萬能學霸, 那些是去dxs 的.
真道是開心學校, 揀d明小朋友性格及明學校理念的家長. 他們相信開心一樣可以學習, 並且學得更好!
他們也會有'家教', 及投入配合學校的學習.

作者: sawly 時間: 16-9-28 08:47

仔仔有幸有offer. 可否請教各位現任真道家長，可否分享多d學校的情況？因曾經聽過真道老師turn over 好高，行政混亂！
亦聽過小一入學時好開心，無咩壓力，但讀到咁上下，所有野會深好多，忙好多！
唔好意思，我有走學校簡介會既，只係我去左好幾間，慢慢開始有d混亂！

作者: miujoey 時間: 16-9-28 15:17

turn over 好高，行政混亂 ? 由於是一年級, turn over 我就不知道了, 暫時都有幾次機會聯絡校務處, 感覺佢地做事好smooth 有交帶, 仲好有禮貌.

通常小1,小2 都是蜜月期, 等佢地學下自理, 獨立主動, 愛上學習返學最緊要, 由於小三閞始有其它科會轉英文教學相信要多d時間適應, 其實真道的成績由其 IB 是非常好, 我相信一定要付出才會有好成績, 又點會無壓力

作者: miujoey 時間: 16-9-28 16:21

對於我們小一媽咪來說, 眼見自己子女要進入人生另一個階段, 由幼稚園 bb 跳入另一個新世界, 好多事情要佢地自己面對了, 小小人仔受的衝擊不少, 家長們都真係幾擔心的, 以我來說, 什麼都不重要, 只要見到他可以開心上學去就安樂曬.
因為眼見其它朋友們子女現在已不想返學, 每日又多功課要開始找補習社, 不禁覺得自己跟小朋友都好好彩入到真道.

作者: juliec87 時間: 16-9-29 13:15

我小朋友依家讀緊, 我會比較bias.  因為真係超級鍾意間學校.  老師turnover 一定有.  間間學校都有.  真道老師大部份都好有愛心, 好錫小朋友.  因為可能好多都比較年輕, 你可以話唔似名校津校咁有經驗, 但佢地真係會搵方法幫小朋友 (我親身經歷).  我地大部分家長都唔係求分數.  德育更仲要.

行政so far 對家長完全無問題.  過去最多人投訴校車安排, 但已經有改善.

小三已經係另一level.  (If you had listened to the talk and known the structure).  課程深咗好正常, 你睇其他學校小三都開始谷.  但老師仍然可以令小朋友讀得好開心.  功課唔多.

作者: miujoey 時間: 16-10-20 16:46

http://cablenews.i-cable.com/ci/ ... F%E9%96%80%EF%BC%9F

作者: miujoey 時間: 17-3-3 10:33

回覆 juliec87 的帖子

對於老師真係要俾10個讚, 有愛心次之餘, 佢地是用鼓勵學生多於罰學生, 我個囡成日講,老師成日都話你地唔識唔緊要, 我會教導你, 唔會鬧你, 觀課時差不多整班同學都會舉手答問題, 但可以見到佢地未必真係答得對, 但佢地係唔怕錯都會勇敢地舉手參與.好投入無壓力.有同學數學測驗成績好低, 老師會叫佢食飯後幫佢, 教番識佢. 呢d先係文明進步的教育方法,唔係一味鬧同罰.

作者: 亮燈 時間: 17-5-31 12:48

miujoey 發表於 17-3-3 10:33
回覆 juliec87 的帖子

對於老師真係要俾10個讚, 有愛心次之餘, 佢地是用鼓勵學生多於罰學生, 我個囡成日講 ...

呢點我好同意，我兩仔以前都係讀真道，阿大試過數學成績唔太好，當時老師叫佢放學留低繼續教佢，而且通知我去接佢，我當時坐係課室，等考師教完至接阿大走，依家阿大係英國讀緊L6，而佢成績最好既科目就係數學，所以我好感謝當年果位數學老師及肯收佢入真道既丘校長。

作者: BCoLick 時間: 17-6-2 09:34 標題: 回覆樓主

請問幾時交大訂同註冊？

作者: pretty05 時間: 17-6-8 15:13

回覆 miujoey 的帖子

想問小朋友係咪要英文能力有返咁上下,, 先讀到 ?

作者: miujoey 時間: 17-6-8 15:40

pretty05 發表於 17-6-8 15:13
回覆 miujoey 的帖子

想問小朋友係咪要英文能力有返咁上下,, 先讀到 ?

我囡小一, 同學多來自英幼所以英文無問題, 我囡不是英幼但K2開始找NET補開英文都OK跟得上, 當然亦有同學是跟不上,成績表都不合格, 我就不知原因了. 但要有心理準備英文深,小一用英國出版小二書.

作者: miujoey 時間: 17-6-8 16:27

另外英文堂全英對答, 不可說中文

歡迎光臨教育王國 (/)