教育王國
標題: 個人認為17/18 k1報幼稚園家長可以輕鬆面對 [打印本頁]
作者: rmwong888 時間: 16-9-19 16:30 標題: 個人認為17/18 k1報幼稚園家長可以輕鬆面對
阿仔係馬仔, 2014年3月出世, 今年要幫阿仔報k1, 前幾年聽D家長及新聞都話幼稚園學位不足競爭大, 聽到都為有D擔心, 到今年要自己親歷其景, 所以在網上搜集左D資料, 分析下係咪今年都要爭親死, 理性分析後覺得今年冇想像中咁大競爭, 而且可以輕鬆面對, 以下係一D資料及觀點, 大家有咩睇法?
自從2011及12年高峰後(雙非龍B)(http://www.immd.gov.hk/publicati ... e/appendices-11.htm), 2013-2015 每年出生率由9萬多已回落至平均約6萬的平均數 (http://www.immd.gov.hk/publicati ... /appendices-11.html), 即使2015/2016不讀K1的細龍B都應該大部份在今年16/17開始上k1, 影響唔到17/18的K1學位, 如果以2013年當時估計全港k1學位有8萬個 (http://orientaldaily.on.cc/cnt/news/20131006/00186_001.html), 加上過去3年為了應付2011-2012高峰期而新增的幼稚園學位, 今年全港估計都多出近2萬多個學位. 估計名校名區競爭依然高, 相反其他正常學校或地區, 各家長可以輕鬆點面對, 尤以北區家長更加可以放鬆點, 因為2011-12年每年多出果35000 BB, 大部份是雙非B, 相信他們當年為方便上學多數想在北區讀K1才令北區學位超級緊張, 很多學校為應付需求由全日變半日, 加開班加建校之類, 個人認為今年北區依然有奇景出現, 但不是數千人排隊攞表報名, 係數十間幼稚園收生不足, 半日制變回全日制, 甚至因收生不足減費或長遠考慮結業.................
情況應該跟藥房做生意一樣, 一條街做開得一間藥房, 本來生意都係好好架啦, 店員都幾好禮貌, 突然間自由行令生意大增, 一時間應付唔到, 最快出現的情況係排隊搶貨, 然後老板未知是否需求一直持續, 短期缺貨, 之後便加價, 過多一排見生意依然繼續上升, 決定入貨開多間姐妹店係同一條街, 生意做到唔停, 之後外人見佢咁好搵, 又係旁邉開間加入競爭, 由於一時間店員需求大增, 二三流D人都請返來做, 整體服務態度愈來愈差................. 點知自由行(假設)一刀切停左, 生意需求大減, 供應超多, 選擇亦多, 好賣的貨依然有本地需求撐住, 二三線貨即時要hard sell 做速銷..........過多一排需求不變, 好快要收檔...............
作者: connie.chungkp 時間: 16-9-20 13:08 標題: 回覆：個人認為17/18 k1報幼稚園家長可以輕鬆面對
17-18行新學卷，可能會有比較多蛇b等17-18做超大b
作者: mandy_ng207 時間: 16-9-20 13:55
經過呢幾年爭學位的經歷，宜家d家長最少報5-6間K，第一輪收生一樣爭崩頭。尤其我地呢d細B，第一輪多數無份，只可等call waiting 
作者: 已刪除用戶 時間: 16-9-20 14:13
connie.chungkp 發表於 16-9-20 13:08 
17-18行新學卷，可能會有比較多蛇b等17-18做超大b
有學校已宣布唔參加新學劵，有學校突然由無變有，大洗牌喇
作者: PurinBB 時間: 16-9-21 13:03
現在幼稚園大多11月份面試，可能心儀的又會撞時間，其實是否需要報多幾間呢？
作者: zmw1031 時間: 16-9-23 02:17 標題: 回覆：個人認為17/18 k1報幼稚園家長可以輕鬆面對
你講下笑就好了，千其唔好誤導人⋯⋯d名幼邊一年唔係過千人爭百幾兩百個學額？係人都想嘗試入名幼，當然經濟要先允許～至於你話適齡人數少咗競爭少咗，係少咗，不過係d二、三線嘅學校少咗咯。若有得揀，有offer你都未必去讀啦
作者: rmwong888 時間: 16-9-23 14:00
zmw1031 發表於 16-9-23 02:17
你講下笑就好了，千其唔好誤導人⋯⋯d名幼邊一年唔係過千人爭百幾兩百個學額？係人都想嘗試入名幼，當然經 ...
咩二三線唔係幼稚園咩? 講到冇人想入敢...................唔係人人都只是想入一線的
作者: echan0117 時間: 16-9-23 15:23
我個細馬b, interview 絕對同大 b 冇得爭, 好難唔擔心呀
| 歡迎光臨 教育王國 (/) |
Powered by Discuz! X1.5 |